شوفوا مقاييس الشباب .. غريبة جدااااااا

السلام عليكم ورحمة الله وبركاته

انا هطرح عليكم بعض المفاهيم اللى عند بعض الناس لكنها غريبة جداااااااااااااااااا

يقول أحدهم/
* الراجل ده حرامى بس والله جدع قوى
* الله يرحمه ده كان راجل طيب - كان يصحى الصبح ينزل يقعد على القهوة لحد الفجر ويطلع ينام
* الواد ده بيعلق بنات كتير ومفلفل شعره لكن ايه .. واد راجل بجد بياخد نفس السيجارة ميخرجش منه حاجة
* الراجل ده من اعيان العمار (وهو تاجر مخدرات عينى عينك والناس عارفه)
* الله يرحمه كان شاب ولا كل الشباب .. كل الناس كانت بتحبه (وهو مش بيصلى)

والسؤال الان للشباب والفتيات/
ماهو معنى الرجولة فى نظركم ؟؟؟؟؟؟؟؟؟؟؟؟؟؟؟؟؟

اتمنى ان اعرف ردودكم

جزاك الله خيرااا عن الموضوع يا عمرو

شوف الرجولة دى صفة يمكن ان تتواجد فى الذكر والانثى
انا من جهة نظرى المحدودة طبعا شايفة ان الجولة هو ان الواحد يكون عندو القدرة فى انه يدير حياته واى موقف يتعرض ليه ببراعة ويقدر انه يكسب ثقة الناس فيه بافعال مش بكلام وميتخلاش عن حد طلب مساعدته وطبعا ما يخنش صديقه ويشوف الناس بعين صائبة
ويقولوا عليه ده والله راجل او يقولوا عليها دى بنت بمية راجل000000000

السلام عليكم اولا
الموضوع حلو يا عمرو والسؤال احلى
الرجوله ليها اكتر من معنى لو هتعد هتلاقى تعبيرات رائعه بتمثلها من افضلهم ان الرجوله = النخوه يكون الرجل غيور على اهل بيته يكون قادر انه يواجه كل المشاكل وعنده اصرار انه يتغلب عليها يكون عنده طموح وصبر وامل
طالما صبور يبقى على يقين انه مؤمن بقدر الله وده قمه الايمان ويكون مؤمن اشد الايمان بربنا سبحانه وتعالى ويستمد قوته من ايمانه اللى اكيد من كل العوامل دى هتظهر رجولته وهيظهر اد ايه هو رجل بمعنى كلمه رجل

والله احلى حاجة فى المنتدى ان فى ناس عظيمة زيكم يتقدر مجهود الواحد
والف شكر ليكى يا حنين و روز
واتمنى يبقى مشاركات اكتر من كده وخصوصا من الرجاااااااااالة

تسلم ياباشا

الرجولة دي فعال تنم عن شخص محترم وكمان جدع ومؤدب وشخصية لا يستهان بها

بعد السلام عليكم ورحكة الله وبركاته

انا اولا بشكر الاخ عمرو امام على المجهود المتواضع اللى بيقوم بيه واحب اقوله ان الرجوله ادب

مش هز اكتاف والراجل مش بس بكلمته الراجل برعايته لبيته واسرته

في نظري ان الرجولة معناها تحمل المسئولية ودي بقى قيس عليها
كل حاجة في الدنيا .......
ليس الرجل من قال ابي وعمي انما الرجل من قال ها انا ذاك.............
رابنا يبارك فيك ......موضوع جميل

ليس كل الذكور رجالاً، ولا كل المؤمنين رجالاً ولا كل أصحاب العضلات المفتولة أو الشوارب المبرومة أو اللحى المسدولة أو العمائم الملفوفة أو النياشين البراقة أو الألقاب الرنانة رجالاً.

وبالرغم من كثرة المسلمين في هذا الزمان واقتراب أعدادهم من المليار ونصف إلا أنني أجزم أن أكبر أزمة تعانيها الأمة الآن - بعد أزمة الإيمان - هي أزمة رجولة وقلة رجال.

والمتأمل في القرآن الكريم يكتشف أن الرجولة وصف لم يمنحه الحق تبارك وتعالى إلى كل الذكور ولم يخص به إلا نوعًا معينًا من المؤمنين.. لقد منحه لمن صدق منهم العهد معه فلم يغير ولم يبدل ولم يهادن ولم يداهن ولم ينافق ولم يتنازل عن دينه ومبادئه وقدم روحه شهيدًا في سبيل الله أو عاش حياته في سبيله مستعدًا ومنتظرًا أن يبيعها له في كل وقت نفهم هذا من قول الله عز وجل: {مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً} فقد بين سبحانه صفات الرجولة بعد أن أكد أنه من المؤمنين رجال وليس كل المؤمنين رجالاً.

والرجولة وقوف في وجه الباطل وصدع بكلمة الحق ودعوة مخلصة إلى الله بالحكمة والموعظة الحسنة واستعلاء على الكافرين وشدة على المنحرفين وأصحاب الأهواء وابتعاد عن نفاق وتملق ومداهنة السلاطين وأصحاب النفوذ ومواجهة للظلم والظالمين مهما عظم سلطانهم ومهما كلف تحديهم واستعداد للتضحية بالغالي والنفيس والجهد والمال والمنصب والنفس من أجل نصرة الحق وإزالة المنكر وتغييره.

ارد علي الاخت حنين وهي بتقول..شوف الرجوله دي صفه ممكن توجد في الذكر والانثى..
بقوله تعالى {مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً} .

لقد قال الحق من المؤمنين رجال....ازاي توجد في الذكر والانثى؟ ..ربنا مقالش من المؤمنات...يمكن اكون فاهم معني الايه غلط...ياريت افهمهه منكم؟؟؟؟؟؟؟؟

جزاكم الله خيراااااااااااا

مقولة احمد زايد:
لقد قال الحق من المؤمنين رجال....ازاي توجد في الذكر والانثى؟ ..ربنا مقالش من المؤمنات...يمكن اكون فاهم معني الايه غلط...ياريت افهمهه منكم؟؟؟؟؟؟؟؟

يا ريت يا جماعة اللى عنده اى معلومة او تفسير للاية
ميبخلش بيها علينا
وربنا يبارك فيك يا احمد

السلام عليكم ورحمة الله وبركاتة
عمرو انت مشكلة بجد موضوعاتك تجنن وتشد الواحد انو يرد عليها
زى ما بتقول البمبونايا روز الموضوع حلو والسؤال احلى
معنى الرجولة عندى هى الشهامة وصفاتها معرفة الواجب الى علية والى لية ويفكر ديما فى المستقبل يعنى يبص لقدام ديما وعندة اى استعداد انو يواجة اى محنة حتى لو كانت اية وقليل الكلام لكن سريع التفكير وايضا قليل الكلام و كثير الافعال وحجات كتير قوى

وعليكم السلام ورحمة الله وبركاته
يارب يا ملاك اعملك مشااااااااكل كتير ومواضيع كلها تعجبك
هههههههههه
وبجد هقولهالك تانى انتى اكبر مكسب للمنتدى
ويا ريت تسألى عن تفسير الايه
وجزاكم الله خيراااااااااااااااا

» قوانين غريبة جدااااااا
» غرائب الشعوب في مقاييس الجمال
» يوميات طفل شقيان جدااااااا
» مجوهرات جااااااامد جدااااااا 2009
» عايزين ترحيب جامد جدااااااا......