الدكتور أكرم فؤاد السمادونى ...يطرح برنامجه الانتخابى لشباب العمار

فعلا هو كلام زى الفل زى ما البشمهندس قال ونتمنى نشوف افعال

كلام جميل جدا

بس الكلام سهل والفعل بيبقى صعب جدا

أى مرشح بيبقى له برنامج انتخابى بس ياريت يتنفذ 1% منه مش هقولك كله ويهمنا نشوف أفعال

مش كلام بس

لماذا ؟؟؟

بالتوفيق يادكتور أكرم.

يا جماعه انا نفسى اوضح لكم بعض الامور
اولا/ الدكتور اكرم عامل مؤتمر يوم الجمعه بعد صلاه العشاء لمناقشه برنامجه الانتخابى
ويدعوا حضراتكم
ثانيا/ اللى بيتكلم على البرنامج يروح يقعد معاه وهوه هيفهم قصده
ثالثا/ من السهل انه يعمل كلام انشاء كبير وكتير
فمثلا يقول هنرصف الطرق وهنبنى مستشفيات
وهنجيب وظائف ومش هيكون فى بطاله
وهعمل واسوى بس كله كلام وخلاص
الراجل عايز يقعد معاكم يشارككم وتشاركوه
والراجل قعدت معاه دقائق معدوده وضح لى وجهه نظره
ونفسه يجلس معاااااااااااااااااكم
اللهم بلغت اللهم فاشهد
وعلى فكره انا اقسم بالله ليس لى مصلحه من قريب او بعيد
بس كل الحكايه انى عايز اوصل وجهه نظره
وشكر واسف للاطااااااااااله

بعيدا عن الاسئلة وكمية لماذا وعلامات الاستفهام والتعجب
عليك ان تنال القلوب لكى تنال الاصوات هكذا فعل الاستاذ\عمرعامر
فماذا انتا فاعل
او تنال السلطة بأن تكون وطنى فتضمن النتيجة كمافعل منصور
فماذا انتا فاعل
مع احترامى الشديد لشخصك الذى لم تراه عينى
كيف لك أن تأخذ ولم نسمع أونرى لك أى عطاء

بسم الله الرحمن الرحيم
انا حقيقي عندي مئات الاسئلة لكن هختصرها في الآتي
1- بالنسبة للبرنامج الانتخابي انا من الاساس معترض علي المسمي ده ممكن نسمية توجهك الفكري لأنك لأني تعريف كلمة برنامج أنه مجموعة من الخطوات المنطقية التي ترتب ترتيب منطقي وتؤدي في النهاية إلي نتائج متوقعة وحضرتك أو أي حد غيرك في مصر ميقدرش يوعد بأي حاجة ولو بسيطة وينفذها إلا بموافقة النظام وطبعا لأني حضرتك مش تبع النظام يبقي مفيش حاجة هتتحقق لكن أنا شخصيا بالنسبة لي ده مش مهم المهم توجهك السياسي وأرائك في القضايا السياسية والتشريعات اللي بتمس حياتنا . فيا تري أيه هي توجهاتك ؟

2- المفروض اني فيه ترتيب منطقي للأحداث فما هو تاريخ الدكتور أكرم السياسي حتي ينزل علي رغبة الجماهير ويكون نائبا عنهم ؟
3- لو لم يكن هناك تاريخ سياسي سابق حتي اننا جميعا لا نعلمة وممكن جدا يكون فيه دور خيري ومش لا زم تفصح عنه ليه الدكتور أكرم ومش ليه المرشحين الحاليين يا تري حضرتك شايف انهم مبيعبورش عنا وأننا في حاجة ماسة لشخص آخر يعبر عنا ؟
4- لو أننا في حاجة لشخص آخر يعبر عنا وهذا الشخص هو حضرتك مفيش مانع خالص وممكن انا شخصيا وكتير زيي يدولك أصواتهم حتي لو واثقين 100% انك مش هتنجح لكن يا ريت حضرتك تبذل مجهود وتدور علينا وتقنعنا وساعتها هنكون قلبا وقالبا معاك أنا مش شايف ده حصل لسه أمال هيحصل أمتي ؟
5- انا لفيت معظم بلاد الدورة مش لاقي أي دعايا وإن لاقيت بتلاقيها علي استحياء ليه فده مدينا احساس بأنك مش عايز تصرف علشان معندش ثقة أنك تنجح فلو انت معندكش ثقة في نفسك أزاي بتطلبنا إننا نديهالك ؟
6- كتير من اهالي البلد مش البلاد اللي حوالينا ميعرفش حتي صورتك فين اليفط الاعلانية الكبيرة اللي عليها صورتك ورمزك مش مجرد ايكونات مقتطبة ؟

اقتباس :

بالنسبة للبرنامج الانتخابي انا من الاساس معترض علي المسمي ده ممكن نسمية توجهك الفكري

ربنا يوفق الجميع وتمنياتنا بالنجاح والتوفيق