نسخة مفاتيح

الكلام ده خارج من قلبى وأتمنى يوصل لقلوبكم بإذن الله

بسم الله نبدأ :

أكيد كلنا معانا نسخة من مفاتيح بوابة بيتنا

لكن فيه مفتاح مش موجود مع الكل

المفتاح ده غالباً بيبقى مع بعض الأفراد من كل عائلة

المفتاح ده أخطر مفتاح فى حياتنا والله

قصدى فى مماتنا !

مفتاح القبر


مفتاح بيقفل علينا باب .. خارجه بسنتيمترات = الحياة الدنيا

وداخله بسنتيمترات = الحياة الآخرة

..

هاتلك نسخة من مفتاح قبرك كده

وحطه تحت مخدتك .. هاتنام !؟

طيب إمسكه فى إيدك وانظر اليه .. هو ده اللى هايتحرك فى حلق باب قبرك مرتين

مرة للدخول .. ومرة للغلق الأبدى عن هذه الحياة الفانية

إمسكه فى إيدك وانظر .. هل تشتهى الآن لذة .. هل تجذبك الآن معصية ..

هل تلهيك عن الموت غفلة ..

إمسكه فى إيدك وحاول .. حاول تفتكر مفاتيح بيتك ، وباب أودتك .. تلك الأبواب المحببة

إليك والتى لطالما فتحتها للدخول والخروج منها مرات ومرات ..

إمسكه فى إيدك وفكر .. فكر امتى المفاتيح دى هاتتحرك فى باب قبرك للدخول .. ومن سيحركها

لك ؟ .. ومن اصلاً قد صنعه لك ومتى ؟

هانغادر والله يا جماعة

هانغادر

لازم نصحصح

لام نفوق

لازم نحب ربنا ونقربله أكتر

لازم نحب النبى محمد صلى الله عليه وسلم ونتخذه قدوة حقيقية

لازم نشبك إيدينا فى الخير .. لكن فى الخير اللى هايعم علينا الأول

لازم نعمل الخير فى نفسنا

الخير اللى فى نفسنا اننا ندخلها الجنة

( قد أفلح من زكاها )

يارب

انت يادكتور ايهاب احييت نفوسنا بكلامك ده اللى بيذكرنا كلما حلت الغفله

ربنا يحيى نفوسنا كلنا

هو اللى قلوبنا بإيده وقادر يغيرنا

جزاكم الله خيراً أختى الفاضلة

،،

ربنا يكرمكوا

وفى إيدينا نرجع أحسن من الأول ياعمرو

وفكرتنى بالأمير ممدود أبو قطز .. الأمير الشهيد

كله على الله

نقول يارب

محمود شاهين كتب:

بارك الله فيك على هذا الموضوع الذي تقشعر منه الجلود
لكن عندما تذهب مع جنازة وترى رفاة الموتى تخيل أنها أنت
يا الله
لقد رأيتها متعمدا مرارا وتكرارا منظر مؤلم
الموت كأس والكل شاربه والقبر بيت والكل ساكنه

شكراً على مرورك يا استاذ محمود

بارك الله لك

ربنا يعزك يارب

ربنا يعزك يابن عمى

اقتباس :

مفتاح القبر

أول ماعيني وقعت علي الكلمة دي..بلّمت..

ربنا يبارك فيك وجُزيت الفردوس الأعلي..

ربنا يكرمك

ويرزقك الجنة يا أختنا الطيبة أسيرة