النقاب عادة وليست عبادة ............

احاول ان اتفهم هذا الهجوم الشرس على المفتى الدكتور على جمعة بسب فتواه على ان النقاب عادة وليست عبادة

ولا اجد لذلك سببا غير انه تربص للفكر المستنير

والى متى سوف نهيج ونثور عندما تاتى فتوى اورأى يمس مظهر المسلم

ولا ننطق او نعبر حتى بالاعتراض عندما ينتقص من المسلم فى اى مكان

هل لنا ان نعتنى بمظهر المسلم اكثر من كرامته التى تهان عيانا بيانا

هل اختزل الاسلام فى نقاب ولحية

ايضا لا اتفهم هذه العادت الصحراوية المصدرة الينا

واصرار البعض على ان النقاب هو بمثابه ركن من اركان الدين

لن اتعرض لهذه الفتوة اواقويها اواضعفها

ولكن يكفينى ان اقول

عن ابى هريرة رضى الله عنه قال قال رسول الله صلى الله عليه وسلم

ان الدين يسر ولن يشاد الدين احد الا غلبه فسددوا وقاربوا وابشروا واستعينوا بالغدوة والروحة وشىء من الدلجة

صدق رسول الله صلى الله عليه وسلم

معلش هى مش مسألة فتوى النقاب

القصة إن اليومين دول أى حاجة هتتقال هيحصلها وقفة إحتجاجية

وأعتراض وقطع طريق وحاجات من اللى بتحصل دى

سواء الحاجة صح أو غلط

فيه وقفات بتم يعنى فيه وقفات بتم

ربنا يستر والله ويعدى الأيام دى على خير

حضرتك لو متابعة هاتحسى ان الموضوع واخد اكبر من حجمه بكتييير
احدهم يطلع ويقول نحرى دون نقابى
والتانى اللى واحده تتصل بيه تساله ان المدرسه مش بترضى تدخلنى بالنقاب قالها سيبى المدرسه وماتقلعيش نقابك
باى منطق ده
والجروب اللى تطلع حملية المليون لعزل المفتى وشيخ الازهر
الموضوع بقى سخيف اوى

هل اختزل الاسلام فى نقاب ولحية
والله الموضوع جميل والجمله دى اجمل واجمل بجد موضوع النقاب ده بيخنقنى ايه المشكله الحجاب الخمار اى حاجه اهم حاجه الاحترام
بيكون من الداخل مش من المظهر وانها محدش يشفها والله لو هيا فعلا محتشمه اكيد محدش هيبص عليها ولو حصل بقله قليله مش محترمه وعقابهم عند ربنا لكن النقاب ده تزويد اوووووووووووووووووى وفعلا مش عباده ولا اى حاجه وممكن يعتبر انه بقا عاده
والدين مشس باللحيه واللبس واى كلام من ده دى كلها حاجات فرعيه وياما ناس كانت بلحيه وطلعت ............... كده
احتشمى والتمسكى بدينك وخلى عندك حياء زى ما النتى عايزه لكن متزوديهاااااااش

الله ينور عليك يابوحميد -واسمحلى اقولك كده يابوحميد - النقاب فضيلة
والبنت تلبسه وهى عارفة انها بتعمل زياده عن مافرضه الله تطوع فضيلة تسميها زى ماتسميها
بس ماتقولش انه فرض ربنا وغيرها مقصرة فى دينها

بص يا ا/ رؤية كتير من الشيوخ والدعاة المسلمين بيقولو

ان النقاب دا شئ عادى اى ليس بفرض او بواجب ع المراة المسلمة

وشيوخ تانية بيقولو انه فرض وواجب ع المرأة

وانا بحثت دلوقتى وشفت دا ودا باحاديث وكلام كتير لشيوخ كتير موثوق منهم لو حضرتك محتاج الكلام دا

ممكن ابعتلك اللينك

انا طبعا من وجهة نظرى الشخصية يعنى

النقاب فرض ع كل مسلمة وشئ واجب واتمنى الوصول للمرحلة دى وربنا يعلم

بشوفه فرض ليه بقى انا اقول لحضرتك

زوجات الرسول ص الله عليه وسلم كانو بيرتدوا نقاب

والنقاب سترة للمراة من اعين الناس ، وشايفة ان النقاب هدية من ربنا للمرأة بتحافظ عليها

واحنا دلوقتى ف زمن الماسك ع دينه كالماسك ع جمرة من النار ودا برده من وجهة نظرى ، بمعنى ان النقاب فرض

ع كل مسلمة وف حديث قال فيما معناه يعنى

جسم المرأة كله عورة حتى الوجه والكفين

واحاديث مش كان فيها الوجه والكفين ، تمام احنا بقى دايما ناخد الاسهل ع اساس الدين يسر مش عسر

انا مع حضرتك وكلنا بنعمل كدا

لكن حكاية النقاب دى لازم نقف عندها شوية ، الاحاديث المؤكدة كانت الوجه والكفين

والعكس ، الاحاديث الى منعت الوجه والكفين كانت مش مؤكدة

وع العموم انا اتكلمت مع ناس كتير جدا ف الحكاية دى الى هى النقاب واغلبية الاراء كانت

اننا مش هنحاسب ع النقاب كسيدات مسلمات لاختلاف اراء الدعاة والعلماء ع الامر دا

اما بالنسبة لحكاية الجامعة دى وان البنت مش تدخل الامتحان وهى منقبة ع اساس انها هتغش او هتسلك سلوك خاطئ ايا كان

طبعا انا ضد دا بالكامل اولا البنت المنقبة بتتفتش تفتيش ذاتى ودا بيحصل ف كل الامتحانات

ثانيا يعنى هى المنقبة بس الى ممكن تعمل سلوك مش كويس ف الامتحان

او تغش او تلبس سمعات موبايل وتغش الامتحانات

والله الى عايز يغش بيغش والى عايز يلبس سمعات ويتكلم هيعمل كدا حتى لو بنت مش محجبة

والله اكتر بنات بتغش البنات الى مش لابسين حجاب

مش شايفة اى مبرر ان البنت تدخل الامتحانات من غير نقاب

رفضاه بكل الصور....متاسفة جدا ع الاطالة

ومنتتظرة التعقيب ومتشكرة جدا ان توبيك حضرتك ادانى فرصة اتكلم بتوسع كدا

شكرا لحضرتك يا فندم

اسمحلك يا عمنا انت اخويا الكبير قلى الى انت عايزه وبعدين ابو حميد دى حلوه
المهم انا اقلك ايه مش تعرفنا بقا اقلك ايه

انا معاك طبعا لرفضك للنقاب
1_علشان فى ناس بتستخدمه كستاره بتدارى وراها شخصيتهم الحقيقيه
2_ ممكن رجال يتخفوا فى النقاب ويقوموا باعمال تخريب وفتنه
3_لازم نعرف شخصية اللى لبسه النقاب مثلا فى المدارس او الجمعات او المصالح الحكوميه
4_المنقبه تجزب انظار الشباب لمعرفة من هذه المنقبه
5_منهم من تقوم بتحديد عينها بالكحل واذا كانت عينها جميله فيقوم الشباب التدقيق فى عينها
6_ممكن تكون لبسه الجزء الاعلى من النقاب ولبسها ضيق مثلا

يبقى ايه لزمته

يا جماعة انتو كدا بتحرمه النقاب ودا خطا

محترمة رايك يا اخ محمود

لكن انت زكرت السلبيات بس الى ف النقاب

طيب فين الايجابيات؟!

وبعدان الاخ رؤية بيتكلم عن النقاب ف الامتحان ودخول البنت بيه

وان ف قرار اتعمل علشان منع دخول البنت المنقبة اللجنة الامتحانية بيه

ايه بقى السلبيات دى كلها

انا معاك ان دا ممكن يحصل

لكن النقاب زى ما ليه سلبيات ليه ايجابيات برده

ولا ايه

اقتباس :: النقاب فضيلة
والبنت تلبسه وهى عارفة انها بتعمل زياده عن مافرضه الله تطوع فضيلة تسميها زى ماتسميها
بس ماتقولش انه فرض ربنا وغيرها مقصرة فى دينها

[quote]
مين اللى قالك ان الشيخ على جمعه قال النقاب عاده ؟؟

مش دا برده على جمعه وبعدين هو حضرتك دارسه ايه علشان تحللى وتحرمى بمزاجكك؟؟

اتفرجو على المقطع دا للشيخ على جمعه بيقول ان النقاب فرض ههههههههههه

هى دى الرؤيه الجديده ؟؟ جات منين كلمة عاده

[ندعوك للتسجيل في المنتدى أو التعريف بنفسك لمعاينة هذا الرابط]

الاستاذ احمد ماهر مين اللى قالك انه مش من الدين مش خايف ربنا يحاسبك على القول بغير علم ؟؟؟

الاستاذ محمود يونس على كدا بقى نمنع بيع السكاكين لان فى ناس حراميه بتشتريها وتقتل بيها ناس

ليه الناس جرئيه على القول والفتى فى الاحكام الشرعيه بدون دراسه

ليه حضرتك يا فندم تعرض وجهة نظرك بطريقة تنفر واحد متلقى زيى ونفسه يفهم دينه صح
وممكن يفهم الصح دا منك ومن كلامك لو بطريقة لينه عن كدة

ليه دايما اللى عنده شوية علم من خلال قراءة فى كتاب أو دراسة بيحاول يوصلنا كلامه كأمر وليس رشد وأمر بالمعروف بطريقة تحببنا كلنا فى كلامه وتخلينا سهل نقتنع بيه ونقوله شكرا يا عم الشيخ إنك وصلتلنا المعلومة

ممكن نكون صح ولكن بإسلوبنا وبعرضنا للصح دا ممكن نقنع عشرة ونهديهم فعلا للصح
وممكن بإسلوب تانى نخليه ينفر منا ومن إسلوبنا ويبقى محققناش الهدف من نشر الدعوة والمعروف
وهداية الناس للطريق الصح

ياريت نبقى كدة فعلا ،،
مش هقعد اعمل بحث عن كيفية نشر الدعوة وكيف كان الرسول صلى الله عليه وسلم يدعو بين الناس ... الخ
ولا هجرى أأكد كلامى بالدليل أنا بقولك انتا عندك الدين الصح وطريقتك غلط ..
تخيل بقى لو معاك الاتنين صدقنى هتفيد وتستفيد وربنا هيكرمك بما علمك وتنفع بيه كتير جدا

كلامى بجد تعقيب على ردود حضرتك اللى حسيت منها كواحد شاهد الموضوع وردوده
انك بتتفاخر بعلمك على الاخرين وبتعرض وجهة نظرك المقرونة بالدليل
بطريقة كان نفسى تكون غير كدة عشان بجد نفسى أفهم المسألة دى كويس ،،

أتمنى متاخدش كلامى بأى اسلوب اخر وخده ككلمة من أخ أصغر ليك وبيحبك ونفسه يستفيد من علمك
بس بطريقة أكيد .. أكيد غير دى ،،

مصطفى فتـ7ـى كتب:: ليه حضرتك يا فندم تعرض وجهة نظرك بطريقة تنفر واحد متلقى زيى ونفسه يفهم دينه صح
وممكن يفهم الصح دا منك ومن كلامك لو بطريقة لينه عن كدة

ليه دايما اللى عنده شوية علم من خلال قراءة فى كتاب أو دراسة بيحاول يوصلنا كلامه كأمر وليس رشد وأمر بالمعروف بطريقة تحببنا كلنا فى كلامه وتخلينا سهل نقتنع بيه ونقوله شكرا يا عم الشيخ إنك وصلتلنا المعلومة

ممكن نكون صح ولكن بإسلوبنا وبعرضنا للصح دا ممكن نقنع عشرة ونهديهم فعلا للصح
وممكن بإسلوب تانى نخليه ينفر منا ومن إسلوبنا ويبقى محققناش الهدف من نشر الدعوة والمعروف
وهداية الناس للطريق الصح

ياريت نبقى كدة فعلا ،،
مش هقعد اعمل بحث عن كيفية نشر الدعوة وكيف كان الرسول صلى الله عليه وسلم يدعو بين الناس ... الخ
ولا هجرى أأكد كلامى بالدليل أنا بقولك انتا عندك الدين الصح وطريقتك غلط ..
تخيل بقى لو معاك الاتنين صدقنى هتفيد وتستفيد وربنا هيكرمك بما علمك وتنفع بيه كتير جدا

كلامى بجد تعقيب على ردود حضرتك اللى حسيت منها كواحد شاهد الموضوع وردوده
انك بتتفاخر بعلمك على الاخرين وبتعرض وجهة نظرك المقرونة بالدليل
بطريقة كان نفسى تكون غير كدة عشان بجد نفسى أفهم المسألة دى كويس ،،

أتمنى متاخدش كلامى بأى اسلوب اخر وخده ككلمة من أخ أصغر ليك وبيحبك ونفسه يستفيد من علمك
بس بطريقة أكيد .. أكيد غير دى ،،

وليه انت زى متقول كدا منصحتنيش على الخاص بردك دا الرسول كان بيعمل كدا ؟؟

وبعدين ما الموضوع دا انكتب قبل كدا واتشرح والكل قراه

وكل المشايخ قالو الحكم ولو زى ما انت بتقول كدا عاوز تفهم

تكتب حضرتك عنوان الموضوع حكم النقاب ايه هل عاده ام عباده ؟؟

صح ولا انا غلطان ؟؟

[ندعوك للتسجيل في المنتدى أو التعريف بنفسك لمعاينة هذا الرابط]

اقتباس :: وليه انت زى متقول كدا منصحتنيش على الخاص بردك دا الرسول كان بيعمل كدا ؟؟

وبعدين ما الموضوع دا انكتب قبل كدا واتشرح والكل قراه

وكل المشايخ قالو الحكم ولو زى ما انت بتقول كدا عاوز تفهم

تكتب حضرتك عنوان الموضوع حكم النقاب ايه هل عاده ام عباده ؟؟

صح ولا انا غلطان ؟؟

لا غلطان يا عم سمسم ،، لانك معلقتش على كلامى ومقولتليش نصيحتى ليك دى متقبلها ولا رافضها

بس استفدت من ردك لانك نصحتنى وقولتلى الرسول كان بيعمل كدة
وأنا بعد كدة هعمل زى ما الرسول كان بيعمل
والنصيحة هبعتهالك ع الخاص .. شوفت أنا سهل وبسيـــــــــط ازاى ومش معقدها ،،

من ناحية الموضوع .. الموضوع لما انكتب يمكن متابعتهوش لظروف ومشفتهوش بسبب ،،

الطريقة اللى أنا بحب أفهم بيها المعلومة مش انتا اللى تحددها وتقولى اعمل ايه يا عمنا
أنا غيرك وليا مليون طريقة ممكن أوصل بيها للمعلومة كلامك وردودك فى الموضوع واحدة منهم
ليه تمنعنى إنك تكون طريق من الطرق دى ويبقى ليك الاجر والثواب ؟

شوفوا ياجماعة انا قولت مش هاتعرض للفتوى الشيخ
-مع انى ازهرى وممكن اعمل كده بس الازهر معلمنيش ان الفتوى سداح مداح
انا اتكلمت على رد فعل الناس وقولت

اقتباس :

والى متى سوف نهيج ونثور عندما تاتى فتوى اورأى يمس مظهر المسلم

ولا ننطق او نعبر حتى بالاعتراض عندما ينتقص من المسلم فى اى مكان

هل لنا ان نعتنى بمظهر المسلم اكثر من كرامته التى تهان عيانا بيانا

هل اختزل الاسلام فى نقاب ولحية

ايضا لا اتفهم هذه العادت الصحراوية المصدرة الينا

واصرار البعض على ان النقاب هو بمثابه ركن من اركان الدين

لن اتعرض لهذه الفتوة اواقويها اواضعفها

ولكن يكفينى ان اقول

عن ابى هريرة رضى الله عنه قال قال رسول الله صلى الله عليه وسلم

ان الدين يسر ولن يشاد الدين احد الا غلبه فسددوا وقاربوا وابشروا واستعينوا بالغدوة والروحة وشىء من الدلجة

صدق رسول الله صلى الله عليه وسلم

وكل قصدى ان على الثورة المبالغ فيها من الناس اللى عملت الوقفات دى
اما بالنسبه للاخ الكريم اللى بيقول انته قولت الفتوة دى منين
هاقوله اقرا اى جرنان هتلاقى الكلام ده منشور
اما بالنسبه للمقطع اللى حضرتك جبته فهو بيدل على اللى انا اقصده
فى الاقتباس اللى حضرتك كتبته وده فى اخر المقطع
اما بالنسبه لى انا دراستى ايه فانا ياسيدى ازهرى
واكاد اجزملك ان انا قعد ادرس فى الازهر 16 سنه مقبلناش فتوة النقاب دى غير مرة او اتنين بالكتير
لان فى اهم من النقاب علشان نتكلم فيه
فى فرق كبير بين انك تتعلم دين وفرق اكبر بين انك تقرا فى الدين
ارجوكوم اتقبلوا رايى

اقتباس :: لان فى اهم من النقاب علشان نتكلم فيه

ممكن فعلا تكون انت ازهرى بس انت طوال ال16 سنه مدرستش كل شئ

وخاصة انك اكيد دخلت كليه عمليه فأكيد مكملتش فى الشرعى ولكن القناب مهم والناس اتكلمت وافاضت فيه

شكرا لسعة صدركم

بعد أذنكوا عايزين فتوى من عالم علشان تقول أن النقاب عادة او فريضة

بلاش المناقشات الغير مجدية لانها أراء شخصية

ولو كان شيخ الازهر قال أن النقاب عادة وليس فريضة يبقى كده لان ده عالم

والعالم أذا أصاب له أجران وأذا أخطأ فله أجر

بسم الله

يا أخى الكريم قلت كل هذا الكلام كله

رؤية جديدة كتب:

وبعد ذلك .. تقول هذه الكلمة :

رؤية جديدة كتب:

هل تريد ان نقرأ كلمة النقاب عادة ونسكت ولا نلتفت إليها ؟؟

أترى أن هذا المثال أمر بسيط لتستدل به على الوضع القائم اليوم ؟؟

وتقول انك أزهرى ..

أترى أن النقاب عادة صحراوية مصدرة إلينا ؟؟

وتزعم ان هناك فارق كبير بين أن تتعلم الدين وأن تقرأ فيه ..

أترى بذلك أيضا أن النقاب عادة ؟؟

هذا ظلم بين وظاهر فى كلامك

ربما يكون الهدف من الموضوع جيد وهو أن كثيرا يحتج على الظاهر ولا يحتج على إهانة المسلم فى أى مكان .. هذا ما فهمت ..

ولكن هل يكون سبيلك ووسيلتك لأمر كهذا .. أمر أشد وأعظم منه ؟؟

تقول أن النقاب عادة وتريد منا أن لا نلتفت لهذه الكلمة ونمر بها مر الكرام ؟؟

عموما ما أدين به لله عز وجل ..

أن النقاب عبادة وليست عادة

واختلف فيه بعض العلماء ..

فريق قال بأنه فرض .. وفريق قال بأنه سنة .. وكل فريق له دليل

ولم يقل أحد من العلماء بأنه فضيلة أبدااااااااااااا ولا عادة أبدااااااااااااااا

ومن قال بانه فضيلة أو عادة فقد تعدى وجار على نفسه وغيره

وما تميل له نفسى .. أن النقاب فرض

وإن أردت أن أستعرض لك القولان فسأفعل

وأخيرا يا اخى الكريم

لا ينبغى عليك بان تستشهد بأمر كهذا حتى تصل إلى هدف تريده

لا ينبغى عليك ان تقول النقاب عادة ثم تريد منا أن نمر به مر الكرام ..

لأن الكلمة نفسها تستوجب منا أن نقف ونقف ونقف عليها

والله إنك لو استشهدت باللحية كان ارحم

او استشهدت بتقصير الثياب كان ارحم

.............................................................

ولابد يا اخى ان تعلم أو حتى ان تتذكر

أن المظهر أمر هام جدا فى ديننا بل وفى كل الأديان

ولا ينبغى علينا أبدا ان نقول لابد أن نهتم بالباطن ونترك الظاهر ..

بل إن الظاهر عندنا أمر مهم جدا

حتى لا تطلع علينا من تقول : أنا هاسيب شعرى ومش هالبس حجاب ولكن انا بصلى وبصوم وقلبى نضيف ..

ألا ترى أن تغطية الرأس امر واجب رغم انه أمر ظاهرى ؟؟

وأدعوك أخى الكريم ان تعيد النظر فى كلامك مرة اخرى

وإذا رأيت ان أخطأت فلا تتردد فى الرجوع إلى الحق فالحق احق ان يتبع

وكم من مرات راجع الواحد فينا نفسه وفى كتاباته

وهذا ليس بعيب

اسأل الله لى ولك العفو والعافية ..

عودة الحجاب ... القسم الثالث : أدلة الحجاب
المؤلف	محمد أحمد إسماعيل المقدم

[ندعوك للتسجيل في المنتدى أو التعريف بنفسك لمعاينة هذا الرابط]

عمرو البكرى كتب:: بعد أذنكوا عايزين فتوى من عالم علشان تقول أن النقاب عادة او فريضة

بلاش المناقشات الغير مجدية لانها أراء شخصية

ولو كان شيخ الازهر قال أن النقاب عادة وليس فريضة يبقى كده لان ده عالم

والعالم أذا أصاب له أجران وأذا أخطأ فله أجر

دى فتوه الدكتور على جمعه نفسه اللى اتهم وقالو على لسانه ان النقاب عاده

بيقول فريضه ادخل على الرابط دا يا استاذ عمرو

[ندعوك للتسجيل في المنتدى أو التعريف بنفسك لمعاينة هذا الرابط]

a7med maher كتب:: هل اختزل الاسلام فى نقاب ولحية
والله الموضوع جميل والجمله دى اجمل واجمل بجد موضوع النقاب ده بيخنقنى ايه المشكله الحجاب الخمار اى حاجه اهم حاجه الاحترام
بيكون من الداخل مش من المظهر وانها محدش يشفها والله لو هيا فعلا محتشمه اكيد محدش هيبص عليها ولو حصل بقله قليله مش محترمه وعقابهم عند ربنا لكن النقاب ده تزويد اوووووووووووووووووى وفعلا مش عباده ولا اى حاجه وممكن يعتبر انه بقا عاده
والدين مشس باللحيه واللبس واى كلام من ده دى كلها حاجات فرعيه وياما ناس كانت بلحيه وطلعت ............... كده
احتشمى والتمسكى بدينك وخلى عندك حياء زى ما النتى عايزه لكن متزوديهاااااااش

يا عم احمد عمر ما كانت الامور الدينية بناخدها من هوانا .. بنحب إيه ونتخنق من ايه ؟؟

أظن انه كان ليك كلام أننا الاهم هو كلام الدين وتأصيل شرعى حتى وإن خالف هوانا حتى وإن كان الامر مكروه لدينا .. وأعجبت لما أنت قلت كدا ..

لكن لما تيجى تقول ان النقاب دا حاجة تخنق وتزويد قوى وفعلا مش عبادة ويعتبر انه عادة .. فأقول لك يا اخى .. انت أخطأت

وقبل أن تتحدث فى مثل هذه الأمور لابد ان تستطلع أقوال العلماء الأجلاء الثقات ..

ومينفعش نقول احتشمى وتمسكى بدينك وخلى عندك حياء لكن متزوديهاش ؟؟ لا بالعكس

ياريت تزوديهااااااااااااااا [ندعوك للتسجيل في المنتدى أو التعريف بنفسك لمعاينة هذه الصورة]

اه والله ياريت تزودها قوى

كفاية الفتن اللى احنا فيها يا عم احمد

المهم الامور الدينية كما قلت وأنت تعلم .. لابد من الاطلاع على أقوال العلماء اولا ..

لكن مينفعش ناخد كل حاجة من منطلق هوانا واحنا بنحب ايه وبنتخنق من ايه ..

معلش طولت عليك يا هندسة

مفيش كلام بعد كلام العلماء
الراجل نزل اللينك وموجود فيها حكم النقاب

الاستاذ"M SIM SIM"
الاستاذ محمود يونس على كدا بقى نمنع بيع السكاكين لان فى ناس حراميه بتشتريها وتقتل بيها ناس

ليه الناس جرئيه على القول والفتى فى الاحكام الشرعيه بدون دراسه
يا استاذى الفاضل انا لاافتى فى مسالة لبس النقاب ولا اتدخل فى امور الاحكام ولا الشريعه
ولكن هذا رايى الشخصى وليست فتوى وكل واحد ليه وجهة نظر مختلفه وليه اسبابه للرفض او القبول
لك منى كل الاحترام والتقدير
والاختلاف بالراى لا يفسد بالود قضيه

اما بالنسبه الاخت اسماء اكيد كلامك صح كل شىء ليه مزايا وعيوب
لكى منى كل تقدير واحترام

كل التقدير والاحترام لمن مر وشكرا لكل من علق

الاستاذ عمرو

اقتباس :

لم اطلب منك ان تسكت عندما تسمع كلمة النقاب عادة ولكن الاولى

البحث والتعرف هل انا الذى قلت عادة ام الشيخ الذى اتكلم عنه

اقتباس :

سواء بسيط اوعظيم هو الموقف الذى يستفذ

رجل بقيمة عالم جليل زى الشيخ على جمعه

يصبح بين مطرقة السلفين ووسندال حنجورية الدين الكل يجرح فيه

اقتباس :

ايوة طبعا ياستاذ عمرو فى فرق كبير

اقتباس :

مظهر المسلم على عينى وعلى راسى وكلنا مقولناش على الحجاب حاجه

ومقلناش ان الواحدة تتعرى وتقول قلبى نظيف وطيب وبأدى فروضى

بس لما تطلع فتوى المفتى ويقول انه عادة والناس تعمل ثورة

ومحدش يتتمتم حتى بكلمه لما فرنسا تلغيه وكمان تعمل ليه غرامة

لماذا نكيل بمكيالين

هنا مسلمين اجانب وهنا مسلمين محليين

واقسم بالله انى لم اقصد الفتوة بعينها وانما اقصد رد فعل هؤلاء حنجورية الدين

اما بالنسبه للاخوة الاعضاء المشكورين اللى تعبوا ودوروا على الدليل

فهذا رأى الشيخ على جمعة

الذى كتبت الموضوع علشانه

وشكرا لكل من مر ومتقبل كل الاراء

وشكرا لاننى استفد كثيرا ويجوز ان اكون اخطأت ولكن والله دون قصد

واسف لو كنت كتبت موضوع يتفهم من عدة اوجه

وساتحرى الدقة بعد كده

» ما هى اسباب انتشار عادة التدخين...ارجو المشاركه
» مطابخ للعرض وليست للاستخدام
» البطاقة فى قلوبنا .. وليست فى جيوبنا
» معرفتوش ***** الرقص عبادة
» عبادة الحب فى الله......ما أروعها !!!