يعني إيه كلمة عمار؟

فاكر ياعم إسلام
والجميل فى كلامك إنه طالع بنعناع الغيطان من قلبك

بس كان نفسى تربط خيط التذكر الحريرى بقضية أوسع
من القضية اللى انتقلت ليها بشكل مفاجىء فى المقطع
الأخير
انت سردت مجموعة مشاهد زى شريط سينما
واعتقد انك لو تعاملت معاها بمجموعة مشاهد موازية من حياتنا النهاردة تعمل بيها معادل موضوعى للفرق
بين زمان ودلوقت كان هايبقى أجمل



فاكرين ياعم إسلام..
طب انت فاكر الديب اللى كان
بيحفر مرقده ..
تحت شجر البرتقان
ونقول ياعم .. نقول ياخال
ديب هناك ظاغر لنا..
وعيونه بتطلع شرار
ويموتوه ونسحبه نرميه ف بير
طب مين ياصاحبى هايموت الديب النهارده ؟
مين هايفتل حبل يشنق بيه وجعنا؟
ومين يزيل شوك القنافد من جلودنا؟
ومين هاينصب السيبة الكبيرة فى وش الآلام؟
مين هايسقى ضحكة الورد اللى دبلت فى الغيطان؟
يامين يهز توتة عمرى تانى ..
وأقع من فوقها توته ..
مش توتا توتا ..
بس فى أرض العمار .


شكراً أخى إسلام
لأنك أيقظتنى على رائحة النعناع

ولا تتوقف
فيه شىء جميل جى معاك شايفه من بعيد
جنين وعايز يكتمل ..
بس فيه سر الحياة ..

صباح النعناع .

مسموح لى التعليق ؟

ده إنت اللي ردك أخضر بلون عنيك يا أستاذ مسعد

اقتباس :

ياااالله بجد اجمل ماقرأت ورأت عينى
بجد رجعت لزمان وايام زمان
تسلم ايدك يااسلام جميله جدا الزكريات الجميله

طبعا لو فتحنالك الباب في الذكريات انت بالذات مش هنعرف نسده

اقتباس :

مش ممكن .. فظيعة بجد لا تقولى أحمد عبد العزيز ولا أحمد فتحى ههههههه
كلام أصلى أوى

إتتريأ براحتك يا عم مصطفى يا عم أنا بعترف إن كلامي و لا حاجة جنب كلامهم ما هو طبعا مش هتجيب ابن امبارح اللي لسة بيحبي زي ناس إتمرست في الجري

اقتباس :

بس كان نفسى تربط خيط التذكر الحريرى بقضية أوسع
من القضية اللى انتقلت ليها بشكل مفاجىء فى المقطع
الأخير

يا أستاذ سميح كنت واثق ان حضرتك هتقولي كده
أنا عملت زي التلميذ اللي جاوب سؤال نص نص و قعد منتظر أستاذه يقوله السؤال ده إجابته غلط أو مش كاملة
المشكله إنه لطع الإجابة و خلاص و قال أنا و حظي و زي ما تيجي تيجي

بس فعلا حبيت أوضح حاجة حاسسها في الحاضر بتاعنا و لو إنها من ضمن حاجات كتير لكن ما حبيتش أقلبها غم في الآخر و اكتفيت بمقطع واحد فيه صورة واحدة رخمة من ضمن صور كتير لأني لو ما فرملتش في الغم هاخدلي كمان حوالي سبع أو تمن مقاطع فقلت لنفسي الطيب أحسن
و كان نفسي الصورة الرخمة اللي من حاضرنا تبقى صورة من حاضر العمار مش صورة عامة علشان تبقى المقارنة صحيحة لكني فشلت يمكن لأني لسة شايف العمار حلوة

أنا بجد مش عارفة أقول أيه أنتوا بتجيبوا الكلام ده منين ؟! و الله العظيم فكرتيني بأيمن بهجت قمر معرفش الكلام ده بيبقى شعر ازاي بصراحة دي أول أبيات أشوفها لحضرتك على المنتدى بس و الله العظيم قمة من الاحساس

ألف شكر عالتشجيع يا نور الإسلام و عارف إنها عجبتك علشان فكرتنا بس بشوية حاجات مفتقدينها في أيامنا دي

اقتباس :

اسلام طلعت
قلبه أخضر
كل ما يقوله نحبه
اتمنى ان أكون فى ربع صفاء سريرته

يا عم أحمد لا ربع و لا نص ما حدش هيصدقك علشان كله عارف مين أحمد عبد العزيز
ربنا يديم الود يا ابو سارة و ترجعلنا بألف سلامة

اقتباس :

مسموح لى التعليق ؟

مش هيبقى مسموح ليه بس يا أستاذ سيد؟؟؟
حضرتك عارف إن رأيك يهمنا حتى لو فيه نقد شديد و مش بزعل و لا باخد على خاطري من النقد لأني عارف قدر نفسي و فاهم كويس إني مش شاعر و لا حاجة و إنها مجرد هفوات كده على فترات مش أكتر و النقد في مرحلتي دي بيساعد فمالوش لازمة الزعل لكن سؤال حضرتك ده هو اللي يزعل بجد لأني هفهم منه حاجة من اتنين يا إما حضرتك حولت الإختلاف إلى خلاف و ده مش صحيح و مفيش لحضرتك عندي غير كل ود و احترام
و التاني إني بتعامل في موضوعي بديكتاتورية و بقول للناس اللي عنده كلمه حلوة يتفضل يرد و اللي معندوش مش مسموحله الرد أبدا
يا أستاذنا انت لسة حاطط سور بينا و بينك و بنتمنى يزول و يتلاشى وتقرب مننا و تفهمنا أكتر

سلمت الايادى

بالرغم من ان قوانين المنتدي الادبي تجبرني علي التعليق بالفصحي
لكن معلهش المرة دي والمرة دي بالذات...
تصدقني لو قولتلك ان " يعني ايه كلمة عمار" من اجمل الاشعار اللي قريتها ف المنتدي
ايه الجمال والسلاسه والحلاوة دي ياعم اسلام
انت حسستني كاني شايف قصيدة لعلي سلامة قدام عنيه
ايه اللغة والمرونة الحاضرة دي من غير تكلف وشيل وحط
انت بهرتني جدا بقصيدتك والقلب الطيب ميطلعش غير كل حلو
تسلم ايدك ياصاحبي ويسلم قلبك العامر بكل الحب..

كالسابقة الأولى يكون التغاضى عن المبدع ( او قل الهاو ) فى اول اعماله فقط .. لكن مع تكرار الاعمال ووضعها فى الابواب الادبية ( وليس قول اللى فى نفسك ) فيجب ان يقع تحت المنظار او التوجيه .
يعني إيه كلمة عمار؟
عنوان خصب (يغار من تناوله ) لمجال رحب .. يصول ويجول فيها الكاتب بين المحلى ليحلق فى آفاق الشمولية لمراد يصبو اليه 00 كحارة نجيب محفوظ يمكن ان نصبها فى بوتقة العولمة الحالية .
ربما تناول عمار بمعناه اللفظى يمد به الخيوط لمحليتها بالنسبة له (كقريته) .
نترك مراد الكاتب من النص للنهاية حتى لا نكرر بعض كلام أ/سميح ونتناول جزئية تلو الاخرى :

يعني أرض؟ و لا أهل؟ و لا صحبة و جيرة و دار؟
يعني أيام الطفولة و البراءة و الحياة ضحك و هزار؟؟؟
فى السطر الاول مادمت تخيرنا فلا داعى لكثرة علامات الاستغهام ويكون الاصح بدلا منها نقط او فواصل :
يعني أرض..و لا أهل..و لا صحبة و جيرة و دار؟
واذا استمررت فى التساؤل يدافع التقرير .. فعليك تكرار العنوان كلزمة شعرية
يعني إيه كلمة عمار؟
ونكتفى بهذه المقدمة لعطل فنى .

سأكمل بوجه نظر اخرى من اعمالى .. ربما يخامر البعض معانيها وساكمل التعليق
وداعا آيها المستقبل
في غرفتي الضيقة0 في شقتنا الضيقة رغم غلو خلوها وإيجارها بسطت يداي متجاورتين احتضن كتابي المفتوح بهما00 آخذت أتجول في الحجرة ذهابا وإيابا اكرر معلومات الكتاب00 تأتى أصابع يدي بإيماءات وكأنني احفز عقلي وأنشطه لتستقر المعلومات به 0صوت جدى يملأ علىّ جو الحجرة:
هو دا تعليم، فين تعليم زمان! فين العقاد وطه حسين ورفاعة و000 بسرعة تتعدى للهمجية مخنوقا من فرط غضبى أخذت اعبث بدرج مكتبي عن مجلة علمية00 بفوضوية رحت اقلب الصفحات00 أتأكد من وجود العناوين والصور المؤيدة: علماء الفضاء يكتشفون مزيدا من الأسرار عن المريخ وسائر الكون الممتد الفسيح00 عقول إلكترونية تعمل كل شىء000 احمد زويل00أحاول العودة آلي هدوئى00 انجح بعد محاولات فاشلة بعدما أدرت شريط كوكتيل لأغاني شبابية وتراقص مع الموسيقى......يصلني صوت جدى:
هي دى أغاني ولا موسيقى، فين طرب زمان! فين صالح عبدا لحى ومنيرة المهدية والست ،0 و00سرق جرس الباب غضبى الجديد00 آخى المجند يشكو من المعاملة الميري وقلة الاجازات00 يصلنا صوت جدى :
هو دا جيش، فين أيام حرب فلسطين وأكتوبر ،و000 و000 تغلبت على الغضب بالحديث عن فتاته، فتاة خطيرة، جسمها خطير، لطشها من(البوى فريند) بعد كارت إرهاب 00 اخذ جدي يترحم على سى السيد والحر ملك0
لمحت مجلة رياضية في متعلقات اخى00 آخذت أتصفحها وأناقش آخى في موضوعاتها 0هواء الحجرة نستنشقه بعبق كلام جدى المؤمن عليه صمت أبى:
هي دى رياضة، فين رياضة زمان! فين صقر وحجازي ويكن.. في محاولة للهروب من الغضب آخذنا نتهامس بعيدا عن أذن جدى مرهفة السمع00 وصلنا صوت جدى عبر ضجيج الشارع :
000 فين هدوء زمان ، طيبة زمان ، رخص زمان0
الألم الهين صار قارصا.. تحول لألم جارح، ثم آلي ألم طاحن وعذاب دائم 00 أطرافي صارت كتل خرسانية00 دمى اصبح زئبقي المسير00 لم يعد هناك هواء00 فقط صوت جدى المؤمن عليه صمت أبى وصلني عبر نافذة حجرتي آلي الأرض التي تحطمت على قسوتها :
هودا انتحار ، فين انتحار زمان ! 0

حد فاكر القنفد اللي لابد في الدرة في قلب الغيطان؟
هههههههههههههه جامده كلمه لابد فى الدره هههههه