ايه حكايتك مع المنتدى ادخل ومتكسفش ؟!!!

بسم الله

انا شايفكم بتعزموا على بعض مين اللى يشغل الموضوع

وبما ان انا اللى اخترت عمرو امام ولم يدخل حتى الان

فاسمحوا لي ان اختار عضوا غيره لحين دخول الاستاذ عمرو يبدوا ان مسألة الخطوبة والزواج معصلجة معاه شوية ربنا يعينه ويوفقة ويدخل القفص بسرعة عشان يفضى لينا شوية ( موفق يا عمرو )

اسمحوا لي ان اختار الدكتور عبد الغني عبده

في انتظار الدكتور عبد الغني عبده

هتروح فين يا معلم

احنا منتظرينك من بدري

سمي وخش علينا باعترافاتك

باسقاطاتك

مش هتعرف تزوغ

احنا ما صدقنا مسكنا فيك

غرزت....

حد يشدني يا جدعان....

ما عندكوش ولايا

والله ليلة زي العسل ..منور الدنيا يا أستاذنا عبد الغني عبده


قلبي عندك

...

خبطتين فى الراس توجع يا عمنا

فى ليلية واحدة مع بعض .. الليلة عيد صحيح

تشريف ليا والله يا استاذنا

بس انت غلبت المشير بجد هههههههه

هههههههههههههه

إيه رأيك؟!

حلو كده؟!!

الخبطتين دول جم في راسي أنا يا معلم.

مستهل بالصلا على النبي

فعلاً محتاج مرة أقعد ذهني صافي بدون تفكير مرة واحدة فى حياتي .. نفسي.. او ارجع اعيش لحظة توقف عن التفكير والتخطيط والترتيب , وضرب الإحتمالات .. وليلتنا هذة هي محاولة لتنقية الذهن وتفريغه ..شكراً لكم


ـــــــــــــ


الفكره دى عجبتنى اخر حاجه زى مابيقولوا الشباب اللى قالوا عليهم شباب سيس لا يعرفون غير التهيس

الكل فالمنتدى هنا له حكايه فرح حكايه حزن و و و و

نسيبنا بقى من ده كله مش عاوزين نقلب المواجع


موضعنا ده بقى هيبقى عباره عن اسئله واحنا قاعدين على القهوه كده نجاوب
عليها واول عضو يجاوب على الاسئله دى يدبس واحد حبيبه كده فيها بعده
ويبعتله رساله خاصه ويقوله بصراحه انا دبستك ادخل وجاوب ونبتدى الاسئله




كيف بدات حكايتك مع المنتدى ووصلتلوا ازاى ؟

واحد قابلني عند النادي قبل ما أسافر من حوالي 3 سنين وزيادة , وقالي عليه ولما سافرت سجلت عضويه فيه


وانت بره المنتدى بتفكر فيه والى اى درجه ممكن يوديك تفكيرك ونتقل عليك حبتين كده وقولنا بتفكر فايه ؟

بفكر فيه طبعاً كتير جداً , واتوقع رد فعل الأعضاء لبعض الموضوعات وبكون مشغوف اني أطالع ردود الأفعال ,,بس ده فى حالات نادرة وللمواضيع الهامة فقط ,

اختار ثلاثه اعضاء بتفكر فيهم وانت بره المنتدى ؟

حقيقي مش بفكر فى حد , والتفكير لو حصل بيكون حسب مجريات الأحداث او الموضوعات ولو تخص حد بيكون تفكيري منصب عليهم

ايه اول حاجه بتعملها لما بتدخل المنتدى ؟

بفتح الموضوعات اللي فيها ردود جديدة وانا قريتها قبل كده فبكون متابع , باخد من على الوش يعني ههه , وبعدين أفتح منتدى الأدب أشوف كل اللي فيه ,,

اختار ثلاثه اعضاء بتدور عليهم اول مبدتخل المنتدى ؟

مش بدور على حد , ومش عارف ليه .. بس لو لقيت أ عبد الغني أو أ أحمد هلول وأ مختار محمود , وأ سميح زمان او أحمد فتحي واسلام طلعت ..بحاول افضل شويه موجود ربما يحدث تواصل بينا مثلاً خصوصا ان أغلبنا كسول ..لما نشوف بعض ممكن نتكلم ..فبنتظر شويه ومش بخرج بسرعة

مين العضو اللى بتفرح لما يرد على موضوع ليك ؟

كل اللي يرد بيفرحني جداً بس وقت ما تتساوى الفرحة , بحب اصحاب الأقلام , والمبدعين ,, يليهم أعمدة المنتدى وأعضاءه اللي ميعرفونيش أصلاً ,

موضوع حبيت تكتبه بس للاسف لقيت عضو غيرك كتبه ؟

موضوع عن سلبيات مركز الشباب , كتبه أسلام طلعت

لو قولتلك ابعت رساله خاصه هتبعتها لمين ومضمونها ايه ؟

هبعتها لكل اللي كانوا معانا واتمنيت يتجمعوا النهارده وكان بإمكانهم يحضروا لمجرد اننا نسعد بعض اننا أيد واحده , ورغم كده محضروش ..مضمونها زعلان منكم وواخد على خاطري ,, والمنتدى اللي ضمنا ليه حق عليكم


ايه الحاجه اللى ممكن تقلقك فالمنتدى ؟

إن تكون اوقات الإدراة ليها ميول معينة فى قضايا معينه أو مشكلات , وعلى أساسها تكيل بمكيالين , ويقلقني جداً النفور العام للأعضاء ..او الهجرة المجمعة من بعضهم بدون سبب

ايه اسم القسم اللى بترتاح لما بتكون فيه وبتحبه كده من قلبك ؟
الأدب
حاجه حصلت فالمنتدى فرحتك اوى ومتقدرش تنساها وحاجه ضيقتك ؟
اللي بيفرحني اوي او الحاجة تحديداً , وقت ما باهر نزلي قصة وكان غير مغرم بالأدب او القصة .. كانت إخراجها جميل وحسيت بفرحة كبيرة

واللي زعلني جداً ..إني كنت لأول مره فى حياتي فى خلاف ومشكلة وتكون على المنتدى .. شعرت بالحزن بغض النظر عن موقفي منها سواء صح او غلط ,

خليك معايا بقى انت لسه شوفت حاجه هتموت ههههههههه

انت مش قدي ولا يهمك ههههه

كملنا بقى الحاجات الحلوه دى ..........

عضو محبوب فالمنتدى ......... ايهاب رفعت

عضو رايق ودماغه عاليه .......... كريم ورميو

عضو مواضيعه ملهاش حل .......... باهر حكام واسلام طلعت

عضو عصبى جدا جدا ..........والله ما فاكر حد ...

عضو الردود بتاعته حلوه ولذيذه بتعجبك ........ عبد الغني عبده وأحمد هلول

عضو بتحس انه مرتب دايما .........أحمد منصور , شريف عبد المنعم ( أجمد مهندس )

عضو عاجبه اسمه او لقبه ..........اسمه ولقبه ده خطأ فادح هههه يا أسمه يا لقبه ما علينا .... مفيش لقب شدني فعلاً

عضو توقيعه ممخمخ معاك اوى .......مش بحب التوقيعات , بس صورة البنت اللي فى توقيع أسيرة الأحلام لسه شايفها حالاً جميلة جداً

عضو ام النشاط اللى فالدنيا فيه ......... اللهم لاحسد كانت أسماء محي فى فترة من الفترات , ولكن العنصر النسائي يتفوق فى المجمل حنين واسيرة الأحلام ووردة بلادي

عضو مفتقده .......... سميح عزت الهيو ,جمال احمد , احمد عبد المجيد , محمد يوسف علام .. محمود البكري كعضو

عضو كده تحس انه رزين وواثق من نفسيته .........اوي اوي مصطفى فتحي __ باهر حكام

عضو هادى كده ........... عمرو إمام ايهاب رفعت

عضو ثقافته عاليه ...........عبد الغني عبدة , مختار محمود , أحمد فتحي , أحمد هلول

عضو تتمنى تقابله ..........مختار محمود , عبد الغني عبده , كريم وشلة الشباب كلهم عايز اتواصل معاهم عن قرب

عضو ممخمخ معاك وداخل مزاجك ..........أحمد عبد المجيد ...بحبه

عضو تمنحه لقب الطموح ..........خايف أقول فى الحقيقة مفيش أو مفيش آليات لتحقيق الطموح ..بس نقدر نقول مصطفى فتحي

عضو بتحب تتناقش معاه ..........اسلام طلعت

عضو بقى عاوز تقلبها خناقه معاه ..........محمد يحيي عشان مش بيتواجد خالص


عضو قوى الشخصيه ...... الغالبية العظمى .. إلا أنا

عضو بتفرح لما بتدخل وتلقيه اون لاين ..........أحمد فتحي

عضو بتتمنى صداقته ..........كل اللي مش صديقي

بس كفايه ايه تعبت انت لسه شوفت حاجه ههههههههه تعالى بقى للى جاى تهدى مين الكلمات دى

مبدع .......عبد الغني عبدة

مميز ..........أجمد مهندس

واصل دائما .........باهر حكام

انت فين يا كبير .........مختار محمود , محمود عبد الفتاح , سميح عزت , سمير جلال ,

شارك .........أحمد محي عبدالعاطي

شكلك تعبت يا عينى معلش هنخلص اهو فات الكتير ما بقى الا القليل هههههههههه هاتموت بهزر ياعم خلاص اخر حاجه

عاوز تقول حاجه قبل ماتمشى ؟

عايز اقول ربنا يعدي الأيام على خير ومصر تتعافى والثورة تكتمل

مين العضو اللى انت بتحبه اوى وعاوز تدبسه بعدك ويحكلنا حكايته ؟

أحمد عبد المجيد الهيو
أو مسعد النجار
القوانين

كل عضو متاح ليه يومين للاجابه واللى وراه مشوار بقى وعاوز يخلع هنبدله بعضو تانى عادى يعنى هههههههههه

بهزر عادى غلس انا عارف براحتكوا ياجماعه خالص مالص وركزوا ورجاء والنبى محدش يدبسنى والنبى

يارب تعجبكم الفكره والاسئله وتشاركوا بحب وعدم زعل وعدم الاحساس بالتدبيس هههههههههه

تحياتي وودي واحترامي للغاليين :
م / احمد عبد العزيز
د / عبد الغني عبده

ومنتظرين العم مسعد المحترم اللى انا قصرت معاه اوي بس ياريت يسامحني لأنه ما كانش عارف ظروفي ايه وانا في مصر
منتظرينك يا عم مسعد
انشلا تتهنى روح