عقول أجهدها النوم

تذكير بمساهمة فاتح الموضوع :

السلام عليكم ورحمة الله وبركاته

إسمي أحمد .. (ده واحد غيري علي فكرة)

طول عمري وانا احمد وإلي نهاية عمري هكون أحمد (برضه مش انا)

عمري ما فكرت أغير أسمي .. وأغيره ليه إن كنت بحبه ومستريح له

هي بداية غريبة شوية .. لكن خليكم معايا

ومن البداية بحي كل شخص هيقرا الموضوع لأخره

يمكن يفهمني ويمكن ميفهمنيش لكن هيكون مشكور إنه فرغ جزء من عقله علشان يسمع كلام الاخ احمد ده .. !!

.. لو حد سألني اسمك أيه هقوله اسمي احمد

ممكن يقولي لا .. أنت مسمكشي احمد إنت فلان

ساعتها ممكن أطلعله البطاقة وأقوله لا .. إقرا كده هتلاقي مكتوب فيها ان اسمي احمد

ده لو الشخص ده اول مرة يشوفه لكن لو اللي إعترض علي أسم احمد واحد يعرفه كويس

يبقي أكيد في حاجة غلط ... ندخل في الموضوع

واحد اسمه احمد من قديم الأزل وكل الناس تعرفه بالاسم ده

فجأة لقي شخص بينادي عليه وبيقوله إزيك يا .. مسعد

يا عم انا مش مسعد .. أنا أسمي أحمد والمشكلة انك تعرفني كويس

قاله أه إفتكرت إنت احمد فعلا

تاني يوم نفس الشخص ده قابله وقاله إزيك يا .. خالد

قاله والله يا عم اسمي احمد مش خالد ولسة مفكرك بنفسي امبارح عموما دي البطاقة

علشان تتأكد إن إسمي أحمد ..

ثالث يوم قابله نفس الشخص بإبتسامة عريضة وقاله حبيبي يا .. عفيفي

قاله والله يا عم اسمي احمد .. إنت بتفهم إزاي عموما ادي شهادة الميلاد علشان تتأكد

رابع يوم قابله وهو مكشر وقاله إزيك يا .. محيي

يا عم والله انا مش محيي أنا أحمد .. عموما أدي شهادة التخرج بتاعتي علشان تتأكد

خامس يوم اول ما شافه دور وشه الناحية التانية وقاله أبعد عني يا .. شوقي

قاله والله العظيم انا مش شوقي انا اسمي احمد يا عم اللي أخويا اسلام وعمر ومحمد وعمرو والسيد وشهاب

يا عم افتكرني بقي .. قاله ايوة ياعم افتكرت خلاص

سادس يوم قابله في الشارع اول ما شافه جري وراه وهو ماسك في ايده "مطواه" وعايز يموته

وبيقوله انا هموتك يا .. منصور .. !!

قام جري من قدامه وهو بيفكر .. أقف واقوله ان انا مش منصور ولا أجري وأسيبه لعقله الخربان

لو وقلتله ان انا مش منصور ياتري هيفهم ولا كالعادة تاني يوم هيقابلني ويلفق لي اسم جديد

ياتري الراجل ده يعرف اسمي الحقيقي وبيستعبط ولا الراجل ده مجنون ..

ليه الراجل ده مش مصدق ان في اسم جديد اسمه احمد أقوي وأجمل من كل الأسماء التانية بالنسبة لي

وهفضل متمسك بيه ومش ممكن هغيره

ليه الراجل ده كل يوم يطلعلي اسم جديد ومرة الاسم يعجبه فيقابلني وهو بيضحك ومرة تانية الاسم ميعجبوش

فيكشر ومرة الاسم يفكره بحاجة وحشة فيبقي عايز يموتني إزاي الراجل ده متخيل ان انا بكل الاسماء دي

... لما فكرت في المشكلة دي بتاعة الاخ احمد

شوفت ان عقل الراجل العجيب ده بيتسم بالعقم الفكري والكساح العقلي

والشلل الرابعي في كل زوايا ومحاور الفهم (ياسلام عليا وعلي تفسيري المنطقي)

وشوفت كمان ان الراجل ده عقله نايم من زمان ومخدشي باله ان في ناس اسمهم احمد

ومعندهمشي استعداد لا يغيروا اسمهم ولا يبعوه ولا حتي بكنوز الدنيا ..

وشوفت كمان لما عرفت ان اسم الراجل ده اللي بيجري وري احمد (بلا اسم) عمره ما عرف معني

الاسماء الجميلة لانه يا عيني عليه مظلوم بأسمه اللي معرفشي ليه ماحاولشي يغيره من زمان .. !!

ولما سالت احمد ليه ما حولتش تقنعه لسابع مرة ان انت اسمك احمد

قالي انا عارف اني لو كلمته هيقتنع كالعادة لكن تعبت معاه خلاص هو عقله كدا وخليه كدا لانه ممكن لو فهم يموت

ولما سألت نفسي يمكن الراجل ده متخيل ان احمد ده بيتغير كل شوية بس رجعت وقلت مستحيل حد ييغير الاسماء دي كلها

مش منطقي انه يقدر يلعب بكل الاسماء دي ويتلون عليها كان زمانه وقع من زمان والناس اتهمته بالجنان

لكن احمد مستمر ولسة بيحظي بحب الناس واحترامهم وأصدقاءه عددهم اكتر من أصدقاء جمال مبارك (هبدأ ألخبط اهو)

دول بيقولوا ان اصحابه وصلوا لـ 4000 صاحب وكل يوم الناس بتجيله من كل مكان في الكون

يبقي ازاي احمد ده يكون بيتغير ..

احمد ثابت وقوي جدا وخلاص مش محتاج بقي يقعد يقول انا مش فلان ولا فلان ولا فلان

لانه هيقولها مرة واحدة وهيكتفي بيها

انا اسمي احمد مش حد تاني

هههههههههه

طيب سؤال ..

هو ليه يا جماعة محدش علق علي عنوان الموضوع

هو النوم بيجهد العقول .. !! ؟

لا الموضوع ولا العنوان يستحق التعليق
طبعا دى وجهة نظر
وعندنا حرية رأى فى المنتدى
ومع احترامى لشخص كاتب الموضوع والمشاركين فيه
انا شايف ان ملوش اهمية
[ندعوك للتسجيل في المنتدى أو التعريف بنفسك لمعاينة هذا الرابط]

العنوان

فى حد ذاته جميل جداً

( عقول أجهدتها النوم ) وأحيى صاحبها عليه

لأن بضدها تتميز الأشياء

أما الموضوع

فهو صاحب أكثر من رسالة

سواء عن أحمد أو عن الشخص ذو السؤال الغبى والمتكرر

أو عن أن أحمد ليس خالد أو شوقى أو محى أو منصور أو مسعد أو ( نصيف .. من عندى )

أحمد = أحمد

وفقط

أو عن الــ 4000 صاحب لأحمد وهو رقم إن لم يكن صحيح بنسبة كبيرة

لكنه معبر عن قوة ارتباط من حول أحمد بــ أحمد

..

لذا فانا أرى أن الموضوع والعنوان قد يحملان رسالة قد تكون

رغم بساطتها معقدة بالنسبة لبعض المتلقين

وبهذا ينطبق العنوان معنىً وصفةً

مهو كلنا عارفين ان أحمد
هو أحمد منصور ههههههههه
لزمة أيه الموضوع ده كله
ووجع الدماغ واللف والدوران
ودنك منين ياجحا
مساء الخير يا احمد

انتوا مين ؟

وسلامى للأستاذ ( جحا )

يوصل ياابوعمار

للأسف يوم مابتفوقوا من النوم بتخبطوا هههههه

اقتباس :: مهو كلنا عارفين ان أحمد
هو أحمد منصور ههههههههه
لزمة أيه الموضوع ده كله
ووجع الدماغ واللف والدوران
ودنك منين ياجحا
مساء الخير يا احمد

أحيك علي رأيك وعلي نظرتك الثاقبة وشكرا علي التوضيح الرائع ده

بجد أصبت كبد الحقيقة ودماغها وودانها وكل حاجة فيها

اخي الكريم .. برجاء القراءة مرة أخري

معذرة
معنديش وقت

abou ammar كتب:: للأسف يوم مابتفوقوا من النوم بتخبطوا هههههه

مش كنت تصحينى ياراجل؟؟!!!

خليك نايم أحسن

بس خلى بالك
النايم فى زمة الصاحى
يعنى خلى بالك منى

لو الكلام ليا لوحدى حاضر
ولو ليا انا وابوعمار
حاضر عن نفسى
فى الحالتين خاضر ياعم أحمد

الموضوع مخرجش عن الفكرة العامة للموضوع

الأخ فهد .. النايم والصاحى فى رقبة المستأمنين

ولكن أأسف وبشدة عن مداخلة مثل مداخلة حضرتك

وأخذ الكلام بشكل شخصى على نفسك

و( لضم ) موضوع فى موضوع

والتعليق على العنوان والموضوع بنوع من الانتقاص

وهذا لم أعتاده منك

الأخ الكريم / فهد

حقق كلامى وبشدة .. أحييه طبعا

Amr Emam كتب:: لان الناس من كتر الفهلوة بقت تشوف ما وراء الجدار

مش قلتلك يا احمد منصور ويا محمد عبد السلام

حتى لو الكلام صريح .. وصريح جدااااااااا

هتلاقى واحد بيقولك ......... أنا عارف ما وراء النص .؟؟

هو ده بالظبط .. يا جماعة احنا شعب فهلوى [ندعوك للتسجيل في المنتدى أو التعريف بنفسك لمعاينة هذه الصورة]

انت صح دايما ياعمرو وانا دخلت عشان اثبت صحة نظريتك
اللى انا مش عارفها طبعا
وصعب طبعا على النايمين إدراك ما وراء النص

كل ما اود قوله هنا اننى لم اقصد مطلقا الأنتقاص من قدر موضوع الأستاذ أحمد منصور ويمكن عشان انا عارف احمد اللى اتكلم عنه ده شوفت ان الموضوع ملوش اهمية
وإن كان مضمون كلامى يحمل شىء من الأستهانة كما اشار أبو عمار فوجب الأعتذار

ان دخلت الموضوع ده تانى هكلمكم عن صفوت من زفتى اللى تحت شعار مصلحة الزفتاويين عمل صفقة مع حزب الهلال النجمه عشلن ينضف البلد وكانت النتيجة انها اتزفتت اكتر
هو هدفه خير طبعا زى أحمد اللى اتكلم عنه الأستاذ أحمد لكن مشى فى طريق غلط ودى فى النهاية وجهة نظر

يا أخ فهد

شكلك تعرفنا كلنا .. ياريت تفصح عن نفسك حتى يتسنى لنا التواصل

عن نفسى أنا معرفش انت مين ؟؟

بالراحة بس يا أستاذ فهد بلاش يا سيدي نقول يا أستاذ مسعد و لا أستاذ أحمد و لا حسين علشان ما نبقاش بتوع فهلوة
احنا دلوقتي الحمد لله صفينا الخلافات اللي بينا إلى حد ما
و هنرجع من تاني إيد واحدة وأكتر من الأول إن شاء الله
فياريت نسيبنا من أي ردود تزعلنا من بعض أو أي حسابات أو دفاتر قديمة و نبدأ صفحة جديدة

Amr Emam كتب:: هههههههههههههههههه

والله شكلى انا اللى نايم

ياريتنى كنت فهلوى [ندعوك للتسجيل في المنتدى أو التعريف بنفسك لمعاينة هذه الصورة]

مين بقى الأخ العزيز (نور على الدرب)

اسمك حلو قوى والله

الصاحيين قالوا لى اسمه.......(نور على الدرب) تعرفه؟؟؟

إسلام كتب:: احنا دلوقتي الحمد لله صفينا الخلافات اللي بينا إلى حد ما

انا معترض على الكلام ده جدا يا ا/ اسلام

احنا صفينا الخلافات تمااااااااااااااااااااااااما .. مش الى حد ما

مش باقى غير اننا نجتمع على عمل فى أقرب وقت

احنا كده خرجنا كتير عن الموضوع

معذرة يا احمد منصور

ياراجل قول كلام غير دا

دماغى هتنفجر
ايه الكلام ده يا احمداولا انا ما فهمتش اى حاجه خالص............................... خالص
وواضح ان الجميع فاهم ومستمتع انا قريت الموضوع مرتين وقريت اغلب الردود وبعدها حسيت باحساس غريب جدا جدا ..........( هى دى النسبيه العامه ولا الخاصة)
( اعذرنى لانى ما فهمتش يمكن فيه حاجه المفروض تقولها قبل ما تقول الحكاية )

اقتباس :: دماغى هتنفجر
ايه الكلام ده يا احمداولا انا ما فهمتش اى حاجه خالص............................... خالص
وواضح
ان الجميع فاهم ومستمتع انا قريت الموضوع مرتين وقريت اغلب الردود
وبعدها حسيت باحساس غريب جدا جدا ..........( هى دى النسبيه العامه
ولا الخاصة)
( اعذرنى لانى ما فهمتش يمكن فيه حاجه المفروض تقولها قبل ما تقول الحكاية )

لك واحشة كبيرة يا هندسة والله

اوعدك يا باشا اول ما تنزل مصر لينا قاعدة واحللك فيها لوغاريتمات الموضوع [ندعوك للتسجيل في المنتدى أو التعريف بنفسك لمعاينة هذه الصورة]

أعدت قراءة الموضوع

واستمتعت كثيرا

وأعدت قراءة الردود

فأحسست بالفشل

مختار محمود بعد الثورة كتب:: أعدت قراءة الموضوع

واستمتعت كثيرا

وأعدت قراءة الردود

فأحسست بالفشل

نفس الشعور بالإستمتاع

ثم نفس الشعور بالفشل

» سطحية سكنت عقول الرجال
» قبل النوم !!!!!
» الوضوء قبل النوم
» النوم..ملف كامل عنه.
» مساء النوم يا جماعة