كارثة جلبها علينا التقاعس والهوان

أولا:اسف على العنوان
ثانيا معلش سامحونى بس الموقف صعب
شخص بين يدى الرحمن وربنا يلطف بية
والثانى ربنا يرحمة ويتجاوز عنة
وبلد تخلت عن كرامتها ودفن أهلها رؤسهم فى التراب
وفوزية ورضا وصابر
اماا الاول فهو استاذى/ سامى أحمد منصور فراج المحامى
يرقد بمستشفى طوخ بين يدى الرحمن ربنا يعفى عنة ويشفية ويلهمة الصبر والسلوان
مصابا بجروح تخطت الاربعين غرزة فى الوجهة والرأس صناعة رضا عبدة صابر
وجرح بالبطن أسفل الصرة صناعة فوزية زوجة عبد صابر
والثانى المرحوم / وحيد أحمد منصور فراج شيق المصاب الاول الذى لقى حتفة إثر طعنة من
صابر عبدة صابر
والكلام حصل فى قبل المغرب بنصف ساعة فى مكان حساس من القرية بجوار مخبر فريحة بالطريق العمومى
الزرعية او داير الناحية

وبلــــــــــــــــــــــــــــــــــــــــــــــــــــــــــــــــد
تخلت عن كرامتها وتخلى أهلها عن رجولتهم إلامن رحم ربى
بلد
مفهياش راجل من الى شاف الواقعة عايز يشهد
روحنا لهم فى البيوت الاخوة اصحاب المحلات الى المفترض شافو الواقعة كاملة
انكروا رؤيتها
وادعو انهم اغلقو محلاتهنم قبل الواقعة
ولم يمتثلوا لامرة تعالى
(ومن يكتمها فانة اثم قلبة)
وهى الشهادة
ويعوض اللة عليها البلد
شيخنا الشيخ رضوان الزق إتكلم من عام تقريبا بمسجد الفقى عن
المحامين والشهادة الزور او بمعنى اصح اتكلم عن الشهادة الزور وذكر ما يفعلة قلة من
المحامين

ياريت لو حد يبلغة يتكلم بقى فى كتمانها وسامحونى لو اسات او اخطات فى التعبير فالموقف صعب

وياريت لوحد شاف الواقعة ويحب يدلى باقوالة اى محام فى العمار رهن الاشارة
هناخدة ونودية يدلى بشهادتة ونرجعة بيتة تانى

واستحلفكم بالله انى تدعو للاستاذ سامى بالشفاء ولشقيقة بالرحمة

شئ مؤسف بس انا للاسف رحت بس متاخر ماشفتش حاجة المشكلة انى صابر خرج من البلد امام الناس كلها وسمعنا انه راح ابو الغيط

ربنا يشفيه ويعافيه يارب

استغربت جدا لما والدى قالى محدش راضى يشهد على الواقعه

حاجه غريييبه جدا مش عارف الناس مالها خايفين من ايه ولا على ايه مش عارف

ربنا يهديهم ويشهدوا عليهم علشان نستريح بقه

الخطو تبدا من محامين العمار الاول ياخ شريف لان الاستاذ سامى زميل لهم وهما عارفين جميع الخطوات القانونية

اقتباس :: الخطو تبدا من محامين العمار الاول ياخ شريف لان الاستاذ سامى زميل لهم وهما عارفين جميع الخطوات القانونية

طيب ما هما مستعدين ،، عرفت ان كل المحامين كانوا متواجدين هناك

ربنا يعينهم ويخلصونا من همهم ده

المهم يخلصوا اجراءات المتوفى فى اقرب وقت لان اهله فى الشارع لدوقتى واكرام الميت دفنه

رجل القضاء كتب:: المشكلة انى صابر خرج من البلد امام الناس كلها وسمعنا انه راح ابو الغيط

لا هما الثلاثة اتقبض عليهم
بس كونة يخرج بدون إعتراض من أحد فهو قمة العار

رجل القضاء كتب:: الخطو تبدا من محامين العمار الاول ياخ شريف لان الاستاذ سامى زميل لهم وهما عارفين جميع الخطوات القانونية

المحامين مستعدين ان شاء الله
بس إلى شاف ينطق ويتكلم

رجل القضاء كتب:: المهم يخلصوا اجراءات المتوفى فى اقرب وقت لان اهله فى الشارع لدوقتى واكرام الميت دفنه

ان شاء الله بس ادعولنا

والله انا من الناس الى هتحاول تقنع الى شاف انه يتجرا ويشهد لله اولا وعلشان مايضعش حق الناس دى

هو اتقبض عليه خارج العمار يااستاذ عمر ولا ايه

رجل القضاء كتب:: هو اتقبض عليه خارج العمار يااستاذ عمر ولا ايه

شبرا يافندم
تحديدا بيجام

لا حول ولا قوة إلا بالله ..

العمار كلها تشهد بسوء هؤلاء الناس .. فهل لنا ان نطالب بطرد هؤلاء خارج البلد ؟؟
إن شاء الله نجد إلى ذلك سبيلا ..

عموما احنا نحاول نجعل الناس اللى شاهدوا الحادث يروحوا يشهدوا

وكفاية خزى وذل وعار .. (ومن يكتمها فإنه آثم قلبه)

ورحم الله المتوفى .. وأسأل الله أن يشفى ا- سامى منصور

والله المستعان

الموضوع محتاج يتنظم احسن من كدا يا أستاذ عمر بالنسبة لموضوع الشهادة

وساعتها هتلاقي الناس كلها معاكم

لكن واحد بس او حتي 5 يروحوا يشهدوا علي الناس دي فلهم الحق انهم يخافوا علي نفسهم وعلي اولادهم

لكن لو كل المحامين اتجمعوا وقابلوا الناس وكونوا عدد كبير الناس مش هتخاف تروح تشهد

ويوم الادلاء بالشهادة ممكن نخرج اكبر عدد من العمار يروح مع الناس اللي هتشهد

ومش بس كدا ياريت كل محامي يرفع عليهم قضية في كل دائرة من دوائر مصر

وعلي عدد الدوائر وعدد المحامين هيكون عليهم قضايا لو قعدوا طول عمرهم في المحاكم عمرهم ما هيخلصوها

ومش هما بس كل العينة اللي من النوع ده يترفع عليها قضايا من كل محامين العمار

ويارب نشوف موقف من محامين العمار يرد للبلد كرامتها من تاني واحنا معاكم ان شاء الله

Ahmed Mansour كتب:: الموضوع محتاج يتنظم احسن من كدا يا أستاذ عمر بالنسبة لموضوع الشهادة

وساعتها هتلاقي الناس كلها معاكم

لكن واحد بس او حتي 5 يروحوا يشهدوا علي الناس دي فلهم الحق انهم يخافوا علي نفسهم وعلي اولادهم

لكن لو كل المحامين اتجمعوا وقابلوا الناس وكونوا عدد كبير الناس مش هتخاف تروح تشهد

ويوم الادلاء بالشهادة ممكن نخرج اكبر عدد من العمار يروح مع الناس اللي هتشهد

ومش بس كدا ياريت كل محامي يرفع عليهم قضية في كل دائرة من دوائر مصر

وعلي عدد الدوائر وعدد المحامين هيكون عليهم قضايا لو قعدوا طول عمرهم في المحاكم عمرهم ما هيخلصوها

ومش هما بس كل العينة اللي من النوع ده يترفع عليها قضايا من كل محامين العمار

ويارب نشوف موقف من محامين العمار يرد للبلد كرامتها من تاني واحنا معاكم ان شاء الله

الرأي ما قال أحمد منصور

وتعاونوا علي البر والتقوى

واذكروا قول الله تعالى ( ولولا رهطك لرجمناك وما انت علينا بعزيز )

أين السيد المحترم اللواء

عضو مجلس الشعب مما يحدث

أليس برجل أمن ورجل قانون ؟؟؟؟؟؟؟

ام انه ينتظر لنتيجه المجمع قبل أن يتخذ اى اجراء

ولا حول ولا قوة الا بالله

السلام عليكم يا شباب العمار ويا اهل العمار
رسالة مؤجها الي كل اهل العمار يجب التعامل مع مثل هذة العينة من امثال اولاد عبده صابر وزوجتة وغيرهم من حثالة المجتمع بأن لا تعطيهم اي وجه حتي السلام لا تلقه عليهم
مثلا الرجل الذي اعطاهم محل للايجار في منطقة الحادث فهو ايضا اثم لماذا لانه اذا ما اعطهم محل وغيره وغيره علي تفس الموقف فلن يجدوا ملاذا ولا ملجا داخل البلد فما الا عليهم بالرحيل من حيثوا اتوا
انا علي الخصوص حصل موقف شخصي مع هؤلاء الحثالة من المجتمع ومن من من انجالهم واحفادهم فقد قام بسرقة علامة السيارة من امام المنزل ماذا فعلت ذهبت والدتي اليهم بدون كلام ولا سلام وروت لهم القصة واعطتهم اوصاف الولد وقلت لهم عندما يأتي احضروا العلامة بدون اي كلام وفعلنا بعد حوالي عشر دقائق قامت احداهم بأحضار العلامة
المقصود من هذه القصه بأن لا احد يعطيه وجه ولا يبيع ولا يبتاع منهم شئ حتي سلام الله لاتلقه عليهم
هذا رأيئ
ورحم الله الفقيد وتغمده برحمته واللهم ما الهم اهله الصبر والسلوان

زى ما قال إخوانا

موقف المحامين + موقف النائب الحالى + موقف جماعى من أهل البلد

__

وأسجل اعتراضى على العنوان يا أ/عمر رغم الإستثناء

ومقدر موقفك وربنا يشفى الأستاذ سامى

واعتقد إن موقف المنتدى واضح بالنسبة لحضرتك

وممكن تفكر وتتحرك ونتحرك احنا كمان معاك

وناخد موقف مش جديد على شباب العمار اللى هم أفضل رجالة البلد بجد

شوف عاوز مننا إيه وتأكد إننا مش هانتأخر

[ندعوك للتسجيل في المنتدى أو التعريف بنفسك لمعاينة هذا الرابط]

اقتباس :: شوف عاوز مننا إيه وتأكد إننا مش هانتأخر

العمار بقيت مافيا اصبحنا مثل الباطنية وابوالغيط

ناس ملهاش لازمة وخوفنا منهم عملهم قيمة وسعرهم

حرام قوى كدة خلاص فقدنا الامان خلاص نسينا ربنا ازهاق الروح بقى شئ سهل

احنا فى انهى زمن دة يا عالم

ربنا يلطف بينا

بس من جبن بلدنا زهرت البكتريا الحقيرة دى

حسبى الله ونعم الوكيل

ربنا يرحم وحيد

ويشفي االاستاذ سامي

العمار بعد ما كان بينضرب بيها المثل في الطيبة والكرم بقيت مأوي لكلاب كتيييير
زي ولاد عبده صابر ناس كتير في البلد

بس الجبن سيد الاخلاق

اللهم اشفى الاستاذ / سامى

لازم نقف واقفه واحده ضد هؤلاء الطغاه

الذين عسوا فى الارض الفساد

Ahmed Mansour كتب:: الموضوع محتاج يتنظم احسن من كدا يا أستاذ عمر بالنسبة لموضوع الشهادة

وساعتها هتلاقي الناس كلها معاكم

لكن واحد بس او حتي 5 يروحوا يشهدوا علي الناس دي فلهم الحق انهم يخافوا علي نفسهم وعلي اولادهم

لكن لو كل المحامين اتجمعوا وقابلوا الناس وكونوا عدد كبير الناس مش هتخاف تروح تشهد

ويوم الادلاء بالشهادة ممكن نخرج اكبر عدد من العمار يروح مع الناس اللي هتشهد

ومش بس كدا ياريت كل محامي يرفع عليهم قضية في كل دائرة من دوائر مصر

وعلي عدد الدوائر وعدد المحامين هيكون عليهم قضايا لو قعدوا طول عمرهم في المحاكم عمرهم ما هيخلصوها

ومش هما بس كل العينة اللي من النوع ده يترفع عليها قضايا من كل محامين العمار

ويارب نشوف موقف من محامين العمار يرد للبلد كرامتها من تاني واحنا معاكم ان شاء الله

يعنى اية يافندم تنظيم ياستاذ احمد الناس خايفة تطلع وبتنكر وجودها أثناء الواقعة بالمكان مع اننا تاكد لينا انهم كانوا موجودين
وبعدين مش لو خمسة لو واحد هيخاف من مين هو فاضل مين برة منهم ولامتى هنفضل ندفن راسنا فى التراب
ياجدعان داواحد اللة يرحمة والتانى ربنا يعديها معاة على خير
انا إلى املكة انى اقول ان المحامين فى اول الصف فهل فى حد شاف الواقعة معاهم وممكن يدلى ولا لا

إيـــهاب رفعت كتب:: زى ما قال إخوانا

موقف المحامين + موقف النائب الحالى + موقف جماعى من أهل البلد

__

وأسجل اعتراضى على العنوان يا أ/عمر رغم الإستثناء

ومقدر موقفك وربنا يشفى الأستاذ سامى

واعتقد إن موقف المنتدى واضح بالنسبة لحضرتك

وممكن تفكر وتتحرك ونتحرك احنا كمان معاك

وناخد موقف مش جديد على شباب العمار اللى هم أفضل رجالة البلد بجد

شوف عاوز مننا إيه وتأكد إننا مش هانتأخر

اعتراضك على دماغى واكرر الاعتذار
احنا يادكتور بالفعل اتحركنا
والى احنا عايزينة
فى اكثر من خمسين واحد شافو الواقعة
عايزين 2 بس منهم يقولوا شافوا اية
والمحامين جميعا اول الصف

» كارثة كارثة بجد أدخلوا أرجوكم شوفوا وصلنا لفين؟؟
» فهمي هويدي يكتب........كارثة أن تكون مواطنًا عاديًا!
» كارثة بكل المقاييس عن انفلونزا الخنازير لو هذا صدق
» كارثة إنســانية ــ حالة حرجة جدا
» كارثة فى المعهد الدينى بالعمار