الاستاذ احمد زغلول ـــــــــــــــــــــــ فى اولى حلقات برنامج warda on line

اولا احب اقول لضيفى ......

شكرا على تلبيتك للدعوة

وكل سنة وأنت طيب

هو عضو لكنة عضو غير عادى

يدخل فى صمت ويخرج كذلك

فى البدايات ..هو من كوادر المنتدى

لا يحب النجومية.. يعمل فى صمت..

صاحب قلم خبير ......

وله أن يتحدث عن نفسه

الأستاذ أحمد زغلول

فينك يا زغلووووووووول

فينك يازغلله

كلمنا عن الطفولة والامومة شوية [ندعوك للتسجيل في المنتدى أو التعريف بنفسك لمعاينة هذه الصورة]

احمد زغلول الديا كلها بتحسده لانه الوحيد اللي بيخلي عمر اسلام يضحك
هههههههه
بجد ماشاء الله عليه حنية الدنيا

مش عارف باب النجار هيبقى مخلع و لا هيبقى عنده نفس الصبر و طولة البال مع عياله

بصراحة عنده مقدرة غير عادية في اللعب مع الأطفال من غير ما يزهق و لا يزهقوا منه
امبارح أحمد و عمر كان أهم حاجة عندهم قبل ما يناموا ان عمو لول يشوف فوانيس رمضان الجديدة بتاعتهم
نهشتكلك عيالك عن قريب ان شاء الله يا عمو لول بس ياريت ما تتجوزش واحدة طويلة علشان عيالكو ما يضربوناش و علشان كمان نعرف نهشتك

مازلنا ننتظر

الضيف الاول لنحظى بتشريفة............

زائر

طب وهو زغلول فاضى ...

الله يكون فى عونه عمال يقمر عيش من الصبح [ندعوك للتسجيل في المنتدى أو التعريف بنفسك لمعاينة هذه الصورة]

المفروض ان احمد هيبدأ من النهاردة كتابة عن اي حاجة تيجي في باله او يحب يتكلم عنها

والاسئلة هتكون بكرة وبعده

منتظرين

هههههههههههههههههههه

زغلول ده له مقاطع حياتية جميلة ومضحكة قوى

وصوره بتقول حكايات

اسألوا الصورة اللى بيقمر فيها العيش

حتى لما بيجى يهرش بيبقى شكلة فيها طريف ولذيذ

مستنيينك يا عم لول [ندعوك للتسجيل في المنتدى أو التعريف بنفسك لمعاينة هذه الصورة]

يازغلول انتا فين

يلا خلى هلالك يطلع

السلام عليكم ورحمه الله

اولا كل سنه وحضراتكم طيبين وفي افضل حال ويارب دايما متجمعين على خير

ورمضان كريم

بشكر طبعا الاخت الفاضله وردة بلادي على اختيارها ليا كضيف اول في برنامجها الجميل ده

وشكرا على كلامها الجميل والمقدمه الرائعه ,,

بجد انا مش عارف اقول ايه بس الحمد لله , الف حمد والف شكر على الحب اللي انا حاسه

في كلامكم ده ومحبتكم دي والله هيا السبب في اني كده ...

واحساسي الدائم ان الناس الحمد لله بتحبيني واني عندي قبول كبير بفضل ربنا دي حاجه لاتقدر

بثمن , ويارب اكون عند حسن ظنكم دايما ...

مش عارف بصراحه ابدا منين لانه صعب اوي ان حد يتكلم عن نفسه ممكن انتم تتكلموا واكيد

انتم هاتكونوا افضل مني في ده لانكم شايفيني وعارفيني ..

لكن هحاول ألبي طلبكم وافتح قلبي شويه اللي هو اصلا مفتوح ....

بصوا بقى [ندعوك للتسجيل في المنتدى أو التعريف بنفسك لمعاينة هذه الصورة] :

انا حد بسيط جدا , بعشق الاطفال جدا جدا , وبحب اصدقائي جدا جدا جدا

يمكن اكون طموح شويه , او بقيت طموح , دايما صوره والدي قدامي الراجل المحترم الطيب

اللي بيحب كل الناس وكل الناس بتحبه , نفسي ابقى زيه او ماشي على دربه وربنا يوفقنا

اتحطيت في اختبارات صعبه اوي , يعني ممكن تكون مطبات بس بجد علمتني كتير جدا

ودايما حياتي ماشيه زي مؤشر البورصه بجد ماتضحكوش بس الحمد لله كل الامور بتعدي على

خير في الاخر ,

يمكن اكون عاطفي شويه في قرارتي وده سبب اني ساعات بقع في نفس الخطا مرتين

ويمكن لاني عندي اللي بيعوض النقطه دي في حته عقلانيه اتخاذ

القرارات والامور المصيريه بالنسبه ليا علشان كده مابهتمش شويه وده طبعا خطا

وعواقبه كتير اوي

ربنا رزقني باصدقاء او اخوات ربنا يحفظهم دايما واشوفهم في احسن حال باعتبرهم جزء

لايتجزا مني , يعني انا بدونهم ولا حاجه ودي حقيقه ..

ماعنديش اسرار , يعني انا عندهم مرايه واضحه بشورهم في كل كبيره وصغيره تخصني

ورايهم طبعا في غايه الاهميه ..

يمكن اكون اجتماعي جدا وبحب اكون صداقات كتير بس طبعا ده لايؤثر اطلاقا على من هم

في صميم صميم القلب دي حاجه ثابته عندي..

مش عارف انا كده هاطول عليكم بس استحملوا بقى [ندعوك للتسجيل في المنتدى أو التعريف بنفسك لمعاينة هذه الصورة]

بالنسبه للاطفال , سبحان الله عندي حب غير عادي للاطفال وبحس بنفس الحب ده عندهم انا

بعتبر ده موهبه من عند ربنا لان التعامل معاهم بجد صعب ومتعب لكتير مننا , انما انا ماعنديش

اي مشكله اني اتعامل حتى مع اي نوعيه ,والسر في كده مش عارفه والله , بس يارب

بدأت احس بالموهبه دي مع محمود اخويا لاني اعتبر اللي مربيه , يعني كنت اخوه طبعا وامه

وابوه وصاحبه وكل حاجه , ربنا يحميه يارب ويحقق اللي مااقدرتش احققه .

طبعا احمد طاهر ابن اخو باهر , واحمد وعمر اسلام اعطوني خبره وافره في التعامل مع الاطفال

ويارب دعوتك تتحق يعم اسلام واشوف عيالي بيتنططوا حواليا كده , بس اشوف امهم الاول هههههه

يارب

وعملت فعلا موضوع عن كده اسمه سياسه التعامل مع الاطفال ممكن تلاقوا فيه كل حاجه تخص

الموضوع ده

هاكمل بكره ان شاء الله , في حاجات تانيه كتير انتظروا

تصبحوا على خير

[ندعوك للتسجيل في المنتدى أو التعريف بنفسك لمعاينة هذا الرابط]

[

بجد انا مش عارف اقول ايه بس الحمد لله , الف حمد والف شكر على الحب اللي انا حاسه

في كلامكم ده ومحبتكم دي والله هيا السبب في اني كده ...

واحساسي الدائم ان الناس الحمد لله بتحبيني واني عندي قبول كبير بفضل ربنا دي حاجه لاتقدر

ربنا رزقني باصدقاء او اخوات ربنا يحفظهم دايما واشوفهم في احسن حال باعتبرهم جزء

لايتجزا مني , يعني انا بدونهم ولا حاجه ودي حقيقه ..

والسر في كده مش عارفه والله , بس يارب

بدأت احس بالموهبه دي مع محمود اخويا لاني اعتبر اللي مربيه , يعني كنت اخوه طبعا وامه

وابوه وصاحبه وكل حاجه , ربنا يحميه يارب ويحقق اللي مااقدرتش احققه .

[/quote]

[ندعوك للتسجيل في المنتدى أو التعريف بنفسك لمعاينة هذه الصورة]
المقطوعتين دول اثروا فيا بجد
ولاقيت دمعة محبوسة وعايزة تخرج بس علي مين مارضيتش اخرجها[ندعوك للتسجيل في المنتدى أو التعريف بنفسك لمعاينة هذه الصورة]

بجد مبدع حتي في الحديث عن نفسك
ياريت تسجلنا الحلقة صوت
والله هاتبقي اجمد

زائر

كل سنة وانت طيب ياعم احمد وتنعاد عليك الايام بخير

AHMED ZAGLOUL MORE THAN WORDS

كل سنه وانت طيب يا زغلول
والسنه الجايه اشوف معاك العروسه ان شاء الله

وبجد احمد زغلول من الناس اللي انا بعزها جدا
وبجد ليا الشرف اني اكون من الناس اللي رابطاهم علاقه باحمد
واتمني اني اكون عند حسن ظنه

حبيبى دائما . [ندعوك للتسجيل في المنتدى أو التعريف بنفسك لمعاينة هذه الصورة]

ربنا يعزكم يارب ويديم الالفه والمحبه دي طول العمر , ويجمعنا على خير في الجنه

ان شاء الله

اكمل بقى كلام امبارح :

هما قالوا ليا اني اتكلم عن نفسي وكمان لو في خواطر عندي عواز احكيلكم عليها ,

ممكن ابدا معاكم من اول ماعرفت معني الصداقه واول ماحسيت ان ليا حد بيخاف عليا وبيحبيني

زيه زي محمد ومحمود اخواتي , والكلام ده بدا تحديدا في الثانويه العامه وتحديدا اكتر فى

3 ثانوي ,

باهر , احمد السيد , احمد مختار وانا ودول كانوا فريقي وزمايل التخته الاخيره

وكنا عاملين جروب جميل اسمه SAMBZ سامبز ,

يجي بقى قدامنا احمد طلعت , احمد مسعد , مجدي عبد الغني , اسلام عبد الغني

ودول برده كانوا عاملين جروب اسمه MATS ماتس ,

طبعا ماكناش بنفارق بعض سواء في المدرسه او في الدروس او في اللعب

يعني بمعني اصح كنا مع بعض طول الوقت ,

طبعا كان في احمد صبحي واحمد ماهر واسلام السعيد بس كانوا قدام التخته الاولي

يعني تقدروا تسموا الدفعه دي دفعه ( الاحمدات )

طبعا في مواقف لاحصر لها حصلت ومستحيل تتنسي وبجد هاتستمتعوا جدا جدا بس طبعا الوقت

والمكان مش هايسمحوا ,

بس افتكر موقف من اكتر المواقف اللي اثرت فيا وعمري ماهنساه :

اليوم اللي قبل امتحان الفيزيا , طبعا كان فيه 3 ايام قبل الامتحان , اليوم الاول والتاني عدوا

على خير يعني كانوا ماشيين تمام والامور تحت السيطره وان شاء الله هندسه هههههه

اليوم التالت صحيت الساعه 5:30 صباحا علشان كان فاضلي باب الكهربيه هاراجع عليه

وحل شويه مسائل , المهم فتح الكتاب وبدأت اقرا ومش عارف جالي احساس , ربنا مايوريكوا

مش فاكر اي حاجه , ومش عارف اي حاجه وكأني اول مره افتح كتاب الفيزيا

طبعا انهرت وارتبكت جدا ورميت الكتاب واتوضيت وصليت وقلت ده اكيد شيطان وبرده مافيش

فايده ,,,

المهم رحت لاحمد السيد البيت الساعه 6 صباحا وانا منهار تمام ومش عارف حاجه

ومش عارف هاعمل ايه , قالي يابني عادي ده ارتباك طبيعي بس وهايعدي واكيد انت عارف

وانا مصمم اني ناسي كل حاجه وهاسيب الامتحان فضلنا على كده للساعه 11 تقريبا ,

انا مش عارف حاجه خالص وفاقد الامل تماما وهو مصمم ان ده حاله طبيعيه وبيصبرني

المهم رحنا لاحمد مسعد علشان نشوف عامل ايه واخبار الماده معاه ايه ,,,

طبعا اتفقنا ان انا ماجبلوش اي سيره بخصوص اللي عندي ده علشان مانأثرش عليه

ههههههههههه , ياحمد ياحمد ,, مين ,,انا احمد السيد طبعا لاني ماكنتش بنطق ههههههههه

نزل وقعدنا قدام المكتبه ايه يابني عامل ايه ,لقيناه منهار هو راخر ومش عارف اي حاجه

وبرده هايسيب الامتحان ههههههههه

وفضل احمد السيد بينا يقنعنا ان الحاله دي عاديه وفضل يجبلنا امثله وناس حصلها كده

الشاهد من القصه ان احمد السيد طول اليوم كان معانا وبكره امتحان الفيزياء اصعب ماده في الثانويه العامه ,

وماسبناش خالص

ومواقف كتير جدا في الفصل وبره وفي النادي ,,,,,

طبعا خلصنا الثانويه العامه ودخلت كليه تجاره , وكنت غير راضي تمام عن اللي انا بقيت فيه

بس احمد مسعد واسلام عبد الغني هونوا عليا كتير والحمد لله اقدرنا نثبت في الكليه اننا ناس كفء

وان ده اقل بكتير من مكانا الطبيعي وقدرت انتزع تقدير غالي جدا من الكليه بالرغم من الصعوبات الكبيره

اللي كنا بنقابلها في تصحيح الامتحانات

بس الحمد لله , ربنا عوض تعبنا خير والحمد لله ربنا كرمنا وماقعدناش مش غير شغل , اشتغلنا على طول

وبدات انا واحمد برده في مكتب محاسبه ودلوقتي انا محاسب ذو عامان خبره

هههههههه الايام بتجري بسرعه وماشيه الدنيا والامور الحمد لله مستقره دائما

وفي انتظار خطوه مهمه جدا , ربنا يسهل واعديها على خير ,, دعواتكم

بس يعني اعتقد اني قلت كل حاجه تقريبا ,

اكتر وقت احب اشوف فيه زغلول فى الشتاء
وهو لابس الكلسن
يجنن والله
المهم
مستنى بقيت حكاويك يامعلم

لا ياعم الحاج انت لسه مقلتش كل حاجه
انت هتكروت ولا ايه
من تانى يامعلم

كلام جميل جداا

فعلا منطقية فى الحوار بدرجة عالية قوى ...

النهاردة بقى هتبدأ الأسئلة الكل يشارك [ندعوك للتسجيل في المنتدى أو التعريف بنفسك لمعاينة هذه الصورة]

جاااااااااااااااااهز يافندم

سؤال" كان فى موضوع عضو وميت سؤال سالتك سؤال وكان لو بتشعر بالحزن ماذا تفعل؟؟

والاجابة صدمتنى جداا قلت انك بتبكى

دة صحيح ولا كان كلام جرايد؟؟؟؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

ياريت تكلمنا عن امين صندوق جمعية شباب العمار

عاوز اسالك سؤال كبدايه يا عم احمد يا زغللللول

انت بتخاف من العفاريت والجن والكلام دا ؟

ولاا قلبك حجررر

هههههههه

سؤال كمان[ندعوك للتسجيل في المنتدى أو التعريف بنفسك لمعاينة هذه الصورة]

امتى بتتاسف؟؟؟؟؟؟ ولية؟؟؟؟؟؟؟؟؟

اقتباس :: سؤال" كان فى موضوع عضو وميت سؤال سالتك سؤال وكان لو بتشعر بالحزن ماذا تفعل؟؟

والاجابة صدمتنى جداا قلت انك بتبكى

دة صحيح ولا كان كلام جرايد؟؟؟؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

هههههههه حلوه كلام جرايد دي , لسه فاكره الاجابه دي

بصي ياسيتي اولا نوعيه الحزن الضيق الخنقه بتفرق طبعا

يعني فراق حد بحبه , او مجرد التفكير في الفراق , احيانا بفكر في السفر واني ممكن في يوم من

الايام ياانا ابعد يااصحابي يبعدوا والله بلاقي دموع لا ليها اول من اخر نازله ,

لكن البكاء نوع من انواع الفضفضه مع النفس ومهم جدا ان الواحد يفكر مع نفسه ويدرس الامور

كويس ويبص لقدام , فاكيد هيلاقي الحلو اللي هتلاقيه تلقائيا بيضحكه لمجرد ان حس انها حاجه

حلوه , وبرده هيلاقي اللي هايخليه يبكي

المهم اني مستحيل ابكي قدام حد , لوحدي فقط [ندعوك للتسجيل في المنتدى أو التعريف بنفسك لمعاينة هذه الصورة]
......................................

أحمد منصور كتب:: ياريت تكلمنا عن امين صندوق جمعية شباب العمار

انت بتسد نفسه ليه ...؟

اقتباس :: ياريت تكلمنا عن امين صندوق جمعية شباب العمار

احمد باشا منصور بجد كنت حاسس انك هاتسأل السؤال ده

على العموم هو جاي في وقته وان شاء الله الاجابه تكون وفيه

امين صندوق جمعيه شباب العمار , شرف كبير جدا ليا وفخر ووسام على صدري باني امين

صندوق جمعيه شباب العمار اللي هدفها الاول والاخير الخير والتنميه في قريتنا الجميله العمار

الموضوع شاق اوي لاني بقيت مسئول على اموال ايتام وفقراء ,

فيارب يعيني على المسئوليه دي , واكون قدها

من ناحيه المحاسبه , فالحمد لله انا خريج تجاره واشتغلت في مكتب محاسبه واعمل حاليا محاسب

بشركه الكترونيات , يعني موضوع الشغل ان شاء الله بسيط ومدروس جيدا

طبعا معايا في الشغل استاذي الاستاذ ايمن السيد حكام هو من العمار بس عايش في حلوان هو

محاسب قانوني وكان وعدني انه هايعتمدلنا مزانيه الجمعيه نهايه السنه الماليه

وان شاء الله الامور تسير على مايرام ,

» المفاجاة الثانية المهندس/ احمد السيد ــــــــــــــــ فى برنامج warda on line
» دهــــــب ـــــــــــ ضيفة برنامج warda on line
» أسيل عمرو ــــــــــــــ ضيفة برنامج warda on line
» المهندس باهر حكام ـــــــ ضيف برنامج warda on line
» داعية المنتدى أحمد صلاح هلالى ــــــــ ضيف برنامج warda on line