اجتماع أول ناجح لبنات العمار والبقية تأتى,,,,

السلام عليكم ورحمة الله وبركاته

أعضاء المنتدى الكرام

كنا أعلنا هنا عن اجتماع لكل بنت عندها استعداد تكون إيجابية عندها استعداد تخدم بلدها ويبقى ليها دور

فى الحقيقة أنا روحت الإجتماع يوم السبت الماضى وفوجئت بكم من الفتيات وصل ل 18 بنت

كاجتماع أول عدد لا يستهان به كلهم على قدر كبير من الثقافة والوعى والإيجابية والوطنية

وشوشهم فيها أمل ووفاء للبلد والله بجد ده اللى أنا حسيته وشوفته بكل صدق

يمكن حضر معانا من بنات المنتدى :

وردة بلادى

هند طلعت

بنت العمار

ريتاج

أسيل عمرو

بوكى

مروة

وباقى الفتيات مش معانا على المنتدى ولكن معانا كهدف ورؤية وحب للخير وشرفتنا بالحضور

والدة بنت العمار ووالدة هند

أتفقنا ولم نختلف فى أول اجتماع على :

1- أن نخلص النية لله سبحانه وتعالى فيما نقدم عليه

2- أن نعرف ونستوعب مساوىء العمل العام وما سيتبعه من القيل والقال أحيانا

3- ان نجد غطاء قانونى يدعمنا ويزلل لنا الصعاب

4- أن نسد آذاننا عن كلمات المديح والزم حتى نمضى قدوما فلا فخر ولا احباط

5- أن لا يكون لنا دور فى أى شقاق أو نزاع أيا كان

6- أننا ليس لنا أى توجه سياسى وينحصر دورنا فى الجانب التثقيفى والخدمى والتنموى

7- لن يجبرنا أحد على وجهة نظر معينة ولن نمثل أشخاص أيا ما كانوا

8- أن نبعد كل البعد عن أن يرتبط أسمنا بشركات أو مؤسسات خاصة أو اشخاص بعينهم

9- أن نجتمع بالجيل الأكبر من سيدات العمار الفضليات من لهم باع فى العمل الخدمى العام

كنوع من أخذ التجارب والتواصل بين الأجيال والأمان

10- عاهدنا الله أننا نحب بعض بجد وإن محدش يشيل من حد وإننا نحب الخير لبعض

11- تأكدنا أن قوتنا فى اتحادنا وان اذا دخلت بيننا رياح الفرقة كان على الدنيا السلام

12- ان نصل بأفعالنا وأعمالنا إلى كل بنت فى العمار ونخليها تنضم لينا

ـــــــــــــــــــــــــــــــــــــــــــــــــــــــــــــــــــــــــــــــــ

دى أهم المبادىء اللى خرجنا بيها من اجتماعنا الاول لسه بنرتب نفسنا ولسه بنعد طاقتنا

هنوافيكم بكل خطواتنا الجديدة شجعونا وادعوا لينا

وبنجدد النداء لكل فتاة فى العمار تنضم لينا

وآن الأوان ,,,,, بنات بلدنا ليهم كيان

ربنا يوفقكم يارب

شكلكم هتعدوا ومحدش هيعرف يتكلم معاكوا بعد كده [ندعوك للتسجيل في المنتدى أو التعريف بنفسك لمعاينة هذه الصورة]

الواحد كان بيشوف الحاجات دى فى التلفزيون بس لكن دلوقتى اصبحت واقع فعلى الواحد فى قمة السعادة انه شايف التطور ده فى بلدنا

بارك الله فيكم ولكم واكثر من امثالكم

والله حاجة غاية فى الجمال وكمان اللوجو تحفة

نصيحة أخوية لو عاوزين تستمروا :

ياريت لو يبقى ليكم جلسة شهرية تتكلموا فيها عن أمور الدين فيما بينكم

حتى ولو هتقراوا قرءان

فما كان لله دام واتصل وما كان لغير الله انقطع وانفصل ..

انا عن نفسى حاولت اعمل دا مع الشباب لكنى فشلت ..

أكيد لو قلنا اننا هنجتمع النهاردة علشان نقرأ قرءان كانت الظروف هتبقى أحلى واحسن بكتييييييييييييييييييير ..

وحتى الآن ما زالت الفكرة تراودنى وان شاء الله ننفذها

بالتوفيق يا حنين انتى وكل بنات العمار الرائعين

والله المستعان

ربنا يوفق

شكرا لحضرتكم وتشيجعكم لينا ونتمنى من الله اننا نعمل حاجه نوصل بيها لمستوى افضل واحسن

ربنا يوفقكم يااااااااااااارب

ربنا معاكم حاجه مشرفة جدا ...

في انتظار البقيه ....

اعتقد ان الغطاء القانوني موجود جمعية شباب العمار ليست حكرا على شباب (الذكور فقط ) لكن

المعني اشمل واوسع شباب وبنات وسيدات العمار وتحت امركم في اي مشروع او اي فكره ,

جميل جدا جدا جدا

ونسأل الله أن نرى ثمار هذا الجهد على أرض الواقع قريباً

وإن شاء مافيش مساوىء ولا حاجه.

طالما نيتكم صافيه

وإيدكم واحدة

وقلوبكم على قلوب بعض وقلوب الناس اللى محتاجين مجهودكم ده فعلاً
ربنا هايوفقكم بإذنه تعالى

أخلع لكم القبعة
ولأنى لا أرتدى قبعة
أخلع النظارة مبسوط

واقول
دول بنات العمار .. نوار المشمش وزهر البرتقان
شدوا حيلكم .. ( مع إعفاء نون النسوة لعامية الكلام )

واسمحو لى من صفحتكم الجميلة هذه
أن أوجه التحية لباهر حكام ورفاقه فى العمل
كونهم مجموعة رائعة نزلوا أرض الواقع فأحدثوا الجمال

صباح الفل ياتوته
فى حضن الغيط بتتاعجبى
ببنت عمارى وتقولى
ياعالم غير وحصلنى
بنات الزهر والنوار
خَضار طارح على غصنى
أمل بكره وميت فكره
ونيل أفعال كما مطره
بتروى كيانى وتجيب لى
صباح حريه فى نوره
يهيم النخل ويغنى
وترجع ساقية الطيبه
تدور وتصب فى أرضى
صباح القمح يامشمش
أنا مسافر وليك بدعى
يطيب شجرك وترجع لى
تشغل نولك الدهبى
وتغزل للبنات فساتين
بلون نوارك الأصلى
تسلمهم إيدين عرسان
زى النخل من بلدى

الله الله
إلى الأمام
بس....بس
أوعوا تحولوا الحكاية لإتحاد نسائي
وبعد كده تطالبوا بالقضاء على المجتمع الذكورى والحاجات دى
هى الدخله بتاعتكم فى بداية الدعاية للموضوع كانت بتقرب للحكاية دى
بس متهيألى التخوف ده مش هيحصل
قدها وقدود وبالتوفيق إن شاء الله
وما تنسوش البرامج المحددة
بجانب ميثاق الحب الجميل اللى عملتوه

نشكر كل من مر بهذه الصفحة ونشكر كل من قام ويقوم بتشجيعنا,
ونتمنى من الله ان نفعل ونفعل ونفعل فى حب العمار.
وان شاء الله يا مستر عمرو طلبك هيتنفذ باذن الله,وبشكرررررجزيل الشكر الرائع دائما والمتالق فى سماء الشعر (بلا مبالغة) مستر سميح الى بيشجعنا وبيدعمنا باحساسو الجميل دمت مبدع.
وفيه حاجة حنين نسيتهاكان لازم تذكرها وهى:
( احنا لازم سرنا يبقى فى بطننا)هههههههه.
ونتمنى مزيييييد من المشاركة والعمل فى صمت باذن خالقى.
تحياتى
bent el_3amar ,,,,,,,,,

بالتوفيق يا بنات العمار والله اجدع بنات شوفتهم
بس امسكوا بحبل الحب والاخاء جامد
لان بالاتحاد والحب هتعملوا كل حاجة
ودى مهمة جدا
- أن نسد آذاننا عن كلمات المديح والزم حتى نمضى قدوما فلا فخر ولا احباط

بالتوفيق لكم جميعآ ان شاء الله..

bent el_3amar كتب:: وفيه حاجة حنين نسيتهاكان لازم تذكرها وهى:
( احنا لازم سرنا يبقى فى بطننا)هههههههه.
ونتمنى مزيييييد من المشاركة والعمل فى صمت باذن خالقى.
تحياتى
bent el_3amar ,,,,,,,,,

والله يا بنت العمار انا كنت لسه هقول لاسماء كدا خاصه انها كانت مركزه عليه قوى قولتلها بلاش انا اهه طلعت منها هى هههههههههههههههههه

اقتباس :

وآن الأوان ,,,,, بنات بلدنا ليهم كيان

ها هو نوار المشمش يهل علينا بطلعته البيضاء الباهرة كطرحة العرس
وها هن زهرات العمار ينسجن تاريخاً جديداً للعماريات الفاعلات ..
وفقكن الله وأصلح على أيديكن ما أفسده التقهقر والسكون النسوي السابق
.. كل شيء فيكن جميل الإقدام والشعار والقول وإن شاء الله العمل ..
إلى الأمام لا تراجع ولا استسلام .. استمعن كثيراً وافعلن القليل الصح ..
بكل التوفيق إن شاء الله .. من نا حيتي دعم مطلق فيما أعرف وأستطيع

طووويب
السياسة جزء من الوعي الفكري
وليس عيبا نتنصل منه
وان امعنا النظر هنجدها تتدخل ف كل نواحي الحياة الاجتماعية والعملية والعلمية والدينية
شرفت بوجودي معكم
واتوجه بالشكر للانسة اسماء محي لدعوتي
وجزيل الشكر للمهندسة هند طلعت لاستضافتنا
ولاسماء السيد ع ادارة الحوار
والاجمل الاستاذة مروة
فالبرغم انها متزوجة وكرمها الله بالاطفال الا نها شاركت واعجبت جدا بفكرها ولي عودة
فاااااااااااااصل ,هههههههههههههههههههههههههههههه

THE PUZZLE TEAR كتب:: والاجمل الاستاذة مروة
فالبرغم انها متزوجة وكرمها الله بالاطفال الا نها شاركت واعجبت جدا بفكرها ولي عودة
فاااااااااااااصل ,هههههههههههههههههههههههههههههه

اولا بشكرك جدا على رائيك فيا بجد انا سعيده انى اتعرفت على بنات زيكم وموضوع الاولاد ده متقلقيش قريب قوى هاجى اقعد بيهم فى الاحتماع ونتشيلوا معايا المسئوليه ههههههههههههههههههههههه

المهم اننا نقدر نعمل حاجه ونثبت وجودنا اولا فى قريتنا

ويارب يوفقنا دايما على الخير والتعاون
لكى منى جزيل الشكر

جميلة جدا كلمة قريتنا
يعني وطنية صميمة
اما بخصوص الاولاد
اكدي ع البامبرز ولو موجودة هكون مجاهدة مش تقلقي
تحياتي
ايمان عبد الرافع

ههههههههههههههههه
لالا يا ايمان فى الاهم من البامبرز فى الشقاوه اللى تجنن مش هتخلينا نعرف نتكلم كلمه وهو داه الحماس اللى انا عايزاه

بصراحة كان اجتماع بجد رااااااائع وكلنا كنا مبسوطين ومتفائلين وعندنا طاقة كبيرة اوووووووى للعمل الجماعى فى خدمة البلد

وان شاء الله ربنا يوفقنا ونقدر نوصل للى احنا عاوزينه ونكون عند حسن ظن الناس بينا

وطبعا وجود مروة كان حاجة جديدة لانها أول مرة بتحضر اجتماع ذى ده.......وكمان افكارها الجميلة اللى احنا فى حاجتها جداااااااا هههههههههههههههههه

وفى النهاية نتمنى التوفيق لكل الناس اللى كانت موجودة وطبعا مروة بالأخص..........وذى ما اتفقنا كلنا (سرنا فى بطننا )

منورة يا أم الرجااااااااااالة هههههههههههههههههههههه

تحية لكل من تفاعل معنا هنااا

أ عمرو امام

أ سميح عزت

م باهر حكام

أ جمال اسماعيل

أ محمد يحى

أ احمد زغلول

ا مسعد النجار

أ عمرو البكرى

بهذا الصدد الجميل فقد برهنوا شباب بلدنا انهم على استعداد كبير لأستقبال

أول مولود للحرية على يد بناتهم

لكم منى جزيل الشكر والتقدير والأحترام

شكرا لكم

سميح عزت الهيو كتب:: جميل جدا جدا جدا

ونسأل الله أن نرى ثمار هذا الجهد على أرض الواقع قريباً

وإن شاء مافيش مساوىء ولا حاجه.

طالما نيتكم صافيه

وإيدكم واحدة

وقلوبكم على قلوب بعض وقلوب الناس اللى محتاجين مجهودكم ده فعلاً
ربنا هايوفقكم بإذنه تعالى

أخلع لكم القبعة
ولأنى لا أرتدى قبعة
أخلع النظارة [ندعوك للتسجيل في المنتدى أو التعريف بنفسك لمعاينة هذه الصورة]
واقول
دول بنات العمار .. نوار المشمش وزهر البرتقان
شدوا حيلكم .. ( مع إعفاء نون النسوة لعامية الكلام )

واسمحو لى من صفحتكم الجميلة هذه
أن أوجه التحية لباهر حكام ورفاقه فى العمل
كونهم مجموعة رائعة نزلوا أرض الواقع فأحدثوا الجمال

صباح الفل ياتوته
فى حضن الغيط بتتاعجبى
ببنت عمارى وتقولى
ياعالم غير وحصلنى
بنات الزهر والنوار
خَضار طارح على غصنى
أمل بكره وميت فكره
ونيل أفعال كما مطره
بتروى كيانى وتجيب لى
صباح حريه فى نوره
يهيم النخل ويغنى
وترجع ساقية الطيبه
تدور وتصب فى أرضى
صباح القمح يامشمش
أنا مسافر وليك بدعى
يطيب شجرك وترجع لى
تشغل نولك الدهبى
وتغزل للبنات فساتين
بلون نوارك الأصلى
تسلمهم إيدين عرسان
زى النخل من بلدى

أستاذنا الجميل سميح عزت

دمت مبدع ومشجع لنا

قصيدة فى غاية الجمال

لو تسمح حضرتك انقلها للموقع على الفيس بوك

شكرا لكل هذا الدعم ويارب نكون عند حسن ظنكم بنا

ودي اول خطوه ليسه مش عملنا حاجه ملموسه بس ان شاء الله قادرين نعمل كتيير

انتظرو بنات العمار في ثيابهم الجديد

(بس احتمال مكنش معاهم انا عندي مشرووع تخرج ومحتاجا اللي يساعدني [ندعوك للتسجيل في المنتدى أو التعريف بنفسك لمعاينة هذه الصورة] )

ياسلام على شان مش هقدر اسمع

وعلى نجاح اول احتماع وبمنسبة انكم اكتشاف

نهديكم الاغنية دي

كلهم بيقولو كدة فى الاول والكلام فى التاني بيتحول

الكلام سهل وكتير خايف يكون الاخير وكله زي بعضة

الهضبة كتب:: ياسلام على شان مش هقدر اسمع

وعلى نجاح اول احتماع وبمنسبة انكم اكتشاف

نهديكم الاغنية دي

كلهم بيقولو كدة فى الاول والكلام فى التاني بيتحول

الكلام سهل وكتير خايف يكون الاخير وكله زي بعضة

!!!!!!!!!!!!!!!!!!!!!!!!

هو أيه ده؟؟؟؟؟؟؟؟؟؟؟

» دعوة لبنات العمار و لقاء مفتوح
» يابنت بلدى ...( حملة عودة الحياء لبنات العمار ) ...شاركونا ....
» الفشل من وجة نظر انسان ناجح
» شكر خاص لبنات المنتدى
» سلسلة كيف تكون معلم ناجح .؟؟ متجدد