كلمة....لأم الدنيا....

تذكير بمساهمة فاتح الموضوع :

السلام عليكم ....

والله أحلي حاجة كل يوم لما تيجي تفتح المنتدي أول حاجة تعملها إنك تقول كلمة هنا لمصر ...

لأم الدنيا كلمة من قلبك ، دعاء ، خاطرة ، أي حاجة تيجي علي بالك......

يارب الفكرة تعجبكم...

[ندعوك للتسجيل في المنتدى أو التعريف بنفسك لمعاينة هذه الصورة]

أسيرة الأحلام كتب:: ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر
خايف يوم أصحي
وأفتح الشباك
مالاقيش مصر
ألاقيها لمت هدومها ومشيت
لمت هدومها
علي نيلها
علي هرمها
وطفشت
حلفت ميت يمين ماهي قاعدلنا
ماهي زهقت
تعبت
إتخنقت
أصلنا زودناها
أكننا استعمرناها
ورثناها
مصر البنوتة الحلوة
اللي زي القمر
بقت عجوزة وشايبة
وبان عليها الكبر
خايف يوم أصحي
وأفتح الشباك
مالاقيش مصر ..

..

وبرغم الواد الشيك المتزبرأ

عمور الملفق

وشقاوة شفشق

مش ممكن نغرق

طول مانا بعرق

وبحاول الملم باقي الحب

من قلب الناس

واكتب للشهدا كلام إنشا فضهر الكراس

مش ممكن الاقي عروسة النيل

مرميه فبوكس

مش ممكن اطاطي لنفس الكلب

بدعيها يارب

دعوه من القلب

الناس دي تفوق مالغيبوبه

والجهل يخس

مارجعش اعيط على بلدي مكسورة النفس

لو مش غضبان عالمصريين

رجعهم يعشقوا نفس الأرض

واربطهم تاني بنفس الدين

ورباطه متين

يا مصر ،
وإن قلت بحبك ،
كلمتى ملعونة ..

وإن قلت إنتِ أحلاهم ،
شهادتى مجروحة ومطعونة ..

والله وجانا زمان يا مصر ،
وبقينا ننادى ع الناس ،
والنبى تعالوا حبونا ..

مين اللى قال ،
ع القوطة مجنونة ،
نطلب م الفيفا إعادة مباراة ،
ونترجى الكونجرس الأمريكى ،
إعادة هيكلة المعونة ..

يا ترى الحق علينا ،
ولا الحق ع اللى ربونا .. !
..

مفيش دليل ؟؟؟؟؟

أنا الدليل ..

وطنــــــــــــــى .......أحبكـــ

ياترى مخبيلنا ايه تانى
ياست الكل

نفسي أحضنِك ،
قبل الشمس ماتغيب ..
وآدي مفاتيح الدواليب ،
فيها اللي باقي م الأيام ،
وشوية ورق ..

وإيه تاني .. ؟! ..
والله مافاكر..
عمومــآ ،

كل شئ متسجل عندك في الدفاتر ..
لا قدرت أكون فلاح زي أبويا ..
ولا عرفت اكون مهندس شاطر ،
طول الليل سهران بذاكر ..

والصبح أجري ،
خايف من ديل الجاموسة يلطخ القميص ..

عمومــآ ،
أشوفـِك بخيــــر ..

،،

إرحمينـــا بقي شوية ،،

حرام عليكِ ..

،،

أسيرة الأحلام كتب:: إرحمينـــا بقي شوية ،،

حرام عليكِ ..

،،

ليه كدا ،، دى مصر غلبانة وبنت حلال !

بحبك ،
وبعشق ترابِك ،

وألـِـف المداين ،
وبرجع لبابك ،

وأحس بكياني ،
وكرامتي ف رحابك ،

يقولوا فقيــره ،
يقولوا ، أسيـــــــــــــــــره ،

بشوفِك أميره ،
وأحبك يامصر ..

،،

» أجمل 33 كلمة فى الدنيا
» كلمة حق
» هي كلمة .............؟
» كلمة حق
» كلمة..