رسالة رقم (8) "امرأة بلا طموح = جسد بلاروح"

الطموح ليس انك تربي اولادك تربية سليمة
الطموح ليس انك تخدمي زوجك
الطموح مش نظافة كويسة وطبيخ حلو وغسيل زي الفل
لان ببساطة الاكل والشرب مش طموح لحد

الطموح يعني عقل له عيون وشايف كويس هدفه واللي عشان يوصله لازم يشغل مخه ويطور نفسه
الطموح علم وعمل
الطموح شجرة بتكبرجوانا من يوم مولدنا لحد مانحقق اجزاء منه ......

معظم النساء قتلوا طموحهم بانفسهم بجعلهم العقل هشا

وهم النفس بان المطبخ والتنظيف اكبر الهموم
وهم النفس بان الاطفال هم سبب كل مشاكلها
الاستمتاع بكل مايريح العقل عن التفكير السليم زي المسلسلات الاغاني الكلام الفارغ
حوادتيت الجيران وشغل البال بكلام يؤخر
حوار البنات قلما انه يبني نتيجة سليمة لعمل جد
اختلاق حجج وهمية للتهرب من اي مسؤلية وبرضه لاراحة العقل
النسبة العظمى منهن اشخاص سمعية جدا وليست بصرية جدا (تسمع حدوتة هنيه جارتها ساعتين باستمتاع احسن من قراءة سطر واحد من اي كتاب)
فقدان الثقة في قدراتهم وتجاهل عيوبهم ومشاكلهم
فقدان الاحساس بالقدرة على الابداع

متال:
بنت مثقفة جدا – قسم اعلام – مرتبه على دفعتها – تخرجت – اتخطبت وهي في عنفواها الفكري والثقافي وكان طموحها هو العمل واثبات ذاتها – بعد عامين وانجاب طفل – تحول العقل "لحتة طينه" لا تعرف متى قامت ثورة 25 يناير......... جلست في بيتها عامين فقط تحولت لست بيت متخلفه لاتعرف سوى اسماء اسرتها وفقط.....اوهمت نفسها بان اكبر همومها الاطفال فقضت عليها سلبيتها

وهذا مثال يتكرر كثيرا جدا في مجتمعنا القروي

زوجة بلا طموح يعني اطفال ومطبخ وغسالة وزوج ومكنسة ومسلسلات رمضان والجيران
تخيلوا مع الحاجات دي كلها دماغها ممكن تفضل مستنيرة على بقايا تعليمها لحد امتى
وهل هتقدر تتواصل مع زوجها فكريا...هل هتقدر تتكلم معاه في اي حاجه
معتقدش....لسبب بسيط انه كل يوم بيكتسب خبرات فكرية مختلفة وهي وصل بيها الحال انها بتطالب الريس بالتنحي لحد الان.

كلام فوق الرائع والممتاز يا بشمهندس
معاك فى كل كلمه
بس مش الست لوحدها اللى مسؤله عن كونها طموحه أولاء
بص حوالينا كده فى المجتمع الشرقى
تلاقى الرجل بيقول لزوجته ولا خطيبته
ممنوع الخروج مفيش شغل أهم حاجه بيتك وعيالك وراحتنا وتربيه الاولاد وتنضيف البيت
هو ده رسالتلك فى الحياه
ويلا سلام لو قالت لاء أنا ليا حياتى وشخصيتى ...يتقال عليها متمرده ومش عاوزه تعيش
أدى أخر التعليم ياريتنا معامناكم إنتوا هتتنططوا وخد من الكلام ده كتييييييييييير
فهل يا ترى تفضل مصممه على اللى فى دماغها ويتقال عليها متمرده ومش عاوزه تعيش؟
ولا تخضع لكلام الناس وتقاليد مجتمعها؟

تمام جدا
اللي بتتكلم عنها دي بقى هي اللي عايزة كده
هقولك ازاي

انتهت من دراستها وزي اي بنت تتمنى تكون حاجه مؤثرة بالمجتمع وخلى بالك من كلمة تمنى دي لانها غير الطموح خالص

المهم جه الحلال واتخطبت ووضعت كل همها في خطيبها واحلام زوجها وعاشت تحت طموحه...وطول الوقت تشجعه ووافقة جنبه وناسية انها كان بتتمنى حاجه ظنه ان ده الصح ومع الوقت يحصل زي ماقلت فوق ويموت حتى التمنى جوها

اما الصح في بنت تانية محدده هدفها من الاول وعشان كده اختارت صح اختارت حد مش مجرد زوج وبس ولكن مساعد ليها في تحقيق طموحها في بيتها واولادها وكمان حياتها وده اكيد بيعود بصورة طيبه على الزوج

البنت الطموحة بجد بختار صح اللي يقدر طموحها حتى لو هتفضل من غير زواج طول العمر

لكن البنت العادية اللي كل همها تتجوز وبيت وزوج واولاد وبس فدي بتفضل طول عمرها في النازل وتدني ثقافتها بيؤثر بالسلب على اولادها وزوجها وكل اللي حواليها

اقتباس :: البنت الطموحة بجد بختار صح اللي يقدر طموحها حتى لو هتفضل من غير زواج طول العمر

شوفت إنت الجمله دى
صعبه جدااااااااااااااا
فوق ما تتخيل ومتحسهاش ولا بتعيش مأساتها غير البنت
بتضطر غصب عنها تدوس على كل الطوحات والتمنيات اللى بالها واللى نفسها تحققها
وفجأه تلاقيها بتعيش مع حد بعيييييييييييد خالص عنها
وبتعيش حياه اقل من التقليديه كمان
وميبقاش فى دماغها غير الحلل والطبيخ
انا بنت وواثقه من الكلام اللى بقوله
صدقنى هو ده اللى بيحصل
مهما كان البنت مكسوره الجناح زى ما بيقولوا ومش هى وليه أمر نفسها فى مجتمع زى مجتمعنا ده

تمام

عارفه البنت دي بقى ولا تفقه شيء عن الطموح ولا عمرها حسته
كل اللي حسته "تمنى" وفقط ومعلمش اي حاجه تحسسها انها طموحه

انا قلت فوق ان الطموح دي بيتولد معانا
في واحده عشان خاطر طموحها "الديني مثلا" عاشت حياتها كلها في خدمة الدعوة وتقدم لها الكثيرون ولكن ليسوا على قدر طموحها

البنت الطموحة دي لا هيهمها كلام الناس ولا الكلام الفارغ عن شبح العنوسة ولا كلام اي حد

لكن اللي عند المعظم "تمنى" وليس طموح

واهو بيعيشوا اللحظه شوية لحد ماييجي بن الحلال وفركش ياطموح قصدي ياتمنى

اقتباس :: انا قلت فوق ان الطموح دي بيتولد معانا

يعنى تقصد إنه مش مكتسب لكن حاجه فطريه بنتولد بيها
المفروض بقى منلومش البنت اللى معندهاش طموح لآنها متولدتش بيه
حاجه فطريه يعنى مثلا زى لون الشعر أو العنين
حاجه متقدرتش تغيرها
يارب أكون فاهمه صح
ولا إيه؟

تمام لكن فين الاصرار على التطوير

ليه افضل طول عمري كده محلك سر ومش بس كده ده كمان الثقافه بتدهور

يبقى نحلها يبقى وندور على طرق لتطوير نفسنا

في مشكلة وهي تدني ثقافتها مع اتساع ثقافة الرجل بحكم اختلاطه بالمجتمع

ودي فجوة كبيرة جدا جدا جدا هتسبب مشاكل كتير في علاقة الزوجين وكمان في ثقافة الابناء

ليه مايبقاش طموحك انك تبقى طموحة
يعني احنا مجبرين نذاكر عشان ننجح

يبقى لازم نجبر نفسنا على تحديد الاهداف والحرب من اجلها تحقيقها ولحظة الوصول للهدف ده هكتسبي معنى "الطموح"

يبقى تحولنا من السلبية اللي الايجابية باكتساب معاني جميلة هتفيدنا في حياتنا

اقتباس :: تمام لكن فين الاصرار على التطوير

ليه افضل طول عمري كده محلك سر ومش بس كده ده كمان الثقافه بتدهور

يبقى نحلها يبقى وندور على طرق لتطوير نفسنا

في مشكلة وهي تدني ثقافتها مع اتساع ثقافة الرجل بحكم اختلاطه بالمجتمع

ودي فجوة كبيرة جدا جدا جدا هتسبب مشاكل كتير في علاقة الزوجين وكمان في ثقافة الابناء

ليه مايبقاش طموحك انك تبقى طموحة
يعني احنا مجبرين نذاكر عشان ننجح

يبقى لازم نجبر نفسنا على تحديد الاهداف والحرب من اجلها تحقيقها ولحظة الوصول للهدف ده هكتسبي معنى "الطموح"

يبقى تحولنا من السلبية اللي الايجابية باكتساب معاني جميلة هتفيدنا في حياتنا

يا سلام على الكلام
هو ده الكلام المظبوط فعلا
وكل اللى فات مظبوط طبعا
بس أنا كنت عاوزه إننا نوصل للحته دى
نتحول لناس إيجابيين منفضلش محلك سر
ونحاول ونحاول حتى لو فشلنا لازم نستمر فى الطريق
لحد لما نوصل للطموح ونطوره
تسلم يا بشمهندس كلام تمااااااااااام

Baher Hokkam كتب:: تمام جدا
اللي بتتكلم عنها دي بقى هي اللي عايزة كده
هقولك ازاي

انتهت من دراستها وزي اي بنت تتمنى تكون حاجه مؤثرة بالمجتمع وخلى بالك من كلمة تمنى دي لانها غير الطموح خالص

المهم جه الحلال واتخطبت ووضعت كل همها في خطيبها واحلام زوجها وعاشت تحت طموحه...وطول الوقت تشجعه ووافقة جنبه وناسية انها كان بتتمنى حاجه ظنه ان ده الصح ومع الوقت يحصل زي ماقلت فوق ويموت حتى التمنى جوها

اما الصح في بنت تانية محدده هدفها من الاول وعشان كده اختارت صح اختارت حد مش مجرد زوج وبس ولكن مساعد ليها في تحقيق طموحها في بيتها واولادها وكمان حياتها وده اكيد بيعود بصورة طيبه على الزوج

البنت الطموحة بجد بختار صح اللي يقدر طموحها حتى لو هتفضل من غير زواج طول العمر

لكن البنت العادية اللي كل همها تتجوز وبيت وزوج واولاد وبس فدي بتفضل طول عمرها في النازل وتدني ثقافتها بيؤثر بالسلب على اولادها وزوجها وكل اللي حواليها

بسم الله

انا كتبت رد فى موضوع عن الزواج والطموح بتاع ا/ حنين

دا ردى ومتمسك به جدااااااااااااا :

من واقع تجربتى (حلوة من واقع تجربتى دى اللى مكملتش سنة)

أنا شايف ان قرار الخطوبة والزواج هو أهم أوجمل وأكبر قرار ممكن تاخده ف حياتك

ومينفعش تقول يا صابت يا خابت

عارفة المشكلة عند الحالة اللى انت ركزتى عليها دى ف ايه ؟؟

المشكلة انها فكرت فى نفسها وطموحتها وووو

مفكرتش فى الطرف التانى هو عاوز ايه ؟؟

هو دا عيبنا

لازم كل واحد يفكر فى الطرف التانى الاول قبل ما يفكر فى نفسه

ويسأل نفسه .. هل دا يعجبه ولا لأ ؟؟

انا مش شايف فى الكلام دا اى عقلانية بصراحة

الخطوبة والجواز او الارتباط عموما مكون من طرفين ( رجل وامرأة)

وهنا كل واحد بيبقى له حيز من التفكير

يعنى كل واحد له فكره الخاص باعتبار اختلاف الجنس نفسه

هنفترض مثلا ان البنت اللى بتحكى عليها دى طموحها انها تبقى مدير عام فى شركة مثلا ..

وهنقول الطرف التانى اللى هو الرجل .. رافض انها تشتغل مثلا ..

هى لو بتحبه فعلا .. تحوال تنقل رغبتها وطموحها وتغذيه بالطموح دا

أقصد تخليه هو كمان طموح

وفى الحالة دى هتبقى هى نقلت طموحها لطموح زوجها وبالشكل دا هيتعدل طموحها للآتى :

طموحها ان زوجها يبقى مدير عام أو احسن واحد ف الدنيا ..

وفى نفس الوقت دا يعلى قدرها امام نفسها وامام زوجها وامام اولادها وامام الناس

يبقى كسبت كل حاجة

لعى عكس انها حققت طموحتها ورفضت الارتباط

هيفضل عندها نقص رهيب فى المشاعر .. والانسان ايه غير مشاعر !!؟؟

ويمكن تكون فقدت قبول الاخر ليها وينظروا لها بأنها متمردة

ومع الوقت هتحس انها محققتش حاجة رغم انها فى مكانة ومنصب كبير

ف الاخر بترجع تنام وتقعد بينها وبين نفسها فى حيرة بشعة ..

فى الوقت نفسه ... علشان مبقاش متحامل على الطرف النسائى

لازم يكون للرجل دور كبير وكبير جدااااااااااااا

الرجل برضه لازم يراعى مشاعر الطرف التانى ويراعى طموحاته

وينزل لرغبة الاخر مش خضوع ولا خنوع انما عن طيب خاطر وحب ورفق ورحمة

لازم يحفزها حتى ولو من داخلها

ومع الوقت طول ما فى تبادل عطاء من الطرفين هيحصل اندماج حتى فى التفكير

لو كل طرف سار بمبدأ (خد)

خد مشاعر خد حب وعاطفة

خد طموح ومراعاة

هتلاقى ان كل واحد مبقاش يفكر لنفسه

وانما بيفكر لغيره

ياريت زميلتك دى تفكر تانى وتسعى لطموح خطيبها او زوجها .. ودا من العقلانية

منتهى ذكاء البنت انها تعرف الراجل عاوز ايه

وتمنحه وتعطيه بشكل مباشر وغير مباشر من غير ما يدرى

تحسسه ان كل أفعاله كويسة

حتى ولو فى فعل مش عاجبه تحاول توصل له بطريقة لطيفة انه أخطأ

والمصارحة لا تعنى التعدى وعدم التجمل فى الحديث بلين ورفق حتى وان كان الكلام بين الزوجين

علشان المودة والرحمة تفضل ما بينهم لنهاية العمر

معلش طولت عليكم

بس الموضوع شدنى واستفذنى

أسال الله العظيم ان يعف بناتنا ويستر عوراتنا

وأن يرزق بناتنا رجالا صالحين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ودا لينك الموضوع لو سمحت لى يا هندسة

[ندعوك للتسجيل في المنتدى أو التعريف بنفسك لمعاينة هذا الرابط]

مثال بسيط جدا عن المرأة الطموحة فى بيتها :

أم الامام الشافعى هى من تمسكت بأن يتعلم وكان هدفها أنه يكون إمام المسلمين وكان

يبقى مينفعش نقول ان البنت لو مخرجتش تشتغل وتمسكت انها تربى اولادها تربية سليمة على قيم عظيمة .. نقول عليها فى الاخر انها متخلفة

بالعكس .. التخلف هو اننا نشوف الام العظيمة اللى عملت أكبر مشروع فى حياتها على انها متخلفة

أعظم مشروع هو مشروع الابن واننا ازاى نكبره على القيم والاخلاق

مش بفلوس ولا شهر ولا جاه

والله المستعان

Amr Emam كتب:: "

أنا شايف ان قرار الخطوبة والزواج هو أهم أوجمل وأكبر قرار ممكن تاخده ف حياتك

/

كلهم قالوا كده في الاول
نتقابل بعد سنة
وحشني ياعم عمرو

متابعه فى صمت
كل الكلام عاجبنى جدا وحساه أوى

الحقيقه موضوع هايل

فعلا لازم البنات يكن

طموحات بقدر الرجل

والتناول الرائع لهموم الأنثى

للبشمهندس الفيلسوف

اقتباس :: بقى مينفعش نقول ان البنت لو مخرجتش تشتغل وتمسكت انها تربى اولادها تربية سليمة على قيم عظيمة .. نقول عليها فى الاخر انها متخلفة

هههههههه حبيبي ياعمور
مقلتش كده

موضوعي راس الموضوع والردود
وانا مش بقنع حد بكلامي
بدليل ان وصلت مع اللاخت دهب لنقطة تلاقي بالحوار

اما موضوع التخلف....

الفرق هنا كبير
ام الامام الشافعي كانت ام مستنيرة بكتاب الله وسنة رسوله
ارض خصبة لتربية سليمة

بتكلم عن واقعنا ......جلوس معظم الستات في البيوت يتلخص في اللي قلت عليه سابقا
مطبخ واولاد ومسلسلات وحواديت الجيران ووضحت انها اصلا مبيبقاش عندها قابلية تقرأ اي شيء

فثقافتها بتتدنى لدرجة انها اصلا متعرفش تربي ابنها
يعني بتجربة قريبة جدا وهي دورة نور البيان
امهات كثير كسالى جدا لتلقي علم الدورة اللي هيساعد كتير في تربية ابنها
اهو دي مات عندها حتى طموح انها تربي تربية سليمة
وتتمنى وفقط وهي قاعدة ومربعة ايدها

اما بقى زرع الطموح في الزوج ليكون مدير مثلا وهي تفتخر بيه

بص ياعمنا

ثقافة "الزرع نفسها" هتجبها منين
ثقافة الاقناع هتجبها منين
الحوار وهات وخد هتجبها منين
اقتراحات حلول لاي مشكلة تجبها منين

مع الاخذ في الاعتبار ان مخذون تعليمها غير كافي وكمان مع عدم التطور بتسوء حالتها الثقافية
لانها لاتقرأ مايشغل عقلها
لاتسمع مايستفزها للحوار والتفكر
لا تتحدث مع ثقافات مختلفة تضيف لها

على الجانب الاخر
تسمع لكلام الحواديت (دي عملت وسوت)
كلام المسلسلات
تعتبر اكبر همومها المطبخ والغسيل والتنظيف

ايام الخطوبة كلامي ده كله ممكن يكون مش بيحصل كتير لانها لسه خارجة من حياتها العلمية طازة ولازم تكون كده جميلة لانها همها الوحيد انت وبس

لكن لو ماخدناش بالنا ممكن بعد سنتين تصبح زي عنوان الموضوع كده

احمد فتحي كتب:

Amr Emam كتب:: "

أنا شايف ان قرار الخطوبة والزواج هو أهم أوجمل وأكبر قرار ممكن تاخده ف حياتك

/

كلهم قالوا كده في الاول
نتقابل بعد سنة
وحشني ياعم عمرو

هههههههههههههههههههههههههههههههه

الشعب يسأل .. ايه النظام ؟؟

عموما هو زى البطيخة .. يا حمرا يا حمرا ان شاء الله [ندعوك للتسجيل في المنتدى أو التعريف بنفسك لمعاينة هذه الصورة]

لك وحشة والله يا هندسة

Baher Hokkam كتب:

اقتباس :: بقى مينفعش نقول ان البنت لو مخرجتش تشتغل وتمسكت انها تربى اولادها تربية سليمة على قيم عظيمة .. نقول عليها فى الاخر انها متخلفة

هههههههه حبيبي ياعمور
مقلتش كده

موضوعي راس الموضوع والردود
وانا مش بقنع حد بكلامي
بدليل ان وصلت مع اللاخت دهب لنقطة تلاقي بالحوار

اما موضوع التخلف....

الفرق هنا كبير
ام الامام الشافعي كانت ام مستنيرة بكتاب الله وسنة رسوله
ارض خصبة لتربية سليمة

بتكلم عن واقعنا ......جلوس معظم الستات في البيوت يتلخص في اللي قلت عليه سابقا
مطبخ واولاد ومسلسلات وحواديت الجيران ووضحت انها اصلا مبيبقاش عندها قابلية تقرأ اي شيء

فثقافتها بتتدنى لدرجة انها اصلا متعرفش تربي ابنها
يعني بتجربة قريبة جدا وهي دورة نور البيان
امهات كثير كسالى جدا لتلقي علم الدورة اللي هيساعد كتير في تربية ابنها
اهو دي مات عندها حتى طموح انها تربي تربية سليمة
وتتمنى وفقط وهي قاعدة ومربعة ايدها

اما بقى زرع الطموح في الزوج ليكون مدير مثلا وهي تفتخر بيه

بص ياعمنا

ثقافة "الزرع نفسها" هتجبها منين
ثقافة الاقناع هتجبها منين
الحوار وهات وخد هتجبها منين
اقتراحات حلول لاي مشكلة تجبها منين

مع الاخذ في الاعتبار ان مخذون تعليمها غير كافي وكمان مع عدم التطور بتسوء حالتها الثقافية
لانها لاتقرأ مايشغل عقلها
لاتسمع مايستفزها للحوار والتفكر
لا تتحدث مع ثقافات مختلفة تضيف لها

على الجانب الاخر
تسمع لكلام الحواديت (دي عملت وسوت)
كلام المسلسلات
تعتبر اكبر همومها المطبخ والغسيل والتنظيف

ايام الخطوبة كلامي ده كله ممكن يكون مش بيحصل كتير لانها لسه خارجة من حياتها العلمية طازة ولازم تكون كده جميلة لانها همها الوحيد انت وبس

لكن لو ماخدناش بالنا ممكن بعد سنتين تصبح زي عنوان الموضوع كده

ماشى كلامك

لكن متحسرش الفكر فى العمل

يا ما فى شباب رجال بيشتغلوا ومفيش فى دماغهم غير البلاك بيرى

ويا ما فى ستات شغالين وتحس انهم لو قعدوا ف بيوتهم احسن

وع الجانب الاخر

فى سيدات ماكثين فى البيت وعندهم حافز رهيب على الاقل لأولادهم ولازواجهم

العبرة مش بالعمل او الشغل

العبرة بالاطلاع وحب الاطلاع

انها يكون عندها الحافز دا داخلى مش سطحى

لانه لو سطحى ممكن بسهولة اى حاجة تأثر عليه

لكن لو من داخلها هيبقى عندها دافع قوى انها تبثه فى أولادها

دا كان قصدى

ههههههه
لو كلفت نفسك وقريت حواري مع دهب ...هههههههه

اقتباس :: تمام لكن فين الاصرار على التطوير

ليه افضل طول عمري كده محلك سر ومش بس كده ده كمان الثقافه بتدهور

يبقى نحلها يبقى وندور على طرق لتطوير نفسنا

في مشكلة وهي تدني ثقافتها مع اتساع ثقافة الرجل بحكم اختلاطه بالمجتمع

ودي فجوة كبيرة جدا جدا جدا هتسبب مشاكل كتير في علاقة الزوجين وكمان في ثقافة الابناء

ليه مايبقاش طموحك انك تبقى طموحة
يعني احنا مجبرين نذاكر عشان ننجح

يبقى لازم نجبر نفسنا على تحديد الاهداف والحرب من اجلها تحقيقها ولحظة الوصول للهدف ده هكتسبي معنى "الطموح"

يبقى تحولنا من السلبية اللي الايجابية باكتساب معاني جميلة هتفيدنا في حياتنا

ده كلامي

وعلى فكرة وحشتني لغة حوارك جدا
فينك من زمان

اتمنى الرسالة تكون وصلت

الحوار ممتع جدا
أنا إستشفيت منه حاجات كتييييييييييييييير
حاجات مفيده جدا
الموضوع بجد هايل وممتاز

Baher Hokkam كتب:: اتمنى الرسالة تكون وصلت

زى الفل ،، استمتعت .. استفدت .. ياريت توصل لكل الناس الرساله دى

طالما استفدتم بقى..ايدكم ع الحساب مبسوط

أسمحولى بعد النقاش الجميل ده

أقول ملحوظة بسيطة جدا عن مسألة الطموح دى

لازم كلنا نبقى عارفين إن الطموح أنواع ودرجات

وخاصة بالنسبة للمرأة سواء بنت أو زوجة

وخلينا نتكلم أكتر عن الزوجة لأن هى دى الفترة الكبيرة فى حياة أى بنت وفترة بداية الحياة يعنى الأهم

الطموح أنواع ودرجات زى :

واحدة طموحها تبقى أم ومربية ناجحة وتربى أولادها صح ( ده طموح)

واحدة طموحها تسعد زوجها وتبقى زوجة ناجحة جدا فى بيتها وبرضه ( ده طموح)

واحدة طموحها تنجح فى شغلها وتبقى نشيطة وإنسانة فعالة فى مكانها ومخلصة ( ده طموح)

واحدة طموحها تكمل دراسة وتفضل تدرس تدرس فى مجال هى بتحبه ومؤمنة بيه ( ده طموح)

واحدة طموها تترقى فى المناصب وتوصل لمكانة كبيرة

واحدة طموحها ( عملى ) واحدة ( نظرى ) واحدة ( أسرى ) واحدة ( مهنى) واحدة ( ثقافى)

واحدة ( تربوى )

وهكذا ,,,, كل دى طموحات وكل اللى عندها أى رغبة من دول تسمى إنسانه طموحة

ومينفعش نختصر ونختزل الطموح على اللى عاوزة تبقى وزيرة خارجية أو أمين عام لجامعة الدول العربية بس

لأ كل دى طموحات وتحترم

المهم إنها تبقى عندها طموح بتعرف تعبر عنه وسلوكها بيقربها منه وعايشة عشانه

مش تبقى عايشة والسلام لا عارفه عاوزة إيه ولا بتعمل إيه _ فى التوهان يعنى _

ـــــــــــــــــــــــــــــ

هكذا يكون الطموح

إنك يبقى عندك هدف عايش علشانه وتبقى عارف إن الخطوة اللى مش بتقربك منه فهى بتبعدك عنه

Baher Hokkam كتب:: الطموح يعني عقل له عيون وشايف كويس هدفه واللي عشان يوصله لازم يشغل مخه ويطور نفسه
الطموح علم وعمل
الطموح شجرة بتكبرجوانا من يوم مولدنا لحد مانحقق اجزاء منه ......

حنين كتب:: هكذا يكون الطموح

إنك يبقى عندك هدف عايش علشانه وتبقى عارف إن الخطوة اللى مش بتقربك منه فهى بتبعدك عنه

تمام

لكن لازال المؤشر لتحديد مدى الصح من الخطأ هو التطور الثقافي

يعني لو الطموح هو تربية الاولاد تربية سليمة والنجاح في البيت
يبقى لازم اطور عقلي واكتسب ثقافات كتير عشان اقدر استوعب تطور زوجي الثقافي واقدر ازرع ده في اولادي

لازم ديما تكون متطلعة لكل جديد مفيد

Baher Hokkam كتب:: طالما استفدتم بقى..ايدكم ع الحساب

هههههه ،، عنينا يا بشمهندس

» امرأة بلا طموح =.........
» امرأة في آخر السطر
» ذكاء امرأة
» النائب المنتظر "امرأة"؟!
» افتخري لأنك امرأة لأن..............