لو سألت أي بنت ايه مواصفات فتي أحلامك ؟؟ تبقى ايه مواصفاته

لو سألت أي بنت ايه مواصفات فتي أحلامك ؟؟

اتمنى تقول كده مش غير كده وتسيبها من المواصفات اللى تخنق
دى حاجه بجد تتعب
..
..
..
..
......قبل ما تقولك طيب وحنين ووسيم وكل الصفات دي

تقولك " عايزاه راجل بجد " ....

قعدت أفكر كتييييييير يعني ايه الواحد يبقى "راجل بجد "؟؟!!!

ووصلت لشوية اجابات ..

الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

الراجل اللي بجد .. عمره ما يطلع سر بينه وبين واحد صاحبه

الراجل اللي بجد .. عمره ما يتخلي عن مسؤليه أو يتهرب منها

الراجل اللي بجد .. عمره ما يصاحب بنت ويروح يتكلم عليها مع أصحابه

الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي

الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

الراجل اللي بجد ...هو اللي يقول الحق ولو علي رقبته

الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

الراجل اللي بجد .. عمره ما يفرض نفسه علي واحده رافضاه

الراجل اللى بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

الراجل اللي بجد .. هو اللي يقدر يستوعبك وقت ضعفك ..

الراجل اللي بجد .. عمره ما يستغل حب واحده ليه عشان يضغط عليها

الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

الراجل اللي بجد ... عمره ما يكون محبط ولا يائس ولا شايف الدنيا سوده

الراجل اللي بجد مش شنب ولا عضلات ولا طول وعرض !!!!

الراجل اللي بجد مواقف وأفعال ... حاجات كده أكبر من أنها تتوصف بكلااااااااام

ايه رايكوا فالمواصفات دى وهى دى فعلا مواصفات فتى احلامكم ولا هنتنينا نقول الحبيتين بتوعنا لازم يبقى عنيه خضرا وشعره اصفر زى مهند كده ويكون عضلات علشان امشى اتباهه بيه والكلام التعبان بده انا عارف ان كل بنت تتمنى يكون فتى احلامها بالمواصفات دى بس حبيت اقول كده علشان راى واحده سفيهه سمعته النهارده عن مواصفات فتى احلامها بصراحه جبتلى الضغط

والله ياسيكا أحلي حاجة فعلا نزلتها من ساعة مابقيت مشرف.. [ندعوك للتسجيل في المنتدى أو التعريف بنفسك لمعاينة هذه الصورة] بهزر طبعآ..

فعلا والله نفسي كل بنت ماتعلقش أحلامها علي مجرد حاجة شكلية..

هي هتعيش مع طباع كتير تتلخص في رجل..

وانا الحمد لله مواصفات فتي أحلامي كانت فعلا كده..عمري مابنيتها علي حاجة شكلية أو مظاهر..

ولقيتها الحمد لله.. [ندعوك للتسجيل في المنتدى أو التعريف بنفسك لمعاينة هذه الصورة]

ولا يهمك يا اسيره
بس ياريت فعلا البنات تعرف كده علشان فى واحده

خنقتنى اوى فمواصفات فتى احلامها زى مبتقول

جبتلى جلطه ياااااااااااه لو شبه مهند كده

نعملهولها عموله بقى حاجه تقرف

ادى اللى خدناه من مهند بيه

بيسمعه بس مبيفكروش

وربنا

الحمد الله انك لقتيها

كلام كويس اوى والله ،، وعن نفسى مش بحب أرد اذا حد سألنى ،، ايه مواصفات فتى احلامك؟؟

صراحة مش بقتنع ،، ايه بقى انى افضل اقول ع رايك يا محمود ،، لازم الولد تبقى عنيه خضرة وشعره اصفر

وميقوليش لا ع اى حاجة ومش يرزل عليا ويسبنى بحريتى وف بنات بتقول ،، وتكون ماماته ميتة

اصلى مش ممكن استحمل معاملة الحموات ،، حاجة تنقط فعلا ،، ايه يعنى حماتك

هتعملك ايه ،، مهما تكون الحما قاسية او او او ،،

معاملة البنت هى الى بتجبرها انها تكون معاملة سلبية او ايجابية ،، لكن العكس صعب شوية

وبالنسبة للكلام الى اسيرة قالتو فعلا يا اسيرة البنت هتتعامل مع صفات

واخلاق ومواقف بيتجمعوا ف رجل ،،

لكن الى تفضل تكلم بهيافة لا كفاية هيافة بقى زهقنا ،، ياريت كل بنت تفكر صح

وان الراجل مش بس بكلمته الراجل برعايته لبيتو واسرته [ندعوك للتسجيل في المنتدى أو التعريف بنفسك لمعاينة هذه الصورة]

لا بجد والله لازم مواصفات مهند دى نسيبنا منها بقى

موضوع جامد والله ،، تسلم الايادى

لكن الى تفضل تكلم بهيافة لا كفاية هيافة بقى زهقنا ،، ياريت كل بنت تفكر صح

وان الراجل مش بس بكلمته الراجل برعايته لبيتو واسرته ودى حاجه وحشه
ههههههههههه

الله عليكى يااسماء بامانه فالكلمتين بتوع الحماه دول عجبونى اوى [ندعوك للتسجيل في المنتدى أو التعريف بنفسك لمعاينة هذه الصورة]

تمام ،، الله يكرم اصلك

هتعملك ايه ،، مهما تكون الحما قاسية او او او ،،

الى تقلها حماتها ياعوره يلعبو بيها الكوره

صح

تسلم يا سيكا والله

الكون فيه ذكور كتير .. لكن الرجال نادرين

رجل يعنى حاجة عظيمة وله هيبة كبيرة قوى

كلمة رجل دى معناها جبار وكبير قوى

كلمة رجل دى معناها جبار وكبير قوى

الله عليك يا عمرو عشان احنا رجاله الكلام ده ههههههههههههههههههههههههههه

اهم حاجة فى المواصفات الحنية والحب مدام فيه كده يبقى فيه احترام متبادل ويكون له شخصية بسى لذيذة لانه حنين وما يترتب ع ذلك يبقى رد فعل لما بداخله مش معقول واحد مش حنين وقاسى هيتعامل كويس لا طبعا بيبقى انسان غير سوى وهيعمل فيها سى السيد انا بفضل الحب والحنية يمكن ده اهم حاجة فى حياتى

تسلم يا سيكا موضوعك ده مش بس درس للبنات ده درس جامد جدا للجميع

بجد تسلم ايدك

» سألت قلبي ؟؟ أتظن القلوب المتحابه تتخاصم ؟؟؟
» مواصفات المبدعين ( مش معقووووووووووووووووول)
» مواصفات العريس بعد الثورة
» مواصفات شريك الحياه
» لما دا مطبخ تبقى الشقه ايه ..*_*