سؤال بسيط ....

موضوع: سؤال بسيط .... الخميس 28 أبريل 2011, 12:20 pm

:: سؤال بسيط ::

أيهما أصح ..

وضع الدين فى نصاب يواكب العصر

ولا وضع العصر فى نصاب يتماشى مع الدين ؟؟

او بمعنى آخر :

الفتوى تقوم أولا على التأصيل من الدين .. ولا على مواكبة العصر ؟؟

يعنى باختصار .. لو حضرتك حبيبت تعرف حكم الدين فى أمر ما .. أو تعرف فتوى عن مسألة .. والجواب كان حاجة من اتنين

جواب بتأصيل من الدين وأقرب لفهم منوط الدليل من القرءان والسنة ..

وجواب تانى يواكب العصر ومتمشيا مع الزمن الذى تعيش فيه ..

هتختار أى جواب ؟؟؟

______________

على الهامش : الموضوع طويل وسوف يحتاج لمتابعة

كل ما سبق ما هو إلا كبداية للحوار

نرجو المشاركة

.

ولا وضع العصر فى نصاب يتماشى مع الدين
فى رايى ان ده هو اللى المفروض يكون

اننا نمشى الدنيا بالدين مش نمشى الدين بهوانا احنا وبالدنيا

بس للاسف ناس كتير مش واخده بالها من النقطه دى

وكل رد تسمعه ان الدين يسر /يقولك يسرو ولا تعسرو /انت هتعقدنا

بس بجد شكرا على موضوعك يلمس جزء مهم وحساس فى حياتنا

متااااااااااااااااااااااابعه النقاش

تقبل مرورى

الله يكرمك يا ام اياد

بداية مبشرة جداااااااااا

والحمد لله انك فهمتى أنا أقصد ايه بالظبط ؟؟

ننتظر كثير من المشاركات لتصحيح المفاهيم

وتابعى معنا

للموضوع بقية

المفروض الفتوى تتاخد من الدين كما هيا زى ما قيلت
مش ناخدها ونخليها تتمشى مع الظروف الى حوالينا
ما قيل عن فتوى فى الكتاب او السنه او على لسان رسولنا الكريم صلى الله عليه وسلم او على لسان احد الصحابه والعلماء والزاهدين واجب التنفيذ بدون اى تعديل
او تاليف

يعنى انت مع ان الفتوى تكون بتأصيل شرعى يوافق الدين أولا

قبل موافقة الهوى ومواكبة العصر

ولو تعارض مواكبة العصر على التأصيل الشرعى هتقدم الدين

؟؟؟

فى انتظار كثير من المداخلات والمشاركات

تمام يا عمرو باشا
بس ماينفعش نجزأ المسائل بهذه الطريقه
بمعنى اى مساله لا يكون فيها حل من اثنين:
منظور الدين
منظور يماشى مع العصر
ولكن هناك منظور دينى فى اطار يتواكب مع العصر
ا
فكل الامم السابقه بتغير الازمنه والعصور لم يكن هناك تعارض بين الدين ومواكبته للعصر
بالعكس احنا مش بنحس ان فى تعارض بين الاتنين

بصراااحة مش عارف ....اصل فى حاجات مستحدثة مكنتش موجودة زماااان ايام نزول الوحى وعصور الخلفاء

موضوع: رد: سؤال بسيط .... السبت 07 مايو 2011, 10:51 pm

كلام جميل هنرجعله يا جماعة

لكن منتظرين مشاركات أكثر من ذلك لتحديد التباين فى الأراء بشكل أكثر دقة

موضوع: رد: سؤال بسيط .... السبت 07 مايو 2011, 11:39 pm

فى قاعدة ان الدين صالح لكل زمان ومكان

وبعدين قصة اننا هنتجاهل مستجدات العصر بيتهيىء ليا هتبقى صعبة شويه

وحكاية اننا نمشى الدين هو اللى مواكب العصر هو ده الغلط بعينه

لان فى الوقت ده هيكون العصر هو دينا

لان الدين هو فكرة الحياة نفسها والطريق الى الله

بس العصر هو تغير الحال

فامش هنمشى وارا المتغير فى سبيل الاصل

بس

النقطتين نقدر نوفق بينهم ان الدين دايما هيكون مواكب للعصر

وده هيكون عن طريق فهم النص

لانه هو اللى بيحكمنا اولا واخيرا

ففهم النص بيختلف من عصر لعصر ومن شخص لشخص

وعلشان كده طلع الفقه اللى هو اختلاف العلماء فى فهم النص

واختلاف زمن فهم النص

فوضع قواعد واصول لاستنباط الحكم نظرا للتغير الحال

فدلوقتى النقطتين مش متعاكسين النقطتين مكملين

فهم النص بالاسلوب المواكب للعصر وتاصيله بالنص نفسه

وده فى ماورد فيه نص واضح

النقطة التانية مالم يرد فيه نص من المستجدات

ودى هاترجع لاجتهدات العلماء

وقواعد الفقه الموجودة

دا من وجهة نظرى انا بس واحتمال تكون غلط

لو فى غلط ارجو توضيحها ليا

موضوع: رد: سؤال بسيط .... الأحد 08 مايو 2011, 12:14 am

وضع الدين فى نصاب يواكب العصر

ولا وضع العصر فى نصاب يتماشى مع الدين ؟؟

لا وضع العصر فى نصاب يتماشى مع الدين

ودا علشان لزمنا نمشى على تعاليم الرسول

مش نمشى على مزاجنا ولما يكون فى فتوى لزمنا نرجع للقران والسنه

متابع علشان افهم

جواب بتأصيل من الدين وأقرب لفهم منوط الدليل من القرءان والسنة ..

الأمر له شقين

هناك امور لابد ان تكون مرجعيتها للدين وأصل العقيدة ..ولايمكن الحيد عنها

وهناك امور لابد ان تدخل فيها الحداثة وتواكب الحياة كقول النبي صلى الله عليه وسلم

أنتم ادرى بشئون دنياكم

وننتظر طرحك ..حتى نتابع

أيهما أصح ..

وضع الدين فى نصاب يواكب العصر

ولا وضع العصر فى نصاب يتماشى مع الدين ؟؟

والله ياستاذنا رأى الشخصى ان الاولويه لوضع العصر فى نصاب يتماشي مع الدين مع الاخذ بالاعتبار فى مواكبه العصر . لان مواكبه العصر شيئ مهم وضرورى نظرا لما استجد واستحدث ومادام لم يأتى نص فى الكتاب والسنه وترك الامر للعلماء فهو يعتبر من مواكبه الدين للعصر كأشياء كثيره الان فى عصرنا هذا .

1-يحكى ان عمر ابن الخطاب امير المؤمنين وثانى الخلفاء الراشدين رضى الله عنه أوقف حد السرقة في عام الرمادة والنص القرآني صريح بلزوم قطع اليد للسارق والسارقة (بدون شروط تبريرية ). فتعطيل عمر بن الخطاب رضي الله عنه لحد السرقة لا نسميه عدم تطبيق الشرع إنما هو من فقه المرحلة فوجود شبهة الجوع تقتضي أن السارق سرق جوعا و هذا من باب حفظ النفس. فهي مقدمة عن السرقة .

2-كما أبطل العمل بالنص القرآني .. بتوزيع الغنائم على المؤلفة قلوبهم مع المسلمين وقال : لا مؤلفة بعد اليوم

3-كما أعفى قبيلة تغلب المسيحية من دفع الجزية وجميع مسيحيي بلاد الشام ( لاسباب سياسية لعدم المقاومة والتعاون مع المسلمين ضد الروم ) .. مع أن الآية الكريمة تنص بأن عليهم وجوب دفع الجزية وهم صاغرون .

وبهذا يكون قد ضرب لنا مثلا فى مواكبه الدين للعصر ومستجداته على ان لا ينقص من قدر الدين شيئا .

دمت بود ومحبه ومتابع معك .

أولاً
بالله عليكم
حديث أنتم أدرى بشئون دنياكم .. الحديث لم يتواتر بهذه الصيغة وطبعاً كلامى للمهندس أحمد عبدالعزيز لأنه هو اللى ذكره .. وسبق ورديت وجبت الأدلة على عدم صحة فهم مدلولها حتى لو كانت صحيحة فمدلولها محرف محرف محرف وبيننا الأزهر والشيخ محمد حسان وكل العلماء ..وكان ردى فى موضوع للمهندس أحمد فتحى
الدقة ثم الدقة ثم الدقة فى النقل عن الرسول والبحث عن صحة الأحاديث وشرحها من المصادر الموثوق بها .
ولا أريد أن أستفيض فى الحديث عن هذا الحديث وما تسبب الفهم الخاطىء لعبارة أنتم أدرى بشون دنياكم من مشاكل كلها ضد صالح الإسلام وفهمه الصحيح الآن وسأفرد لها موضوعاً منفصلاً إن شاء الله يتم فيه نقل آراء كثيرة لعلماء أفاضل .

الموضوع الأصلى

ياعم عمر

التأصيل من الدين

إلا ماسكت عنه النص وهنا يكون الأخذ باجتهاد العلماء وليس بالاجتهاد الشخصى .

بالبلدى بقى وبالبحبوحة واحنا قاعدين فى البحبوحة فى قسم حوارات شبابية
وبفاس جدى

وعلشان نجيب من الآخر لأن الموضوع والحملة على الإسلام استفحلت من الخارج والداخل

حتى فى السياسة علشان نخلص .. لو حكمنا الدين فى السياسة لنجحنا وعدنا قادة العالم

ولو فضلنا كده يبقى هانكمل لحد مانموت واحنا غثاء ولا هايتصلح حالنا ويعلم الله متى يأتى أمره فيبدل الغثاء برواء .

أنا عايز حد يقول لى أيه اللى مش موجود فى الدين من حلول لمشاكل عصرنا
والله كل شىء موجود .. بس لو نفضنا دماغنا من اللخبطة ومن تراب الثقافات التى لا تمت لديننا بصلة سندرك ونرى ونمضى .

معلهش ياعم عمر محتقن لأنى كل بلاقى فى كل مكان حرب على كلمة إسلام نفسها
وكأننا المفروض نكلل علشان نبقى متحضرين .
ملعون التحضر إذا كان على حساب التوحيد .
محاولة تطويع الدين للأهواء ضد التوحيد نفسه وأنا مسئول أمام ربى عن هذا القول ولدينا مايثبته فى كتاب الله واحاديث الرسول صلى الله عليهو سلم
وأقوال وتفسير وشرح علماء الإسلام .

أطالب نفسى والجميع بقراءة كتب التوحيد بدقة لأمور سوف يكتشفها من يقرأ كما قلت بدقة.

اللهم بلغت
اللهم فاشهد

النص القرآنى متجدد فى ذاتة

وقد نبها العلى القدير بهذه الأزمان وأشار اليها

فالدين الاسلامى صالح لكل العصور كما هو

وان ظهرت علينا بعض المطرقات

فما هى سوى بدع أبتدعناها واسمها مواكبة العصر

ـــــــــــــــــــــــــــــــــ
على الهامش

نعيب زماننا والعيب فينا وما لزماننا عيب سوانا

وجهة نظر شخصية

» سؤال بسيط
» سؤال بسيط
» الناس اللى نايمة قدام التليفزيون دة سؤال بسيط ليهم
» سؤال مهم جدا ؟
» سؤالى بسيط جدا