SHeRiF allaM
مدير المنتدي
عدد الرسائل : 5643
العمر : 36
المكان : بيت المهندسين
الحالة : مهندس
الهواية : الهندسه
تاريخ التسجيل : 06/11/2008
التـقــييــم : 21
 |  موضوع: مشروع مشاركة القطاع الخاص فى البنيه الاساسيه للدوله. رايك يهمنا  الإثنين 19 أبريل 2010, 3:28 pm | |
| يتم الان مناقشة مشروع مشاركة القطاع الخاص فى البنيه الاساسيه للدوله
مثل ( الكهرباء والميايه والصرف الصحى و..)
وقد تمت الموافقه على مشروع القانون فى مجلس الشورى من حيث المبدأ
وقد حدث مشادة كلاميه بين زكريا عزمى ويوسف بطرس غالى حول مشروع القانون متهما اياه
بفساد مشروع قانون مشاركة القطاع الخاص فى مشروع النقل حيث اصبح المواطن فريسة للقطاع الخاص
،،،
المشروع ده كان موضوع نقاش فى الحزب الوطنى من فتره ويتم الان مناقشته فى مجلس الشعب
يرى كثير من رجال الاقتصاد ان مشروع كهذا لبد من مشاركة كل طوائف المجتمع
لانه مشروع ذو اهميه بالغه الخطوره على المواطنين فى المستقبل
حيث انه اى مشروع يتم بعد هذا القانون سيكون نسبة اداره الحكومه فيه 20% والقطاع الخاص المشارك بـ80%
لذا يرى رجال الاقتصاد ان تكون مناقشة مشروع القانون غير مقتصره على مجلس الشعب والشورى فقط
*****
انا فكرت اننا نفكر فى المشروع ده كشباب وننقل رأينا للنائب المبجل ويتم طرحه من كرسيه الموقر
ايه رايكم يا شباب ؟
| |
|
أحمد عبدالعزيز
شــاعـر عمـاري
عدد الرسائل : 3616
العمر : 42
المكان : أبوظبي
الحالة : متزوج
الهواية : الشعر والأدب
تاريخ التسجيل : 30/09/2008
التـقــييــم : 16
| | موضوع: رد: مشروع مشاركة القطاع الخاص فى البنيه الاساسيه للدوله. رايك يهمنا الإثنين 19 أبريل 2010, 7:08 pm | |
| ياعم شريف اسكت ,,, تعبنا والله
منتظر أيه
الحكومة دي عمرها ما هتعمل حاجة لينا
مش مكفيها اللي رجال الأعمال خدوه ومصوه مننا , ودلوقتي طبعاً هتخليهم شركاء فى البنية التحتية كمان
يعني هيخصخصوها زي الشركات اللي اتباعت ,
وخد عندك بقه
كل حاجة بحسابها وادفع يا مواطن يا غلبان ؟؟؟؟
طبعاً ناس تسأل وتقول
الحكومة ممعهاش والموازنة العامة مش مكفيه المشروعات دي ؟
اقوله ومين اللي خلى الموازنة العامة متبقاش كفاية من البداية ,,, الفلوس اتحولت من الحكومة كأسم الى الحكومة كأشخاص ’ متمثلة فى البهوات بتوع الحزب اللي هتتباع ليهم البلد عشان لو خلصت السياسة والسلطة يبقى اشتروا مصر مننا , وفضلوا حاكمينا للأبد
منهم لله
الموضوع كبير
ويارب يكون حد فيكم تابع إستفزار الحزب الوطني وأعضائه في مجلس الشعب على العشر استجوابات اللي اتقدمت فى حاتم الجبلي ومشاكل المستشفيات
ووصلوا الجلسة لفوضى , واستهتار ,فضلم يضحكوا وكل ما العضو الإخواني يقول يرضيكم الوزير عمل كذا وكذا وكام واحد مات وكام مستشفى خربانه , وموضوع مستشفى دار الفؤاد , وأحمد عز يقود الوطنى ويهزر معاهم ويقولوا آه يرضينا وبيردو قبل السؤال فى استهتار واستفزار للمعارضة وبالطبع اترفضت كل الإستجوابات عشان هما كتير وفضل الوزير عايش ومبسوط ,
وأظن حادثة مستشفى بنها اللي ذكرها الأستاذ / إسلام طلعت مش بعيده
البلد باظت
وعوضنا على الله
| |
|
