قبل النوم !!!!!

ياتري كل واحد فينا قبل ماينام بيفكر في ايه بعد ثورة 25 يناير؟ هلي ياتري بيفكر في اللي نفس اللي كان بيفكر فيه قبل 25 يناير ولا الموضوعات والافكار اللي بندوش بيها دماغنا قبل النوم اتغيرت وبقينا نفكر في حاجات تانية .
ياتري انا كاشاب بفكر في فرصة سفر وهجرة تاني ولا اقول لنفسي البلد محتاجاني واشتغل في مصر مهما يكن .
ياتري بقول لنفسي امتي اجوز ولا بفكر في بناء مستقبلي دون الاهتمام بالنقطة العصيبة دي .
ياتري بفكر في اهمية وجودي في لبلد دي وحجم اللي هاقدمه ليها ولا بقول انا مش فارق يعني عادي انا هاعمل ايه في وسط الناس دي .
ياتري بنفكر في عيوبنا وبندور ازاي نصلحها ولا بقول العيوب دي طبع فينا ومش ممكن ابدا تتغير وبتكبر دماغك .
ياتري بتفكر في الاقلاع عن التدخين ولا مكمل في رحلة الموت البطئ للاخر .
ياتري بتفكر انك تتغير للاحسن بجد وازاي تتغير ولا بتفكر وخلاص .
ياتري بتفكر في ايه قبل ما تنام ؟!