ورقة عمل لاجتماع صوت البلد الجمعة الماضية

السلام عليكم ...
ورقة العمل دي للبنات اللي ظروفهم منعتهم من حضور الجمعه الماضية
تم انشاء موقع لصوت البلد
الموقع ده نطمح ان يكون اكبر موقع اخباري وصحفي علي مستوي القليوبية بمشاركتكم
الموقع هينطلق علي يوم 5 رمضان ان شاء الله
ومقسم لاقسام تقريبا قريبه من تقسيم اقسام الجريدة
الفكره اننا بنجمع Data للموقع بحيث نشغله من غير مانفضل كل شويه نلف علي معلومات جديده تغذي الموقع
علي الاقل الداتا المجمعه تشغل الموقع شهرين بتوع الافتتاح بقوة

تم توزيع العمل علي معظم الاقسام ومتبقي التالي اللي نطمع حضراتكم تشاركونا فيه

1- قسم حواء : عايزين نجمع مقالات وتحقيقات وكل مايخص المراه.. الفكره ان الداتا المجمعه تكون لاعضاء من العمار ومن القليوبيه عموما واخيرا لو مفيش يبقي علي مستوي مصر....عدد المقالات والتحقيقات لايقل عن 150 موضوع....تم ترشيح رنا محمود واسماء محي وهند طلعت للاشراف علي هذا القسم

2-باب الثقافه والفنون : تجميع قصائد شعر وقصة ومقالات ادبية وكل مايهم عالم الفنون من اعمال لاهل العمار والقليوبيه بحيث لاتقل عن 300 موضوع...تم ترشيح حنين ووردة بلادي لهذا القسم

التجميع من خلال النت في القسمين يعني سواء ماتم نشره علي النت سابقا من بعض الشخصيات او تم نشره في المنتديات او الفيس بوك او تويتر ...الخ
علي ان يكون كل موضوع مفصول ومبين به اسم وصاحب الموضوع وان امكن صورة شخصيه له

يتم التجميع وتفريع الماده علي اقسام (فولدرات) مثلا باب المره يقسم الي مقالات عن المراه---كلام بنات وهو مايهم المراه من الاناقه والصحة وخلافه----تحقيقات عن مشاكل المره----عالم الطفل ويتم التجميع وتقسيم الماده المجمعه علي كل قسم

بالنسبه لباب الثقافه ....يتم التقسيم كالتالي ...شعر -قصة ---مقالات ادبيه---فنون---موسيقي ...الخ ويتم تقسم الماده المجمعه علي الاقسام

يراعي ان تكون الماده من ابداعات اهل العمار والقليوبيه ...

من يريد العمل في الاشراف علي الموقع يبلغنا ومن لايريد فاهلا وسهلا به كزائر
ومن يريد العمل معنا في التجهيز للموقع من خلال ماسبق طرحه فشاكرون له ومن لايريد نرجو ابلاغنا حتي يتم ترتيب شخص اخر للقيام بالمهمه
نشكركم اولا واخيرا علي مجهودكم وسيظل الموقع ملك لمن بدأوا بادرة العمل الطيبة جريدة صوت البلد

تمام جدا يا بشمهندس ..

ASMAA MO7Y كتب:: تمام جدا يا بشمهندس ..

شكرا ياسماء علي تفاعلك ياريت تبلغي هند ورنا واخر فتره لاستقبال الاعمال يوم 3 رمضان ان شاء الله

احمد فتحي كتب:

ASMAA MO7Y كتب:: تمام جدا يا بشمهندس ..

شكرا ياسماء علي تفاعلك ياريت تبلغي هند ورنا واخر فتره لاستقبال الاعمال يوم 3 رمضان ان شاء الله

حاضر هبلغ هند ورنا ،، بس مش فتره قليله شويه يا بشمهندس لغاية 3 رمضان ؟؟

البركه فيكم الكل والله مضغوط ومش عايزين نتاخر في الافتتاح

احمد فتحي كتب:: البركه فيكم الكل والله مضغوط ومش عايزين نتاخر في الافتتاح

تمام يا بشمهندس ربنا يقدرنا ونقدم حاجه كويسه ..

اقتباس :

بسم الله ،،، السلام عليكم

أولا قبل أى حاجة ألف مبروك ع الخطوة الممتازة دى اللى لو صحت إن شاء الله هتبقى حاجة جامدة جدا

ثانيا 3 رمضان مهلة قصيرة جدااااااااااااااااااااااااااااااااااااا ونقول جدا دى مثلا لغاية بكرة الصبح

دلوقتى إنت بتقول 300 موضوع من العمار ومن خارج العمار

فالعدد كبير ومحتاج وقت

لكن أنا ليا ملحوظة صغيرة بعد إذنكم أو اقتراح صغير كده

تعالوا نخلى فيه إشراف ولكن منخليش الإشراف يعنى إن المشرف بس المسؤل عن تجميع الداتا

لأن أنا ممكن أقدر أجيب حاجة لقسم المرأة فيما يخصها أو يخص الطفل

أو حد من قسم المرأة يجيب داتا للشعر والنثر والفنون

فنخليها أوسع من كده بحيث يبقى فيه مرونة ونخلص بسرعة

وبعدين ليا رجاء هو مش شغلى بس هقوله

ياريت الموضوع ميبقاش أسماء على الورق وبس لأ يبقى فيه شغل

يعنى اللى هيمر من هنا ويقول إنه هيشارك يبقى لازم يبقى عند كلمته ويشارك ونشوف منه حاجات ملموسة

اللى مش هيمر ويعبر عن الرغبة دى يبقى نعتبره خارج الليلة بحيث نقدر

نتصرف

وياريت وردة بلادى تدخل ونشوف رأيها علشان أعرف هى هتشارك أصلا ولا لأ

وربنا ييسر إن شاء الله

وكل سنة وحضراتكم بخير ،،،،

متفق معاكي ياحنين في كل كلامك
وشكرا لحماسك دايما لكل المشاريع
موضوع ان كل واحد يتخصص في تجميع داتا معينه بنحاول فيه منشتتش مجهودنا وع العموم الطريقه اللي هتناسبك احنا وراكي فيها
وموضوع 3 رمضان وقت قصير بس الناس كلها مضغوطة والله
وع العموم لو جمعنا 50 ف الميه من المادة وخلال باقي رمضان نكمل يبقي مفيش مشكله
واخيرا كل واحد وطاقته يعني اذا كانت ظروفك تسمح مثلا ب 50 موضوع مقبولين
العمل تطوعي والكل مشكور عليه
ياريت تشوفي وردة بلادي لانها مبتدخلش المنتدي وتدينا ردها
وياريت ف السريع ياحنين ..شاكر حماسك وتواصلك
كل سنه وانتم بخير جميعا

» في نفس الميعاد السنة الماضية
» كأس العالم وتأثيره في ورقة الإختبار
» طالب ترك ورقة الامتحان فارغــــــــة...ونجــــــــــــــح!!
» ورقة اجابة طالب مهنـــــــــــــــــدز ..اضحكت استاذة الكليه
» دعاء الجمعة ..