اللهم لا شماتة ()اللهم لا شماتة...

السلام على شباب تستحق السلام...اما بعد,,,,,,,
قرات امس فى احدى الجرائد خبر احزنى من الجهة الانسانية فقط وهو:
(حالة الرئيس المخلوع حسنى مبارك تتدهور يوم بعد الاخر ,واكتشف انه مصاب بسرطان فى القولون والبنكرياس).
اللهم لا شماته ,,لكن قد ارى فى هذا تخليص من حق الشعب المصرى/30 عام/.
وعلمت ان سوزان(ماما سوزى) هى الاخرة وابنها جمال (حبيب مامى) مصابون بسرطان الدم.........
اذهبوا .. لعلكم تكونوا خبرة للمتولى بعدكم حكم اعظم شعب ..
اللهم لا شماته.
تحياتىbent el _3amar ,,,,,,

الى من مرو بصفحتى المتواضعةلكم جزيل الشكر والفخر بكم,,,,
ايه ياجماعة مش للدرجة دى ,انا حاسة انا قولت ان انا قتلت حسنى مبارك
ههههههههههه
ربنا يسمحك ياحنين كدا يعنى تعملى فى بنت عمك كدا..
انا اسفة ياجماعة بس انا زى ماحنين قالت والله انا قصدى العظة مش اكتر .
وبالنسبة لحنين (انتى الى ابتديتى اللعب معايا وبابا قالى متلعبيش مع حنين تانى)ههههههههههههههههههههههه
تحياتى bent el _3amar ,,,,,,,,,

والله لو قلتى قتلت حسنى مش هنقول حاجة
هنقول بطلة وعملتها

تحياتى

ريتاج

احلى تحية للناس الى بتهيس
صباح لتيف
تحياتى bent el_3amar ,,,,,,,,,,,

الموضوع مش فى مكانه أختنا بنت العمار
مرض حسنى مش تبع الثورة
ولا مرض أى حد من الشعب
وحسنى مش أحسن من حد

انا مش متعاطف مع حسنى
والمرض والشفاء بيد الله

أطفال كتير كانوا يستحقوا الفلوس اللى سرقها
هو ونظامه ومجالسه وقرفه علشان بتعالجوا
من السرطان والفاقة وتوابعها

هاتعاطف معاه ليه
علشان اللى اتغربوا وسابهم للسمك ياكلهم
وقعد يتفرج على ماتش كوره

وللا عشان اللى ماتوا فى القطارات

وللا أقول لك

هاقول لك حاجه أول مرة أقولها
بما أنى خرجت من الجيش من زمن طويل
كنت فى قيادة القوات الجوية
وبالطبع قائدنا كان الفريق احمد شفيق وكان قائد القوات الجوية وقتها.. الفريق أحمد شفيق اللى لسه مستقيل النهارده .. وكان راجل كويس جدا للأمانة
ومعاملته أفضل مايكون
وبينزل بنفسه يلف بالليل .....................

بس لو يقول لنا

والموضوع اتنشر وقتها فى كل الجرائد ومش بذيع سر
ولا هاتطرق لأسرار
الطيارة اللى انفجرت بعد كبير من قيادات الجيش المصر
وهى راجعه من أمريكا .. وكانوا فى مهمة تدريبية هناك
كان على متنها أكثر من 70 رتبة أقلهم مقدم أركان حرب

اتفجرت ازاى وليه سكت مبارك
مش احنا والجيش واحد
يبقى زى مالجيش بيدافع عنا
ندافع عنه احنا كمان

أقسم بالله الطيارة كان فيها صفوة من الجيش
المصرى

أنا مش هاكمل

ماحدش سلم من فترة حكم مبارك حتى الجيش .

ومش بتهم مبارك بالخيانة

بس سياسة مبارك الخانعة هى السبب
فى إن إسرائيل تضرب فينا واحنا نسكت
تمام زى موضوع سليمان خاطر


فكرتينى يابنت العمار

بأخ دخل هنا يعيط ويبعت رسالة باكية لمبارك لما مات حفيده .. وللأسف ماشفتوش دخل يعيط زى كده
على طفل مات تحت صخرة المقمطم والدويقة وهكذا
ولا طفل فلسطينى من اللى ماتوا مع علم حسنى
بميعاد ضرب غزه ....................

احنا بنفكر فى واحد
وناسيين نقول
وا إسلاماه ليه

مستر سميح والله ان انا بستنى بعد اما بكتب اى موضوع ليا رد حضرتك بلهفة لان الرد لازم اطلع منه بفائدة او نصيحة
ربنا يباركلنا فيك يافندم......
بالنسبة حضرتك ان دا مكان الموضوع ولا لا ,انا مش نقلت الموضوع غير بهدف ان دا خبر من ضمن الاخبار التى تخص شخص كان سبب فى وجود الثورة وخلعه هو الى نجحها.
لكن انا مش بنظر للموضوع على انه واحد مريض وبقول للناس (ياجماعة الرجل دا عندو سرطان).
ومن ناحية تانية انا عرضتو لمجرد عظة .
وانا مع احترامى لراى حضرتك ,انا شايفة الموضوع فى محله......
حفظك خالقى..
تحياتىbent el_3amar ,,,,,,,,,,

bent el_3amar كتب:

مستر سميح والله ان انا بستنى بعد اما بكتب اى موضوع ليا رد حضرتك بلهفة لان الرد لازم اطلع منه بفائدة او نصيحة
ربنا يباركلنا فيك يافندم......
بالنسبة حضرتك ان دا مكان الموضوع ولا لا ,انا مش نقلت الموضوع غير بهدف ان دا خبر من ضمن الاخبار التى تخص شخص كان سبب فى وجود الثورة وخلعه هو الى نجحها.
لكن انا مش بنظر للموضوع على انه واحد مريض وبقول للناس (ياجماعة الرجل دا عندو سرطان).
ومن ناحية تانية انا عرضتو لمجرد عظة .
وانا مع احترامى لراى حضرتك ,انا شايفة الموضوع فى محله......
حفظك خالقى..
تحياتىbent el_3amar ,,,,,,,,,,

يابنت بلدى خليكى معايا وأشكرك على الإطراء جزيل الشكل

يعنى انتى قُلتى أهو مش أنا
" خلعه هو اللى نجحها "
مش هو اللى قام بالثورة ولا وجوده هو اللى نجحها
أنا مش هاقول تانى

وبالنسبة للسرطان
أنا مش عارف بصراحة اتصعبن عليه
لأن كل اللى عندهم سرطان بسبب المبيدات اللى جابها من إسرائيل
هو والوزير الزفت بتاعه
بيعانوا وسطنا
ومات منهم كتير وسطنا
وكتير من أطفال مصر ماتوا وكتير لسه بيدوروا على العلاج
حتى لما جينا نخلعه
البلطجية بتوعه راحو يتهجموا على مستشقى السرطان
شفتيش خيبة رئيس زى دى
شفتيش خيبة بلد بيموت ولادها بإيد عدو مفروض هوه حاميها
شفتيش دموع أمهات الشهدا
شفتيش ولادهم لما ييجى عليهم العيد
وما شفتيش
وما شفتيش
وما شفتيش
أنا مانفسيش حسنى يموت دلوقت
أنا بدعى ربنا يطول عمره لحد مايتحاسب على كل الأرواح اللى كان السبب فى إزهاقها بالباطل
ودى مش شماته
دى مطالبه بالحق شرعها لينا الإسلام .

خالتى وردة..هههههههه
يا انا يا خالتى .
تحياتى bent el _ 3amar ,,,,,,,,

مفيش ازعاج ولا حاجة ياحبيبتى ,و وميرسى على قرائتك لموضوعى,,,
بالنسبة ان الرئيس كان تعبان قبل كدا انا معاكى فيه , بس انا مش بقول من دماغى دا خبر جديدلسه نازل فى الجرنال امبارح وانا نقلته , وبالنسبة ان الموضوع مش مكانه هنا, بعتذرلك بس انا شايفه ان دا مكانه.
(ولو عايزة تستفسرى اكتر شوفى ردى على مستر سميح).
اما العنوان انا بقول انا مش شمتانة علشان هو زى بابا لكن مش زعلانة عليه لانه ظالم وخد جزائه بخلعه واهانته , وبردو هقول تانى انا جبت الموضوع من جريدة وكان هدفى ان الناس يعرفوا ويتعظوا.
عذرا للاطالة..
تحياتى bent el_3amar ,,,,,,,,

لا ياحبيبتى ولا ازعاج ولا حاجة احنا اخوات.
وبعدان ليه مش نطول فى الموضوع للدرجة دى مش طيقانى
هههههههههههه
لكن انا جايبةالخبر زى ماهو كدا ,ولكى حرية الاختيار ان تصدقى او لا
وبعدان انا مش فرحانة فيه اقراى الموضوع كويس وانت تعرفى ان انا مش شمتانة نهائى دى حجة بتاعة ربنا (انا مسلمة وعارفة الحديث دا كويس ) وانا مش قولت شر بس دا مجرد خبررررررر والله , وياستى لو الموضوع مديئك اوى كدا ابعتى للادارة وقوليلهم يمسحو الموضوع, اظن عادانى العيب.
ولازم تكون دى عظة لان هو رجل ظالم وفاسد ودى نهاية كل ظالم
ولو بصيتى لاغلبية الممثلين والمغنيين ماتوا بالمرض دا (فسرى انتى بقى )
وبعدان طباخ السم بيدوقوا ولا ايه؟؟؟
ومتزعليش منى ,احنا اخوات ,الله يخرب بيت حسنى الى خلانا نعمل فى بعض كدا
هههههههههه
عذرا للاطالة ...
تحياتىbent el_3amar ,,,,,,