حملة .."بلدنا أجمل بينا "..(1)

انطلاقا من مبدأ ثورة التغيير وأنه لم يعد هناك مايعيق عملنا ...

وتكرارا لتجربة قام بها شباب العمار من قبل ..ولكن على نطاق أوسع ..يشمل البلدة كلها ...

بعد انتشار الوعى واستغلالا لروح الحماسة التى يعيشها الشباب الآن ....

سنطلق حملة بإذن الله لتنظيف بلدنا العمار ..بإيدينا احنا كل شباب العمار ..

لأن البلد دلوقتى فعليا..بقت بلدنا وحبينها قوى ومفيش حد عنده شك فى كده ..

وعاوزين نثبت للعالم كله إن احنا صح ..ونكمل اللى بدأناه يوم 25 يناير ..

وبإذن الله ....هنعمل معاها حملة لتشجير البلد ..فكل شارع مثلا ..أهل الشارع هايلموا من بعض مثلا

من كل بيت بما لايتعدى 5 جنيهات لكل بيت .."ومحدش يستكترها ياجماعة دا احنا بنجيب بيها لب وسودانى

فى قاعدة "...وهذا المبلغ ليس على سبيل التحديد ولكن احنا هانشوف الشجرة بكام ..والشارع هايحتاج كام شجرة

ونلم الفلوس على هذا الأساس ..

وهذه الحملة على سبيل البداية ولن تكون الأخيرة بإذن الله ...

فستتوالى الحملات بإذن الله بما يجعل من بلدنا أجمل قرية على مستوى الجمهورية ..وليه لأ؟..

وهى فيها شباب زى الورد ..شباب مستعد يعمل اى حاجة عشان بلده ..وده مش كلام وخلاص ..

لكن ده عن تجربة ف حاجات كتير اتعملت فى البلد ..زى معرض الملابس مثلا بمجرد الشباب ماعرف ..

لقينا عشرات من الشباب جاى يشارك ..ويخدم الناس من غير مقابل ....جاى للــــه ..وعشان يخدم أهل بلده ..

وكمان فى حملة تنظيف المساجد ...كان عدد الشباب كتير جدا ...فمكنش الجامع بيكفى ..فكانوا بيروحوا يبدأو تنظيف

جامع تانى ...وكان بيبقى فى عجز فى الأدوات ..من كثرة عدد الشباب ..

والنهارده البلد محتاجة لينا ياشباب ...وأنا متأكد ان الشباب مش هايتأخر..

وهنبدأ إن شاء الله كل مجموعة فى منطقتها ...كل مجموعة فى شارعها ..كل مجموعة فى حارتها ..

هنبدأ تحت أى مسمى ..المهم نبدأ ...واللى هيشارك يدخل يقول أنا هشارك ..وينشر الفكرة بين أهل حتته ..

أو حتى شارعه بس ...يعنى لو كل جماعة قاموا بتنظيف شارعهم بس ..يبقى البلد دى هتبقى قطعة من الجنة ..

ومتنسوش ياجماعة موضوع التشجير كل أهل شارع يلموا من بعض ويجيبوا شجرة أو اتنين فى شارعهم بعد الاتفاق على

مكان الزرع بحيث لاتكون عقبة فى الشارع ....ولا تضايق أحد من أهل المنطقة ...

وطبعا الحملة دى مش لازم يبقى ليها وقت معين ...

بس عشان نشجع بعض ..إن شاء الله هنبدأ مثلا يوم الجمعة ..بإذن الله ..

من النهاردة ...مفيش سلبية ..البلد بلدنا ..خليك إيجابى ..

حلو أوى الكلام ده

ومع إنى مبحبش أسلوب الرد بتاع :

(هرجع للتعقيب المفصل تانى)

لكن هقولك هرجع للتعقيب المفصل تانى [ندعوك للتسجيل في المنتدى أو التعريف بنفسك لمعاينة هذه الصورة]

اخدت الموضوع منى بس انا بجد بشجع جدا الفكرة دى وبجد ياجماعة لو نزلتو القاهرة هتشوفوا حاجات عمروكوا ماكنتوا تحلمو بيها ,البنات والولاد (من جميع المستويات الفقير والغنى الكبير والصغير ) بيطلعوا مع بعض ينضفوا الشوارع بنفسهم منطقة منطقة بدون اى مقابل ودا الموضوع الى بجهزوا دلوقتى وان شاء الله هعرضوا فى نصف الاسبوع
تحياتىbent el _ 3amar ,,,,,,,

شكرا لكل من مر بالموضوع ..

وأرجو الناس تشارك ..

هو المنتدى نايم ليه كده ؟!

فعلا عند حضرتك حق المنتدى نايم فعلا

اقتباس :

انطلاقا من مبدأ ثورة التغيير وأنه لم يعد هناك مايعيق عملنا ...

ياريت نفهم دي كويس جدا

احنا قبل كده عملنا اعلان على رئيسية المنتدى لعدة ايام بان هناك تجمع وحفلة لشباب المنتدى احتفالا بالثورة والتحدث فيما بعد ...وكتتير ماجاش حتى انت يادكتور مع انك اصلا من اوائل المشاركين معنا من زماااااااااااااااااااان

وبعد كده فرقنا ورق على جميع مساجد العمار لنعلم اننا مجتمعين في دوار الفقى من اجل كل هذذا وبرضه ناس كتير ماجتش

كل الناس ملاحظه ان في شغل من خلال المواضيع والافكار لكن الكل بيفكر لوحده

موضوع النظافه ده قتل بحثا معنا ومع المجلس المحلى والوحدة المحلية واخيرا استقرينا على حل

وبرضه مش قافلين على نفسنا وكان اجتماع مدعو فيه كل البلد وبعدها جلسنا في احد منازلنا للاتفاق ع البدأ

المهم ان في ناس بتحاول

وانت كمان بتحاول ..اتمنى نحاول مع بعض

واتمنى يادكتور انك تسأل عننا ياللي انت مننا اصلا

**********

اما بقى موضوع المنتدى نايم فهو في ازهي عصوره بدليل كمية المسامهمات الجادة الموجودة وكثرة اشتراك العضويات وانا اكتر حد عارف ده

فمش عشان موضوع ملقاش اقبال يبقى المنتدى نايم

اسف ياهندسة ...أنا بقالى فترة كبيرة مش بدخل ع المنتدى ...بحكم دراستى ...

وكمان جت لى فترة كنت زاهد فى كل حاجة الا الأخبار ..

كنت بتابع الأخبار ..بس ..

وان كنت بدخل المنتدى كنت بدخل احط موضوع وأخرج ..

والقسم اللى كان يهمنى ..هو قسم الثورة الجديد ..

واللى حكمت من خلاله ان المنتدى نايم ..اسف ان كنت غلطت فى الحكم ..

وانا اول مرة اعرف حكاية المؤتمرات واللجان التى تشكل من يومين بس ...

وبعدين مش مهم مين اللى يعرض الفكرة المهم تتنفذ ..

على فكره الموضوع رائع جداا
بس مين اللى هينفذ

على فكره الموضوع رائع جداا
بس مين اللى هينفذ

» دعوة ومن أجمل الدعوات أدخل وشارك معنا في حملة ال100 مليون صلاة ع
» صحيفة بلدنا لخدمة بلدنا
» عايز تشتغل !! طب يلا بينا !!!!
» الفرق الكبير بينا وبين اليابان‏
» يلا بينا نتغير ونغير والدعوه عامه