لسة الغباء الأمني موجود

يا جماعه مش كل اللى بيتعرض على التلفيزون بيكون حقيقى

يمكن اللى فى التحرير دول شوية بلطجيه وكان لازم يتعاملو معاهم كدا

اجتماع العيسوي مع القيادات بس السؤال هنا مين دوووووووووووووووووووووووووووووووووووووووووووووووووووووووووووول الاول ؟

ابو حذيفه السلفى كتب:

يا جماعه مش كل اللى بيتعرض على التلفيزون بيكون حقيقى

يمكن اللى فى التحرير دول شوية بلطجيه وكان لازم يتعاملو معاهم كدا

كفايه قلق وتوتر الناس مش عارفه تعيش يومها وكله عايش فى رعب لازم يبقى فيه نظام شويه

كل متلخبط فى كله انا مع حضرتك البلطجيه احتلوا البلد وبيستغلوا الفرص لرعب الناس

إسلام كتب:

الموضوع و ما فيه ان فيه جمعية كانت عاملة النهاردة تكريم لعشر أسر من أسر الشهداء في مسرح البالون و المنظمين للحفلة اتفاجئوا بعدد من أسر الشهداء أو حتى بيدعوا إنهم من أسر الشهداء و عايزين يدخلوا فالمنظمين رفضوا و جابولهم الأمن اللي فرقهم و أخد 7 منهم فالباقي خد بعضه و راح على ماسبيرو للمعتصمين اللي هناك و كله راح عالميدان فالأمن المركزي طبعا شرف بعساكره و مدرعاته و شغالين زي زمان قنابل مسيلة للدموع و مدرعات و اللي في الميدان طوب و الأعداد زادت عالميدان لمساعدة أسر الشهداء

و حتى لو شوية بلطجية فبردوا ده غباء أمني في التعامل مع المواقف اللي زي دي
و أهو دلوقتي الأعداد بتزيد في الميدان و غباء الشرطة بيزيد أكتر

علفكره واحد اتصل على احدى القنوات وقال انه كانو عاميلن اعتصام امام ماسبيرو

وجه شوية ناس خدوهم وقالولهم تاعلو معانا احنات عاملين تكريم فى مسرح البالون وراحو معاهم جزء

من اللى كانو فى ميدان التحرير ولما راحو حصل ضرب نار وعنف من البطجيه

وبصراحه محدش عارف الحقيقه فين وبعدين ياعم اسلام

البطجيه دلوقتى معاهم اسلحه زيهم زى الشرطه

يا استاذ اسلام المرو وقفت تقريبا فى القاهره وقدام ماسيبرو مناظر مستنفزه جدا

وبصراحه كفايه كدا بقى مبقاش فى امن ولا امان لازم الاول نامن نفسنا وبنتانا وبعدين نشوف مشكلنا

كل يوم ما القلق بيزيد والبنات فى حاله رعب والناس كلها

كفايه فوضى واستهبال وكل واحد يخطىء لازم يتعاقب ولازم نتفق ان الوقت ده مش وقت مظاهرات

فى الاهم والاهم وبعدين اللى خلى الناس دى تصبر كل السنين اللى فاتت مش قادرين يصبروا سنه كمان البلد يتصلح فيها حالها

بجد انا خايفه الثوره دى تجيب علينا نتيجه عكسيه

ومنلحقش نفرح بيها

100 ف 100 منظمه

الامن مصيبته مصيبه
في ازمة ثقة بينا وبينه
واي واحد دلوقتي لازم يضربله 3 ظباط و6 عساكر علشان يثبت رجولته

في ناس كتير بيتقال انهم شهداء ومصابين الثورة وهم نصابين
هي سبوبة مش اكتر
الاشكال اللي في الميدان باين عليها عايزة ايه

انما التعامل الامني شيء تاني .قمة في الغباء

يا جماعة أنا حاسس كده إننا فى دوامة ومش بيعجبنا حاجة

الوزير قاله عليه خيخه والمفروض يقعد فى قهوة المعاشات , ومش عارف يمسك البلد

ييجي ياخد خطوة جدية شويه ولو كانت متهورة بعض الشئ - إذا افترضنا جدلاً صدق الروايات - الناس تطلع وتبكي على الثورة وعلى الإهانات

أنا متأكد إن كل ثائر حق النهاردة فى بيته , أو على مكتبه أو فى ورشته او فى غيطه بيشتغل ... بيشتغل

أما اللي بيلفوا ويدوروا حالياً دول الناس اللي جايه تلحق اللي باقي من المولد ..وكل واحد ليه أهدافه . , ومش عايز أظلم حد او اتجني على حد ,, يمكن الناس اللي كانت امبارح دي فعلاً هدفهم نبيل , وكانوا زي ما قال اسلام ..فى المسرح , ويمكن اللي تسبب فى الخلاف واشعال الفتيل ناس تانيه , والسيئة تعم الجميع , وحالات الردع الأمني , لابد ان تصيب البعض ممن ليس لهم علاقه ..

أعتقد إننا نهدأ شويه .. ونسيب البلد بقه تشتغل ,

ومع احترامنا للناس اللي أُصيبت ..بس يعتبروا نفسهم فداء للوطن عشان يكون فيه ردع لكل واحد لسه فاضي وبيدور على مصالحه الشخصية وبيدور على التحرير كل شويه ..وعايز وقف الحال والسلام ....

واعتقد إن الأمثلة كتيييييييرة أوي والعمار بنفسها لمساها ..إن مش كل اللي بيروح التحرير أو هيروح كان بتاع الثورة ... ولا أيه ؟؟


عشان كده ياريت تفترضه اللي عندنا عند غيرنا , ومتعتبروةش كل اللي فى الميدان كانوا وطنيين , حول كل وطني صادق وثائر حق عشرة منتفعين , أصحاب أهداف خاصة
وكل يُغني على ليلاه ...