ولهم حق التنويه .. جنايات القاهرة تبرئ جماهير الزمالك فى أحداث شغب مباراة الأفريقي

قال القضاء كلمته وفصل فى الازمة التى شغلت الرأى العام
فى من المتسبب فيها حيث قضت محكمة جنايات القاهرة في جلستها المنعقدة

الاثنين برئاسة المستشار
علي الطاهر ببراءة 20 متهما من مشجعي ألتراس فريق كرة القدم بنادي الزمالك،
المتهمين بالقيام بأعمال شغب داخل ستاد القاهرة الدولي أثناء مباراة فريق
الزمالك والإفريقي التونسي، وتكديرالأمن والسلم العام والتي عرفت بـ
''موقعة الجلابية''.

وكانت النيابة العامة قد وجهت لـ 20 متهما من ألتراس الزمالك تهم إتلاف
المنشآت الرياضية والتعدى على موظفين عموميين والتخريب وإثارة الفوضى
وممارسة أعمال البلطجة باستاد القاهرة اثناء إقامة مبارة فريق الزمالك
والإفريقي التونسي، وأحالتهم لمحكمة الجنايات التي أصدرت حكمها المتقدم
بالبراءة.

مبروووووووووووووك البراءه لزمالك والزملكويه
روح رياضيه عاليا قدام ملهاش دعوه بدورى

فعلا والله يا هندسة الناس دى اتظلمت والدنيا كلها شردتهم من قبل حتى ما التحقيقات ما تبدأ أو القضاء يقول كلمته

فكان لازم حق التنويه عن براءتهم

تمام يا هندسه ليك حق طبعا

قضاء ايه يا مصطفى هو انت متفرجتش ولا ايه

قول للقضاء يتغطى كويس قبل ما ينام

القضيه اتحجمت اصلا زى قضية العباره كده علشان تعدى بدون احكام

ازاى اصلا20 واحد بس اللى هما اللى بيتحاكموا ؟؟

يلا هى جت ع الشباب ..الـلا محكموش حسنى مبارك هيحاكوا بتوع الشغب

اقتباس :: قضاء ايه يا مصطفى هو انت متفرجتش ولا ايه

قول للقضاء يتغطى كويس قبل ما ينام

القضيه اتحجمت اصلا زى قضية العباره كده علشان تعدى بدون احكام

ازاى اصلا20 واحد بس اللى هما اللى بيتحاكموا ؟؟

يلا هى جت ع الشباب ..الـلا محكموش حسنى مبارك هيحاكوا بتوع الشغب

لما القضاء المصرى المحترم اللى كلنا بنحترمه وبنحترم ممثليه فى شكل القضاة يقول كلمته بعد تحقيقات دامت شهرين

يبقى لازم نحترمه ..

قضية العبارة مثل لا يشابه المقضية دى نهائيا يا شريف .. قضية العبارة كان المتهم فيها مسئول كبير

ورجل أعمال ليه مصالح مه النظام السابق ..

اللى متهم فى قضية الزمالك مين يا شريف مصطفى طلبة وأحمد عكاشة

دول إيه مصلحتهم انى الدولة والقضاء ميحكمش عليهم ..

انا بتكلم عن اسلوب التعامل يا مصطفى

تحجيم القضيه ،، متقليش القضاء المحترم والليله دى يا مصطفى

مين صاحب المصلحه انا مش عارف وده اللى بسأل عنه دلوقت ..

كلنا شوفنا الفيديو ..مين غلطان ؟؟

قلى انت بعيد عن القضاء ...ايه اللى حصل وسبب الفوضى ؟

لو الفيديو عندك اتفرج عليه تانى ولو مش لاقيه ارفعهولك

الماتش كله عندى يا هندسة .. القضية أنا كنت متابعها جدا لانى ليا أصحاب فى الالتراس أصحاب زى شريف ومحمود كدة

اللى فصل بين كلامى وكلامك هو التحقيقات والقضاء وعدم وجود أى مصلحة فى الحكم عليهم أو إعفائهم من المسئوليه

فى فيديو لقناة مودرن سبورت بتعليق أيمن الكاشف هو عندى بس للاسف حجمه كبير مش هقدر ارفعه

بيبين انى الامر كان مرتب ليه وإنى فيه عناصر خارجيه كتير

كان هدفها ضرب كرسى فى الكلوب فى مباراة المصريين والتوانسة هذا بالاضافة الى ثقافة الشعب فى الهمجية والتبعية ،،

موضوعى النهاردة زى ما الناس طالبت انى يتفتح تحقيق عاجل وقضية

دلوقتى دا حصل ونتيجيته البراءة القضاء مش حلو وقت ما احنا عاوزين ووحش وقت ما احنا عاوزين برده ،،

كلامك صح فعلا يا بشمهندس مصطفى
والف مبروك لجماهير نادى الزمالك

» جماهير الزمالك تعتدي علي لاعبي الأفريقي وتلقي الشماريخ علي الكاميرات!
» الزمالك مش بتاع بطولات...الزمالك بتاع شقلبظات..هههههههه... ان شاء الله الدورى للأهلى
» محاكمة مبارك ونجليه ستكون أمام إحدى دوائر جنايات القاهرة
» كبسة جماهير الزمالك هههههههههههههه
» مسخره وقله ادب فى مباراة الزمالك