موقف ايجابى

موضوع: موقف ايجابى الثلاثاء 17 مايو 2011, 8:39 pm

السلام عليكم ورحمة الله وبركاته

بصوا يا جماعه من باب إحياء روح الايجابيه اللى افتقدناها كثيرا . كل واحد يحكى على موقف ايجابى عمله بعد الثورة وموقف ايجابى نفسه يعمله

وانا هبدأ بالموقف ده . بعدنجاح الثورة على طول روحت اطلع فيش من مديرة بنها المهم وصلت هناك الساعه واحده وثلث بعد عشر دقايق بالظبط الموظفين طلعوا وبدءوا يطردوا فينا كنا تقريبا 10 اشخاص خدوا بالكم الكلام ده كان بعد الثورة على طول والداخليه مشدوده تماما والساعه لسه ما جتش 2 والمفروض ان شغلهم للساعه 5 بعد كلام كتيير و زق وكلام بايخ الجوا بدء يتكهرب قمت على طول مطلع الموبيل وبدءت تصوير دقيقتين والجو هدى وهاتوا صور بطاقتكم يا جماعه وتعالوا الصبح وهتخشوا اول ناس اوكيه وروحت اول ما روحت قمت مقدم شكوى على موقع وزارة الداخليه وكتبت فيه بياناتى كلها ورقم تليفونى الارضى وكل حاجه حتى الرقم القومى وقلت اللى حصل تانى يوم اتصل بيا عميد _حته واحده _ اتصل على الارضى واستفسر على اللى حصل حكيتله وقلتله انا مصور فيدوا باللى حصل المهم اعتذر جدا وخيرنى انى اروح عنده فى قسم مصر الجديده واطلع الفيش فى ساعه وانا عنده او انى اروح العباسيه واتصل بيه وويطلعلى الففيش وانا واقف او اروح بنها واتصل بيه وهوه هيتصرف مع الناس اللى فى مديرية بنها شكرته جدا وقلتله شكرا جدا لحضرتك انا هروح بنها الفجر واحجز مكان بدرى ومش هتصل بحضرتك وقلتله انا كتبت شكوى مش علشان اطلع الفيش انا كتبت الشكوى علشان اللى حصل فى المديريه مش طريقة محترمه يتعامل بيها مع المواطنيين اللى هما شباب وقلتله انا كنت خايفالموضوع يكبر اكتر من كده وعلشان كده انا كتبت شكوى وعدنى بان المعامله هتتغير تالت يوم طلعت على بنها بدرى جدا وحجزت مكان وكان زحمه جدا كنت رقم 44 مع انى كنت هناك الساعه 7ونص استنت الدور ورحت كام مشوار ورجعت على الساعه 9 لقيت دورى قرب ولقيت لمعامله غاية فى الذوق والاحترام ووقفوا واحد مخصوص لترتيب الصف ويدخل الناس بالدور والكلام بقى جميل جدا وبطريقة ظريفه ويا جماعه تعاونوا معانا واحنا تحت امركم وهنخلصكم كلكم و كتبواورقة كبيرة ان معاد انتهاء الدوام الساعه 2 مش الساعه 5 لان وردية واحده اللى شغاله والحياه بقيت جميله

الموقف اللى كنت اتمنى انى اخده انى لما رجعت كان قدامى تقريبا 8ارقام او 7 المهم لقيت واحد قريبى شغال هناك قالى تعالى قلتله مفيش مشكله انا هستنى دورى غلبنى فى الكلام ودخلنى قبل دورى وانا والله ما كنتش عايز لكن اللى حصل كنت اتمنى انى كنت خلعت منه بطريقه ظريفه واستنى دورى.

انت انسان جميل بمعنى الكلمة يا م / عبد المنعم

انا حصل موقف معايا ايجابى

هابقى احكيه بعدين إذا سمحت

هيتحكي في القعدة بتاعة يوم الجمعة بعد صلاة العشاء عندي ان شاء الله

Amr Emam كتب:: انت انسان جميل بمعنى الكلمة يا م / عبد المنعم

انا حصل موقف معايا ايجابى

هابقى احكيه بعدين إذا سمحت

انت اللى جميل جدا ربنا يكرمك وان بتعلم منك كتير والله

يا ريت تقول الموقف اللى حصل معاك دلوقتى لو مفيهاش عطلة ليك

موضوع جميل فعلا يابشمهندس..

أنا بجد حصل معايا موقف ماحصلش قبل كده وخصوصآ من السائقين..

كنت راحه الشغل بتاعي في يوم وكنت متأخرة فاضطريت اني أخد عربية توصلني لمكان الشغل..

وأنا كنت فاكرة ساعتها ان مش معايا فلوس فكة أحاسب العربية..يعني المفروض حسابه خمسة جنيه علي الأقل..

ولما روحت طلعتله الفلوس فقالي مش معايا فكة..قولتله والله من كتر مانا متأخرة علي الشغل نسيت أقك الفلوس..

كان راجل كبير هو..وساعتها قالي خلاص مش مشكلة انتِ زي بنتي ربنا يوفقك..كسفني بكرمه والله..

(معرفتش أعمل ايه أصلها كانت خمسين جنيه).. [ندعوك للتسجيل في المنتدى أو التعريف بنفسك لمعاينة هذه الصورة]

والله كانت ساعة صبحية يعني المحلات كلها قافلة حوالينا.. [ندعوك للتسجيل في المنتدى أو التعريف بنفسك لمعاينة هذه الصورة]

ده موقف ماحصلش ولا هيحصل بعد كده من سواق..أصلها فلته.. [ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل فعلا يابشمهندس..أنا بجد حصل معايا موقف ماحصلش قبل كده وخصوصآ من السائقين..كنت راحه الشغل بتاعي في يوم وكنت متأخرة فاضطريت اني أخد عربية توصلني لمكان الشغل..وأنا كنت فاكرة ساعتها ان مش معايا فلوس فكة أحاسب العربية..يعني المفروض حسابه خمسة جنيه علي الأقل..ولما روحت طلعتله الفلوس فقالي مش معايا فكة..قولتله والله من كتر مانا متأخرة علي الشغل نسيت أقك الفلوس..كان راجل كبير هو..وساعتها قالي خلاص مش مشكلة انتِ زي بنتي ربنا يوفقك..كسفني بكرمه والله..(معرفتش أعمل ايه أصلها كانت خمسين جنيه).. والله كانت ساعة صبحية يعني المحلات كلها قافلة حوالينا.. ده موقف ماحصلش ولا هيحصل بعد كده من سواق..أصلها فلته.. عملناها قبلك كتير بس اتقفشنا ههههههههههههههههههههههههههههه

اقتباس :: عملناها قبلك كتير بس اتقفشنا ههههههههههههههههههههههههههههه

لأ لأ لأ لأ يامحمد..

انت تقصد اني كنت قاصدة مديش الراجل حقه لا والله..الله يسامحك..

بالعكس والله لما تكون فلوس معايا وبدفع اجرة العربية..والله لو السواق مدنيش الباقي..

استحالة أقوله في باقي ليا..

أصل انا بتكسف شوية.. [ندعوك للتسجيل في المنتدى أو التعريف بنفسك لمعاينة هذه الصورة]

أنا كنت بخلص حاجة فى التأمينات الاجتماعية فى مجمع مدينة نصر

دا طبعا بعد الثورة

المهم حصل اللى كان بيحصل قبل كدا

ناس بتخرج من الصف ومحسوبيات ووسايط

أنا كنت واقف التالت ف الصف

فواحد معرفة دخل قبلنا

فقلتله لو سمحت فى دور .. خد دورك حضرتك مش احسن من حد

طبعا كل اللى ف صف فضلوا يزعقوا

خرج المدير : فى ايه ؟؟

قلناله حصل كذا كذا

بهدل الموظف بصراحة

واحلى حاجة عجبتنى

لما قال احنا بنبدأ عهد جديد

ياريت نحافظ ع اللى احنا وصلناله دا

اسيرة الاحلام كتب:: موضوع جميل فعلا يابشمهندس..

أنا بجد حصل معايا موقف ماحصلش قبل كده وخصوصآ من السائقين..

كنت راحه الشغل بتاعي في يوم وكنت متأخرة فاضطريت اني أخد عربية توصلني لمكان الشغل..

وأنا كنت فاكرة ساعتها ان مش معايا فلوس فكة أحاسب العربية..يعني المفروض حسابه خمسة جنيه علي الأقل..

ولما روحت طلعتله الفلوس فقالي مش معايا فكة..قولتله والله من كتر مانا متأخرة علي الشغل نسيت أقك الفلوس..

كان راجل كبير هو..وساعتها قالي خلاص مش مشكلة انتِ زي بنتي ربنا يوفقك..كسفني بكرمه والله..

(معرفتش أعمل ايه أصلها كانت خمسين جنيه).. [ندعوك للتسجيل في المنتدى أو التعريف بنفسك لمعاينة هذه الصورة]

والله كانت ساعة صبحية يعني المحلات كلها قافلة حوالينا.. [ندعوك للتسجيل في المنتدى أو التعريف بنفسك لمعاينة هذه الصورة]

ده موقف ماحصلش ولا هيحصل بعد كده من سواق..أصلها فلته.. [ندعوك للتسجيل في المنتدى أو التعريف بنفسك لمعاينة هذه الصورة]

انا عارف الحركات دى

بتحصل كتير

وفى الاخر أصل مفيش فكة [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: انا عارف الحركات دى

بتحصل كتير

وفى الاخر أصل مفيش فكة [ندعوك للتسجيل في المنتدى أو التعريف بنفسك لمعاينة هذه الصورة]

والله ياجماعة انتوا فاهمين غلط..

ده قبل كده لو واحدة قلت لسواق معييش فكة هايقولها سيبي شنطتك رهن لحد ماتجيبي الربع جنيه.. [ندعوك للتسجيل في المنتدى أو التعريف بنفسك لمعاينة هذه الصورة]

لكن والله ربنا يعلم نيتي في الموقف ده..هي دي أخرة الصراحة معاكوا..

[ندعوك للتسجيل في المنتدى أو التعريف بنفسك لمعاينة هذه الصورة]

انتي اخت كريمة ومشرفة برده علشان كده بنهزر وع فكرة ده بيحصل حقيقي وكتير جدا من ناس كتير جدا برده واحنا من غير اي حاجة مصدقينك ده انتي مشرفة

موضوع حلو يا ريس

المواقف كتيير بس الحوار بعد الثورة يبقى

كنت فى السجق المدنى بتاع بنها كنت بعمل بطاقه

لان البطاقه القديمه اتكسرت المهم دخلت قولت اعمل البطاقه

اشتريت الورق بعد طلوع الروح المهم قولت ايه عاوز انجز بقى

دخلت جوة لقيت ناس كتير وقفه اقولت اقف

امت يا خويا ربنا كريمنى وبقيت واقف فى اول الصف

امت مدى الموظفه الورق علشان تعمله وهى عماله ترغى مع الراجل الى جنبها

طول الشغل رغى ويعملوا شاى زهقت خلاص بقت مش شايف قدامى

امت داخل فيها شمال وعلى الاخر امت خدت الورق بتاع البطاقه منها وماشى

وبعد كدة روحت بعدها بكام يوم
بس كرهت من ساعته اروح السجق المدنى

اقتباس :: كنت فى السجق المدنى

وده بيتاكل ولا ايه يامحمد.. [ندعوك للتسجيل في المنتدى أو التعريف بنفسك لمعاينة هذه الصورة]

وبعدين ده غير السجل المدني العادي ولا ايه.. [ندعوك للتسجيل في المنتدى أو التعريف بنفسك لمعاينة هذه الصورة]

بهزر معاك.. [ندعوك للتسجيل في المنتدى أو التعريف بنفسك لمعاينة هذه الصورة]

اكتر موقف كويس حصلى بعد الثورة انى اشتركت ف جمعية شباب العمار ،، والمنتدى

وانى اتغيرت بكل ما تحمله الكلمة من معنى ،، ويارب اتغير اكتر للاحسن

موضوع كويس ،، جزاك الله خير ،، شكــــــــــــــــــرا

شكرا ليكم جميعا لمروركم
اسيرة الاحلام موقف فعلا جميل والناس الطيبة كتييير جدا
عمرو فعلا موقف ايجابى جدا جدا الف تحية عليه
أ محمد صبرى الموقف مش ايجابى كان لازم تقف وتخلص سندوتش السجق قصدى الورق وتعرف الموظفه ان كده مش مظبوط
شكرا لمرورك اسماء وجزاك الله خيرا

اقتباس :: وتخلص سندوتش السجق

[ندعوك للتسجيل في المنتدى أو التعريف بنفسك لمعاينة هذه الصورة]

والله ياجماعة انتوا فاهمين غلط..

شكلك قصداها ع فكره مش مرتاحلك فى الموضوع ده لا وشكلك اخترتى راجل كبير عشان تحرجيه ههههههههههههههههههههههههههههههههه

a7med maher كتب:: والله ياجماعة انتوا فاهمين غلط..

شكلك قصداها ع فكره مش مرتاحلك فى الموضوع ده لا وشكلك اخترتى راجل كبير عشان تحرجيه ههههههههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

والله يااحمد لو مابطلتش تريقة هعملك موضوع زي اللي عملوه لكريـــــــــــــــم.. [ندعوك للتسجيل في المنتدى أو التعريف بنفسك لمعاينة هذه الصورة]

بالصورة بتاعتك دي..

[ندعوك للتسجيل في المنتدى أو التعريف بنفسك لمعاينة هذا الرابط]

طب بزمتك مش ضحكته حلوه
طب والله ده اسمر اووووووووى بس ضحكه تموت بقا

موضوع: رد: موقف ايجابى الأحد 29 مايو 2011, 7:17 am

الموقف الإيجابي
ديما بقابل عربية الشغل من الدائري فوق المحور
وبعدي ديماً على نزلة المحور اللي بتودي لإتجاه أكتوبر
وطبعاً نزول النقل ممنوع لكن في أيام الثورة ولحد دلوقتي
الشرطة إما غايبة أو خايفة

وسواقين النقل بقى مقولكوش بيعملوا إيه
مش بس بينزل عافية لأ لو في عسكري أو حتى أمين إعترض ممكن ينضرب أو يتخبط

الجميل في الشباب اللي كل يوم معدي أو نازل ومتابع الموقف ده
وفي إستياء طبعاً من الموقف المتكرر
تولد في الجميع وعلى غير ترتيب
لو حصل وحاول سائق يخالف وينزل
كل الشباب يقفوا قدام العربية ويبهدلوا السواق
ويقفوا مع العسكري أو الأمين
وطبعاً السواق لما بيشوف العدد بيخاف ويرجع تاني يكمل من الدائري

الموقف الإيجابي اللي نفسي أعملوا
إن الثورة تبقى ثورة تتحول لمشروعات قومية لتنمية مصر بأفكار جديدة
وأشارك ولو بمشاركة بسيطة

موضوع: رد: موقف ايجابى الأحد 29 مايو 2011, 8:24 am

اقتباس :: الموقف الإيجابي اللي نفسي أعملوا
إن الثورة تبقى ثورة تتحول لمشروعات قومية لتنمية مصر بأفكار جديدة
وأشارك ولو بمشاركة بسيطة

ياااه والله نفس الحلم بتاعى ،، يـــــارب يتحقق

موضوع: رد: موقف ايجابى الأحد 03 يوليو 2011, 1:24 pm

موقف ايجابى اتبعته من ساعة ما الامتحانات بدأت ،،

أول حاجه ذاكرت كويس طول الترم علشان محتجش كلمه من حد وأمنع حكاية الغش دى تماما من حياتى

والحمد لله قدرت ،، من أول يوم امتحانات لاخر يوم ولا حرف غشيته او نقلته ،، وربنا شاهد

تانى حاجه الاول كنت بسكت لما بشوف بنت او ولد بيغش او مخرجين برشام او حاطين هاند فريه

وشغالين غش ،، لكن المره دى اى حاجه كنت بشوفها غلط ف اللجنه ايا كانت

كنت ببلغ الدكتور فورا ،، زعلت منى صحابى فعلا

بس الى استفدته رضا ربنا ( الساكت عن الحق شيطان أخرس ) ،، رضيت ضميرى وحسيت انى مرتاحه جدا

انا شايفه ان دا موقف ايجابى ف حياتى واهم المواقف بجد ..

تمام والله برافوا عليكى بجد والله

فيه شباب كتيير بيخافوا يعملوا ده

موضوع: رد: موقف ايجابى الجمعة 15 يوليو 2011, 5:54 am

أولا الموضوع عجبني جدا جدا و الله . و هذا دليلي على إن مصــــر فعلا بتتغير .. و شكر خاص لصاحب التوبيك الرائع ..

ثانيا .. خربتي بيت أصحابك يا أ / أسسماء ههههههههههههههه .. و لكن بجد عندك حق . لأن هو ده إللي لازم يكون ..

تقبلوا مروري

الحاجة الايجابية
الوحيدة
اللى عملتها بعد الثورة
.....
روحت خدت دورة
ICDL
..................
اصل الثورة اتسببت فى قفل المصنع
اللى كنت شغاال فيه
فقولت اعمل حاجة

موضوع: رد: موقف ايجابى الجمعة 15 يوليو 2011, 3:31 pm

Abo_Turky كتب:: أولا الموضوع عجبني جدا جدا و الله . و هذا دليلي على إن مصــــر فعلا بتتغير .. و شكر خاص لصاحب التوبيك الرائع ..

ثانيا .. خربتي بيت أصحابك يا أ / أسسماء ههههههههههههههه .. و لكن بجد عندك حق . لأن هو ده إللي لازم يكون ..

تقبلوا مروري

بجد احساس رهيب وانت بتغير سلبيه ،، وخصوصا الغش ..

» ايجابى ام سلبى؟
» قولولي أعمل ايه..موقف بايخ ..!!
» اصعب موقف
» موقف زبالة
» قل موقف محرج حصل معاك