جهــــــــز قلبك

اوعى يكون لسه قلبك ماستعدش
...
ده هو شهر ما فيش غيرو

انا عن نفسى مستني بفارغ الصبر

طب وقلوبكم أخبارها ايه

لسه قلوبكم متعلقة بالمصايف

لسة بتصيفوا مش كده؟؟

هو ايه الموضوع بجد

انا حاسس ان الكل بيجرى علشان يلحق آخر اسبوع فى المصيف قبل رمضان

بدل ما يجرى علشان يجهز لرمضان

وكأننا عايزين نعمل كل الى نفسنا فيه قبل رمضان اصل رمضان هيجيى يكبتنا

لازم بجد نواجه نفسنا بقا شوية وكفاية ضحك عليها

الكلام ده موجه للناس الى جريت تلحق لها يومين قبل رمضان

الى بيحب حاجة بيستناها بفارغ الصبر

وبيعد الايام علشان تيجى

مش عايز يفكر فى حاجة غيرها لحد ما يشوفها ويفرح بيها

وعمال يجهز نفسه ويحلم لما تيجى الحاجة دى هيعمل ايه

طب تعالوا نشوف كده أنتم عاملتوا ايه

أنتم هربتوا على المصايف وما ستنتوش ضيفكم الى جاى

ما ستنتوش ترتبوا له مراسم الاستقبال الى تليق بيه
بختصار قولتم لما يبقى يجيى يحلها ربنا

ده رمضان يا ناس هو ده أى حاجة
شهر واحد 30 يوم بس

يا ترى ربنا هيمد فى عمرى علشان أوشفك يا رمضان
يااااااااه بحبك بجد

وبجد وحشتنى أوى

وحشتنى دموعى فى التراويح الى بتغسل قلبى بجد
وحشنى سجودى فى التهجد الى بيهز قلبى بجد
وحشنى كلامك يا رب
يا رب قرآنك فى رمضان له طعم تانى
يا رب ما تحرمنيش من اللذة دى طول السنة

يا رب بلغنى رمضان وبلغ أمة محمد رمضان

يا رب أرزقنى رحمتك
يا رب ارزقنى مغفرتك
يا رب أرزقنى عتقك من النار
فى رمــــــــــــــــضان
اللهم سلمنى رمضان
وتسلم منى رمضان

اميــــــــــــــــن يارب العالمين

صح عندك حق الايام في رمضان بجد ليها طعم تاني خالص
وبيكون فيه احساس بالراحة جميل اوووووووي
انا عن نفسي بحاول استعد من دلوقتي لرمضان عشان احاول علي قد مااقدر ان ارضي ربنا
بصراحة نفسي رمضان يجي النهاردة قبل بكره
عشان ارجع احس ان انا قريبة من ربنا اوي
بجد موضوع حلو اووووي خلاني اعبر انا قد ايه نفسي رمضان يجي دلوقتي قبل كمان شوية

بجد موضوع حلوو قوى يا اسلام تسلم ايدك يا ريس

كل الناس دلوقتى بدور فعلا تصيف قبل رمضان ومش بتجهز لرمضان خلاص

حتى حلوة يا اسلام

اللهم بلغنا رمضان

شكرا لمروركم

انا معاك يا اسلام اننا لازم نستعد لرمضان بس مش معنى اننا نصيف قبل رمضان اننا هربنا زى ما قلت بس لان رمضان ليه
يومهمينفعش اضيع فيه ولا يوم

وعشان كدا احنا بنتفرغله

المشكله مش فى كدا المشكله ان فى ناس بتستعد لرمضان بالاكل والبلح والمكسرات

ربنا يهدينا جميعا

شكرا على موضعك يا اسلام
وكل سنه وكلكم طييبن

رايك يحترم يا مدام مروة
شكرا لمرورك

» اتكلم من قلبك
» هل لي ان ادخل قلبك ؟؟
» اضحك من قلبك
» خد قلبك بالحضن ،،
» اضحك من قلبك