م/أحمد عبد المجيد ...وتعرفينى ازاى ؟

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة] انت بتقول اييييييييييييييييه

الله عليك يا أ/ أحمد
تسلم يا فنان

أيه الجمال ده ياهندسة
جاااااااااااااااامد جدا
ربنا يبارك فيك يارب

قصيدة تحفة بجد

متميزة جدا

بالتوفيـــــــق

قصيده متميزه وجريئه وننتظر المزيد

أحمد عبدالمجيد الهيو يكتب:وتعرفينى إزاى؟

السبت، 20 مارس 2010 - 15:33

[ندعوك للتسجيل في المنتدى أو التعريف بنفسك لمعاينة هذه الصورة]

وتعرفينى إزاى

وإنتى محاوطانى
يا قاطفة الحلم من نومى
وطيف الورد
يانجومى..

يا لابدة ف كل تكوينى
حرارة الضمة تكوينى
ياشاهرة السيف ف شرايينى
وتقطعى خوفى
يا جرأتى وكسوفى

أنا صوفى..
وبتصوف ترانيمك
وبترنم صدى صوتك
أنا بطرب بتنغيمك
ياغنوتى وموالى
خلطت العشق بأحوالى
برشرش ف الفضا فنى

وأنا ف الفن..
سيريالى
رسمتك صورة..
طبق الأصل
م الواقع

أنا واقع ف نن عنيكى
من جوه
ولأضم حبنا
بقوة
كتبتك ف الحياة
حوا
تكلبش ف الخلود وتعيش

أنا درويش..
وبتدروش على كفوفك..
يمين وشمال
ف بحر التيـِه
أنا رحـّال
لقيتك ف الهوى عنوان
افتحيلى الباب

ده أنا ف الحب إنسان

وتعرفينى إزاى
وإنتى إللى ساكنانى

التعلــــــــــــيقات

تعليقات

1

رائع

بواسطة: أحمد عبدالعزيز
بتاريخ: السبت، 20 مارس 2010 - 15:55

من نجاح لأخر يا شاعرنا الشاب الجميل

نص رائع عانقنا فيه شاعريتك وابداعك

وننتظر منك المزيد والمزيد

2

حلوة وجميلة

بواسطة: هادى جمال
بتاريخ: السبت، 20 مارس 2010 - 15:57

كلامك الزجلى دا معناه عالى جدا يا استاذ احمد ..
طيب اشاركك فى مشاعرك الجياشة دى واقولك عن كلمات لسه خارجة منى دلوقتى....

غــــــــــــــــــــزة...

ياما نفسى اجيلك وتشكيلى واشكيلك
تترمى فى حضنى ومن دمى اديلك
ومن مية النيل فى صحراكى واسقيلك
ومن قلبى اللى حبك اوصفك واغنيلك
وتدوم عشرتنا وتجينى واجيلك
حبيتك وبحبك وافديكى يا غزة
ياللى اخدتى من قلبى كل المعزة
انا مصرى عربى غزاوى اصيل
وانتى وسامى ورمز العزة
بحنلك وغصب عنى فراقك
وكل يوم بيزيد فيا اشتياقك
هاجيلك ووقتها خدينى فى حضنك
دانا حبيبك واكبر عشاقك
تعالى شوفى عينيا اللى دابت بكائك
ولسانى اللى ما سكت لدعائك
دانا منك زيتونة فى غصنك
موجود على الشجرة فى وسط بهائك
افديكى افديكى وبيكى مجنون
وبتحريرك يا غزة انا مديون
اجيلك واشيل الهم عنك
وامسح الدمعة من الجفون
انا طير وطاير جايلك فرحان
ايوة جايلك وبالامل مليان
بسرح فى عشقك وبعروبتك بفخر
ولتحريرك يا غزة انا عطشان
فداكى روحى يا اغلى الاماكن
ياللى حبك فى قلبى ساكن
معايا الامل هييجى النور
وهيتمحى من على جبينك الضلام الداكن
نور الحب .. نور الاعمار
نورالحرية اللى الظلم اضناه
هقولك كلمة ومستنيكى تكمليها
لا اله الا الله

3

نص جميل

بواسطة: محمد علاء الدين
بتاريخ: السبت، 20 مارس 2010 - 22:50

نص
جميل أوي يا أحمد ... أحييك عليه وعجبني فيه ياقطفه الحلم من نومي وطيف
الورد ... وانا في الفن سريالي رسمتك صوره طبق الأصل م الواقع عجبتني جداً
المفارقه في البيت ده

4

كلمات رائعه

بواسطة: أحمد صلاح هلالى
بتاريخ: الجمعة، 26 مارس 2010 - 17:16

تسلم ايدك يا هندسه
بسم الله ماشاء الله على اولاد العمار
رائع ومن تميز الى تميز ان شاء الله...

5

الله يا هندسة

بواسطة: Ahmed Mansour
بتاريخ: الجمعة، 26 مارس 2010 - 17:30

نص رائع وألفاظه جميلة جدا

6

ما شاء الله

بواسطة:حنين
بتاريخ: السبت، 27 مارس 2010 - 07:59

جمييييييييييييييييل جدا جدا لحد بكرة الصبح النص يا باشمهندس

بجد تطور هايل وحاجة تشرف فعلا

بالتوفيق

7

Baher Hokkam

بواسطة: Baher Hokkam
بتاريخ: السبت، 27 مارس 2010 - 08:59

ايه الجمال ده ياهندسة
ماشاء الله عليك
بس الصورة جامده ههههه
بجد انت احساسك عالي جدا ومعدي
ربنا يبارك فيك يارب

8

KaMMa7

بواسطة: KaMMa7
بتاريخ: السبت، 27 مارس 2010 - 11:23

تسلم ايديك ياهندسه
دائما مبدع

زائر

هايل والله يااحمد ربنا يوفئك

الله عليك ياحمد بشوف فيك فروق جويدة فى بدايت حياتة وحنا مستنين الدوان الجديد بتاعك ندئات الى العالم الصامت

اكيد اكيد اكيد حسام عبد العاطى ليه اكبر فضل عليك فى كتابتك للشعر
كفايه انه احتضنك فى مجلسه الثقافى

انتا عندك حاجات احسن من كده بكتير بس شكلك عاينها للاهرام او الجمهوريه هههههه
يا عم ورينا المواهب ما تخافش مش هنحسدك

الله عليك يابوحميد

جميل اوى اوى

شكرا جدا

والقصيدة موجودة بمنتدى الشعر والنثر العمارى من فترة

أشكركم

كنت ممن شرف بالمرور على هذة الرائعة الشعرية الحسية

بارع يا عم احمد وسابق جيلك

ودماغك عجباني قوي قوي

» احمد عبد المجيد ويلكم باك.....
» الجميل أحمد عبد المجيد يتألق فى اليوم السابع ..تسمحيلى اخدك بعيد
» أحمد عبد المجيد" كل سنة وأنت طيب"
» أدخل وبارك عبد المجيد بقى مشرف
» احمد عبد المجيد..الف الف مبروك ياهندسه.