اسمك هنا هو اسمك هناك

أنا شخصيا اسمى على الفيس هو اسمي على المنتدى هنا هو اسمى على اي منتدى و فى اي مكان تانى

دي فكرة
ولكل فكرة اساس

فهل في اساس للفكرة دي خصوصا على منتدانا (منتدى شباب العمار)

اقتباس :

دي فكرة
ولكل فكرة اساس

فهل في اساس للفكرة دي خصوصا على منتدانا (منتدى شباب العمار)

أنا اسفة جدا يا فندم لكن انا مش فاهمة

اقتباس :

أنا شخصيا اسمى على الفيس هو اسمي على المنتدى هنا هو اسمى على اي منتدى و فى اي مكان تانى

كلامك ده عبارة عن فكر...ولكل فكر اساس مبنى عليه
فهل فكرتك دي لها اساس مستندة عليه ولا مجرد راحات

انا مش شايفة انى فيها مشكلة اننا نسجل باسماءنا هنا عادى يعنى
الفكر اتغير والعقول اتغيرت
انا ع الفيس باسمى عادى جدا وع المنتدى باسم مستعار
ليه يعنى واللى هنا ع المنتدى عندى ع الفيس حاجة غريبة بصراحة
وانا هغير اسمى ان شاء الله ودى خطوة كنت اعملها من زمان بس جت متاخرة

اه نسيت شكرا يابشمهندس باهر ع الموضوع :\

اللي هنا هو اللى على الفيس زي ما ريتاج قالت وانا زي ما قلت اسمى هنا هو اسمى هناك

و اللى بيتناقش بيتناقش مع شخصية مش مع اسم

المشكلة دلوقتى فى الاسم الحقيقي ليه ميكونش هو اللى على الفيس و المنتدى و كل مكان

اللى يعرفنى شخصيا عارفنى على الفيس و المنتدى و اللى ميعرفنيش مش هتفرق معاه الاسم خالص

ده رأي و كــــــــــــــامل احترامي

انا والله سؤالي واضح جدا

اقتباس :

كلامك ده عبارة عن فكر...ولكل فكر اساس مبنى عليه
فهل فكرتك دي لها اساس مستندة عليه ولا مجرد راحات

[quote]

انا واحد من الناس سجلت هنا باسم مستعار او مادخلت

ولما غيرته حسيت بالفرق

احمد القماح مثلا مااسموش كده الحقيقة ولكن محدش بيناديه خارج المنتدى او جوه او في شغله حتى الا كده
وفي ناس كتير الاسم المستعارده بيطغى عليها شخصيا

الاسم مش هيفرق معايا لكن هيفرق مع صحبه....وهييجي وقت مايكون بيناقش قضية عامة تخص العمار مثلا هيسأل نفسه ليه انا باسم مستعار
ليه انا مش باسمي

شكرا لاول استجابة للموضوع للمهندسة ريتاج سابقا ومنى حاليا

اقتباس :

هو الموضوع قبل أى شىء حرية شخصية وكل واحد حر ولكن يا حبذا لو الأسماء تبقى كلها حقيقة

بس هتكلم عن نفسى القصة النسبالى إنه بقالى أربع سنين باسم حنين ده هنا

ومش حاسة إنه فيه ضرورة ملحة تستدعى دخولى بإسمى الحقيقى

أما الفيس فإنت لازم يكون إسمك حقيقى علشان لو حبيت تبعت

add

لحد معين وحاجة مهمة يبقى عارف إنت مين بالظبط

ويمكن كان إسمى مستعار على الفيس برضه بس دكتور ليا فى الجامعة طلب منى تغييره لأسمى الحقيقى للضرورة

فاقتنعت وغيرته لكن هنا الاسم المستعار اترسخ فى عقول الناس وكله خد عليه

يقى نغيره ليه

بخلاف إن على الفيس إنت متحكم فى كل شىء

هنا إنت غير متحكم فى حاجة

ترسيخ الاسم المستعار في عقول الناس ليس مبرر لعدم تغيره
وصلنا لمرحلة من الفكر والنضوج خلال اربع سنوات كفيلة بتغير اي واقع او ثوابت اوهمنا نفسنا بيها

الضرورة اننا في منتدى شباب العمار وبقى لينا دور في الواقع كلنا باسمائنا الحقيقية
حضور حضرتك في احد اجتماعات اي عمل مرتبط بالمنتدى بيبقى اسمك الحقيقي هو اللي فارض نفسه
والمفروض انه يكون هنا كمان وصدقوني العمال نفسي من الدرجة الاولى ولما حضرتك في يوم ما تغيريه هتحسي الفرق


اما موضوع الفيس والتحكم فيه
فده امر غير منطقى بالمرة

ومفيش علاقة بين موضوعي وموضوع التحكم في الفيس

كل شخص قادر على اجبار اللي قدامه بالاحترام وكمان في ادارة تدير الامور والكل هنا مش زي زمان
المنتدى اصبح فارض احترامه على الجميع

الموضوع هو ظهور اسم حضرتك ع الفيس وتتناقشي بيه عادي جدا وهنا اسم مستعار رغم ان تقريبا نفس صحابك هناك هم هنا

اما موضوع ترسيخ الاسم فزي ماقلت امر غير منطقي لان المنتدى نفسه اتغير كثيرا ونضج بشكل كبير ويحتاج ان يكون المؤسسين مثلك موجودين باسمائهم ليكونوا قدوة لغيرهم من الجدد لكلييتكلم كل شخص باسمه بكامل حريته ولا يختبيء خلف اسم مستعار


وطالما الامر عادي اسم مستعار او غير
من الاولى والطبيعي ان نكون باسمائنا

اقتباس :

انا بصراحة مش شايف اى مشكلة ان
الواحد يدخل باسمه
يعنى انا مثلا بدخل على المنتدى ده بقالى
يجى 4 سنين بس بااسماء مستعارة
وعمرى ما حسيت براحة نفسية وانا قاعد
ع المنتدى ده الا باسمى الحقيقى اللى انا داخل بيه دلوقتى
من شهرين بس
وندمت والله ان انا مدخلتش باسمى الحقبقى من الاول خالص
بس والله فى فرق كبير بين انك تخش باسمك الحقيقى واسم مستعار
وانا بصراحة بحترم الاعضاء اللى بتخش باسمائها الحقيقية اكثر ....

فعلا مش هنحس الفرق الا بعد التغيير

اقتباس :

لكن بالنسبة للبنات أفضل الاسم يكون مستعار لانه أفضل ليه بقى المهم أنى أتعامل مع الشخصية انها بنت على المنتدى

أنت بتناقش موضوعات وبطرح أفكار وبتتلقى فى المقابل أراء فالبتالى ميهمش هى مين فى الحقيقة

ليه أفضل؟

عشان ميهمش هي مين!!!!!!........ده مش سبب

الاسم حلو جدا

لكن احنا في وقت لازم يبقى اي تصرف لينا له اساس مبنى عليه

وطالما مقتنعة يبقى على الاقل بما انكم اعضاء قدامى ومفيش داعي لاسم مستعار يبقى نبقى قدوة لاي حد جديد يتشجع ويتكلم باسمه الحقيقي

بالاضافة الى الفرق النفسي والمعنوي اللي هتحسوه بعد تغيره للحقيقي

فعلا حرية ومفيش اجبار
احنا بندردش

وبتكلم عن تجربه ليا شخصيا وتجارب اخري ذكرتها فوق
انت يااسلام هتحس بفرق نفسي ومعنوى كبير لما تدخل باسمك ..اسأل مصطفى مثلا

في حين ان حب الاسم المستعار مش مبرر ان اكتب كل كتاباتي وحواراتي بهذا الاسم
وطالما الامر عادي فمن المنطقى ان يكون الاسم الاولى هو اسم حقيقي

بالاضافه الى انك مثلا تعتبر من القدامى وغبت ورجعت فليه ماتسهمش في الحملة دي والقدامى يكونوا قدوة لاي حدد مسجل جديد

بنت الشاطيء

أنا شايفة ان احنا بنتعامل مع عقول و شخصيات مش مع اسماء

وان البنت مش زي الولد

و البنت او غيرها تحت الاسم المستعار بتحترم شخصيتها مش اسمها

لأنه اصلا مستعار

كلام جميل جدا
وفعلا بنتعامل مع عقول

والبنت مش زي الولد !..ده ايه علاقته بموضوعنا في حين ان اسم البنت ليس حرام

فهمت من كلام حضرتك ان اسم البنت مستعار لانها مش زي الولد وكأن الاسم حرام وده طبعا مبرر ضعيف جدا جدا جدا ويكاد يكون غير موجود

يا فندم فى موضوعات هنا على المنتدى و اعضاء شايفين ان البنت مكانها البيت و تربية الاولاد و اساسا المفروض متشتغلش

يبقى البنت مش زي الولد فعلا

هو كل اللي الناس تشوفه صح؟!!

كل واحد له قناعاته الشخصية وظهور حضرتك باسمك الحقيقي ملهاش علاقة بالمقارنه بين الولد والبنت

يعني الولد بيمشي في الشارع يبقى البنت عشان مش زيه ماتمشيش......نفس الفكرة

الاسم ليش عيبا لو هو ده المبرر

أسم المرأة ليس عورة أبداً

فنساء النبي ( أمهات المسلمين ) كانوا ينادون بأسمائهم

وكان الرسول صلى الله عليه وسلم يسمي السيدة فاطمة إبنته بإسمها , حتى أنه لم يقل لها مثلاً ياأم الحسن أو يا أم الحسين كما نفعل نحن

كان يقول فاطمة بنت محمد

والله اعلم

فلا حرج أبداً

ولكن هذا شأننا نتفتح ونتفتح ونأتي فى بعض الأمور البسيطة ..وننفخ فيها ...

تقبلوا مداخلتي ...ولعل الأستاذ أحمد هلول قد أورد لنا من قبل بتوسّع ما يؤكد وجهة النظر ذاتها , في موضوع آخر منفصل عن الأسماء