البحث عن فضيحة ..

علي ما أذكر ان ده اسم فيلم (وأكيد مش أجنبي)

لا .. ده فيلم أكيد عربي وأكيد أكيد مصري والأكيد بقي إن هو فيلم عماري (أصل المنتج من نواحينا)

مش عارف هي ليه بلدنا بقت كدا (نظرية المؤامرة)

نص البلد بيشك في النص الثاني ..

واللي بتثق فيه النهاردة عندك إستعداد تفقد الثقة دي بكرة لمجرد شك

ممكن تبيع صاحبك لمجرد إنك سمعت عنه كلمة إنت اصلا مش مصدقها

(والغريبة إننا دائما بنصدق الشك الاول وبعدين نحاول نتأكد)

دائما الإحتمال الثاني .. مالهوش وجود في حياتنا إلا لو فرض نفسه علينا بالعافية

وفي ثانية تلاقي الكلام بقي سجارة وكلنا نخمس فيها مع بعض (شد يا معلم)

كانت المعادلة زمان بتقول ..

إشاعة ... ظن ... تأكيد ... تتحول لفضيحة

أو

إشاعة ... ظن ... تكذيب ... تتحول لكلام فارغ

وبقت دلوقتي

إشاعة ... تأكيد ... فضيحة

إشاعة ... تكذيب ... فضيحة

يعني من الأخر .. مفضوح مفضوح ياولدي

الناس بقت بتصدق بدون أي مجهود من اللي بيطلع الإشاعة

وحتي لو الاشاعة اتكذبت الناس معندهاش استعداد إنها متصدقشي أصلا

يقولك أصل ما فيش دخان من نار (معرفشي انا ايه مثل الحشاشين ده)

كان زمان الإشاعات والكلام ده مرتبطين بالستات يقولك لو عايز تفضح سر قوله لواحدة ست

لكن دلوقتي بقوا الرجالة أكثر من الستات في اللت والعجن والغيبة والنميمة والبحث عن فضيحة

.. هو فلان ده ماشي كدا ليه ؟ أكيد بيشرب حاجة

هو فلان ده مستعجل ليه ؟ أكيد علشان يكلم المو ... ة

ودائما تلاقي الناس بتقول .. أكيد

يعني مفيش مجال للشك .. هو كدا يعني كدا

وأسوء ما في الموضوع هو تركيب الكلام علي بعضه وأنا أزود حرف وانت تزود حرفين لحد ما

الكلمة تبقي عشرة أو عشرين

وألف من يصدق

وللأسف من كتر الكلام اللي بنسمعه بقينا نتصور ان الناس بتتكلم علينا احنا كمان

كل انسان بقي جواه شعور ان الناس بتتكلم عليه

لو دخت علي جماعة وسكتوا مرة واحدة بديهي تحس انهم كانوا بيتكلموا عليك

كلنا بقينا نشك حتي في نفسنا

إنت عارف لو ركبتم في عربية وركب فيها واحد نذل وزوغ من الاجرة ..

تلاقي كل واحد من جواه عايز يتكلم علشان يبرأ نفسه .. لانه خايف ليبقي محل شك من الناس

ويسلام بقي لو واحد بصلك وقالك انت دفعت الاجرة يا أستاذ ؟

تبقي عايز تأكله .. إنت شايفني حرامي يا عم إسال فلان انا اديته وهو وصلها للسواق (بمنتهي الزهق والنرفزة)

طيب متقول وانت واثق في نفسك .. أه دفعت (شووووووور)

.........

الناس بقي جواها استمتاع وهي بتدور علي الفضايح

ولو ملقتشي حاجة تبني عليها كلام علشان تعملها فضيحة .. تتطوع هي وتألف الحاجة دي

والفضول كتر اوي عند الناس .. اعمل موضوع وسميه إدخول وشوف فضيحة فلان

تلاقي المشاهدات بالهبل (علي فكرة بالهبل .. كناية عن كثرة الهبل مش كثرة العدد)

كان نفسي أتكلم عن أنواع الفضايح اللي بقينا نستمتع بيها وأضرب أمثلة بحالات وحكايات شوفتها

لكن الكلام خدني والموضوع طول اوي .. وعلشان الناس متتخنقشي (نكمل وقت تاني )

كمل كمل ياعم احمد ..طالما الكلام يمد للفضايح بصله

بصراحه ...كلنا بقينا كدا بنفرح بالكلام دا اوى ...قلوبنا بقت مريضه

ربنا يهدينا ياعم احمد ...وبجد موضوع فى وقته لكترة الفضائح

frankly, your talk is very true. i like your subject [ندعوك للتسجيل في المنتدى أو التعريف بنفسك لمعاينة هذه الصورة]

محجوز [ندعوك للتسجيل في المنتدى أو التعريف بنفسك لمعاينة هذه الصورة]

موضوع فى وقتة للغاية

ماذا نسمع كل يوم.......

كلام كثير تردد فى الفترة الاخيرة لا تتحمل الاذن سماعة

والمصيبة ان ممكن اللى يتكلم دة يكون انسان انت بتحترمة وتقدرة

وبكدة اكيد هنخسر كتير, احترامنا لذاتنا وللى بنعزهم

ياترى دة لية؟ من الكبت مثلا فبنطلعة على الناس ولا من الفضى لستات البيوت

ولا ...ولا....ولا....

اللهم لاتجعل همنا الدنيا

موضوع كبييييييييييييير جداااااااااااااااااااااا

هى الناس ايه اللى حصلها

اظن العمار اتغيرت كتييييييييييييييير

للأسف انحدرت فيها القيم وبيعت فيها النفوس

ممكن نقول صورة مصغرة من البلد!!!!!

مش ممكن ايه اللى حصل فى العمار

سنتين غيروا كتير قوى فى الناس

لايتكلم عن الرجال إلاّ رجالٌ أمثالهم

ولايقيمهم إلاّ من هم على شاكلتهم

بشرط قد اشترطه الشرع علينا :

يا أيها الذين آمنوا إذا جاءكم فاسقً بنباءٍ فتبينوا

أن تصيبوا قوماً بجهالة

موضوع جامد يا عم احمد

بس انت شاغل نفسك بالنوعيه دى ليه

النوعيه دى مش هتتغير

ولاا الكلام معاهم هيجيب نتيجة

وفر كلامك وطنش

واهو بكره هتسمع ان احمد منصور عمل موضوع

وانه كان عاوز يقول كذا وكذا وكذا

طنش عيش تاكل قراقيش

موضوع مهم جدآ والله يا أ/احمد..

انت عارف ليه الناس بتعمل كده..من كتر فضاهم..

بالبلدي مش لاقيين حاجه يعملوها..مش لاقيين هدف في حياتهم..

بصراحه انا شايفه ان الناس التافهه هي اللي بتعمل كده..ماوراهمش حاجه غير سيرة الناس..

الناس العاقله اللي بتفهم هي اللي تتكلم علي حاجه تستاهل..

بصراحه ده رأيي..

اقتباس :

بالظبط كدا ..

وفي مفارقة غريبة محتاجين نقف عندها ..

وهي الثقة .. !

يقولك .. أنا سمعت الكلام ده من فلان وفلان ده ثقة جدا

طيب يا أخي إنت عارف لو فلان ده أصدق أهل الأرض وأوثقهم

فكلامه مش لازم نعتبره حقيقة مؤكدة

وده شرع مش رأي شخصي ليا

هو فلان ده (اللي هو أوثق أهل الأرض) ينفع يشهد في حق من حقوق الله أو حقوق العباد

لواحده .. طبعا لا

لان الشهادة اللي ترضي ربنا لازم تكون بشخصين مش شخص واحد

وفي أمور لا تقبل فيها الشهادة إلا بأربعة رجال عدول

وللأسف ممكن أحنا لمجرد سمع من واحد ومش ثقة كمان .. نصدق ونقتنع ونشاركه الأثم

وياريت مننساش قول رسول الله صلى الله عليه وسلم ..

"كفي بالمرء كذبا أن يحدث بكل ما سمع"

ولا تنسوا قوله تعالي في المغتابون .. أيحب احدكم ان يأكل لحم اخيه ميتا

لما قرأت الموضوع تذكرت قول النبى
(صلى الله عليه وسلم)
يامعشر من أمن بلسانه ولم يدخل الايمان قلبه
لاتؤذوا المسلمين ولا تعيروهم ولا تتبعوا عوراتهم فإن من تتبع عورت مسلم
تتبع الله عوته ومن تتبع الله عورته فضحه

وهذا يدل على ان الاسلام الحنيف يدعوا الى اخفاء الزلات وكتمان العيوب
وستر المسلمين وعدم تتبع العورات

يدل على ذالك عندما جاء يزيد الاسلمى الى النبى
(صلى الله عليه وسلم )
ورفع له شأن ماعز ذالك الرجل الذى زنى
فقال النبى لهزال
والله ياهزال لوكنت سترتها بثوبك لكان خيرا مما صنعت

قال رسول الله صلى الله عليه وسلم
من ستر مسلما ستره الله
صدق رسول الله
وربنا يكرمك أ/احمد على هذا الموضوع الطيب

موضوع جيد يستحق الإشادة
ويجب علينا الوقوف أمام كلماته مرارا ونعمل بالمراد منها
جزيت خيرا عليه

مش عارف انت بتطلع كده مرة واحدة ليه ؟؟ ههههههههههههههه

فينك من زمان ؟؟

موضوعك بيناقش قضية جميلة .. فين اسلوبك ف الكتابة .. بلاش تبقى بخيل .. يا بخيل

ان شاء الله ليا رد

موضوع جميل فعلا يااستاذ احمد وفعلا فى ناس كتير اليومين دول سواء كانت من وسائل الاعلام
او عامة الشعب بيتكلموا عن الى بيحصل دا فى البلد الا وهو انعدام الثقة زى ما حضرتك بتقول
انعدام الثقة فى القدوة! وانعدمت الثقة حتى فى اقرب الناس لينا دا فعلا حقيقة علشان كدة بقينا نكدب اى حد حتى لو من جوانا متئكدين انه صادق بس مينفعش نرجع فى كلامنا ونكدب انفسنا
بقينا نتجمل على الناس ونطلع اشاعات على الناس ونصدق الاشاعات دى
وعلى فكرة احنا مش ملايكة ودى طبيعة بشرية وللاسف انا عن نفسى صدقت اشاعة من الى الناس طلعتها فى بلدنا دى ولومت نفسى بعدها .
فياريت الى توصله اشاعة عن حد ويتئكد انها خطاْ فى حقه ياريت يحاول يفهم الناس الحقيقة .
وشكرا مرة تانية على الموضوع الهادف دا يااستاذ احمد
ونتمنى يكون الموضوع دا اول خطوة لسلسة موضوعات تكون بتناقش
واقعنا.

شكرا علي مروركم الجميل

اقتباس :

علي قد فلوسكم يا عم عمرو

منتظر عودتك

اقتباس :: الناس بقي جواها استمتاع وهي بتدور علي الفضايح

هي دي نقطة الموضوع بالظبط ولا فضا ولا حاجة الموضوع موضوع معة بفضيحة الناس

موضوع مميز ويحتاج الي وقفة وتوعية لينال حظ من التغيير في نفوس الناس الضعيفة

تسلم ايدك يا عم احمد
الموضوع فعلا مهم جدا

وانا متفق مع الاستاذ عمر ان السبب الاساسي هو الاستمتاع

دلوقتي معظم الناس بتتلهف انها تعرف فضايح غيرها ودا اما لان هو كمان
مش كويس وعايز يحس ان الناس كلها مش كويسين زيه وياسلام بقي لو الموضوع عن حد الناس
كلها بتحترموا تلاقي الموضوع ممزكه قوي ودا بيبقي حاقدعلي غيره

النوع التاني من الناس بيبقي مبيعملش حاجه غلط "غلط اوي يعني"
بس تلاقيه عايز يعرف غلطات الناس ومتبعها علشان يحس انو احسن واحد في الدنيا وانو الوحيد اللي مش بيعمل حاجه غلط
والنوعين طبعا من ضعاف النفوس

ربنا يهدينا جميعا ويغفر لينا زلاتنا

واسف علي التطويل

( من حسن إسلام المرء تركه مالايعنيه )

زى ما وعدتكم ان لى عودة فى الموضوع ده

كانت راجع بس أقولكم ان الموضوع ده اكيد مكتوب بسبب مناسبة حصلت مع احمد منصور [ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل والله يا استاذ احمد وفعلا انا كنت بواجه المشكله ديه اول جوازى بتعاملاتى مع اناس لازم يجيبوا حكاوى يحكوها ويارتها كاوى عاديه لالا ديه فعلا فضايح نا بجد لغايه النهارده مش عارفه الناس بتجيب ادق ادق التفاصيل بين واحد ومراته واحد ووالده ووالدته ومشاكل وياريت يسكتوا لا لزم يزود شويه بهارات عشان التسليه التسليه بسمعه بنات ناس محترمه ؟ من الحكايات اللى سمعتها ان واحد راح يخطب بنت محترمه ده اللى بيحكى بيقول كدا وقبل الخطوبه بيوم بعد ما اشتروا الشبكه وكل حاجه وخارج مع خطبته يجبلها هديه اتصل واحد صاحبه بيه قاله البنت ديه مش محترمه ديه كانت بتكلام فلان طبعا الاستاذ المحترم ازاى يقبل كدا على نفسه قلب فى لحظه على البنت وقالها مكن نرجع البلد ويومها بليل راحت والدته تحكى لماما البنت على الموضوع وقالتلها كل شىء اسم ونصيب والبنت اتخطبت فى نفس الشهر لوالد احسن منه يارب يدى الناس كلها لان بجد كتير كدا

» فضيحة
» ..........فضيحة طالبه بال...............
» فضيحة مرسيدس ... وفساد الحكومة
» فضيحة راقصة عربية بالصور
» البحث عن الأمل ...!!!