ما اشتاقتش لمنتدى شباب العمار بتاع زمان؟؟؟

أنا بصراحة مشتاق لللمة بتاعت زمان
ريتش مان و عادل إمام و أخوه عمرو إمام و ميزو و قابض و ابو حازم و عمر المختار و إيهاب رفعت و شريف و محمود البكري و علي زايد و أحمد السيد و باهر و زغلول و القماح و الأستاذ مسعد و الأستاذ محمود و الأستاذ سميح و الأستاذ مختار وغيرهم كتير مش لاقيلهم مواضيع
تصدقوا اشتقت حتى للخناقات
فين الحوارات و الإبداعات و الحكاوي و الفضفضة و الهزار و الجد و الروح بتاعت زمان
لسة فيه فجوة بين منتدى شباب العمار قبل الثورة و بعدها
لازم نقول اللي لينا و اللي علينا و فعلا بداية التغيير كانت ليها انطباع رخم بمواضيع كتيرة منقولة و مواضيع اللعب و الضحك و الهزار اللي كانت أزيد من اللازم لكن دلوقتي الحال بقى أفضل و الفجوة بدأت مساحتها تقل لكن فعلا مش هتتلاشى إلا برجوع كيبوردات زمان علشان تشارك كيبوردات الوقت الحالي و ترجع الروح الجميلة بس بشكل أكبر و أوسع و يبقى منتدانا فعلا زاد بعد الثورة و بقى أحلى و أفيد و أعم
ياريت القديم يرجع و يحط إيده في إيد الجديد و نبقى إيد واحدة و نندمج و نعيد أيام زمان بس بطعم ما بعد الثورة
اعزروني بس العشرة تحكم و بجد اشتقت للمة زمان

للاسف ناس كتير من بتوع زمان يا عم اسلام كلمناهم مرة واتنين وتلاتة

واول لما بنلاقى حد فيهم أونلاين بنعمله موضوع ترحيب

انت باقى ع الناس دى ولكن الناس دى مش باقية بجد ع المنتدى

فمتتعبش قلبك لانى أنا والبكرى تعبناه قبلك والنتيجة كنت صفر !!

طيب و انت و محمود البكري و ميزو و شريف فين مواضيعكم
مش ملاحظ ان زمان كانت مواضيعكم أكتر من كده بكتير؟

والله نفسى اقول كدا من زمان المنتى بقى رخم كدا
وتحس ان المشرف عايز يعمل شغل ويثبت نفسه بالمواضييييييييع المنقوله الى ملهاش طعم
فين زمان وناس زمان وايام زمان

المواضيع بجد رخمة اوووووووووووووووى
فين ايام زمان يارب ترجع تانى

وحشتني اوووووووووووي
ايام مواضيع الهزار اللي كانت بتخلص قبل الفجر
وبتبقي فيها لمة جميلة كده
ان شاء الله ترجع

اقتباس :: انت باقى ع الناس دى ولكن الناس دى مش باقية بجد ع المنتدى

الناس لو مش باقيه ع المنتدي مكنتش لقيت حد منهم اونلاين يافندم ! !

بس هي كـل الفكـرة انه زي ما ا.اسلام قال " منتدي العمار بتاع زمان "

بصراحه احلى كانت موجوده زمان الخناقات فى المنتدى كان الواحد بيضحك لما يغمى عليهااااااااااا ههههههههههههههههههههههه
من كتر الخناقات

eng mona كتب:: المواضيع بجد رخمة اوووووووووووووووى
فين ايام زمان يارب ترجع تانى

ادام المواضيع رخمه حاليا يا منى ،، فين مواضيعك !!

ان شا الله المنتدى يرجع زى الاول ،، من سمعى عنه ان كان خيالى وبيلم احلى صحبه

يـــــــــــــــارب الايام دى ترجع ،،

وانا مع رأى وعد الناس دى لو مش باقيه مكنتش تدخل تانى ،، لازم نلم الناس

مش نقول لا خلاص احنا تعبنا وكفايه كدا ،،

كلامى مع منى من عشمى فيها وزعلى من كلامها لانها مش بتنزل مواضيع نهائى ،، يبقى ليه تقولى ع المواضيع دلوقتى رخمه !!

والله انا شايفه حتى زمان كان المنتدى بيجى عليه اوقات كتير نشعر فيه بلملل بس ده مش يقلل مجهود المشرفين دلوقتى ولا الاعضاء الجدد فالمنتدى بالظبط زى فتره كليه كل جروب بيقضى فتره جمميله مع بعضه ولما كل واحد بينشغل فى حياته بيفتقدوا جوا المه اللى عاشوا فيها مع بعض

واحنا كلنا نتمنى ان كل الاستاذ اسلام ذكرهم يرجعوا معانا تانى ويبقى فيه دمج بين الفترتين

marwa كتب:: والله انا شايفه حتى زمان كان المنتدى بيجى عليه اوقات كتير نشعر فيه بلملل بس ده مش يقلل مجهود المشرفين دلوقتى ولا الاعضاء الجدد فالمنتدى بالظبط زى فتره كليه كل جروب بيقضى فتره جمميله مع بعضه ولما كل واحد بينشغل فى حياته بيفتقدوا جوا المه اللى عاشوا فيها مع بعض

واحنا كلنا نتمنى ان كل الاستاذ اسلام ذكرهم يرجعوا معانا تانى ويبقى فيه دمج بين الفترتين

تمام يا مروه كلام ف الجون بجد ،،

والله انا شايفه حتى زمان كان المنتدى بيجى عليه اوقات كتير نشعر فيه بلملل بس ده مش يقلل مجهود المشرفين دلوقتى ولا الاعضاء الجدد فالمنتدى بالظبط زى فتره كليه كل جروب بيقضى فتره جمميله مع بعضه ولما كل واحد بينشغل فى حياته بيفتقدوا جوا المه اللى عاشوا فيها مع بعض

كلام جميل جدااااااااااااااااااااااااااااااااا
وان شاء الله يرجعوا الناس الى استاذ اسلام قال عليهم بس اكيد اكيد فى وقت يقدروا يدخلو فيه مستحيل يكون الانشغال ميه فى الميه
ولكن لكل شخص اسبابه ويارب المنتدى يبقى افضل ده المهم اكيد

اللى كان بيجمعنا وكان مشترك بينا كلنا حاجة كانت جميله فينا كلنا

لكن للاسف

الى كان بينا دا تلاشي بوجود كيان

صعب اللى كان بينا يرجع تانى

لانى صعب الكيان دا يتلاشي

وحشتني يا سولم وربنا

ASMAA MO7Y كتب:

eng mona كتب:: المواضيع بجد رخمة اوووووووووووووووى
فين ايام زمان يارب ترجع تانى

ادام المواضيع رخمه حاليا يا منى ،، فين مواضيعك !!

ان شا الله المنتدى يرجع زى الاول ،، من سمعى عنه ان كان خيالى وبيلم احلى صحبه

يـــــــــــــــارب الايام دى ترجع ،،

وانا مع رأى وعد الناس دى لو مش باقيه مكنتش تدخل تانى ،، لازم نلم الناس

مش نقول لا خلاص احنا تعبنا وكفايه كدا ،،

كلامى مع منى من عشمى فيها وزعلى من كلامها لانها مش بتنزل مواضيع نهائى ،، يبقى ليه تقولى ع المواضيع دلوقتى رخمه !!

هههههههه اسماء بحبك والله
الرخامة ف الموضيع مش علشان الموضوع رخم
مواضيعكم ةالله زى الفل وناس شغالة وبجد نشاط جامد اوى يعنى بصراحة
بس انا شخصيا مش حاسة بالمنتدى مش فهماه بجد
غياب الناس اللى اتعودت عليهم فجاة حسسنى بكدا
انا كنت لو غبت يوم عن المنتدى
ممكن اسئل سندريلا او الطير ايه اللى حصل والمواضيع ايه
ممكن امشي ورا مساهمات الطير او سندريلا حنين بوكى ام يوسف
د ايهاب . م باهر . أ عمرو امام .أ احمد منصور .م احمد السيد .أ احمد القماح وغيرهم
انت فاهمنى ازاى يعنى الرخامة انى الناس دى راحت فين موجدين بس ردودهم فين
انا معرفش ليه بتوجد ع المنتدى يمكن اكتر منك الايام دى بالذات وفترة امتحانات عادى
بس ردودى ضعيفة جدا فين السبب معرفش ؟

طيب تعالوا ناخدها واحدة واحدة كدة ،،

القماح كتب :

اقتباس :

ايه العيب فى كدة يا قماح المواضيع المنقولة انت نفسك وانت مشرف عام كنت بتنقل وانا بنقل ايه المشكلة
النقل مش عيب والمواضيع المنقولة فى منها كتير جدا مفيد وفى غير مفيد
فريق الاشراف بيتجدد كل شهر والمشرفين بصراحة لو رفعوا ايديهم واتلغى الاشراف
هتعرف الفرق والله ،،

اقتباس :: المواضيع بجد رخمة اوووووووووووووووى
فين ايام زمان يارب ترجع تانى

طالما المواضيع رخمة يا باشمهندسه فين انتى مواضيعك ؟

اقتباس :: الناس لو مش باقيه ع المنتدي مكنتش لقيت حد منهم اونلاين يافندم ! !

بس هي كـل الفكـرة انه زي ما ا.اسلام قال " منتدي العمار بتاع زمان

يا وعد انتى مخضتيش التجربة .. اللى مش باقيين معبروناش ولا حتى دخلوا ودول كتير ،،

اقتباس :: ريتش مان و عادل إمام و أخوه عمرو إمام و ميزو و
قابض و ابو حازم و عمر المختار و إيهاب رفعت و شريف و محمود البكري و علي
زايد و أحمد السيد و باهر و زغلول و القماح و الأستاذ مسعد و الأستاذ محمود
و الأستاذ سميح و الأستاذ مختار

تعرف انت قولت كام واحد يا استاذ اسلام انت عديت هنا 19 عضو

تعرف كام واحد فيهم بيبقى متواجد وكام واحد فيهم بييبقى مخفى

بيدخل المنتدى حاليا منهم 17 عضو

تعرفوا المشكلة فين ؟ .. فينا احنا

لاننا للاسف بنذكر السلبيات ونقعد نقول اه والله وربنا يرجعها ايام كانت ايام زى العسل

والمنتدى دلوقتى رخم وكخة ومبندورش نحل المشكلة

بقولك 17 واحد موجود وبيتابع ! .. طب قولى المشكلة فى مين ؟

بتقولى دول بيحبوا المنتدى ؟ .. طب مبيشاركوش ليه !

بتقولى المنتدى بقى رخم ؟ .. طب مبدأتش انت ليه وحاولت تعمل مواضيع نقاشية وكلنا نحاول نعمل زيك

دى للاسف مشكلتنا بنشوف السلبية ومبنحلهاش ..

بعيدا عن أى كلام أو أفلام .. الادارة بداية من أحمد منصور لباهر للبكرى للمشرفين

عملوا كل حاجة وهيئوا المنتدى للاعضاء ولكن الاعضاء خدوهم ونزلوا لتحت

عملت من مدة موضوع وحبيت الناس تشتغل معايا ولكن احنا مش بتوع شغل

الموضوع كان فكرته انى احنا نجيب الاعضاء من رقم 1 لرقم 4000

ونشوف نعرف مين ونحاول نوصله ونرجعه ولكن اللى حاولوا معايا كانوا اتنين فقط

..

دى بجد دعوة منى لاسلام والقماح والبكرى واسلام الديب وباهر واحمد منصور وعمرو امام

ومحمد عبد السلام والمهندس مختار والاستاذ سميح والاستاذ مسعد .. لكل الناس

ياريت تشاركوا .. ياريت !!

أنا عن نفسى سبب عدم مشاركتى الفترة اللى فاتت لسببين

الاول الادارة واللى كان لازم أفهم كل كبيرة وصغيرة من مهندس باهر واستاذ احمد

وكان فى شغل كتير جدا لازم يتعمل أولا

السبب التانى هو طبعا الامتحانات

حلقة بلدى أنا خلصتها من اسبوعين تقريبا ومش عاوز انزلها الا لما الناس تخلص من الامتحانات

انا هبدأ وياريت كل اللى شارك هنا يبدأ هو كمان .. سلام

..

كلام مظبوط يا هندسه والله عندك حق فى كل كلمه وانت عارف ان قلتلك قبل كده انا معاك فى اى حاجه تفيد المنتدى

بيتهيألي يا مصطفى محدش لخص سبب المشكلة في شخوص و لا مشرفين و إدارة
فيه روح غايبة
فيه حاجة ناقصة بتخليني أنا عن نفسي أحاول أكتب موضوع أزهق بسرعة و ما أكملش
بس أنا عن نفسي اعتبرتها لعنة قلمي معثر و ذاتي مكبوتة لأني من ساعة ما قعدت أتريأعلى محمد عبد السلام في موضوع قلمي معثر و أنا قلمي انكسر و ما قامتلوش قومةو قلت لنفسي هو ده جزاء اللي بيتريأ على مواضيع حد لحد ما يحس بنفس احساسه
أنا عن نفسي هحاول و ياريت كلنا نحاول مع بعض لأني شايف اني مش لوحدي في شوقي لأيام زمان و لمة زمان

و أنا آسف يا محمد و بعترف عالملأ ان قلمي معثر و ذاتي قربت تبقى مكبوتة صبرك عليا

اقتباس :: للى كان بيجمعنا وكان مشترك بينا كلنا حاجة كانت جميله فينا كلنا
لكن للاسف
الى كان بينا دا تلاشي بوجود كيان
صعب اللى كان بينا يرجع تانى
لانى صعب الكيان دا يتلاشي
وحشتني يا سولم وربنا

و انت كمان وحشتني يا عم محمد
و نفسي تشيل الكلام ده من دماغك خالص و سببك أنا شايفه بعيد تماما عن المشكلة لأن الكيان من زمان قوي و المنتدى كان ماشي و زي الفل
ايه الجديد؟
ارجع انت بس بمواضيعك الجامدة بتاعت زمان و إلا تعترف على الملأا ان قلمك معثر و تريح ضميرك زي ما أنا عملت يمكن اللعنة تنفك

على ماأظن لانى فى ناس كتير مجهودها اتوزع على المواقع الاليكترونيه الاخرى زى الفيس بوك ........ لانى فى اخر سنه حصلت طفره كبيره فى اعداد الناس اللى سجلت فى الفيس واللى هما كانوا بيستخدموا المنتدى بصوره مستدامه .

تانيا الفتره اللى فاتت كان فيها احداث سياسيه كتيره زى الثوره وخلافه فممكن تكون شغلت الناس اكتر .

ثالثا تصفيه الحسابات والخلافات الشخصيه .

قول للزمان ارجع يازمان

اقتباس :: ثالثا تصفيه الحسابات والخلافات الشخصيه .

ههههههههه . والله أنا مشتاق جدا للأيام دى .. كانت أيام عز والله ههههه ..

كانت فى روح حلوة أووووى إحنا مفتقدنها دلوقتى .. وكانت فى ناس أحلى .. مبقوش موجودين دلوقتى خالث ..

الواحد من كتر ما كانت الاام جميله فاكر كل الناس ومقالبهم وكلامهم وطريقتهم فى الكتابه .. ههههههههه

شويه شويه الموضوع بدا يخف واناس بدأت تمل ..

حتى إسلام طلعت ..

اقتباس :: و أنا آسف يا محمد و بعترف عالملأ ان قلمي معثر و ذاتي قربت تبقى مكبوتة

هههههههههههههههههههه.
عشان بس تعرف ..

والله حاسه ان الروح الجميله دى هترجع زى الاول من النقاش الجميل دا ،،

فكرتنا بالذى مضى
وحفزتنا لما هو آت يا إسلام

اقتباس :

طبعا مشتااااااااااااااااااااااااقيييييييييييييييييييييييييييييين جدا يا أستاذ إسلام

ــــــــــــــــــــ

بس هقولك كلمتين صغيرين

الماضى مبيرجعش ولا أحاسيس الماضى فى أى شىء فى حياتنا بترجع بس بيفضل جوانا حنين للماضى ده وخلاص

لا الماضى هيرجع ولا الحنين هيبطل

كنا فى المنتدى زمان يمكن مش بالشياكة والاناقة دى فى كشكل وديزاين

مكناش بالترتيب ده فى الإدارة والمشرفين والأعضاء

مكناش بنبذل أى مجهود زى دلوقتى المجهود الجبار بجد اللى بتعمله الإدارة جزاهم الله عنه خير

وكنا كله فى قلب بعضه وهيصة

بس كان فيه ( روح) الروح دى مش هترجع تانى حتى لووووووووووو

كلللللللللل الناس بتوع 2007 رجعوا يشاركوا بالإجماع

وزى ما قالت أم كلثوم عاوزنا نرجع زى زمان قول للزمان أرجع يا زمان

فقالولك علشان نتخلص من إحساس الحنين للحظات الحلوة اللى فاتت فى حياتنا بدون رجعة [ندعوك للتسجيل في المنتدى أو التعريف بنفسك لمعاينة هذه الصورة]

ونقعد نفكر فيها ونزعلللللللللللللللل ونحس إننا متحسرين عليها

نبطل نفكر فى اللى فات وجماله اللى مضى

ونحاول نخلق شىء جميل فى الواقع اللى احنا بنعيشه لأنه فى يوم من الأيام هيكون ماضى ونحنله

وإحنا نقدر نخلق فى المنتدى دلوقتى روح جميلة بعد خمس سنين نحب نفتكرها ونحنلها

ولكل وقت مذاقه الخااااااااااااااص

ويبقى منتدى شباب العمار ,, منتدى لشباب العمار

وأجمل وأفضل تجمع كان أو سيكون لشباب العمار

» دعوة لمنتدى شباب العمار
» خبر جديد لنج انفراد لمنتدى شباب العمار فقط.......
» الظاهر والمختفى .. وانفراد لمنتدى شباب العمار ...؟؟؟؟
» سجل الزوار لمنتدى شباب العمار .. عاوزين مشاركات زى المشمش :)
» انتظرواا مفاجأة الدكتور محمد أبو حديد لمنتدى شباب العمار ...؟؟؟