هتلبسى التاج امتى ..؟!

هو لما أجى أسأل حضرتك ..
هو انت قاعدة بشعرك مكشوف وبنص ..

قدام"س " من الناس ..

أو قاعدة تهزرى معاه وتضحكى ...وكفّك ..وكده ..

أو لما يجى بتسلمى عليه عادى جدا ..

فتردى تقولى ..

أصل ده

ابن عمى .

أو ابن عمتى ..

أو ابن خالتى ..

أو ده أخو جوز أختى ..

أو ده ابن جارنا أو صاحب بابا أو صاحبة ماما

اللى أنا متربية معاه من وأنا صغيرة وكنا دايما مع بعض فى البيت والمدرسة ..

وف كل حتة ..

أو لو حضرتك متجوزة ممكن تقوليلى ..

شأصل ده أخو جوزى ..أو ابن أخو جوزى زى ابنى يعنى ..

أو ده عم جوزى ..

أو ده ابن سلفى .."أخو جوزى يعنى "..
-
طيب هو مين اللى فاضل مش قريبك ياافندم ..

!؟

دول كلهم مفيش ولا واحد فيهم محرم بالنسبة ليكى ...كلهم حلال ليهم انهم يتجوزوا حضرتك ..

يعنى مينفعش تعملى الكلام ده معاهم .

كان فى قصة صغيرة ..حصلت بين واحد انجليزى وشيخ مسلم ..

فالراجل الانجليزى بيقوله ..هو ليه المرأة عندكم مش بتسلم على أى حد ..

؟

فقال له ...هى الملكة عندكم بتسلم على أى حد؟

قال له ..لأ بتسلم على شخصيات معينة بس ..

فرد الشيخ المسلم ..

عشان كده الست عندنا مش بتسلم على أى حد

عشان

إحنا عندنا فى الاسلام كل النساء ..ملكات .

هاااا ..هاتكونى ملكة ...ولا ..؟!
ومتقوليش أصل أنا لو مسلمتش هايزعلوا منى متخافيش ياستى ..هيزعلوا مرة وبعد كده هايعرفوا انك مش بتسلمى فمش هايمدوا ايديهم تانى ..وبعدين هما أغلى عندك ..ولا ربنا ..!؟
خذى قرارك من دلوقتى ..

..هااا ....هتلبسى التاج امتى !؟

.

[ندعوك للتسجيل في المنتدى أو التعريف بنفسك لمعاينة هذه الصورة]

مواضيعك اكتر من رائعه يا دكتور

ياريت الناس تفهم مواضيعك دى و تطبق اللى فيها بجد

حاجه تكسف تلاقى الواحده واقفه هأهأه و ضحك و عادى خالص

فعلا لازم كل واحده تبقى ملكه و متقللش من نفسها

الله يكرمك ياهندسة ...ربنا ينفع بالموضوع ..آآآمين

متابعه مواضيعك يادكتور جزاك الله خير

ربنا يعزّك ياأم يوسف ...ربنا ينفع بالموضوع وجزاك الله خيرا ع التشجيع ..

تسلم ايدك يا محمود على الكلام الجامد دا

يا أخى الله يكرمك ويعزك بالسلسة اللى انتا عاملها دى ( انتى متخلفة - انتى تحفه - هتلبسى التاج امتى )
مواضيع أكثر من رائعة والله يا دكتور وياريت تبدأها كمان مع الشباب اللى زى حالتنا

موضوعك بيركز على نقطة مهمة أكاد أجزم أن أغلب البنات بيعملوها وأغلبهم أيضا بيقعوا فى الخطأ دا بدون إدراك
لو جربت دا على نفسك وشخصك مع خطيبتك الامر هيختلف هتلاقى اللى بياخد الامر بشكل عادى
وهتلاقى اللى بيغلى لما حد مش محلل يلمس إيد مراته ..
نفسى البنات كلهم يكون عندهم الجرأة فى انهم يقولوا احنا اسفين مش بنسلم على شباب
ونفسى الشاب اللى ايده متعودة تجرى على ايد البنت يمسكها شوية
أنا من ضمن الشباب اللى كانوا واخدين الامر عادى
ولكن لما مرة إتحرجت من ساعتها أقسمت إنى مبتديش بالسلام (طبعا كلو فكر إنى هقول مسلمش [ندعوك للتسجيل في المنتدى أو التعريف بنفسك لمعاينة هذه الصورة] )
جميل يا دكتور متحرمناش من كتاباتك ،،

تسلم بامانه يادكتور على المواضيع الجامده دى

تسلم يادكتور

طب انا بقى عايزك تعمل موضوع عن البنات الى بتانج بعضها فى الشارع

والبنت الى بتحضن زميلاتها بطريقه مش ظريفه بتضمها قوى كان ماشفتهاش فى المدرسه النهاردة او الكليه

البنات الى بتزاكر فى الغيط وبتتمشى على السكة

انا فاكر موقف ايام الكلية كنت فى الارض عندنا و بنت جرتنا بتزاكر وبتتمشي على السكة

لقتها بتقولى ممكن تعمل حسابى فى كباية شاي معاك اصلى انا صدعت

صدعتى انا ماالى اهلى مانتى راحه جاية لما ضغطك وطي وهتقعى مننا فى السقيه

ياستى متقعدى تحت شجراية كدة وادارى فى عودين ظرة وخسايتين تتسلي فيهم مع الكتاب وانتى روحك ترد

يالا يادكتور ربنا معاك

ربنا يكرمكم ياجماعة ...

ربنا ينفع بيه ..

وياريت تشاركونى فى الأجر ياجماعة ..وتنشروا الموضوع ..

وشكرا لكل من مر بالموضوع وعلق عليه واللى دخل ومعلقش ..

المهم انه كله يستفيد ..

وجزاكم الله خيرا

زائر

ولا اخت من المنتدى ردو فى الموضوع !!!

غير ام يوسف

جزاك الله كل خير وتنوع الموضوعات مطلوب ع المنتدي ورغم قلة المتابعة والردود بقولك استمر

سلامو عليكو

مواضيعك كلها جميله
ربنا يجعلها فى ميزان حسناتك
وانا على فكره مش بسلم خاااااااااااااااالص والله
بس لو حد مش يعرفنى وسلى عليه بسلم بكم العبايه او الخمار
وهو بعد كده بيعرف انى مش بسلم
ا/احمد هلالى بيقول مفيش عضوات ردو
ههههههههههههههههههه انا رديت اهو

مش بسلم الا على خال بابا فقط عشان هو حبيبى مبسوط

موضوع جميل جدااا جداا جداااا

دائما وابدا متوجين

تسلم مواضيعك

جزاك الله كل خير
" لأن يضرب المرء بمخيط من حديد خير له من أن يمس امرأة لا تحل له "

جزاك الله خيرا ...ولكن اود ان انبه حضرتك عن صحة الحديث "لأن يضرب ...."

السؤال: ورد حديث معقل بن يسار مرفوعاً: "لإن يُطعن في رأس رجل بمخيط من حديد، خير من أن يمسّ امرأة لا تحلّ له"، فهل يصح إسناد هذا الحديث؟

المجيب: سلمان العودة

الجواب:

أخرجه الروياني (2/323)، والطبراني في (المعجم الكبير) (20/211-212) من طريق شداد بن سعيد، عن أبي العلاء يزيد بن عبدالله بن الشخير، عن معقل فذكره.

وهذا الحديث معلول من وجهين:

1) لحال شداد بن سعيد، وليس بمتقن، ولذا وصفه الحافظ في (التقريب) بأنه صدوق يخطئ، وقد تفرد بهذا اللفظ مرفوعاً، ومثله لا يحتمل تفرده لو لم يخالف، فكيف وقد خالف، وهو الوجه الآتي:

2) أن ابن أبي شيبة أخرج في المصنف (4/15ح 17310) من طريق بشير بن عقبة، عن أبي العلاء، عن معقل موقوفاً عليه من قوله بلفظ: "لأن يعمد أحدكم إلى مخيط فيغرز به في رأسي، أحب إلي من أن تغسل رأسي امرأة ليست مني ذات محرم".

3) وبشير بن عقبة ثقة أخرج له الشيخان، فهو أثبت، وأحفظ من شداد بن سعيد، وفي هذا قرينة ظاهرة أن شداداً قد أخطأ في الحديث من جهتين في رفعه، وفي لفظه، وأن المحفوظ عن أبي العلاء هو ما حدث به بشير عن معقل موقوفاً عليه باللفظ المذكور، والله أعلم.

4) وقد قال المنذري في (الترغيب 2/657)، والهيثمي في (المجمع 4/326): رجاله ثقات، رجال الصحيح، ولا يلزم من ذلك تصحيحه كما لا يخفى.

5) ويغني عن الحديث في دلالته قول عائشة (رضي الله عنها): لا -والله- ما مست يد رسول الله (صلى الله عليه وسلم) يد امرأة قط إلا امرأة يملكها. رواه البخاري (6674)، ومسلم (3470)، والترمذي (3228)، وابن ماجة (2866)، وأحمد (23685)، وغيرهم عن أم المؤمنين عائشة (رضي الله عنها)، والله أعلم.

موضوع جميل اوى والله تسلم ايدك
جزاك الله كل خير

تسلم ايدك يادكتور مواضيعك جميله وفعلا تستحق القراءه .

دمت بخير

والله كلام فوق الرائع بجد .. هو دا الى بيحصل فعلا البنت مش بتحس بقيمة نفسها نهائى

ربنا يهدينا ويعف كل بنات المسلمين ... لكن حكاية السلام دى البنت هى الى بتتحكم فيها ، بمعنى من الايتيكيت

والبروتوكول يعنى ان البنت هى الى تبدا بالسلام لانها هى الى بتحدد تسلم ولا لا

وطبعا الولد المهذب الراقى بيعمل دا بيستنى البنت هى الى تسلم

وانا رافضة بالكامل البنت تسلم ع الولد بكل الصور وايا كانت نوع المعرفة قرابة وكدا

ومش هقول صداقة لان مفيش صداقة بين الولد والبنت ......

تسلم الايادى ويسلم العقل ماشا الله بجد..حفظك خالقى

لك منى كامل احترامى....شكرا.

تسلم ايدك يا بن عمى كما عودتنا موضوعات فى الصميم وان شاء الله ربنا يجازيك خير على النصائح دى
ربنا يهدينا ويعف كل بنات المسلمين

Mahmoud Samir كتب:: جزاك الله خيرا ...ولكن اود ان انبه حضرتك عن صحة الحديث "لأن يضرب ...."

السؤال: ورد حديث معقل بن يسار مرفوعاً: "لإن يُطعن في رأس رجل بمخيط من حديد، خير من أن يمسّ امرأة لا تحلّ له"، فهل يصح إسناد هذا الحديث؟

المجيب: سلمان العودة

الجواب:

أخرجه الروياني (2/323)، والطبراني في (المعجم الكبير) (20/211-212) من طريق شداد بن سعيد، عن أبي العلاء يزيد بن عبدالله بن الشخير، عن معقل فذكره.

وهذا الحديث معلول من وجهين:

1) لحال شداد بن سعيد، وليس بمتقن، ولذا وصفه الحافظ في (التقريب) بأنه صدوق يخطئ، وقد تفرد بهذا اللفظ مرفوعاً، ومثله لا يحتمل تفرده لو لم يخالف، فكيف وقد خالف، وهو الوجه الآتي:

2) أن ابن أبي شيبة أخرج في المصنف (4/15ح 17310) من طريق بشير بن عقبة، عن أبي العلاء، عن معقل موقوفاً عليه من قوله بلفظ: "لأن يعمد أحدكم إلى مخيط فيغرز به في رأسي، أحب إلي من أن تغسل رأسي امرأة ليست مني ذات محرم".

3) وبشير بن عقبة ثقة أخرج له الشيخان، فهو أثبت، وأحفظ من شداد بن سعيد، وفي هذا قرينة ظاهرة أن شداداً قد أخطأ في الحديث من جهتين في رفعه، وفي لفظه، وأن المحفوظ عن أبي العلاء هو ما حدث به بشير عن معقل موقوفاً عليه باللفظ المذكور، والله أعلم.

4) وقد قال المنذري في (الترغيب 2/657)، والهيثمي في (المجمع 4/326): رجاله ثقات، رجال الصحيح، ولا يلزم من ذلك تصحيحه كما لا يخفى.

5) ويغني عن الحديث في دلالته قول عائشة (رضي الله عنها): لا -والله- ما مست يد رسول الله (صلى الله عليه وسلم) يد امرأة قط إلا امرأة يملكها. رواه البخاري (6674)، ومسلم (3470)، والترمذي (3228)، وابن ماجة (2866)، وأحمد (23685)، وغيرهم عن أم المؤمنين عائشة (رضي الله عنها)، والله أعلم.

جزاك الله كل خير

متشكر لكل من مر بالموضوع ...

ربنا ينفع بيه آآآمين ..

ربنا يبارك فيك يا دكتور..

ويجعله في ميزان حسناتك ان شاء الله

» امتى
» امتى بالك بيرتاح
» امتى ضحيت علشان ربك؟؟؟؟؟؟؟؟؟؟؟؟؟
» هو العدد الاول هينزل امتى ؟؟؟
» لحد امتى هنفضل ساكتين على قطعان النور؟