الرشوة في بلدنا

دفعت رشوة قبل كده؟
بلاش رشوة يا سيدي خليها إكرامية
ها
ما ترد

كرمشت أو طبقت أو غمزت؟

إبرز تنجز
إب بالمعلوم
شخلل جيوبك
قدرني أقدرك
أبجني أأبجك
و سلكلي أسلكلك
يعني خليك سلكاوي ما تبقاش عبيط و فتح دماغك شوية و كله هيبقى في السلكان


مصطلحات غريبة بنسمعها في كل لحظة
مش هتعرف تخلص مصلحة و لا شغلانة إلا لما تدفع
و رمي الجتت و البلاوي اللي بتتحدف عالواحد من غير سابق إنذار و لا إحم و لا دستور
تلاكيك عمال على بطال و الصح يبقى غلط و الغلط بقدرة قادر يبقى صح طالما دفعت المعلوم

زمان كان مصطلح الرشوة بمنظور آخر
منظور لذيذ ياريته يعود بدل البهدلة اللي احنا فيها دي
كانت الرشوة بتتقدم من واحد ليه مصلحة علشان مصلحته تخلص بسرعة أو علشان يخلي الموظف يتغاضى عن عيوب أو نواقص هتعطل الحركة أو توقفها خالص
فكنا بنلاقي الموظف الغلبان هو اللي بيقع في خية الراجل اللي بيرشي و يستسلم بعد عدة إغراءات و ياخد الرشوة

دلوقتي للأسف الرشوة في مجتمعنا مفروضة علينا
و بقت حق مكتسب في كل حتة
هتدفع على راسي من فوق
مش هتدفع مصلحتك هتقف و هعذب أهلك وأوقفلك المراكب السايرة وابقى قابلني

البلاوي في بلدنا كتير بس البلوة دي بالذات بقت خلاص وباء منتشر بطريقة بشعة و رخمة وأمر واقع صعب الهروب منه

بجد موضوع مميز جدااااااا

وفعلا الحكاية دى بقيت منتشرة اوى

وبيتهيقلى مفيش حد ما حصلش معاه موقف ذى ده

بس هو وقتها مش بيسميها رشوة هو ممكن تقول بيدفع علشان مصلحته تعدى

يعنى ممكن أدفع فلوس لعامل فى الكلية علشان يخلصلى ورق بدل ما افضل رايحة جاية [ندعوك للتسجيل في المنتدى أو التعريف بنفسك لمعاينة هذه الصورة]

بأديله مواصلاته وشايه وسجايرة يعنى [ندعوك للتسجيل في المنتدى أو التعريف بنفسك لمعاينة هذه الصورة]

بس بجد موضوع غاية فى الاهمية

تسلم ايدك يا ليدر

فعلا بقت مفروضه علينا اكن ده واجب

تحس ان الناس عاوزه تقبض من ناحيتين بيقبضوا من شغلهم ومن الناس اللى بتخلص مصالح

وغير كده بيعتبروه جزء من الراتب بتاعهم

مش بعيد كمان سنتين ولا حاجه تلاقى الناس بتقول الرشوه قلت يا جدعان عاوزين الحكومه

تزود الرشوه حبتين ،، عجبى

تسلم على الطرح يا عم اسلام [ندعوك للتسجيل في المنتدى أو التعريف بنفسك لمعاينة هذه الصورة]

اللي انتي قولتيه ده يا بوكي مثال عادي جدا
حاجة مش مفروضة عليكي بشكل جبري
ياريت يكون الحال كده
يعملك مصلحة و تديله اللي فيه النصيب
دلوقتي فيه تسعيرة و لو قلت ما تتنفذش مصلحتك
واتطورت في بعض الهيئات لنسبة مئوية
و المشكلة ان فيه حاجات ماينفعش نقول فيها لأ مش دافع
دلوقتي الموضوع بقى صريح جدا و بتتقال في الوش تدفع كذا أعملك كذا
و فيه حد أدنى للقيمة يربطها بمصالح وأرزاق و احتياجات الناس

يا عم اسلام دع الخلق للخالق [ندعوك للتسجيل في المنتدى أو التعريف بنفسك لمعاينة هذه الصورة]

ده اسمه تحسين دخل مش عاجبك متدفعش واشتكي وابقي قابلني

وكلام واحد محام

أوعي حد يدفع رشوة لموظف عشان يقوم بعمل القانون أوجبه عليه

طالما أوجبه القانون اذا لم يؤدي عمله قم بتوريد شكوي رسمية لرئيسه بالواقعة

رئيس مين يا جدع انت
صباح الفل
طيب لو كان بيقسم الرزق آخر النهار مع رئيسه هتعمل ايه سعادتك

قال يعني انت يا فتك ما بتكعش ليل و نهار
ده انتو أكتر ناس بتكع
عند اللي ماسك ملفات القضاية و اللي بيكتبوا المحاضر في الأقسام علشان يحبشولكم محضر تمام التمام و بتوع الضرايب و كل مكان بتروحه تجيب منه ورقة مهمة
أو ختم مهم أو زبون هتروح معاه يتعمله تقرير طبي أو أو أو
أنا لو محامي كنت عرفت أكتر إنما اللي أنا واثق منه انكم فاتحين بيوت ناس كتير