هو ليه مرشحين بلدنا نايمين في العسل؟

سمعنا طبعا عن كتير نازلين الانتخابات منهم:
1- أ/ أحمد يوسف أبو النجا
2- الكابتن محي عبدالعاطي
3- أ/ منصور الشاذلي
4- د/ أكر السمادوني
5- د/ جمال أبو زيد
6- أ/ رامي بربش
7- د/ شوقي الكوردي
8- د/ صلاح عبد العظيم

و ما خفي كان أعظم
طيب فين الناس دي كلها؟ و ليه سايبين الساحة لمرشح واحد بس بدأ حملته بشراسة من غير ما يطرحولنا فرصة لرؤية منافسة قوية أو كل واحد منهم يقول أنا أهو موجود و عندي برنامج و حلم و شعار
4 رجال قانون و 2 صيادلة و محاسب رجل أعمال و أستاذ بيطري

مفيش على الساحة دلوقتي غير الأستاذ رامي و الأستاذ أحمد يوسف بيحاول يبدأ حملته و غير كده إشاعات بقى ان فلان مش داخل أو فلان هينزل رياسة مش شعب أو فلان حزب وطني ايه ينزله أصلا و التاني محدش بيشوفه و هكذا

ما تلوموش الناس لما يختاروا اللي بدأ و اتحرك لأنكم ما ساعدتوهمش في طرح البدائل و رؤية الاختيارات

الناس بتحضر لنزولها كويس جدا وبعدين نظام القايمة النسبية هيخلينا ندخل مع طوخ مش القناطر يعني هناك تقلبات والكل ينتظر ويترقب من اين يبدأ وترقب المشهد فغدا سوف يضيء المشهد نري كل شئ بوضوح..

الناس كلها صح ياعم اسلام من وجهة نظري

ومازلت عند قولي

الإنتخابات لم يحين موعدها بعد

والقادم يزخر بالكثير والكثير والعديد من المتغيرات وسوف يرى الجميع

وربما البدء المتعجل ينهك صاحبه اكثر

والأرجح تأجيل الإنتخابات ..ومن يُعلن الأن ربما يحرق نفسه سياسياً ,, والعدول عن الإفصاح هو محاولة لتقليل الخسائر الدبلوماسية ... فربما لا أعلن لك أنني منافس لإنني اعلم أنك فقط تلوح بالترشح ..ولن تسحب استمارة الترشيح ..فلماذا اتخذك عدواً وقد تكون مناصراً لي بعد أسابيع قليلة

الهدف هو الوصول لنسبة 100%

جميع المرشحين لديهم نسبة من هذا الهدف

على سبيل المثال الكابتن محي له (مثلا) ارضية لدى الناس نتيجة الانتخابات السابقة وكذا تجمع اهله وعائلته حوله تعادل نسبة الهدف مثلا 40%

الدكتور صلاح رئيس المجلس الشعبي المحلى بطوخ وله ارضية لدى قرى طوخ نتيجة منصبة وكذا شعبيته بين اهل مهنته والانتخابات السابقة ونسبة الهدف مثلا تعادل 40%

الاستاذ احمد يوسف له ارضية من اهل مهنته واهل مسقط راسه جزيرة الاحرار وعلاقاته الاجتماعية بالعمار وخارجها ونسبته تعادل مثلا 20% لذا بدأ مبكرا عن سابقيه ليصل لنفس نقطة انطلاق سابقيه

الاستاذ رامي بربش "شخص مثير للجدل" كثيرون تفاجئوا به وباسمه نسبته تعادل تقريبا 2% من الهدف لذا نزلت حملته الانتخابية مبكرا جدا وبقوة نسبية بالنسبة لسابقيه لعمل ارضية له وتعويض الفارق السابق وذلك باستخدام طرق قديمة واخرى حديثة

لذا عامل الوقت الكل يوظفه حسب وضعه والجميع سينطلق قبل الانتخابات من نقطة واحدة وبنسب من الهدف متقاربه الى حد ما

اقتباس :: لذا عامل الوقت الكل يوظفه حسب وضعه والجميع سينطلق قبل الانتخابات
من نقطة واحدة وبنسب من الهدف متقاربه الى حد ما

متفق معاك يا باشمهندس فعلا ..

نقلا عن لسان والدى : محيى عبد العاطى .

الابن العزيز اسلام طلعت

لا يعقل ان اى متطلع للانتخابات ينام ف العسل !!!

نحن متواصلون مع الناس ويبدو أن بعدك عن الناس جعلك تشاهد الامور بما جاء ع لسانك .

وتحياتى لرؤية الابن العزيز باهر حكام .

معلش يا جماعه والدى رد من عندى علشان هو معندوش اكونت هنا ع المنتدى ،، لكن هعمله ان شا الله .. شكرا

أنا موضوعي ده ما كتبتوش غير بعد جدال مع واحد مصمم على إن الكابتن محي مش نازل الانتخابات السنة دي
قلتله لأ نازل إن شاء الله و أنا واثق من كلامي و هو بردو كان متمسك برأيه
لدرجة انه استفزني و خلاني أسأل هو ليه المرشحين بشكل عام سايبين الساحة لواحد بس عمال يلعب و هما واقفين بيشجعوا
و مع احترامي لكلامك يا عم باهر بس لازم يكون فيه طموح و لو الأرضية 99% يبقى الهدف تكون 100% مش الانتظار لحد ما اللي قدامي ياخد شعبيتي و ياكل من نسبتي و أرجع أبذل مجهود من تاني علشان أرجعها لنفس مستواها

ابنى العزيز اسلام :

من أين أستقى هذا ( الواحد ) معلوماته ؟ عن عدم دخولى الانتخابات !

أنا قابع ف العمار ،، حبا ف ترابها ليس ادعاءا بحبها ، ولكن يعلم الله ومن هم ف جيلى مدى هذا الحب

أرجو منك أبنى العزيز ، ان تتحرا عما يصلك من معلومات وأظن هذا أمر بسهل

قد يكون المقصود ان تذاع لعله ،

وانهى كلامى بكلام رب العزه عز وجل :

( ويمكرون ويمكر الله والله خير الماكرين ) .

وقوله سبحانه وتعالى :

( ولا يحيق المكر السئ الا بأهله ) .

محيى عبد العاطى .

ASMAA MO7Y كتب:: ابنى العزيز اسلام :

من أين أستقى هذا ( الواحد ) معلوماته ؟ عن عدم دخولى الانتخابات !

أنا قابع ف العمار ،، حبا ف ترابها ليس ادعاءا بحبها ، ولكن يعلم الله ومن هم ف جيلى مدى هذا الحب

أرجو منك أبنى العزيز ، ان تتحرا عما يصلك من معلومات وأظن هذا أمر بسهل

قد يكون المقصود ان تذاع لعله ،

وانهى كلامى بكلام رب العزه عز وجل :

( ويمكرون ويمكر الله والله خير الماكرين ) .

وقوله سبحانه وتعالى :

( ولا يحيق المكر السئ الا بأهله ) .

محيى عبد العاطى .

حبا في ترابها........م الدليل ؟

الدليل : الانضمام للحزب الوطني الفاسد

انا اعبر عن رأيي الشخصي من وجهه نظري فقط لاغير

اتفقنا او اختلفنا اقتربنا او ابتعدنا لاخلاف حول عزل الوطني تماما وهذا ليس ظلم كما ذكر البعض ....هذا ردا علي صديقي بشمهندس محمود يحيي

اقتباس :: حبا في ترابها........م الدليل ؟

الدليل : الانضمام للحزب الوطني الفاسد

انا اعبر عن رأيي الشخصي من وجهه نظري فقط لاغير

هو حضرتك كتبت الرد ده على اساس ايه والكل عارف الكابتن محي أنضم للحزب الوطنى ليه

وارجع لانتخابات 2000 وأيام عمر عامر وهى ترد عليك

وبعدين مش معنى الحزب الوطنى كان فاسد يبقى كل أعضائه بيكونوا فاسدين

وبعدين الراجل ابن بلدنا شوفت منه فساد

التعبير عن الرأى حرية للجميع لكن لابد الكلام بمنطقية وبواقع

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ردى مناقشة للرد المقتبس

أسف لخروجى عن الموضوع

ردا علي الجميل عمرو البكري وانا علي علم بعودة بشمهندس محمود ليرد بنفه علي ما وجهه اليه ولكن ردك استفزني وهذا ليس معناه انه خطأ ولكن دعني ارد عليك بهدوء شديد كالتالي:
الكابتن محي انضم للحزب بعد مشورة200 رجل في الدوار عن دخوله من عدمه وقام 180بالموافقة و20بالاعتراض وهذا علي لسانه وطبعا كله عارف هو دخل وطني علشان ينجح ونجح والحمد لله .
ايام الاستاذ عمر عامر تكاد تكون متشابهة ولكن الظروف مختلفة وهذا ايضا علي لسانه يعني انا ممكن ياعمرو افسرها لتأييد وجهة نظري وممكن الاخر يفسرها لتأييد وجهة نظره.
هو الحزب الوطني كان عبارة عن رجل كراسي لألأ عبارة عن اعضاء واي مفسدة بتيجي من الاعضاء والكل شارك في المفسدة فكل من يحمل كارنيه حزب وطني شارك ومنهم من شارك مباشرة من القمة واعضاءه الذين دخلوا مجلسي الشعب والشوري وصولا الي امناء وروؤساء اللجان اما من شارك بطريقة غير مباشرة هم من يحملون كارنيه ويحسبون اسما علي الحزب فقط فمشاركتهم اعطت للحزب عددا كبيرا واصبح له قاعدة شرعية وشعبية فالكل شاااااااارك.
فعلا الراجل ابن بلدنا لا خلاف ونعم شاهدت .
الرد اذا لم يرضيني فهذا ليس معناه انه خطأ او غير منطقي وواقعي بل هو الاكثر واقعية ولابد ان تضيف شخصا اخر نازل الانتخابات برده ممن ساهموا في الفساد ولكنه كان صف تاني..

الواقعية أفضل شىء وأن كان كابتن محى لم يدخل الحزب كان هناك الف واحد يدخل الحزب الوطنى وكان هينجحوا وفى الاخر هنجرى ونعمل ومكناش هنوصل البرلمان زى أيام عمر عامر جرينا وعملنا وانضربنا وموتوا ناش وبرضو مدخلناش
ودلوقتى غير زمان لما الكابتن محى دخل الحزب زمان محدش قال انه حزب فاسد الكل كان بيقول الحزب الحاكم وخطوة ايجابية
الكلام بقى اللى بعد الثورة أن الحزب الوطنى كان فاسد يبقى كل الاعضاء فاسدين الكلام ده لو كان فيه خيار لكن زمان للسف مكنش هناك خيارات وهو خيار واحد يالحزب يالحزب

ـــــــــــــــــــــــــــــــــــــــــــــــــــــــــــــــــــــــــــــــ
رجائى الكلام يكون ملائم للوقت ومينفعش أحكم على ماضى فى الحاضر وكل وقت أذان

انا وضحت وجهة نظرى مرتين

وتقريبا ده أخر رد ليا فى الموضوع ده

واسف على الخروج مرة تانية

افتكر انى ممكن يكون محمود يحيى نفسه كان معاه كارنيه عضوية حزب وطنى وكلنا متفقين انى الكابتن محى دخل الحزب لانه كان الطريق الوحيد لوجد كرسى للعمار داخل الحزب الوطنى مش لمحى عبدالعاطى وردك يامحمود مش فى وقته لان لكل وقت ظروف بتحكمه

عندى خبر انى الاستاذ احمد يوسف ابوالنجا بدا يتحرك فى حملته الانتخابيه وعامل مؤتمر يوم الجمة فى الدوار بجوار منزله

الابن العزيز محمود يحيى :

حب العمار لا يحتاج الى دليل

لن أتطرق الى أدله رغم انها كثيره لان الامر لا يحتاج الى دليل

لقوله سبحانه وتعالى : ( ولا تذكوا انفسكم ) صدق الله العظيم

شكرا لابنائى الاعزاء عمرو البكرى ومحمد يوسف لاسترجاعه وتذكره ما حدث عام 2005

أرجو من اخوتى وابنائى التواصل بالمشاهده والحوار والمناقشه الحيه

محيى عبد العاطى .

كابتن محى بدون اى مبررات لاحد كلنا نعلم تماما من هو محى عبدالعاطى ونعلم حبه للعمار وابناء العمار ادام الله عليك الصحه والعافية ودمت للعمار

رجل القضاء كتب:: كابتن محى بدون اى مبررات لاحد كلنا نعلم تماما من هو محى عبدالعاطى ونعلم حبه للعمار وابناء العمار ادام الله عليك الصحه والعافية ودمت للعمار

ربنا يكرم حضرتك ،، شكرا

muhamad yusif allam كتب:: اتفقنا او اختلفنا اقتربنا او ابتعدنا لاخلاف حول عزل الوطني تماما وهذا ليس ظلم كما ذكر البعض ....هذا ردا علي صديقي بشمهندس محمود يحيي

ساكتفي بهذا الرد لصديقي محمد يوسف......

انا لم احمل يوما في حياتي كارنيه حزبي نهائيا ولن احمله يوما ما ان شاء الله

وماحدث في مهزلة الانتخابات الماضية لصالح الوطني ابلغ رد ع اعضاء الوطني جميعا

احنا اولا حاسس انا الجماعه خرجوا من نص الموضوع
وبعدين يا محمود يا يحى احنا عارفين الكابيت محى ومش انا بس وانتا كمان والبلد كلها
مش احسن من واحد منعرفش عنه حاجه
هتقولى قصدك مين هاقولك مادام مفيش اسم انذكر يبقى نقعد ساكتين
ده علشان انا عارف اللى هيتقال

وموضوع انضمام الحزب الوطنى ده حريه شخصيه
ولازم يبقى فيه الحلو والوحش

وانتا لو اتعرض عليك فى يوم من الايام ايام الحزب الوطنى اى منصب على ان تكون عضو فى الحزب
كنت هتوافق احنا هنكدب على بعض

محمود يحيى كتب:

muhamad yusif allam كتب:: اتفقنا او اختلفنا اقتربنا او ابتعدنا لاخلاف حول عزل الوطني تماما وهذا ليس ظلم كما ذكر البعض ....هذا ردا علي صديقي بشمهندس محمود يحيي

ساكتفي بهذا الرد لصديقي محمد يوسف......

انا لم احمل يوما في حياتي كارنيه حزبي نهائيا ولن احمله يوما ما ان شاء الله

وماحدث في مهزلة الانتخابات الماضية لصالح الوطني ابلغ رد ع اعضاء الوطني جميعا

اختلاف الرأى لا يفسد للود قضيه ،، ودا رأى حضرتك ولازم نتقبل الرأى والرأى الاخر

ولو حضرتك محتاج تعمل موضوع منفصل يكون أفضل لاننا كدا خرجنا من الموضوع الاساسى

وبنتكلم عن محيى عبد العاطى والماضى والى كان ،، فياريت نتكلم بقى ف الموضوع الى هو

مرشيحين بلدنا نايمين ف العسل ،، دا اسم الموضوع مش اسمه محيى عبد العاطى بين الماضى والحاضر !!

الأستاذ إسلام طرح عليكم موضوع و إنتوا بتتكلموا في موضوع تاني خالص ...

يا جماعة .. إللي مش عايز يرشح حد ميرشحوش .. عشان دي حرية شخصية و تعبير عن الرأي ..

و لكن خطأ كبير إننا نغلط في أي شخص حتى لو كان مش مرشح للإنتخابات ..

و أرجوا منكم أن تتأكدوا من أي شيئ قبل أن تقولوه .. و يا ريت نبطل طريقة الكلام المستفذه إللي مش بتجيب نتيجة ..

و يا رب يكونوا كلهم صادقين و البلد تستفيد منهم و من خبراتهم ... و الله الموفق ..

khairy el khashab

مكنتش هوافق علشان انا ضد الاحزاب جميعا
ومحبش حاجة تحكمني..........ا
شخص ك/ محي له كل الاحترام......لكن اتكلم عن النائب الوطني السابق ك/ محي
مش شرط اني اختار ابن بلدي علشان المنافسله غريب عن بلدي

ASMAA MO7Y

احنا بنتكلم في صلب الموضوع .....الموضوع اتعمل علشان المرشحين يدخلوا يقوللنا انهم شغلين في الحملة الانتخابية
ونتفاعل معهم اكتر

Abo_Turky

ماحدش غلط في حد ...نحن تنتاقش بالعقل واختلاف الرائ لا يفسد للود قضية

كلام جميل يا أستاذ محمود .. ربنا ما يجيب أي خلاف ..

المهم إننا نختار الشخص المناسب .. و الله يوفقنا جميعا

» صحيفة بلدنا لخدمة بلدنا
» المنتدى والقسم نايمين ليه.............
» مرشحين العمار
» حتى الان مرشحين للعمال والفلاحين من العمار والثالث فى الطريق ....؟؟؟
» صور اطفال زى العسل