انتى تحفة ..!!

هو يعنى عارضة أزياء ؟

هى واحدة بتطلع بفستان جديد ..عشان تفرج الناس عليه ...والناس برده تسيب الفستان وتتفرج على جسمها ...
!!

طب هو مش ينفع الفستان يتحط فى مولات الملابس ...على موديل ..والناس برده تتفرج عليه ..لأ وغير ده كمان الناس ممكن تدخل تقيسه ..عادى جدا وان عجبها تشتريه ..!!طب سؤال صغير ان كان ده تحضّر وشىء كويس وعادى يعنى ...ليه فى عرض الأزياء الحريمى بتلاقى رجالة قاعدين

واحد هيقولى ببساطة عاوز يشترى لمراته فستان ....هاقولك طب ليه مش جايبها معاه ..هاتقولى عاوز يعملها ليها مفاجأة ..هاقولك طيب ماهو عارف مقاس لبس مراته ..كان ممكن يدخل المول يتفرج على اللون اللى يعجبه ويطلب مقاس مراته ...وتبقى انتهت القصة ..ولا إيه ..

!

أعتقد ان كله عرف الراجل ده داخل ليه ...طب ده بالظبط زى اللى بيحصل فى الشوارع كل يوم ..حياتنا عرض أزياء كبير ...والناس بتتفرج على بعض ..طيب ياأختى تبقى انت سلعة ...وكله بيتفرج عليك مش لحاجة غير انه معجب بجسمك..!!

معلش انا صريح شوية ...بس اللى بيعجب بيكى من أول نظرة ..ده ..مقعدش معاكى قبل كده ..فميعرفش أخلاقك ..وميعرفش طباعك عشان يعجب بيها ..بس اللى شافه منك حاجة واحدة ...اللى انت ظاهراه من جسمك بلبسك الضيق ..ومكياجك ..الأوفر أوى ..عشان كده أعجب بيكى ..!!

متزعليش ان بقول سلعة ..أيوة ..أصل معناه ايه لما يبقى اعلان تلاجة ..وتلاقى واحدة زى القمر ..واقفة جنب التلاجة ..!!

الاسلام بقى مقلش ان المرأة سلعة ...الإسلام للشباب لما تيجو تتجوزوا ..دوروا على واحدة جميلة المظهر الأول ...

الإسلام اهتم بطباعك ..ودينك وأخلاقك .وروحك..اللى الكل نسى ان عندك روح وانك انسانة وليكى أحاسيس..وعاملوكى على انك تحفة ...مظهر وجسم وخلاص ...!!

قال رسول الله صلى الله عليه وسلم ".....فاظفر بذات الدين تربت يداك "..يعنى لوفرطت فى ذات الين .وجريت ورا ذات الجمال الخارجى ..وسيبت الجمال الداخلى جمال الروح ..هاتحط ايدك فى التراب ..من الندم بعد كده ..دينك ياأختى بيكرمك ..واللى بينادوا بتحرير المرأة بتحريرها من ملابسها ..هم من يجعلوا منها سلعة فيعيدوها إلى عصر العبودية ....!!

حضرتك تعرفى ان اللى ربنا بيحبه ...بيضع له القبول فى الأرض ..يعنى كل اللى يشوفه يحبه ...حتى لو كان مش جميل المظهر ..او متوسط الجمال ..لأنى ربنا خلّى عنده قبول كاريزما جميلة تخلى الناس تحبه ..طب وده يجى ازاى ..لما ربنا يحبك .زطب وربنا يحبك امتى ...لما تطيعه ...

هاطيعه ازاى ...هالبس واسع هالبس الحجاب الشرعى مش هاحط مكياج ...لأ والناس كلها هاتحبنى و.من غير

مكياج ولا حاجة ...انت عارف ليه ..خلاص بقى عندى قبول ...!!

لأ وممكن بعد كده أنتقب كمان ...وهاتجوز برده ...لو ربنا شاء ..لأن ده رزق ...هاقولك حاجة جميلة أوى ..بما إنى شاب ..أنا لو جيت أدور على عروسة وكذلك أى شاب ..اول حاجة هافكر فيها واحدة أخلاقها كويسة ومحترمة ولابسة حجاب

...أو ياريت تكون منقبة .. طيب تمام أنا دورت على بنت منقبة وسألت عليها ...لقيتها محترمة وأخلاقها كويسة أهلها ناس محافظة ..وكله تمام ..فاضل ايه ؟؟إن أشوفها بقى ...انت مستغرب وانت مستغربة ليه كده ...أيوة أنا لسه مشفتهاش ..بس ان اتأكدت إنها "ذات الدين "تمام ؟وأنا الدين مدينى الرخصة فى رؤية شرعية ...لوجه العروس ..وطبعا البنت اللى ربنا بيحبها ...اداها القبول ..فأنا أول ماأشوفها هاوافق ...وطبعا هاستنى ردها هى كمان ..لأن دينا مش عافية ...هاتتجوزى ده يعنى ده ..لأ..ديننا مش كده ...إن شاء الله هانزلكم قصة بعد كده ...رااااائعة عن هذا الموضوع ..
هاااا ..


تحبى ان الناس تقدّرك عشان احترامك ودينك ..ولا عشان جسمك ..وتبقى بالنسبة ليهم مجرد سلعة ..ويقولوا ..ليكى ..دا انت تحفة

!!

ايوه فعلا كلامك صحيح

وياريت نلتزم بالحجاب الصح وليس مايطلقون هم عليه حجاب من منظورهم الخاص
لكنه خراب

بالنسبه لكلامك عن الاعلانات
مين عارف اعلان السيراميك ده؟؟؟؟؟؟؟؟
انا فعلا مش عارفه هما بيعلنو عن سيراميك ولاعن بنات تحف ولاعن معجون سنان
اصل سنان البنات دول وهما كده بيضحكو بتبقى بيضه قوى
حسبنا الله ونعم الوكيل
اللهم آت نفوسنا تقواها وزكها انت خير من زكاها انت وليها ومولاها
آمــــــــــــــــــــــــــيـــــــــــــــــــــــــــــن

تحبى ان الناس تقدّرك عشان احترامك ودينك ..ولا عشان جسمك ..وتبقى بالنسبة ليهم مجرد سلعة ..ويقولوا ..ليكى ..دا انت تحفة


ـ

ماشاء الله كل يوم بيزيد احترامى ليك وعايزه اقولك انك اسلوبك فى فى الكلام يقنع ال.....مش عارفه ايه ههههه بس طريقتك حلوه استمر وربنا يجعله فى ميزان حسناتك

اختك ام يوسف

شكرا جزيلا لك
علي اسلوبك الراقي
وكلامك المقنع
والذي ليس فيه اي اعتراض
وجزاك الله خيرا

شكرا ليك يا استاذ محمود فطريقة العرض وفكرة الموضوع من اساسه

بس ديما فى المواضيع النسنبيه فى الحوار وردود الافعال الى اكيد بتختلف بظروف المهارات

والافكار المكتسبه من محيط البيئه الى بيعيش فيها كل فرد فانا اتفق معاك فى كل الى اقلته

بس لازم تعرف ان الموضوع نسبي تمام وبيختلف من بنت لبنت فانا ديما لمابيكون فى قدامي موضوع بيكون نسبي بتستخدم مضمومن الحوار وتنفذ بطريقتك زى مثلا الزوج الى راح يشترى فستان لمراته ده بيختلف من زوج لزوج اخر
وده بيرجع لنوع الفستان الى بيشتريه ومن اى مكان واحتياج مراته للفستان ده من وجه نظرة
فده بيطلب منه ان يحاول ياخد زوق مراته فى الاستيل والالوان بطريق غير مباشر ولو مش هيعرف مافيش داعى انه يخدها تختار بنفسها فى خضورة معاها وده حقها لانها جزء لايتجزء من حياته ولا زم رضائها وتحقيق رغبتها فى اطار الاحترام والزوق ولا زم يثق فيها وفى اختياراتها
بالنسبه للبنات الى بتحاول تلفت نظر الناس ليها دى بتبقى غريزة عندها فى بنات بتلبس عبيات سمرة وتكاد تكون منقبه ولكن العبايه بتكون مثيرة جدا وبيختلف استيل العبايه من بعد ماتلبسها البنت من بنت لبنت تانيه وده بيرجع للطول والوزن فى بنات بتتعمد ده وفى بيبقى غصب عنها انا عن نفسي بعترف للبنات بالاسدال استيله واحد ومش بيفرق بين البنات
غريزة التجمل للبنات اعلى بكتير للرجال احنا الرجال نعتبر محجبين اهوه لابس بدله وقميص قفل اخر زرار عند اللياقه وكرفت مش باين غير الوجه والكفين

وبعدين يرجع اللوم لينا برده احنا الرجال بنعجب بالنبت المتجمله لازم تاخد بالك من لبس اختك او بنتك او مراتك ومن اهم المواقف الى بتسبب مشاكل بين الزوجين هيه موضوع المظهر وتعبراتك عن ذتهاايه المانع ان الواحد يعامل زوجته بطريقه تلي بيها وبانثتها بمعنى انك تكون ضعيف جدا ادمها وحنون وطيب وفى نفس الوقت تشوف بعينها انك تحمل هموم الدنيا كلها وانك تسد فى اى حاجه بس حاسب تفلت منك دى هضيعك ههههههههههههه

لابد من حملله توعيه للبنات على شان كرف المنحنى بينزل واحنا بنخاف على البنات ال لسه صغيرين وشايفين الدنيا من منظار عجيب

هتبقى الحمله

وسعى لبسك القماش كتير

انا لا اختلف فى مضمون الموضوع ولكن وجهه نظر

شكرا لكل من مر بالموضوع ...وربنا ينفع بالموضوع آآآآمين ..

انشروا الموضوع وجزاكم الله خيرا ..

وده مش مهارة منى ..ده توفيق من ربنا ..ربنا يهدى بنات المسلمين وشبابهم ..