جمعة الغضب الثانية ؟

هل ستشارك فى جمعة الغضب الثانية يوم 27 مايو واللى دعا ليها كثير من النشطاء ع الانترنت ؟

إيه سبب مشاركتك أو عدم المشاركة ؟

هل شايف إنى اليوم دا هيأثر ع الوضع العام بالسلب ولا بالايجاب ؟

والله انا نفسي تعمل ثورة انتاج

او نطلع يوم جمعة الانتاج

وهو يكون دعوة للعمل يوم السبت

ننتج فيه علشان ننمى بلدنا

يوم لوجه الله .. ثم يوم للوطن

نحاول نساعد بيه مصر

كفاية بقى تجمعات وثورات

الناس بدات تأنتخ

ومش عاوزين يشتغلوا

ومش عارفين نهايتها ايه ؟؟

والله ياهندسة اغلبية الشباب طالعين لانهم مش حاسين بتغيير حقيقي فانا هنا هاقول حاجة لو تسمحلي بيها .. شكرا ياهندسة بس ياسيدي لو انا فعلا محستش بتغيير ولكن امارس يوميا تمارين الاستبداد الصباحية اللي متعود عليها كل يوم من ساعة ما اتولدت يبقي العيب هنا في عدم احساسك بانك نفسك لم تتغير علشان كده بقولك ما تتطلعش ولا ثورة تانية ولا تالتة وانا عن نفسي هاروح دار الاوبرا يوم الجمعة للاحتفال ان شاء الله ثانيا لو انت بطلت تمارس التمارين الاستبداية الصباحة بتاعة كل يوم واتغييرت وبقيت تعمل حاجات مش كنت بتعملها قبل كده وبطلت تعمل حاجات برده تندرج تحت تمارين الاستبداد الصباحية بتاعة كل يوم تبقي لااااااااااااااااااااااااااااااااااااااااااازم تنزل وتثور وتقول انا مش حاسس بالتغيير .

اقتباس :: هل ستشارك فى جمعة الغضب الثانية يوم 27 مايو واللى دعا ليها كثير من النشطاء ع الانترنت ؟

إيه سبب مشاركتك أو عدم المشاركة ؟

هل شايف إنى اليوم دا هيأثر ع الوضع العام بالسلب ولا بالايجاب ؟

لن اشارك
لمازا؟؟ لانى من وجهه نظرى لا نحتاج الى جمعه غضب على الاخرين بل نحتاج الى جمعه غضب على انفسنا وافعالنا جمعه بدافع تغير النفس من اخطائها وسلبيتها
ارى انه سيؤثر بالسلب ومن المحتمل ان يتحول الى مواجهات ومشاكل بين مؤيدى المجلس العسكرى وبعض المعارضين له وربنا يستر
وكما قال الدكتور ايهاب

ولله انا نفسي تعمل ثورة انتاج

او نطلع يوم جمعة الانتاج

اقتباس :: ا

وهو يكون دعوة للعمل يوم السبت

ننتج فيه علشان ننمى بلدنا

يوم لوجه الله .. ثم يوم للوطن

نحاول نساعد بيه مصر

كفاية بقى تجمعات وثورات

الناس بدات تأنتخ

ومش عاوزين يشتغلوا

ومش عارفين نهايتها ايه ؟؟

والله حرام التجمعات المدمرة المخربة
لابد من جعلها جمعة غضب من أنفسنا بعد أن ضيعنا مصرنا واقتصادها من الاحتجاجات الفئوية والتي أثرت بالسلب على عجلة الانتاج
لابد أن نرحم وطننا لأننا أوشكنا على الغرق بل بدأنا نغرق بالفعل وضيعنا ثورتنا المباركة
لست معهم

بالنسبة لموضوع جمعة الغضب الثانية فالكلام يطول في هذه الجمعة

أولاً سؤال لا أجد له إجابة وهومن دعى لمليونية هذه الجمعة؟

ثانياً :ما علاقة مهازل الحوار الوطني المزعوم بهذه المليونية؟

رأيي المباشر أرفض هذه الدعوة تماماً وشايف تأثيرها سلبي ليه؟؟؟

1- علشان في إحتقان وناس مش عاوزة خير لمصر وفي تحذيرات من ناس بتخطط لتدخلنا في دوامة الفوضى
والوضع في حالة غليان فالخروج الآن على أهداف ليس عليها إجماع يهدد الوضع العام

2- بالنسبة للأهداف هناك أهداف نبيلة كثيرة ومشتركة بين كل المليونيات السابقة والحالية والوضع مستقر بالنسبة لتلك الأهداف ولا نحتاج للخروج من جديد لتأكيدهاولكن الجديد في هذه الجمعة من أهداف أقل ما يقال عليها أنها غير متفق عليها مثل:

أولاً : الدعوة إقامة مجلس رئاسي مدني لتنفيذ أهداف الثورة

ثانياً : الدعوة لعمل جمعية تأسيسية لوضع دستور جديد للبلاد

ثالثاً : تاجيل الانتخابات لحين توافر الظروف الامنيه المناسبه لاقامتها

والأهداف الثلاثة فيهم جملة تحفظات أذكر منها:

أولاً الحكي في المحكي يعني لما نبقى إستفتينا على بنود في الدستور وطلع إعلان دستوري يبقى ملزم وواجب على الجميع إحترام إرادة الشعب ولا يجب معاودة المناقشة في هذه الموضوعات من جديد ولكن تجد الغريب أن الطلبات الثلاثة عكس ما أستفتى عليه الشعب ووافق بنسبة تتعدى ال77%

ثانياُ : لما تييجي بقى وتقولي الكلام ده على كل مشاكلو في هذا الجو المحتقن يبقى ربنا يستر على البلد دي

ثالثاً: النوايا السيئة من المطالب الثلاثة واضحة ولا تحتاج لتوضيح

رابعاً: بعد ما ذكر ما الجديد لنخرج له في مليونية جديدة؟؟؟؟
!!!!

المشكلة في المجلس العسكري انه بقي يتعامل بسياسة التنقيط لحد لما ينضغط عليها
يعني قبل يوم الجمعة الجاي

هاتلاقي فرار بنقل مبارك لسجن المزرعة
وناس كتير تاني يتحقق معاها

طيب هو لازم يكون في ضغط علشان تتحركوا

في حاجة غلط ايه هي مش فاهم

بس اللي متأكد منه ان الثورة لسه بدري علشان تنجح

انا هاقول ابوس ايديكم ارحمونا شويه بقى وخلى البلد تمشى احنا كمان 6 اشهر البلد هتشحت

المشكلة أن كثير من اللي قالوا لا قعدوا يوجعوا راسنا بالديموقراطية واحترام رأي الأغلبية لكن عندما جاءت النتيجة عكس اهوائهم لم يرضوا بها لأن غالبيتهم لا يعمل لمصلحة الوطن ولكن يعمل لمصلحته الشخصية
من يسمون بالنخبة أرى فيهم إقصائية شديدة وكبر (والكبر: هو الترفع واعتقاد الإنسان نفسه أنه كبير، وأنه فوق الناس، وأن له فضلا عليهم)
وهم لا يريدون أن يعترفوا بنتيجة الاستفتاء ويريدون أن يلتفوا عليها ويحتقروا رأي الأغلبية 77%

لك الله يا مصر
اللهم احفظ مصر

الكلام ماختلفش كتير وكأننا يوم 24 يناير
وحتى أثناء الثورة وكمان بعد التنحى وبرضو فى مليونية شفيق قشطة عالتكرير
بلا ثورة بلا بتاع الناس دى لازم يتعدمو فى قلب الميدان علشان تفضو تنمو البلد بقى
ولا اية يامحمد يايوسف مش انتا رايح المئوية برضو
لكن المهندس محمود البكرى قال ان المشكلة ان المجلس بيطلع القرارت لما بتقرب المليونية
فعلا دى حقيقة بس ياترى دى مشكلة انه بيستجيب للضغط الجماهيرى حاجة وحشة يعنى لاسمح الله
ولو حاجة كويسة مش يبقى لازم نستمر فى الضغط لعند ماتتحقق كل المطالب
اللهم أحفظ مصرنا وأللهمنا حسن المواطنة

لست مع النزول لجمعه الغضب الثانيه .

ولكن يبقى هناك مطالب اتمنى تحقيقها لتطهير البلد تماما من ايادى الشر بالحزب المنحل سواء كان محسنهم او مسيئهم .

لازلنا فى انتظار ايقاف كل اعضاء الحزب الوطنى المنحل عن ممارسه الحياه السياسيه لمده لاتقل عن 5سنوات .

حل المحليات جميعا .

لضمان جو صحى جديد لتنمو فيه البلد فى المرحله القادمه .

اؤيدها.....

اؤيد وبشدة
ووالله لو عرفت اروح هاروح
الحكومة عمرها ما هتعمل حاجة الا لما نعمل مضاهرات
لو معملناش كد الحكومة هتفضل محلك سر

اقتباس :: لكن المهندس محمود البكرى قال ان المشكلة ان المجلس بيطلع القرارت لما بتقرب المليونية
فعلا دى حقيقة بس ياترى دى مشكلة انه بيستجيب للضغط الجماهيرى حاجة وحشة يعنى لاسمح الله

انا اللي اقصده ان في حاجة غلط
ليه الدنيا مابتمشيش كويس من غير مليونية لازم نستمر في الضغط ده طالما نتايجه مضمونة
انا شايف ان لو 10 مليون في ميدان التحرير يوم الجمعة مش هيأثر علي مصر زي مابيحصل اضراب في مكان من 20 موظف بيوقفوا العمل
ناس بتروح يوم الجمعة مافيش مشاكل وسلمية يعني مافيش اي ضرر ان شاء الله

طبعا اكيد موافق ليه مش عارف

مش موافق ليه مش عارف

ياريت حد يفهمنا بقى قبل ميجاوب

هو فعلا الثورة عملت حاجة وايه التغيير اللى شافه من بعد الثورة

الثورة ياجماعه كانوا يومين وراحوا لحالهم قلنا هانتغير بنفسنا الاول ودا محصلش!

سبونا من البلد لان الكلام بيتقال من الجميع مفيش حاجة هتتغيرفى البلد غير لما البنى أدمين تتغير

يعنى ايه لما اروح طابونة عيش والطابونة تبقى فاضية وألاقى شخص معندهوش دم يذلنى لحد ما اخد العيش

ويعنى ايه لما نقعد ف بيوتنا ومفيش انبوبة غاز مليانه

يعنى ايه ..........حاجات كتير لازم نقف عندها

الثورة اللى مفروض تقوم ثورة اخلاق ومبادئ ودا طبعا محدش فاهمة لان الكل اتعود على القرف

كام واحد اتغير
كام واحد حس لما كان فى الثورة ويشوف واحد كان ماشي معاه بيموت قدام عينة

هل اتغير

وهل اتغيرنا

ولامتى هنقول نعم للتغيير من غير عقول تستجيب لدا ؟

الى اقدر اقوله ربنا يستر تعدى على خير وميحصلش مصيبه او وقيعه بين الجيش والشعب وميحصلش اى عمل تخريببى
او اى شىء يجبر الجيش على التعمامل بالنعف وتعدى ع خير ولو كانت هتقدم جديد للثوره يبقا جمعه مباركه
لكن لو الشعب استهبل واتعدا حدوده مثلااااااااااااااااااا يبقى ليس لها اى قيمه

» مشاركة فى جمعة الغضب الثانية من امام مستشفى شرم الشيخ الدولى
» مباراة نيجيريا واليونان كاملة فى الدور الاول الجولة الثانية المجموعة الثانية لكأس العالم 2010
» جمعة المتوحشين!!
» الغضب
» أخبار يوم الغضب 25 يناير