أخيرا إعلامنا الفاسد قرر يتغير

النهاردة كان شيء ملحوظ إن القنوات المصرية اللي من البداية كانت مصممة على التضليل و التزييف و تقديم صورة مغلوطة و المشاركة فقط لصالح النظام و مناهضة أي صورة مضادة أو ما بتخدمش مصلحته بدأت تجيب شباب يتكلم و يعرض وجهة نظره و اللي اتعرضوله على إيد النظام الفاسد و الشرطة و بلاويها و لأول مرة بدأنا نشوف ميدان التحرير مش الكورنيش و منظر النيل
بدأت تعرض لغة الحوار اللي ممكن تعطي شيء من المصداقية مش مهاجمة و تضليل و عرض فكر واحد عايزينه يتعمم في عقول الملايين
مش عارف هو السبب كمية النقد اللي اتعرضوله؟ و لو إني أشك انهم بيأثر فيهم نقد لأنهم اتعلموا التتنيح زي صاحبنا
و لا السبب إنهم خلاص كده تأكدوا من إن خطة غسيل المخ اللي قاموا بيها تمت و كله تمام و مفيش مشكلة ؟
و لا أنس الفقي غير الأوامر علشان محدش يطالب بمحاكمته و محاسبته؟
و لا يمكن خلاص صاحبنا قرر ما يتنحش أكتر من كده و يسافر يتعالج في ألمانيا و ما نشوفش وشه تاني و كله هيبقى تمام فعايزين يحسنوا صورتهم المهببة
أكيد هنعرف السبب عن قريب
و يارب عن قريب نلاقي وجهة النظر السايدة بين الناس ان التغيير حلو و الثورة لمصلحتنا و إسقاط رأس الفساد فيه الخلاص ان شاء الله

طيب يا أستاذ اسلام يعني في تغير أهوه

ملحوظة ليا وللجميع اثناء مشاهدة التليفزيون المصري :
خد بالك من الافكار المعروضة هتلاقي فكرمؤيد = فكر معارض

» إعلامنا الوطني
» تاريخ منصور عامر الفاسد
» النظام الفاسد ما زال يُحكم قبضته
» العالم يتغير
» عندما يتغير عليك اعز انسان ماذا تفعل؟؟!!