العمار ..هل فقدت الأمن والأمان.....؟؟

بسم الله الرحمن الرحيم
ان لله وان اليه راجعون
توفي الي رحمه الله تعالي الامن بن الطمآنينه بن السكينه بن الشرطه بن الداخليه
اخو كلا من العدل و الحق وشرعيه وانفاذ القانون
والوفاه بسبب ان الناس مش عاجبها تطبيق القانون عايزينه يطبق بالشوكه والسكينه
والدفنه تمت من زمان ولا عزاء للجهلاء الي ماشين بمبداء خلف تعرف
والبقاء والدوام لله

قال تعالى : (( ضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فاذاقها الله لباس الجوع والخوف بما كانوا يصنعون ))
( فكفرت بأنعم الله ) أي : جحدت آلاء الله عليها
اللهم احفظ كل بلاد المسلمين من كل سوء ورد المسلمين إلى الإسلام ردا جميلا

هو حاجة من اتين يانتو بتتكلمو عن بلد تانية
يأما أنا اللى مش من هنا
طول عمرنا واحنا عرفين ان فى منحرفين وفى سرقة
وبلطجية ..................................صح
وعادى جدا ان البنت لما تكبر وتبقى عروسة متخرجش بالليل
ولو خرجت هتلقى ألف واحد محترم يسألها راحة فين دلوقتى
ولا احنا مبئاش ورانا حاجة غير اننا نذم فى البلد
يعنى خلاص مافيهاش حاجة حلوى نتكلم عليها
دول بتوع البطنية بيقولو احنا أحسن ناس والله عيب علينا
وامياى بيقولو احنا بلد العظماء
وانتم بتقولو احنا بلد من غير تربية من غير امان وبنسب ابهتنا
مش كفايا بقى ولا ايه مافيهاش حاجة نفتخر بيها
أنا عماراوى وأفتخررررررررررررررررررر واللى مش عاجبه ينتحررررررررررررررررر

احمد القماح كتب:

ياريت يا استاذ احمد يبقى الاسلوب فى الكلام احسن من كده
الموضوع واضح
لافيه غلط ولا ذم ولا شتيمه ولا اى كلام من الى انت بتقوله ده
ولو فى غلط فى الموضوع هتلاقيه فى ردك انت

لاوالله انا اللى اسلوبى مش كويس
عموما اقرا الرد كويس وشوف انا شتمت مين وفى ايه
دا انا مش عاجبنى الشتيمة واضح انك مش مركز اوك
هستناك تعتذر واضح

حضرتك دا كلامك مش حضرتك بتأكد أن مافيش امان ولا بتنفى الكلام عموما الكلام موجود دلوقتى فعلا مبقاش فى امن ولا امان وكلام الاستاذ باهر أكيد مفيش امان لأن مفيش تربية صح
وعلى فكرة محدش من بره البلد بيجي يسرق او
يعاكس حد او ينصب على حد او ...او
احنا اللي بنعمل كل ده
يعنى كلامكم مش كلامى
ودا المفروض انى بطلب منكم نتكلم عن البلد كويس على الاقل احنا مش اقل من امياى
ولا هيا هيصة وكله عايز يظيت يامان ياريت نعترف بأخطائنا

لا تعليق 0000000000 العمار

اي حاجه في اي حاجة ما حدش فاهم حاجة

والله الاخ ميشو بيتكلم صح

ايه ياشباب احنا هننسى الموضوع وهانتخانق مع بعض بدل ما نفكر فى حلول واقتراحات تساعدنا فى حل المشكله وع العموم انا شايف انى اللى احنا كنا فيه كانت نزوه وعدت والحمد لله بلدنا رجعت زى الاول بس احنا اللى لازم ننسى اللى فات ونفكر فى اللى جاى

ايه ياشباب احنا هننسى الموضوع وهانتخانق مع بعض بدل ما نفكر فى حلول واقتراحات تساعدنا فى حل المشكله وع العموم انا شايف انى اللى احنا كنا فيه كانت نزوه وعدت والحمد لله بلدنا رجعت زى الاول بس احنا اللى لازم ننسى اللى فات ونفكر فى اللى جاى

ما لكم تتحدثون وكأن كل شيء ما زال على حالته وفقط مسألة الأمن والأمان هي التي تغيرت
ماذا بقي من الزمن الجميل على حالته حتى نتحدث فقط عن الأمن الذي فقدناه وهل العمار اليوم هي عمار الأمس ؟ كم عدد سكان العمار اليوم ؟ وكم عدد سكان العمار منذ 20 عاما؟ من البديهي والطبيعي يا سادة أنه كلما ازداد العدد كلما زادت نسبة الانحراف والسرقة والجرائم المختلفة التي لم نكن نعرفها إلا على نطاق ضيق هل العمار التي نعرفها ببيوتها المنحصرة داخل الكتلة السكنية الهادئة هي العمار اليوم التي تولد منها العشرات من العزب التي ليس لها حصر وامتدت الى كامل الأراضي الزراعية وأصبح تعداد سكانها عشرات الأضعاف أتذكر العمار حين كنا نعمل في الحقول وعلى مسافة بعيدة سواء كنا في الاصالي او حتى في ظهر التمساح ولا أبالغ إذا قلت في البلاد المجاورة ايضا ويكون هناك مأتم مقام كنا نسمع القرأن بوضوح شديد وصوت الآذان بصوت الشيخ صالح النجار رحمة الله عليه وكأننا متواجدين داخل المأتم لأن الحياة كانت هادئة ولا يوجد ضجيج ذلك العدد الهائل و تلك المباني الخرسانية التي حجبت كل شيء ناهيك عن ضجيج الدي جي والسيارات والموتسيكلات الخ كنا إذا حدث شيء بالناحية الأخرى من القرية كنا نسمعه دون مكبرات صوت وفي حينها حاليا أتحداكم إذا سمعتم ماذا يحدث بالشارع الخلفي أو حتى بنفس الشارع ولا أبالغ إذا قلت بل عند الجار لأن الآن أصبح كل واحد منا يغلق شقته على نفسه ولا يعرف شيئا عن الآخرين
الخلاصة أنه لم يظل شيئا على حالة حتى نتكلم فقط عن الأمن الذي فقدناه فقد فقدنا الكثير ومع زيادة التعداد والزحمة لابد أن يتولد الكثير وهذا من الطبيعي لتطور كل شيء ولكن يبقى لنا دور فمن منا الآن يحاسب أبناؤه على التأخير حتى الصباح خارجا أين المراقبة الأسرية كم من الشباب انحرف نتيجة السهر خارجا دون محاسبة أو مراقبة ؟ كم من الشباب انجرف مع أصحاب السوء ونحن غافلون كم من بناتنا أصبحن يتأخرن مثل الشياب وكأن هذا شيء طبيعي ومسلم به وتركنهن يلبسون كما يشاؤون دون محاسبة أو مراقبة وابتعدنا عن ديننا وقيمنا وأخلاقنا قبل أن نتحدث عن الأمن والأمان أيتها الاخت العزيزة لابد أن نبحث في أسباب ذلك وما الذي أوصلنا إلى هذا الحد من فقدانه أرجو ألا اكون أطلت عليكم مع تحياتي
ابن العمار - مغترب