تميم البرغوثى ...يكتب عن ثورة مصر

ضبعٌ تهاجمُ سِرْبَ غُزلانٍ فَتَهْرُبُ كُلُّها

رَسَمَتْ حوافرهُنَّ عَشْرَةَ أفرعٍ فى الأرضِ عشوائيةً

والضبعُ تعرفُ أنه لا وقتَ كي تحتارَ فيما بينَها

تختارُ واحدةً لتقتلًها

حياةُ غزالةٍ ومماتُها أمرٌ يُبَتُّ بِسُرْعَةٍ

لا تعرف الضبعُ الغزالةََ، لا عداوةَ، لا تنافُسَ

ربما لو كان يومًا غيرَ هذا اختارتِ الأُخرى

وحتى بعد مقتلِها، سَتَعْجَزُ أن تقولَ الضبعُ إن سُئِلَتْ

لِمَ اختارَت غَزَالَتَها التي قَتلَتْ

ولكنِّي أظنُ الضبعَ تَعلَمُ جَيِّدًا، بِتَوازُناتِ الخَوفِ،

أنَّ السِّربَ، كَلَّ السِّربِ، لَو لم يَرْتَبِكْ، لو قامَ يَرْكُضُ نَحْوَها

طُحِنَتْ عِظَامُ الضبعِ تحتَ حوافرِ الغزلانِ، مُسْرِعَةً

فَقَطْ لَوْ غَيَّر السِّربُ اتِّجاهَ الرَّكْضِ عَاشَ جَمِيعُهُ

وَأَظُنُّ أَنَّ السِّرْبَ يَدرى بِاحتِمالِ نَجَاتِهِ

لكنَّ كلَّ غَزَالةٍ تَخْشَى تَخَاذُلَ أُخْتِها لو أَنَّها فَعَلَتْ

فَتَخْذِلُ أُخْتَها

والأختُ خَائِفَةٌ هِيَ الأُخْرَى فَتُسْلِمُ للرَّدَى تِلكَ التِى خَذَلَتْ

فَتَحيا كُلُّ وَاحِدَةٍ بِمُفْرَدِها

وَتُقْتَلُ كُلُّ وَاحِدَةٍ بِمُفْرَدِها

وَلَكن، رُبَّما، وَلِرَحْمَةِ الله الكريمِ عِبَادَهُ،

هَجَمَتْ غُزَيِّلَةٌ عَلى ضَبْعٍ بِلا تَفْكِيرْ

وَتَتَابَعَتْ مِنْ بَعدِها الغُزْلانُ، مِثْلَ تَتَابُعِ الأَمْطارِ فِى وِدْيَانِها

في هذه اللحظاتِ تَعْلَمُ أن حُسْنًَا ما عَظِيمًا

سَوفَ يَأتي

ربما وَلَدٌ يُكَلِّمُ أَهْلَهُ في المَهْدِ أو يَتَنَفَّسُ الصُبْحُ الذي فى سُورَةِ التَّكْويرْ

لا أقصدُ التشبيهَ أو سَبْكَ المَجَازِ، ولا أُشِيرُ لِثَورَةٍ عَبْرَ البلادِ،

فَقَطْ أريدُ القَوْلَ والتَّذْكِيرْ

هذا الكلامُ حَقِيقَةٌ عِلْمِيَّةٌ يا أَهْلَنَا

الضبعُ أَضْعَفُ من فَرَائِسِها،

وَأخْوَفُ مِنْهُمو

بِكَثِيرْ...

ويكتب أيضا

يامصر هانت وبانت كلها كام يوم... نهارنا نادي ونهار الندل مش باين

الدولة مفضلش منها إلا حبة شوم..

لو مش مصدق تعالي ع الميدان عاين ياناس مفيش حاكم إلا من خيال محكوم..

واللي هيقعد في بيته بعدها خاين اللي هيقعد كأنه سلم التانيين للأمن بإيديه وقاله هما ساكنين فين..

وصلت لضرب الرصاص ع الخلق في الميادين حتى الجثث حجزوها اكمنهم خايفين..

يامصر أصبحنا أحياء وميتين مساجين فاللي هيقعد في بيته يبقى مش مفهوم..

واللي هينزل الهي حارسه صاين يامصر هانت وبانت كلها كام يوم..

نهارنا نادي ونهار الندل مش باين.

نهارنا نادي وبايدينا علي فكرة.. الصبح عنده فضول راح نعمل إيه بكرة.

إيده علي الباب وخايف يلمس الأكرة.. ادخل ياأستاذ براحتك والبلد حرة.

إحنا زهقنا نشوف الصبح من برة.. ادخل وخرج بقايا العتمة بالمرة.

الناس ديه حرة وجنود الأمن مضطرة.. ياصبح طلعت روحنا لجل تيجي ياخي.

طالعين نجبيها أهو فى كل حارة وحي..حتى لو ضربونا بالرصاص الحي.

شوف الميادين كدة مفروشة خلق وضي.. دايما مفاجأة ودايما وقتها معلوم.

الحكم لينا وليك الحق يامداين.. يامصر هانت وبانت كلها كام يوم .

نهارنا نادي ونهار الندل مش باين.. ياصف عسكر بدال الدرع شيلوة اثنين.

25 يناير ياشباب فاكرين.. كان فيه انجليز ووزير الداخلية تخين...

كان عنده برضه عساكر زيكم جامدين.

سابهم يموتوا علولا لم سأل فيهم.. كانوا شبهكم اساميكم اساميهم.

ياعسكري البهوات اللي بتحميهم.. ممكن يردوا عليك لما تناديهم.

ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

اضرب عشان الوزير من ضربتك يطرب.. لكن هتشتغل ايه لما الوزير يهرب.

أما الشديد القوي القادر أبو القادر.. برميل تلامة نشع علي مصر من الآخر.

لو شفته معددة تكتب ادب ساخر.. ثابت يقول للهرم ياكابتن اتاخر.

ولم يزل معتقد ان الهرم هيقوم.. ادي الحجر والبشر قايمين ياسيد القوم.

والدين هيترد ياللي عشت متداين.. يامصر هانت وبانت كلها كام يوم.

نهارنا نادي ونهار الندل مش باين.. ده حكم أسرة ولا خوفو ولا خفرع.

ولا وجع بطن يتعالج بزيت خروع.. عمل مسوجر بعيد عنك ولايطلع.

جربنا فيه كل شىء ملقينا شىء ينفع.. منفعش بالأدوية جربنا ألف طبيب..

ولا بعطارة شيوخ ليهم بلح وزبيب.

ولا بجحفل مغولى وضرب بالقباقيب.. عمل مسوجر وسفلي شغل تل أبيب.

وشغل أمريكا متغلف وختمة عليه.. ضيف زارنا ياعم من غير دعوة لابس بيه.

قعد 30 سنة مايقولش قاعد لية.. والنية يديها لابنه النابغة بعديه.

ويقول قضا وقدر بين البشر محتوم.. قولناله طيب ومين قال للقدر معلوم.

واش عرفك يافخمتك بالذي كاين.. يامصر هانت وبانت كلها كام يوم..

نهارنا نادي ونهار الندل مش باين

ولو إن تميم مش سهل [ندعوك للتسجيل في المنتدى أو التعريف بنفسك لمعاينة هذه الصورة]

بس كلمات قوية

شكراً على النقل

وشكرا لمستر تميم

حنين كتب:: ولو إن تميم مش سهل [ندعوك للتسجيل في المنتدى أو التعريف بنفسك لمعاينة هذه الصورة]

محتاج افهم الجمله دي

» عن مصر وإسرائيل - بقلم: تميم البرغوثى
» حتى همومك واقفة فى صفك ....جديد الجميل تميم البرغوثى ...رائعة
» ردا علي الشاعر تميم البرغوثي ...."أنا قولت بحب مصر"
» ثورة التصحيح ؟!!!!
» ثورة الشباب