توضيح بخصوص موقف الادارة في موضوع احمد السيد .. نأسف للتكرار

بسم الله الرحمن الرحيم

ياريت ياجماعة نتكلم بهدوء ومن غير صوت عالي

واحب اوضح اني ضد سياسة الحذف مهما وصل الاختلاف في الرأي

والتجريح بيتم التنويه عنه لحذفه وهنا دور الادارة

اما غير ذلك فالكل له حرية التعبير كيفما شاء سواء كان عضو عادي او داخل الادارة بدون تفريق
....

عملية حذف الموضوع او الرد لا تتم الا بطلب شخصي من صاحبه طالما الموضوع لا يوجد به تجريح او لا يسئ

لشخص معين .. او علي حسب رؤية الادارة

وبالنسبة للي حصل من قبل الادارة في موضوع احمد السيد فده امر طبيعي

اللي حصل ان الموضوع كل شوية يتشال ويرجع وده بيحصل كتير وحصل كتير قبل كده نتيجة اختلاف وجهات

النظر بين فردين في الادارة او سوء تفاهم بينهم

مش معناه انه واحد كويس والتاني مش كويس او واحد يهمه مصلحة المنتدي والتاني مش همه

كل اللي حصل ان اسلام شاف ان هدوء المنتدي في حذف الموضوع وده برده مش طالع من دماغه لأ ده من رأي

ناس كتير شافت ان الموضوع لازم يتحذف وكان رأيهم ابعد عن الشر وغنيله .. والراجل يحترم علي كده نفذ رغبتهم

لان كل الناس شافت ان مفيش غير طرف واحد في الادارة منحاز لطرف واحد في الموضوع فكل الضغط كان عليه

..وانه لازم يبقي محايد .. دي وجهة نظر
.....

وجهة النظر التانية كانت لباهر

اللي ناس كتير هاجموه لانه رفض يحذف الموضوع ومش بس كده ده طالب كل الاطراف انها تتكلم وتتناقش حتي لو

الموضوع هيعمل مشاكل .. بس كلنا عارفين ان اصلا الموضوع جاي من المشاكل اللي وصلت لاخرها وكان لازملها

توضيح اكتر من موضوع من طرف واحد ... والتهدئة السلبية اللي حصلت عمرها ما هتحل المشاكل

اللي حابب اوضحه ان باهر ماكانش متحيز زي ما الناس فهمت انه بيدافع عن طرف علي حساب الباقي وربطت

الصداقة اللي بينهم برأيه اللي قاله

انا مع راي باهر في الموضوع وكمان ضد سياسة الحذف مهما حصل والموضوع ده بالذات ماكانش لازم يتحذف

لمجرد ان الناس عايزة تهدي والدنيا تروق واللي فات مات وده حقهم لكن من حق ناس تانيين بردو تعرف الحقيقة كلها

وتدافع عن نفسها واذا كان في طرف مش عايز يدافع عن نفسه فالتاني ليه الحق انه يتكلم

من اول السطر ده نتكلم بوضوح اكتر .....

ليه باهر كان عنده حق

لان احمد السيد اتهاجم قبل المؤتمر واتعملت مواضيع كتير وكلام اكتر عليه محدش عارف مين الصح ومين الغلط

وكل اللي كان عايز يقول حاجة كان بيقولها وكمان وعدونا انهم يوضحوا كلامهم ده بعد ما المؤتمر يخلص عشان

يعدي علي خير

وبعد ما المؤتمر خلص ولا واحد قال كلمة واحدة عن اللي يوضح اللي حصل سواء اللي اتقال صح او غلط

كان رد فعل طبيعي جدا ان اللي اتقالت في حقه كلمة يدافع عن نفسه

وماينفعش نقوله اسكت ماتتكلمش ونطالب بحذف الموضوع

كلنا عارفين حجم المشكلة كانت أد ايه واساءت لمين وليه ..؟ وان بسببها المؤتمر ظهر بأسوأ صورة ليه ولما يكون مؤتمر

هينقل حجم الوعي الثقافي والسياسي لاهل البلد يبقي الاطار خرج عن كون مين المتبرع او مين الداعي اوغيره ودخل

في اطار اظهار البلد بصورة تليق باهلها علي الاقل

السبب في المشاكل دي كان البشمهندس احمد السيد والبشمهندس احمد عبد العزيز بدون الدخول في التفاصيل ودي

وجهة نظر فردية وليست بصيغة نحن منعا لسوء الفهم .

انا بس كنت عايز اوضح ان المشكلة من الاساس بدأت علي المنتدي قبل المؤتمر يبقي لازم تنتهي بردو علي المنتدي

وبالحوار وبدون تجريح خصوصا ان الطرفين ردوا في الموضوع قبل ما البشمهندس احمد عبد العزيز يحذف ردوده بارادته ..

وكل احترامي لكل اللي بيرد بدون عصبية وبدون اساءة

ورغم ان البشمهندس احمد عبد العزيز كتب ردوده علي كل حرف بالموضوع ولم يذكر التجريح الموجود وتغاضي عنه

الا بعد دخول باهر بالموضوع باعتباره عضو بالادارة

لكن التجريح الوحيد الذي رأيته وكان لابد حذفه كان تجريح مباشر من البشمهندس احمد السيد للبشمهندس احمد عبد

العزيز وده ممنوع علي المنتدي ونعتذر عن ذلك .

لكن حرية الرأي مكفولة للجميع والمنتدي لابد فيه من وجود اختلافات في الرأي ومهما زادت حدة الشكل والمضمون

لابد ان ينتهي بالحوار وليس بالحذف ..

اعتذر عن الاطالة وعن فتح الموضوع مرة اخري (رغم انني اتمني فتحه مرة اخري)

لكن كان لابد من التوضيح منعا لفهم الموقف بصورة اخري .

كلام جميل يادكتور

أنا واحد من الناس قلت هانوضح بعد المؤتمر

وماتوقفنا عن التوضيح إلا لأن الموضوع تبين أنه شائك جدا وسيسبب خلافات كبيرة .. وكثيرة .

وعندما دخلت موضوع م / احمد السيد .. قمت بإعداد ردى .. ومالبثت أن وجدت دعوة للصلح
فاخترت الصلح وردى كان يحتوى على مايفيد بأنه لو كان لى حق شخصى فأنا متنازل عنه لأجل الصلح وفض الاشتباك وحفظ ماء الوجوه .
ثم فوجئت أمس بما لم يكن فى الحسبان .. والذى استمر من الصباح إلى المساء فأجهدنى .

ونلتقى بحيادية الحق فى صفحة الموضوع الذى نشره م / جمال أحمد حتى لا نفرع الأمور هنا .

» توضيح بخصوص موقف بعض الأعضاء فى موضوع أحمد السيد .. نأسف للتكرار
» احمد عبد العزيز - احمد عبيدة - حنين (اسماء السيد)
» توضيح أخير بخصوص المنتدي ..
» المهندسان ...احمد ...عبد العزيز..و السيد.
» احمد السيد...كل سنه وانت طيب يابشمهندس.