المداومه على تلاوه كتاب الله

لو كل واحد فكر شويه هيلاقى ان ف ايدينا سلاح من خلاله نقدر نهزم اى حد مهما كانت قوته
لو حد فكر شويه هيلاقى ان ف ايده اللى يدخله الجنه بس هو اللى مهملها شويه
لو كل واحد فكر شويه هيلاقى ان كل امور حياته وكل مشاكله حلولها ف تلاوه القران وقربه من ربنا
لو كل واحد فين فكر انه يفتح القران ويبص فيه ربنا هيرزقه براحه ما بعدها راحه
يعنى تعالو نحسبها مع بعض شويه
تخيل انك داخل امتحان وماده تقيله جداااااااااا والماده دى اوبن بوك
يعنى ممكن تدخلها بالكتاب بتاعك
بيتهيالى دا اكيد انك تجيب اعلى الدرجات
طب ما ربنا مبسطلنا كل حاجه
ومدينا اللى يدخلنا الجنه ودا اللى بيتمناه كل واحد
تفتكر معاك اللى يخليك تنول اللى بتتمناه وتهمله بالله عليك دا يبقى اسمه ايه
فى حديث ل سيدنا محمد اشرف الخلق ان كل حرف ب حسنه والحسنه بعشر امثالها والله يضاعف لمن يشاء
قال صلى الله عليه وسلم ( لا اقول الم حرف بل الف حرم ولام حرف وميم حرف )
يعنى كل حرف هتقراه ب حسنه
احسب معايا كده
لو قرينا كل يوم سوره الملك
عدد حروفها 1316
ومعاك ب كل حرف حسنه
والحسنه ب عشر امثالها
اضرب بقى 1316 فى 10
هيطلع 13160 والله يضاعف لمن يشاء
تخيل بقى لو قريتها على مدار شهر
ف حين ان لو بصيت للى بيختم القران مثلا
قرايه الجزء مش بتاخد اكتر من 25 دقيقه
تخيل 25 دقيقه ل ربنا هتكسبك انت اد ايه
لو بصيت لوحد بيقرى كل يوم جزء هيجى على اخر الشهر ويختم القران
وعدد حروف القران كله 323671
والحرف ب حسنه والحسنه ب عشر امثالها والله يضاغف لمن يشاء
ياراجل دانت معاك ف الشهر 3236710 حسنه والله يضاعف لمن يشاء
وكل ده ف شهر واحد ختمت بيه القران
تخيل لو سنه ولا اتنين ولا عايش طول عمرك
كل ده وانت ماشى بما يرضى الله وبعيد عن اى حاجه تانى تغضب ربنا
شفت انت معاك اد ايه نعمه عظيمه وسلاح تتحدى بيه الشيطان ويدخلك الجنه
ياريت نحسبها ونقرى ولو كل يوم سوره واحده ونزود بيها رصيد حسناتنا
وميبقاش قرايه القران من رمضان ل رمضان
لو كل واحد فكر وحسبها صح مع نفسه
وفكر انه يداوم على تلاوه كتاب ربنا وان ميهملوش
ربنا هيكرمه وهيدخله الجنه
اتمنا ان منهملش القران
ربنا يوفق الجميع

اللهم أعزنا بالقرآن..

ربنا يبارك فيك يا أ /معتز..

شكرا يا شباب على المشاركه

قالى صلى الله عليه وسلم
من اراد ان يحدثه الله بلا حجاب فعليه بالقران , ومن اراد الدنيافعليه بالقران , ومن اراد الاخرة فعليه بالقران, ومن ارادهما معا فعليهبالقران )