الأخــــــــــــــــــــــوة أصحاب مرض

هل هناك في العمـــار شخص ممكن يكون جهة انتماء ؟؟

يعني هل حضراتكم ممكن تنتموا لحد بعينه .. وتمشوا وراه وانتوا مغمضين .. شمال يبقي شمال ..

يمين يبقي يمين .. كلامه قران منزل .. اشارته تعتبر امر واجب النفاذ

.. اولا مفيش في العمار ولا خارج العمار حد ممكن يكون جهة انتماء

في اشخاص في العمار بيتعاموا مع الناس علي اساس انهم جهات انتماء

بمبدا ... انت معانا ولا مع الناس التانيين

يعني ... انت تبعي ولا تبع حد تاني

ولو انت مش تبعي ؟ تبقي اكيد تبع الناس التانيين

مش بيحاولوا يفهموا اننا ممكن نعجب بفكرة فنحاول نكبرها بدون اي نوع من انواع التبعية

مش بيحاولوا يفهموا اننا ممكن نكون ثقافيا وعلميا اعلي من عقولهم بكتير ومينفعشي اننا ننتمي ليهم

بأي شكل من الاشكال .. لان مفيناش حد يبقي عثمان الطباخ ولا عبده السواق ولا عم محروس البواب

علشان ننتمي ليهم بدون وعي ولا عقل مع احترامي لعم عثمان وعم عبده وعم محروس

الاخـــــــــوة اللي من النوع ده .. بحس انهم اصحاب مرض

ناس مغيبة عن الواقع

متخيلين ان المجتمع كله صورة مكبرة لمجالس النفاق اللي بيقعدوا فيها

مش عايزين يفهموا اننا اكبر من كدا بكتييييييييييييييييييييير

وخليهم كدا عنهم ما فهموا

!!

اقتباس :

مش بيحاولوا يفهموا اننا ممكن نعجب بفكرة فنحاول نكبرها بدون اي نوع من انواع التبعية

عايزين بقى نعمل دي كذا اغنية لكذا مطرب ومطربة وممكن نعملها فيلم او مسرحية المهم تتفهم

واهو كتر التكرار يعلم "الشطار"

وربنا يشفى كل صاحب مرض

انا مش فاهم حاجة خالص

افهموها بقه
يسلم فمك ياحمد يامنصور
بس خليك مصحصح ينوبك ثواب لأنك لما مبتبقاش فى الفورمه بتزعلنى منك قوى

بس ليا تعليق صغير
العمار مليانة جهات انتماء بس بمفهوم مختلف عن المفهوم اللى انت طرحت بيه السؤال
يعنى انت مثلا ممكن تكون جهة انتماء فى امر معين لفترة معينة وانتمائى اليك لا يلغينى حتى اصير حكرا لك على الدوام
انتهى ذلك العهد بلا رجعة

أسأل الله العظيم رب العرش الكريم أن يشفيهم

أسأل الله العظيم رب العرش الكريم أن يشفيهم

أسأل الله العظيم رب العرش الكريم أن يشفيهم

اللهم اشف كل مبتلى مسلم

قولوا آمين

حقا .. مرض العقل أضر من مرض الجسم

.
.

دى بقى من ضمن المشاكل الى بنواجهها فى منتدانا
واكبر مشكله بتقابل كل الناس هنا
لما تلاقى واحد بيتكلم عن موضوع عام يخص كل الناس
حصل معاه هوه او مع 10 اعضاء من المنتدى
ويخش يقول ياجماعه انا مش موافق على الموضوع الى بالى بالكم
ياريت ياعم احمد ياتتكلم ع العام وتفهمنا ايه الى حصل بالظبط
يا الموضوع تعمله خاص بالناس الى حضروه وحصل معاهم
عشان مش هتلاقى حد هيخش غير الى فهمين ايه الحكايه بالظبط

مش هاقول غبر ربنا يشفيهم لانك زي ماقلت اصحاب مرض

وربنا يصبرنا

أنتم رؤس القوم فى مجالسكم
فكم من رؤس تحملها جسمانا ..

فهذه جسمان النار موعدها ..
وهذه أخرى فى الخلد تنعانا ..

مجلسكم "ليس الأمر بيننا شورى "
وقول رؤسكم صك وسلطانا ..

ونحن هاهنا نسمع ونتكلم ..
ونثبت الحق جميلا وعرفانا ..

لا سلطوية هنا مهما تجادلنا
لا الحقد يوما ولا الحب أعمانا ..

نحن على العهد مهما تفرقنا ..
صحبة أبداَ ماقدّر الله محيانا ..

msz

Mahmoud Samir كتب:: أنتم رؤس القوم فى مجالسكم
فكم من رؤس تحملها جسمانا ..

فهذه جسمان النار موعدها ..
وهذه أخرى فى الخلد تنعانا ..

مجلسكم "ليس الأمر بيننا شورى "
وقول رؤسكم صك وسلطانا ..

ونحن هاهنا نسمع ونتكلم ..
ونثبت الحق جميلا وعرفانا ..

لا سلطوية هنا مهما تجادلنا
لا الحقد يوما ولا الحب أعمانا ..

نحن على العهد مهما تفرقنا ..
صحبة أبداَ ماقدّر الله محيانا ..

msz

الله

بيتهيألي المقصود اللي احنا دايما بنقابله في شغلنا كجمعية
بتعمل عمل و انت مش تبع فلان و لا فلان و لا علان
بتلاقي فلان زعلان و مفكرك تبع اللي ضده و علان هو كمان متضايق و مفكرك تبع فلان الأولالني و ماشي بتعليماته
عمرك ما هترضي جميع الأطراف طول ما انت على الحياد و احنا عارفين كده كويس
اسمها مشكلة التبعية
مش معايا تبقى مع الناس التانيين
طيب ايه المشكلة لما أكون مستقل بذاتي و بفكر بدماغي
هو يا إما أكون معاك يا تصنفني ضدك؟
لو عملنا حاجة في النادي تلاقي معظم الناس صنفتنا تبع الحاج خالد
لو وزعنا حاجة مع الجمعية الشرعية أو عملنا أي عمل هيفيد البلد معاهم تلاقي الكلام اننا تبع الأستاذ مسعد الديب
لو دعينا الكابتن محيي في أي عمل أو زي ما كرمناه في المهرجان خلاص بقينا تبعه و بنمشي بتعليماته و خطة عاملينها علشان نلمعه مع إن كتير اتكرموا و البلد كلها راحتلها دعوات مش عيلة عبد العاطي بس
ملخص الكلام إننا زي ما كتبنا على الرئيسية من أول ما بدأنا العمل العام واحنا بنقول على الحياد في كل شيء مش متصنفين تبع حد و لا هنكون ان شاء الله و الكيان اللي بنشتغل تحته اللي هو الجمية هو جهة انتمائنا و فقط نساعد الآخرين و نتعامل مع آخرين و نكون بكل ود مع أي عمل يخدم العمار و مع أي فرد من أهلها يريد التعاون معنا في تقديم شيء لها كجمعية مستقلة بذاتها لا تبع منصور زي ما الناس بتيجي معرض الملابس اللي بنعمله في دوار الجزاريين متخيلين ان منصور اللي عامله أو رحلة أيتام نسأل الأطفال و احنا في الطريق لماجيك لاند انتو عارفين احنا مين يقولولنا تبع منصور و كأن اترسخ خلاص في عقول الناس ان أي عمل لابد انه يتنسب ليه

بناخد على خاطرنا شوية لما حد بيظلمنا إنما الحمد لله عزيمة الإيد الواحدة و الحب اللي بين فريق العمل أقوى بكتير و بنستمر و هنستمر ان شاء الله و اللي عايز يتكلم يتكلم

الامراض كترت اليومين دول

العمار بقيت الجسم اللى فية الامراض

ويجب بتر هذا المرض

لكن مين اللى يتوجب علية كدة

اقتباس :: بيتهيألي المقصود اللي احنا دايما بنقابله في شغلنا كجمعية
بتعمل عمل و انت مش تبع فلان و لا فلان و لا علان
بتلاقي فلان زعلان و مفكرك تبع اللي ضده و علان هو كمان متضايق و مفكرك تبع فلان الأولالني و ماشي بتعليماته
عمرك ما هترضي جميع الأطراف طول ما انت على الحياد و احنا عارفين كده كويس
اسمها مشكلة التبعية
مش معايا تبقى مع الناس التانيين
طيب ايه المشكلة لما أكون مستقل بذاتي و بفكر بدماغي
هو يا إما أكون معاك يا تصنفني ضدك؟
لو عملنا حاجة في النادي تلاقي معظم الناس صنفتنا تبع الحاج خالد
لو وزعنا حاجة مع الجمعية الشرعية أو عملنا أي عمل هيفيد البلد معاهم تلاقي الكلام اننا تبع الأستاذ مسعد الديب
لودعينا الكابتن محيي في أي عمل أو زي ما كرمناه في المهرجان خلاص بقيناتبعه و بنمشي بتعليماته و خطة عاملينها علشان نلمعه مع إن كتير اتكرموا والبلد كلها راحتلها دعوات مش عيلة عبد العاطي بس
ملخصالكلام إننا زي ما كتبنا على الرئيسية من أول ما بدأنا العمل العام واحنابنقول على الحياد في كل شيء مش متصنفين تبع حد و لا هنكون ان شاء الله والكيان اللي بنشتغل تحته اللي هو الجمية هو جهة انتمائنا و فقط نساعدالآخرين و نتعامل مع آخرين و نكون بكل ود مع أي عمل يخدم العمار و مع أيفرد من أهلها يريد التعاون معنا في تقديم شيء لها كجمعية مستقلة بذاتها لاتبع منصور زي ما الناس بتيجي معرض الملابس اللي بنعمله في دوار الجزاريينمتخيلين ان منصور اللي عامله أو رحلة أيتام نسأل الأطفال و احنا في الطريقلماجيك لاند انتو عارفين احنا مين يقولولنا تبع منصور و كأن اترسخ خلاص فيعقول الناس ان أي عمل لابد انه يتنسب ليه

بناخدعلى خاطرنا شوية لما حد بيظلمنا إنما الحمد لله عزيمة الإيد الواحدة والحب اللي بين فريق العمل أقوى بكتير و بنستمر و هنستمر ان شاء الله واللي عايز يتكلم يتكلم

الله عليك يا عم اسلام

انت قلت كل حاجة علي بلاطة زي ما بيقولوا

واتمني اللي مش فاهم يفهم بقي

بسم الله ما شاء الله عليكوا
رد اسلام جامد ومقنع جدا
وأنا معاه فى كل اللى قاله ويارب دايما يكون المنتدى والجمعية
يكونوا أصحاب رأى وارادة حرة
وكملوا طريقكم وربنا معاكوا

الله عليك يعم احمد من اجمل واجرئ المقالات علي المنتدي منذ لحظة تسجيلي قولت كل مايجول بخاطري بمنتهي الذكاء ...

إسلام كتب:: بناخد على خاطرنا شوية لما حد بيظلمنا إنما الحمد لله عزيمة الإيد الواحدة و الحب اللي بين فريق العمل أقوى بكتير و بنستمر و هنستمر ان شاء الله و اللي عايز يتكلم يتكلم

طيب بعد الكلام ده ممكن نقول ايه بس

تسلم ايدك ياعم اسلام

وربنا يقدرنا ونفضل دايما ايد واحده فى كل خير

طيب بعد الكلام ده ممكن نقول ايه بس

تسلم ايدك ياعم اسلام

وربنا يقدرنا ونفضل دايما ايد واحده فى كل خير

» العفة خلق أصحاب الايمان
» أصحاب الرسول هم الرجال حقا .. كل يوم صحابى اقرأ وتعلم .....
» 50 جنيهاً سعر أسطوانة البوتاجاز فى بعض المحافظات.. والسلفيون يطاردون أصحاب المستودعات..