اتمنى المشاركه الفعليه

ان شاء الله يا جماعه هنبتدى من بكره فى تجهيز الملابس اللى فى مقر الجمعيه وياريت كلنا نشارك ولو حتى ساعه هتفرق كتير معانا


ان شاء الله هتبتدى الاخت اسماء محى بكره من الساعه 10 صباحا لغايه العصر جزاها الله كل خير وهنشوف مين هيكون معاها من باقى البنات والاخت الطير الباكى هتجهز لنا المكاوى والطربيزات اللى هنكوى عليها

وان شاء الله انا هكون متواجده يوم السبت والاحد طوال اليوم ومعايا الاخت هند طلعت والاخت بوكى واحتمال انزل الجمعه كمان ان ربنا سهل الحال بس هتكون الاخت هند طلعت متواجده يوم الجمعه كمان والاخت ورده بلادى هتتفرغ الاسبوع القادم ان شاء الله وهنعرض الوقت اللى هتكون فيه فى مقر الجمعيه

بس انا شايفه احنا كدا مش كفايه ياريت الطلب اللى انا طلبته من الاخوه مؤسسين الجمعيه يتحقق لانه بجد احنا محتاجين مساعده كبيره لانجاز العمل وكل واحد هيقدر يساعد معانا يقولنا هنا هو يقدر يجى امتى مقر الجمعيه باليوم والساعه عشان نقدر نتجمع باكبر عدد ممكن عشان نشتغل مع بعض عشان العمل الجماعى هيفرق كتير عن العمل الفردى وهيكون فيه تشجيع اكتر

اتمنى من الجميع المشاركه الفعليه احنا مش عايز اكتر من حضرتكم تحددوا الميعاد باليوم والساعه

ولكم منى جزيل الشكر والاحترام

عمرو البكرى كتب:

ربنا يوفقكم

شكرا على مرورك يا استاذ عمرو

شكرا لكل اللى شارك واللى مشاركش معانا

بكره ان شاء الله هيكون متواجد جزء من البنات من الساعه 9 لغايه 12 هيكون فى مقر الجمعيه للى عايز يشارك

واللى مشغول احنا ممكن نجبله الشغل لغايه بيته ويجهزه واحنا نبقى نستلمه منهم ( اظن مفيش ابسط من كدا )