فلان الفلاني...مصطفى ابراهيم ...بالفيديو

فلان الفلاني

فلان الفلاني اللي كان يومها جنبي.

.ساعة لما بدأوا في ضرب الرصاص

فلان الفلاني اللي معرفش اسمه.

.ف دايما بقول يابن عمي وخلاص

فلان اللي سابلي بقيت سندوتشه

..ليلة لما شافني بغنّي و جعان

فلان اللي مش فاكرَه غير شكل وشه..

فلان اللي فتشني بالإبتسامه

فلان اللي قال هو فعلا حيمشي؟

فلان اللي قاللي طريق السلامه

فلان اللي مرضيش ياخد مني أجره

ساعة لما قلت إني رايح مظاهره

فلان اللي قاللي حيتنحى بكره

وحنفرح و نرقص و راح تبقى سهره

فلان اللي يشرب ويسألني عايز ؟

فلان اللي كان وشه مليان قزاز

فلان اللي مطلعش جـوه البرامـج..

وكان بس صوته في قلب الهتاف

فلان اللي روح أكل واستحمى..

فلان اللي ضايع في وسط ال الاف

فلان اللي غرقّلي خل الكوفيه..

و شالني ساعة لما جت طلقه فيا

فلان اللي مات يومها تلزمله ديه..

من ابن الفلاني اللي كل لحمه حاف !!!

الله جميلة

فيه ناس يا ريت تسمع وتقرا الكلام ده

مفيد اوي ليهم ..

مرور جميل ونادر من الهمام احمد عبدالعزيز

اين الجحافل والأباطره

كلام سليم أيها الشاعر ال (Digne )

وجب علي أن اشكر الأحمدين و أقول ,,,, طيبون القلب و مدركين العقول .

إيه رأيكم و متضحكوش عليا .. و الله العظيم أنا أول مرة أكتب في حياتي .. و أخر مره طبعا مبسوط

» حوار مع الأديب الصحفي الكبير ابراهيم خليل ابراهيم
» أ/ابراهيم خليل ابراهيم.....مرحبا بك...والله نورتنا
» مضناك جفاه مرقده.....بالفيديو أنغام
» قصيدة ازرق من مسلسل الجماعه......بالفيديو
» ندوة طب بنها ....بالفيديو