دعوة للم الشمل (إدخل هنا بسرعة لو لسة فيه ذرة ود في قلبك)

فاكرين أيام زمان؟
أيام الود و الوقوف مع بعض إيد واحدة
أيام الزيارات و قعدات التعارف و اللعب و العزومات و الكلام اللي طالع من القلب
و بعدها لما يجي شغل تلاقينا واقفين وقفة واحدة علشان بينا حب و ارتياح و عيش و ملح

يمكن معظمنا سمع الفيديو اللي الشيخ الشعراوي رحمه الله إتكلم فيه عن الثائر الحق
قال و كأنه عايش معانا الفترة دي و بيوجهلنا نصيحة" قد يثور المدنيون حتى ينهوا ما يرونه فساداً
ولكن آفة الثائر من البشر أنه يظل ثائراً
ولكن الثائر الحق هو الذي يثور ليهدم الفساد ثم يهدأ ليبنى الأمجاد ولا يسلط السيف على رقاب الجميع"

فترة ما عرفناش نستغل فيها الثورة اللي جوانا صح و نوجهها في اتجاه واحد ننتهي منه و نبدأ في غيره
فعملنا ثورة على كل شيء في وقت واحد
عايزين نعمل و نعمل و نعمل فكان لازم المحصلة تكون صفر

عن نفسي شايف المشكلة في حاجات كتير منها:
1- بعدنا عن بعض
ما بقناش نتجمع زي زمان و فين و فين لما نيجي نشتغل نتقابل و تنفض الليلة أول ما نخلص
2- تدخلنا في السياسة
كنا واضحين و موقفنا ثابت ان احنا غير مسيسين و كل واحد مننا ليه فكره و وجهة نظره فـ ماينفعش آجي أقول منتدى شباب العمار يؤيد فلان و لا جمعية شباب العمار تؤيد فلان و ده لحد دلوقتي ما حصلش لكن بعد الثوة كان فيه إجماع على عمل ندوات تثقيفية و تفتيح دماغ الناس ان دلوقتي غير امبارح و لازم صوتك يروح للأحق
و ده جميل جدا و دور فعال لكن نقود الدفة و نقول عايزين واحد تجتمع عليه البلد و تقرر مصيرها و لجنة حكما و استفتاءات و انتخابات بيتهيألي ده غلط و مش هنجني منه غير الفرقة لأن كل واحد فينا ليه دماغه و ليه رؤيته و لازم يحصل خلاف و تضارب لأننا دخلنا لعبة مش بتاعتنا خالص كمجموعة في حين إن الأول كل واحد كان حر في دماغه و في توجهاته و الكيان بعيد عن كل ده وواقف في النص بدل ما كل واحد دلوقتي عايز يشد في اتجاهه و يسحب مجموعة لصفه
أنا عن نفسي شايف إن فيه سياسة هتنفع و تفيد جدا بس لسة ما جربنهاش لحد دلوقتي وسياسة مش هتجيب من وراها غير الصداع ووجع القلب و هتخلينا نخسر بعض و نهاجم و نتشبث بمواقفنا
3- بقينا نمسك لبعض عالواحدة و نتلكك لبعض و ننتظر الغلطة بفارغ الصبر علشان نعلق المشانق لبعض
و بقى صعب تلاقي النصيحة و التوجيه في السر و كأن اللي مسك غلطة عايز يقول أنا اللي فضحته و أنا اللي كشفته و أنا اللي كان عندي حق و يجي في نهاية كلامه و يقول اللي بينا كبير و احنا اخوات طيب كان فين ده بينك و بينه
4- ناس كتير بقت تتكلم بإسم المجموعة في مواقف كانت تستدعي المشورة و الإجماع عليها و كانت النتيجة إنها تتحسب علينا و تلاقينا بنقول لبعض احنا ازاي نعمل كده واحنا أساسا مالناش ذنب لكن للأسف الغلطة الفردية بيتعاقب بيها الكل
5- قعدنا مع فلان و فلان و فلان علشان نصلح من حال البلد و مشاكل البلد لكن للأسف كان في كل مرة يكتر الكلام أكتر و توسع دايرة المشاكل و تنطرح الحلول الوهمية و نسينا إن احنا نفسنا عندنا مشاكل مع بعض لازم نحلها و نصفي النفوس علشان نقدر بعد كده نشتغل لصالح البلد بقوة و ننجح
لو فيه 6 أو 7 أو 8 أو 9 مش عايز أسمعهم و نقلب الصفحة هنا

و أنا عارف إن فيه حاجات كتير كمان أثرت علينا كجموعة متماسكة لكن عايزين دلوقتي نقف وقفة نعيد فيها حساباتنا و نلم شملنا و نرجع الود و الحب اللي معدلاته عمالة تقل و نرجع زي زمان و أكتر كمان و ما نسمحش لقلوبنا إنها تشيل و تعبي و نفلترها أول بأول و نصفي النفوس و نبدأ صفحة جديدة كلها حب و خوف على بعض و على الصالح العام و نرجع إيد واحدة

و أول خطوة هعزمكم عن قريب على عزومة جامدة نتلم فيها زي زمان بس المرة دي من غير اشتراكات و أمري لله و هنشوي مش أكل جاهز و الكلام الفاضي بتاع مصطفى ده
و مش شوي تعبان زي بتاع محمد عبد السلام
أي خدمة
بس فعلا رجوعنا زي الأول و رجوع روح المودة و الحب و الإحترام من تاني أحسن من ألف مشروع خدمي أو تثقيفي ممكن ننفذه واحنا مش صافيين أو مش مرتبين أوراقنا

عايزين الناس الجديدة تعرفنا على حقيقتنا و تقرب مننا و تنضم لينا و نشيل الفواصل
لأنهم بصراحة ما شافوش مننا من فترة غير وجع الدماغ و دلوقتي عندهم انطباع لذيذ عننا مش صح بالمرة لكن احنا السبب فيه و لازم نعترف بكده و نصحح الأوضاع

اقتباس :: رجوع روح المودة و الحب و الإحترام من تاني أحسن من ألف مشروع خدمي

[ندعوك للتسجيل في المنتدى أو التعريف بنفسك لمعاينة هذه الصورة]

جميل ان الدعوة تيجى منك انت يا سلم يا حبيبى

معاك

الدعوة للم الشمل لا تقابل إلا بالترحاب ياعم إسلام

اقتباس :

و أول خطوة هعزمكم عن قريب على عزومة جامدة
نتلم فيها زي زمان بس المرة دي من غير اشتراكات و أمري لله و هنشوي مش أكل
جاهز و الكلام الفاضي بتاع مصطفى ده
و مش شوي تعبان زي بتاع محمد عبد السلام
أي خدمة

هو ده المهم
منتظر رنة منك يا عمنا
هاتلاقي ال5 جنيه وصورة البطاقة وصورة شخصية وانا موجودين ادامك
ههههههههههههههه

والله اهم من ده كله ان انت واحشني وبس

دايما اخونا الكبير ياعم اسلام
ودعوتك متتردش وخصوصا عشان الشوي ههههه

الله على شباب العمار لما يرجع تانى ايد واحدة
تعالوا ننسى الى فات و نقف تانى ايد واحدة
تعالوا نبدأ زى ما كنا ...كلة لوجه الله و عشان اخرتنا
تعالوا نصفى نفوسنا و نشوف هنعمل اية الفترة الجاية
اظن ان ما حدش يرفض دعوتك يا اسلام
مهما كان و مهما حصل
و مستنين الكل عشان نطوى صفحة قديمة
و نبدأ صفحة جديدة بيضاء
و نكتب فى أولها

بسم الله الرحمن الرحيم

{ وَإِنْ جَنَحُوا لِلسَّلْمِ فَاجْنَحْ لَهَا وَتَوَكَّلْ عَلَى اللَّهِ }

صدق الله العظيم

كفيت ووفيت يا ا سلام والله واحنا اول ناس معاك واول واحد هتلاقيه قاعد ع الطبليه كمان بس ابقى زود المناب بتاعى شويه .

بارك الله فيك ياباشا وربنا يجعلك محضر خير على طووووول .

طبعا انا مش جاي

إسلام
هكذا عرفتك
عقل راجح
وقلب جميل نبيل

تعليق على الهامش :حلوة اوى حكاية الكومنت التوامى الى ورا بعضوا اول مرة اخد بالى منو من ساعة ما دخلت المنتدى كان فى الموضوع دا.
....مستر اسلام لم تتغير وجهة نظرى عنك قط منذ طفولتى ,حضرتك مهما اتكلم عن نبلك وتفكيرك الراقى مش هيكفى,ربنا يحميك لاولادك ولزوجتك.
انا متفالة خير ان الدنيا هترجع تتظبط تانى والله , وان شاء الله خير.
وانا عازمة نفسى من دلوقتى علشان تبقى عارف وظبط نفسك على اكبرررر مناب ليا.هههههههههههه.
ربنا يديم كل حاجة كويسة بين الناس الى مشرفانافى المنتدى.
تحياتى
bent el_3amar ,,,,,,,,,,

ربنا يكرمك ياأ/اسلام على كلامك الراقى ده اللى بيمس القلب
بس انا مش من العمار
اجى العزومة ازاى ولا هاتبعتوهالى ديليفرى
على فكره انا شطوره اوى
لو جيت هاشوى الاكل كله
و

و
و
وبعدين ها كله كله

المهم دلوقتي الشوي امتى [ندعوك للتسجيل في المنتدى أو التعريف بنفسك لمعاينة هذه الصورة]

سيبك من الشوي والكلام ده أمال عالم الكوارع هيقفل يعني يلا ياعمنا نقلب فتة ورز ولحمة راس طبعا فاكر اللسان وال .......بلاش نكمل اصل انا وانت كلنا ع الاخر ههههههههههههههه .
نيجي للمهم بقي لم الشمل ده هيبقي فين ؟ ولازم يتحدد باسرع وقت .

دايماً ياعم اسلام صوت الوسطية والعقل بيكون من نصيبك

وزي ما قلت قبل كده ..ياريت كل جيل ربنا يرزقه بواحد بس زيك يكون فيه

ربنا يديم الود ...ولسنا اول ولا آخر المختلفين .. وعلى رأي الأستاذ جمال احمد ..ده موسم الخلافات العماري ..وكل سنه وانتوا طيبين ..فلا تاتي الإنتخابات إلا بالخلافات ..ولكنها إلى زوال ما دام هناك اسلام طلعت ..ورفاقه

وهناك الشوي ههه....وإذا تحدثت البطن ..فليسكت كل شيء ..كما يقول صديقنا - احمد رضا علام -

سلام عليكم دعوة جميلة جدا جدا

وطول عمرنا عارفين نقاء نفس الأستاذ إسلام

بس طول عمرى مؤمنة بمبدأ بخصوص موضوع الخلافات والمصالحة والحاجات دى

وهو لما يبقى حد زعل أو غلط فى حق حد ميقومش يبوس راسه او يحضنه بالعافية

لأ هات حقى وخد حقك ونعترف مين فينا غلط تقوم النفوس تتصافى لوحدها وهى راضية

مش نكذب على بعض وخلاص صافى يا لبن !!!!

إزاى لما تبقى مظلوم او اتجنى عليك او حصلك أذى أو ضرر هتتصافى بدون ما تاخد حقك

أو تعرف على الأقل الحقيقة والناس تفهم الصورة ؟؟

عندما تجلو الحقائق يزول الخلاف
وتوضع الأمور فى نصابها
وعلى الباغى تدور الدوائر

حنين كتب:: سلام عليكم دعوة جميلة جدا جدا

وطول عمرنا عارفين نقاء نفس الأستاذ إسلام

بس طول عمرى مؤمنة بمبدأ بخصوص موضوع الخلافات والمصالحة والحاجات دى

وهو لما يبقى حد زعل أو غلط فى حق حد ميقومش يبوس راسه او يحضنه بالعافية

لأ هات حقى وخد حقك ونعترف مين فينا غلط تقوم النفوس تتصافى لوحدها وهى راضية

مش نكذب على بعض وخلاص صافى يا لبن !!!!

إزاى لما تبقى مظلوم او اتجنى عليك او حصلك أذى أو ضرر هتتصافى بدون ما تاخد حقك

أو تعرف على الأقل الحقيقة والناس تفهم الصورة ؟؟

والله ياحنين انا اتفق معاكى بشده فى الموضوع ده بس مدام الطرفين على استعداد من النقاش الواضح والصريح يبقى تاكدى الصلح هايجى لوحده من غير اعتذرات ولا مقدمات وانا ارحب جدا دعوه الاستاذ اسلام واتشرف بيها

انا مع حنين فى الكلام دا جدا وهى عندها حق
,بس ماشى ياحنين اكيد الكلام الى انتى بتقوليه هيحصل بمجرد ما الشباب يتلموا ويتكلموا فى الحاجات الى مزعلاهم من بعض ويتناقشوا ويتصافوا وان شاء الله ميجبش زعل
,وبجد انا بشجع مستر اسلام ودى بجد احسن خطوة المرحلة دى بالذات,
وبخصوص الشوى تمام بس كنت عايزة زى المرة الى فاتت.ههههههههههههه.
ربنا يوفقوا ويجمعكوا على خير ان شاء الله.
تحياتى
bent el_3amar ,,,,,,,,,

يا نهار أبيض كل دي ردود؟
أكيد دلوقتي بتقولوا الراجل ده حدف الموضوع ده عالمنتدى و جري و لما حس انه إتدبس نفد بجلده و مش هيورينا وشه تاني و لا هيخطي باب الرئيسية بكيبورده
أينعم اتدبست و جملة كتبتها في لحظة تهور و طيش و مخدتش بالي إنها هتتمسك من وسط الموضوع الطويل العريض ده كله و قول الميعاد بقى ووفي بوعدك و يا ترى إيه نوعية الشوي بتنجان و لا بطاطا و لا درة و لا إيه بالظبط
عالعموم شرفتوا الموضوع بردودكم الجميلة و ألف شكر لكل واحد كتب رد هنا و نفسه يلم الشمل من تاني و هتشرفوني في قاعدة لم الشمل إن شاء الله عن قريب قوي
و لو إن الموضوع من غير رد من أحمد منصور و محمد مختار و أجمد شريف و مصطفى فتحي و القماح يعتبر مالوش لازمة بس على مين هيدخلوا هنا بالعافية و يا أنا يا هما و ساعة العزومة هتتفرجوا عليهم لما نصورهم و نفضحهم و هما بيخطفوا الأكل من بعض و آه يا خوفي منك يا إيهاب و من عمايلك
عالعموم ربنا يستر و خير بإذن الله هي بس حكاية الثورة تزامنت مع البعد و قلة الشغل و لما اتجمعنا في بيت أحمد زغلول علشان نفرح و نحتفل و نجدد الود كانت قاعدة رسمية و بردو شغل و صداع ووجع قلب فكله خرج مخنوق من كله و خنق على كله و محدش كان بيستحمل حد الفترة اللي فاتت
و إن شاء الله اللي جاي أحسن و الود لا هينقطع و لا يقل بعد كده علشان مش هنسمح للفترة دي تمر علينا تاني بإذن الله

حد يدورلي على الأسماء اللي أنا كتبتها ينوبكو ثواب على ما أعتر فيهم

كده نبقى متفقين يا جماعه كلنا ...

نتحاسب اولاً ..وهننتهي كالعادة للخير او الصلح ..أو الحقيقة على الأقل ...

ما دام السكوت لا يجدي ....ياريت تتحدد لجنة عادلة محايدة للفصل فى النزاعات ورد المظالم إلى اهلها ..فالبعض لا تتسع لهم الساحة للكلام ..وتبرير المواقف ..ويتجنبون ذلك ..لإن هذا نهجهم ..ولكن تشير الحداث ان المتحدث اكثر ..هو الغالب

وياريت يبقى المنتدى محل النقاش والتصافي ..وليست الجلسات ..حتى نناقش جميعاً الأمور ..وليت هذا لا يُفهم انه محاولة لإشعال النار ..او إثارة المشكلة ..او يصنف الرد انه من تلك الردود التي تفتح باب الخلافات مرة اخرى ..

فكما سيفسر البعض ذلك ..فالبعض ايضاً لا يعجبهم السكوت .. والحلول المنفردة الهادئة ..

ساعة الود بتخلي الخلافات تدوب و كل واحد بيبقى عنده استعداد لسماع الآخر من غير إصرار و تمسك بموقفه و ساعتها تبدأ تصفية النفوس و كل اللي عنده حاجة مزعلاه بيقولها علشان ما يبقاش فيه تراكمات و لا تكون النفوس شايلة و لا ذرة زعل
ما تقلقوش من الحتة دي خالص لأنها متجربة و الكل فاهم كده كويس و اللي عايزين تصفوه هنا على المنتدى يكون في اللي يخص المغتربين أو اللي مش هيقدروا يتجمعوا معانا
و ربنا يستر عليكو بقى يا هندسة

اقتباس :: و ربنا يستر عليكو بقى يا هندسة

عمر المختار كتب:

اقتباس :: و ربنا يستر عليكو بقى يا هندسة

ربنا يستر على الجميع ...

ولكن هل هناك ستر إلا على الفضائخ ..ام هناك معنى ىخر ياعم عمر

ام الحكم بعد المرافعة !!!

مبسوط

اقتباس :: ام الحكم بعد المرافعة !!!

الحكم بعد المداولة

ربنا يسترنا جميعا

» خبر بمليون جنيه إدخل بسرعة
» إدخل قول نصيحه لإبنك.....
» نصائح منزليه ....إدخل إنت وهى(متجدد)
» والله واحشني موت لمن تهديها - إدخل وهديها
» إمتحانات الشهادة الثانوية ( التجريبي ) إدخل متسرب حالاً ...