أستاذ المنتدى --مـــــــــــــــــــــــــســــــــعـــد النجـــــــــــــــــــــــــــــار--

وان طال بنا غيابة..يظل فى القلوب مكانة

أستاذ ومربى فاضل

كرس حياتة لخدمة العلم والتعليم

عندما يذكر أسمة فيهب فى القلب حنين لأجمل الذكريات

دائما تطل منة ابتسامة خفيفة ..ليعشقة الجميع

أستاذى وأستاذنا جميعا

الأستاذ مسعد النجــــــار

كل سنة وحضرتك طيب يااستاذ مسعد

وأهلا بك معنا فى برنامجنا المتواضع

يا مراحب

منور يا زعيم

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

اشكرك ياوردة على الاستضافة وعلى هذه المقدمة الجميلة وكل سنة وانتى طيبة وكل اعضاء المنتدى بخير
ارجوا ان اكون ضفيف خفيف عليكم

عمر المختار كتب:: يا مراحب

منور يا زعيم

[ندعوك للتسجيل في المنتدى أو التعريف بنفسك لمعاينة هذه الصورة]

الله يرحب بيك ياعم عمر
مفيش وقت للتسخين
انزل باللى عندك على طول

منورنا ياستاذ مسعد

منورنا ياستاذ مسعد

زائر

اهلا وسهلا ياعم مسعد سخن انت كدا مع نفسك

وهرجع بشويه اسأله....ما انت ياما هريت الطلبه اسأله اتقل انت بس . [ندعوك للتسجيل في المنتدى أو التعريف بنفسك لمعاينة هذه الصورة]

محمد الشوربجى كتب:: منورنا ياستاذ مسعد

دا نورك يامحمد
على فكره محمد ابن استاذى جمال الشوربجى
اعامله كصديق لكن الأمر لا يسلم من قرصة ودن من حين لآخر
روح ذاكر بقه

شئ غريب

اقتباس :: شئ غريب

لية ياانسة عفاف ,اية اللى غريب بس قوليلى

الاستاذ الفاضل مسعد النجار
منور البرنامج
وربنا يعزك يارب
احبك فى الله

ورده بلادى كتب:

اقتباس :: شئ غريب

لية ياانسة عفاف ,اية اللى غريب بس قوليلى

متخديش فى بالك ياورده عفاف بتحب تهزر
انا عارفها كويس
مساء الخيريا عفاااااااااااف ههههههههههه

أحمد شهاب كتب:: الاستاذ الفاضل مسعد النجار
منور البرنامج
وربنا يعزك يارب
احبك فى الله

ربنا يخليك ياعم احمد
احبك الذى احببتنا فيه

صباح الجود مورننج

بص يا سيدي ......... أستاذ مسعد

1- اسمك له علاقة بحياتك

2- لو دخلت علي ابنك وهو في خمسة ابتدائي لاقيته بيشرب سيجارة هتعمل ايه ؟؟؟

3- تقدر تضرب تلميذ عندك علشان الواجب ؟؟؟؟

4- هتعمل ثلاث محاضر لناس من علي المنتدي .. هتعمل لمين ... وهتعمل محضر ايه ؟؟؟؟

5- كلمة هتقولها لأبنك أول لما تقوله قوم نام ويقولك لأ لما اتفرج علي الفيلم ؟؟؟

6- اللون الأسود ماله ومال باقي الألوان في حياتك بمعني انك تحب تعيش ابيض واسود ولا ألوان ؟؟؟

7- دخلت عند الحاج محمد فتحي لاقيت منصور عامر هتعمل ايه ؟؟؟؟

8- في راجل عمل بلاغ ضد شباب العمار تعمله ايه لو عرفته ؟؟؟ وتقوله ايه دلوقتي ؟؟؟

9- المليون جنيه بتمثلك ايه ؟؟؟

10- صلاة التهجد صلتها كام مرة ؟؟؟؟

11- حصل في مرة واديت التلاميذ معلومة وبعدين بحثت فأكتشفت انها غلط ؟؟؟؟

ولو حصل كانت ايه المعلومة ؟؟؟؟

12- رأيك بصراحة في الأستاذ / عبد الشافي زاهي - مختار شاهين - عادل عيسي -

محمد عبد العليم الزكي ؟؟؟

هكمل عليك بعدين

صباح الجمال يا جميل

صباح الفل يااستاذ مسعد

امنية لاتزال تراود ولم تتحقق بعد؟؟؟

الاختلاف فى الرأى لا يفسد للود قضية. بتؤمن بهذة المقولة كام %؟؟

عمر المختار كتب:: بص يا سيدي ......... أستاذ مسعد

1- اسمك له علاقة بحياتك
نعم......علاقة طردية فى معظم الأحيان

2- لو دخلت علي ابنك وهو في خمسة ابتدائي لاقيته بيشرب سيجارة هتعمل ايه ؟؟؟
هناقشه فى الفوايد والأضرار

3- تقدر تضرب تلميذ عندك علشان الواجب ؟؟؟؟
اكيد ..... بتحصل كتير

4- هتعمل ثلاث محاضر لناس من علي المنتدي .. هتعمل لمين ... وهتعمل محضر ايه ؟؟؟؟
احمد طلعت هطالبه بالتنحى عن الإدارة لقلة تواجده ويكفيه لقب (مؤسس)
د/ عبدالغنى عبده هعمله محضر فقد
مصطفى فتحى ازعاج سلطات

5- كلمة هتقولها لأبنك أول لما تقوله قوم نام ويقولك لأ لما اتفرج علي الفيلم ؟؟؟
هقوله مفيش مانع بشرط انك تكلمنى عن استفادتك منه بكره الصبح

6- اللون الأسود ماله ومال باقي الألوان في حياتك بمعني انك تحب تعيش ابيض واسود ولا ألوان ؟؟؟
الحياة بالألوان افضل بكتير على الأقل بتشوف كل شىء على طبيعته

7- دخلت عند الحاج محمد فتحي لاقيت منصور عامر هتعمل ايه ؟؟؟؟
الحاج فتحى يمثل لى القدوة فلو دخلت عنده ولقيت منصور عامر هقعد لحين انتهاء المجلس
وهفكر فى حكاية القدوة دى بينى وبين نفسى وانا خارج

8- في راجل عمل بلاغ ضد شباب العمار تعمله ايه لو عرفته ؟؟؟ وتقوله ايه دلوقتي ؟؟؟
وارد شباب العمار ليسوا فوق المسائلة
واقوله هو نصف الحاضر وكل المستقبل

9- المليون جنيه بتمثلك ايه ؟؟؟
رقم مبيخطرليش على بال

10- صلاة التهجد صلتها كام مرة ؟؟؟؟

بعدد المرات التى ذهبت فيها لمسجد عمرو بن العاص فى رمضان وان ذادت فقليل

11- حصل في مرة واديت التلاميذ معلومة وبعدين بحثت فأكتشفت انها غلط ؟؟؟؟

ولو حصل كانت ايه المعلومة ؟؟؟؟
مرات كثيرة ولا اتحرج من الاعتراف بذلك فهناك بعض المفردات نحتاج إلى الرجوع فيها للمعجم للتحقق من صحتها

12- رأيك بصراحة في الأستاذ / عبد الشافي زاهي - مختار شاهين - عادل عيسي -

محمد عبد العليم الزكي ؟؟؟

عملا بنصيحة عمرو امام
ياريت تتمهل فى صراحتك حتى لا يسقط الفضل بينك وبين الناس
فكلهم اخوة نكن لهم الاحترام والتقدير

ورده بلادى كتب:: صباح الفل يااستاذ مسعد
صباح النور
امنية لاتزال تراود ولم تتحقق بعد؟؟؟
الأمنيات التى لم تتحقق بعد كثيرة
أتمنى أن تعقب طاعتى طاعة
أتمنى أن يحقق محمد ومى ما عجز والدهم عن تحقيقه
أتمنى أن يأتى يوم اسمع فيه هذا الخبر (إنا لله وانا اليه راجعون توفى الى رحمة الله تعالى .....النجار ,الجزار,الداعوس.الخ والعذاء مقام فى مركز شباب العمار) على غرار العلامية

الاختلاف فى الرأى لا يفسد للود قضية. بتؤمن بهذة المقولة كام %؟؟
أؤيدها بنسبة كبيرة جدا ولكن هذه المقولة كلمة حق أحيانا يراد بها باطل
هناك أمور لا يجوز الاختلاف فيها على المطلق وحسب مقتضى الحال
هنا الاختلاف فى الراى يفسد كل شىء
فمثلا
التغيير اصبح ضرورة لما نعيشة اليوم وهذه قضية الأختلاف فيها يفسد الوطن لا الود فحسب

أحمد صلاح هلالى كتب:: اهلا وسهلا ياعم مسعد سخن انت كدا مع نفسك

وهرجع بشويه اسأله....ما انت ياما هريت الطلبه اسأله اتقل انت بس . [ندعوك للتسجيل في المنتدى أو التعريف بنفسك لمعاينة هذه الصورة]

أهلا بيك ياعم احمد
رجعت ولا لسه

متابعين ياعم مسعد اجاباتك نارية وصادقة كما عودتنا.

حياتك فى اربع كلمات؟؟؟

اهم شئ بحياتك؟؟؟

انا ومن بعد الطوفان,هل لها مكان فى حياتك؟؟

دعوة للصلاح لمن تواجهها؟؟

زائر

والله جايلك ياعم مسعد بس خلينى فى الاخر شويه

علشان يبقى ختامه مسك [ندعوك للتسجيل في المنتدى أو التعريف بنفسك لمعاينة هذه الصورة]

حياتك فى اربع كلمات؟؟؟
البحث عن الذات........(كفاية ثلاثة)

اهم شئ بحياتك؟؟؟
ماضيها وحاضرها
(أمى وأولادى)

انا ومن بعد الطوفان,هل لها مكان فى حياتك؟؟
مطلقا

دعوة للصلاح لمن تواجهها؟؟
مسعد النجار

احمد فتحي كتب:: متابعين ياعم مسعد اجاباتك نارية وصادقة كما عودتنا.

شكرا ياهندسة

الله عليك يا ا/ مسعد بجد مستمتع بالردود [ندعوك للتسجيل في المنتدى أو التعريف بنفسك لمعاينة هذه الصورة]

» أستاذ ذكي جداااااااااااااا
» أستاذ علي فضة كل سنة وانت طيب
» المنتدى ليس بمنتدى بدون ... عمر محامى المنتدى ...؟؟؟!!!
» كل سنة وانت طيب يا أستاذ سميح
» أستاذ على أبو الفتوح.........كل سنة وأنت طيب