الشاعر / سعد النجار- حالة ثبلت

( حالة ثبات )

إبتلاء الصورة بالشوق المزيف
كسرة البرواز محاوط ف المشاعر
للهروب وقت الحدث
لشرود قمر مالوش وجود
ما بيخلوش البنت ترسم بإنفعال
حالة ثبات
بتشد بإيديها الولد
لنقطة أبعد من خيال الحلم فيه
اللى طارح بين عيون الشوق بياض
طهارة الحلم البرئ
مسروقة ف عنيه الخطايا و الذنوب
و بيبتدى كامل مكمل
مانيش . خاطى
و لا عاشق من العشاق
انا .. عاادى
لكنى بادوق عشقى ف تبريحك
يا دوب لمسة تكفينى
فخلينى اكون مرتاح و انا جنبك
انا مش هاقول الغنوة غير لو تسهرى معايا
انا مش هابرر خوفى منك إلا بيكى
انا هارسمك كما كنتى حالة
حالة ثبات
الرؤية من بؤرة شعورك
مش عطية من السما
شوفك عمىَ
مش هارسمك غير زى ما انتى
مش هاكتبك ف قصيدة تانى موال خطاوى مخضرة
و خطية الأم للبوح المعتّق ف اكتمال الحلم زيف
الزيف يا طاهرة ..
إن شوفك يبقى طاقة مهملة ف الاحتمال
فبيجتمع وياه قصايد جوة زيفك
فبيرسمك ..
و بيجتمع وياكى تانى ف وضع ثابت
لكن الشوف ف إحساسه بيتجسد حالة ثبات
حالة ثبات
بتشدنى من وضعك القائم على موتى
من تباريح النايات
و لحلم ابعد من خيالى تجرنى
و تهزنى بعنف المشاعر
و تردنى بالقسوة
و القى ف عنيكى المودة
و انا بارصد المألوف
ما بين السكة و حدودك
بارصد ملامح جنتى
بارصد عبيرك
بارصد تعابيرك ال ..
المليانة خوف
حالة ثبات
تجهيز بطئ
علشان تموّت الإحساس
و انتى لساكى ف قصيدتى

حالة ثبات

شعر رائع
شكرا لك ياهندسة على هذا الاختيار

قصيدة حداثية تمتاز بالصورة المجنحة

شكرا لك وللجميل الشاعر سعد النجار