الان: فكر معانا "صح ولا غلط"(3) ........للكبار فقط

[ندعوك للتسجيل في المنتدى أو التعريف بنفسك لمعاينة هذه الصورة]

موضوعنا النهارده شائك شوية هو ممكن تكون حالات منفرده وممكن تكون ظاهره

ولكن لحساسية الموضوع وضرورة الكتمان فيه فمش بنقدر نعرف انه حصل ولا

وشعارنا في الموضوع ده "اول النار شرار"

غلطة بسيطة او تساهل بسيط او ذنب صغير بيجر وراه كوارث ممكن يصعب حلها

ابطالنا : (الخاطب - المخطوبة - النفس الامارة بالسوء - الشيطان - محرم)

تبدأ الحكاية وهما قاعدين مع بعض بوجود "محرم" وبعد ذلك ممكن يكون المحرم ده الام

وطبعا لسبب او اخر بتنشغل في البيت وهما بيقعدوا يتكلموا براحتهم ..تمام؟

الشرارة هنا هو عدم وجود المحرم "ثقة في الاثنين"

الخطوة الثانية هي الافراط في الكلام المعسول ولسه المحرم في "المطبخ"

المرة اللي بعد كده اكيد هيبقى للنفس والشيطان دور (مش هيقضوها فرجه) ومش هيبقى كلام وبس في ظل وجود المححرم بالمطبخ

بدأوا يقربوا من بعض وفي الوقت ده نفسهم والشيطان والشرارة بيهيئوا الموضوع لاول لمسة "ومسكوا الايادي"

الخطوة القادمة تفتكروا ممكن تكون ايه ..في ظل وجود الشيطان والنفس والشرارة والمرحلة اللي وصلوا ليها

وكمان خروج المحرم من المطبخ لخارج المنزل وكده بقى الامر اتسهل جدا جدا جدا جدا جدا

وطبعا الشيطان قايم بالواجب ولسان حاله بيقول "كلها ايام وتتجوزوا"

ومن الممكن ان تقع كارثة وندخل في دوامة

الموقف ده ممكن ميحصلش خالص ويصبح خيال وممكن كمان يحصل ولو حصل بيبقى في زمن قياسي اقل من زمن كتابتي لهذا الموضوع

على فكرة الموقف ده حصل وبيحصل وهيحصل لو لم نطفيء الشرارة منذ اندلاعها

ملحوظه/ الامر قد يكون قليل جدا حدوثة ولكنه يحدث

الموضوع ده مهم جدا ويستحق النقاش فعلا
لازم فى فتره الخطوبه يبقى فى حدود وضوابط للتعامل بين المخطوبين
مينفعش الحدود دى يتم تخطيها (حتى لو مفيش محرم)
لآن فى مراقب أكبر من المحرم (ربنا)
البنت لازم تفكر قبل الولد
ياترى لو سمحت ببعض التجاوزات ( هل هفضل عزيزه فى نظر خطيبى) ولا الصوره دى هتختلف
سيبك من شكلك قدامه ....شكلك إيه قدام ربنا وقدام نفسك
يا ترى هتبقى راضيه عن نفسك؟
معلش وجهت كلامى لطرف ونسيت الطرف الأخر والأهم ( الخطيب)
إنت دخلت بيت ناس وأمنوك على حرمته ليه محفظتش عليها؟؟ تصرف مش تمام حتى لو لاقيت قبول وموافقه على بعض التجاوزات
( ومن يتقى الله يجعل له مخرجا ويزقه من حيث لا يحتسب) خلى الأيه دى قدامك على طول ومستحيل تندم

موضوع فى الصميم ياهندسة
وفعلا الحاجات دى بتحصل
بس لازم يبقى فى مراقبة من الاب والام فى البيت
طول الوقت
والموضوع مش قليل حدوثه ولا حاجة
لا بيحصل كتير

دهب كتب:: الموضوع ده مهم جدا ويستحق النقاش فعلا
لازم فى فتره الخطوبه يبقى فى حدود وضوابط للتعامل بين المخطوبين
مينفعش الحدود دى يتم تخطيها (حتى لو مفيش محرم)
لآن فى مراقب أكبر من المحرم (ربنا)
البنت لازم تفكر قبل الولد
ياترى لو سمحت ببعض التجاوزات ( هل هفضل عزيزه فى نظر خطيبى) ولا الصوره دى هتختلف
سيبك من شكلك قدامه ....شكلك إيه قدام ربنا وقدام نفسك
يا ترى هتبقى راضيه عن نفسك؟
معلش وجهت كلامى لطرف ونسيت الطرف الأخر والأهم ( الخطيب)
إنت دخلت بيت ناس وأمنوك على حرمته ليه محفظتش عليها؟؟ تصرف مش تمام حتى لو لاقيت قبول وموافقه على بعض التجاوزات
( ومن يتقى الله يجعل له مخرجا ويزقه من حيث لا يحتسب) خلى الأيه دى قدامك على طول ومستحيل تندم

كلام جميل

لكن المشكلة اللي تخنق انهم بيحللوا الموضوع بجمله "ماهو كلها كام يوم ونتجوز"

ESLAM GODA كتب:: موضوع فى الصميم ياهندسة
وفعلا الحاجات دى بتحصل
بس لازم يبقى فى مراقبة من الاب والام فى البيت
طول الوقت
والموضوع مش قليل حدوثه ولا حاجة
لا بيحصل كتير

المشكلة بتحصل كتير معاك لكن بنسب
يعني مرحلة مسك الايد دي بتحصل كتير جدا

الموضوع فعلا مهم

ف رأيى ان أول طرف الخيط بيبقى عند البنت لأن لكل فعل رد فعل
لألو خطبها حاول يمسك ايديها وهى قابلت دة بسكوت
يبقى دة ف حد ذاتة تشجيع
اما لو قابلت دة برد فعل مختلف ونبهتوا ان حاجة زى دى مش ينفع انها تحصل
لان فى مراحل بعديها اخطر
وغير دة ودة ان ربنا فوق رقيب

يعنى البنت هى الاساس

كالعادة لازم يحكمنا دينا

لما الدين بيقول لازم يكون فى محرم مكنش ده علشان مفيش ثقة لا طبعا

طيب هنا بقى الدين و المجتمع ميرضاش بكده

ميرضاش بأي مرحلة من كده و التساهل في اي مرحلة الاولى مثلا يعنى تساهل كامل

الجملة الشهيرة بقى

اقتباس :: "ماهو كلها كام يوم ونتجوز"

طيب لو متجوزناش ؟؟!! طيب ماهو وارد برضو !

انا شخصيا ارفض مصطلح المراقبة من الاب و الام لأنها مش مراقبة دا شرع ربنا و غير كده ربنا حرمه

قال رسول الله صلى الله عليه وسلم [ ما اجتمع رجل وامرأة إلا وكان الشيطان ثالثهما ]

ــــــــــــــــــــــــــــــــــــــــــــــــــــــــــــــــــــــــــــ

ع الهامش هو الام محرم؟؟؟

اقتباس :: لكن المشكلة اللي تخنق انهم بيحللوا الموضوع بجمله "ماهو كلها كام يوم ونتجوز"

دول يبقوا عبط لو فكروا بالشكل ده
ما أكثر المشكلات اللى بتحصل على أبسط الأسباب والجوازه مبتمش
وبيبقى الكتاب مكتوب وبتتفركش
سيبك من ده كله ...محصلش أى مشاكل الحمد لله والطرفين متفقين لأبعد الحدود
حد ضامن عمره ...ممكن جدا لا قدر الله الخطيب يتوفى
مش بنفول على حد والله مبسوط

لكن فعلا ممكن يحصل كده
كل اللى أقصده إنه حتى لو محصلش تجاوزات فمشرط أبدا إن الخطوبه تكمل

[ندعوك للتسجيل في المنتدى أو التعريف بنفسك لمعاينة هذا الرابط]
ازيك يا هندســـه
انا فى سلسله انا بنزلها كل يـــوم لسه طارح فيها النقطه دى امبــارح

حظر الخلوة بالمخطوبة

فعن جابر- رضي الله عنه- أن النبي- صلى الله عليه وسلم- قال:
"من كان يؤمن بالله واليوم الآخر فلا يخلون بامرأة ليس معها ذو محرم منها، فإن ثالثهما الشيطان" (رواه الطبراني)

خطر التهاون في الخلوة وضرره

درج كثير من الناس على التهاون في هذا الشأن ، فأباح لابنته أو قريبته أن تخالط خطيبها وتخلو معه دون رقابة،

وتذهب معه حيث يريد من غير إشراف ؛ فنتج عن ذلك أن تعرضت البنت لضياع شرفها وفساد عفافها وإهدار كرامتها ،

وقد لا يتم الزواج منها ، فتفقد كل شيء : الشرف وزوج المستقبل ...

للأطلاع على الموضوع

[ندعوك للتسجيل في المنتدى أو التعريف بنفسك لمعاينة هذا الرابط]

دا كلام جميل .. ومثير [ندعوك للتسجيل في المنتدى أو التعريف بنفسك لمعاينة هذه الصورة]

الموضوع فعلا مهم جدا ومتواجد بشكل كبير ولكن بنسب

خلينا نقول إن المعادلة كالاتى

ثقة + خاطب ومخطوبة + المكان المهيأ + غياب الخوف من الله + عدم وجود رد فعل من البنت

= مسكة إيد وأحاسيس مفرطة :)

طيب خلينى أسألك لو الاب أو الام شافك وإنت بتعمل كدة شكلك إيه يا حليوة

طيب سؤال تانى هل فيه أشخاص ممكن يفشكلوا الخطوبة عشان البنت مرضيتش

.. مش عارف !!

..

متابع يا هندسة سلسلة مواضيعك الشيقة

موضوع جامد يا هندسه

بس دا كلوا يرجع على الاهل المفروض

يجيبوا واحد ويقعد وسطهم

ههههههههههههههههه

ويفضل مرمى طول ما هو قاعد

او هو يحاول يراعى ضميره بقى فى البنت دى

اقتباس :: ع الهامش هو الام محرم؟؟؟

لا
ولكن واقعنا يعتبرها محرم وهي في الحقيقة "مراقب" وليس محرم
وانا قلت مثال الام لانها ديما بطلة الجلسات دي

وبعتذر لو الامر اختلط على احد

انا متابعه الموضوع والردود كلها من بدايته ،،

طيب كلامك تمام جدا بس فيه عباره غريبه شويه ع عنيا

اقتباس :: ملحوظه/ الامر قد يكون قليل جدا حدوثة ولكنه يحدث

!!

لا مش قليل جدا ولا مش بيحدث يا بشمهندس للاسف الموقف دا انا شوفته كتير جدا

مع ناس كتير جدا كمان ،،

البنت لما بتتخطب بتعتبر ان دا زوج الدنيا والاخره ومن اول يوم خطوبه الاحساس دا بيتولد عندها

كل الحالات الى شوفتها كدا ،، ومش بتقف عند محطات عادى جدا !!

الولد بيعتبر زى البنت بالظبط انها حلالــــــــــه وعادى يعنى الحاجات دى عادى ما احنا مخطوبين بقى !!

من أكتر الحوارات الى بستغربلها جدا والى بيشلنى بجد الخروجات الى بتتخرج ايام الخطوبه ،، (بدون تفسير)

بيجيلى نقطه ..

ــــــــــــــــــــــــــــــــــــــــــــــــــــ

نفسى بس ف حاجه واحده يفكروا فيها :

مش كل الخطوبات الى بتحصل بتنتهى بزواج ،، ومجرد لمسة الايد حرام ..

كفايه بقى تغيب بجد !!

خلاص نشيل الملحوظة خالص [ندعوك للتسجيل في المنتدى أو التعريف بنفسك لمعاينة هذه الصورة]

احنا اتفقنا بقى ان الموضوع بيتطور بنسب
وحدوث كوارث ده قليل

ASMAA MO7Y كتب:: [size=24]

[size=24]
لا مش قليل جدا ولا مش بيحدث يا بشمهندس للاسف الموقف دا انا شوفته كتير جدا

مع ناس كتير جدا كمان ،،

البنت لما بتتخطب بتعتبر ان دا زوج الدنيا والاخره ومن اول يوم خطوبه الاحساس دا بيتولد عندها

كل الحالات الى شوفتها كدا ،، ومش بتقف عند محطات عادى جدا !!

الولد بيعتبر زى البنت بالظبط انها حلالــــــــــه وعادى يعنى الحاجات دى عادى ما احنا مخطوبين بقى !!

من أكتر الحوارات الى بستغربلها جدا والى بيشلنى بجد الخروجات الى بتتخرج ايام الخطوبه ،، (بدون تفسير)

بيجيلى نقطه ..

مش كل الناس كدا يااسماء اللى شوفتيهم قله قليله

اولا المحرم دة ربنا قال عليه يبقى ينفذ لانى ربنا امر بكدا لحكمته بكل الامور حتى مايخفى داخل النفوس

والحمد لله معندناش اكثر من المحرميين [ندعوك للتسجيل في المنتدى أو التعريف بنفسك لمعاينة هذه الصورة]

نيجى بقى للكلام فى الموضوع

اولا يمكن فعلا بيحدث كدا بس دة بيحدث للناس اللى نفوسها ضعيفه

اما لو الخاطب والمخطوبه عارفين ربنا كويس ومتربيين على خلق واداب معروفه وعارفين ان دة شى غلط

وان دة شى ممكن يحطه ويحطها فى موقف محرج قدام نفسها ونفسه قبل الناس تاكدى انه مش هيحصل

لانى الخطوبه دى ورارد مفيش نصيب بينها وبينه هيبقى ساعتها موقفها ايه فطبعا لازم كل واحدة تحط فى امورها ان

خطوبتها وارد انها لم تكتمل

يبقى لازم تحافظ على نفسها لانى فى الاول والاخر دة شخص غريب عنها والبنت هلا اللى بتدفع الثمن وخسرتها اكبر بكثييييييير

يبقى تحافظ على نفسها وتحافظ على زوجها اللى لسه لا يعلمه

احد غير الله لانى احنه قولنا ان وارد م ان الخطوبه لم تكتمل وتتزكر انه الازم تحافظ على اهلها اللى اعطوها الثقه دى

وتاكدى برضه ان لو الخاطب دة عارف ربنا وشخص بيراعى ربنا فيها وبيحترم بيتها وبيحترمها هى كمان مش هيحدث منه شى

بالعكس هيحافظ عليها وقبل ميكون عليها على شكله واحترام اهلها والناس ليه

وتاكدى المخطوبين اللى هيحصل منهم كدا تاكدى ان ربنا عمرة ماهيباركلهم فى زوجهم وغير دة عمر الاحترام ماهيتواجد بينهم تانى

وبجد الحمد لله الذى عفانا مما ابتلى بيه غيرنا

موضوع ممتاز يابشمهندس بجدربنا يكرمك ياارب

يبقى المفترض اننا مانسمحش للشرارة اصلا
وبالذات في الامور دي نمشي على خط مستقيم
بدون اي تنازلات

أول مره اتناقش معاكى ع المنتدى يا طير :)

طيب تمام بصى يا ستى ف عباره كدا انت قولتيها

اقتباس :: مش كل الناس كدا يااسماء اللى شوفتيهم قله قليله

طيب بداية انا مقولتش كلمة كل دى نهائى ،، انا قولت كتير جدا دى حاجه حاجه تانيه

البنت او الولد لما بيعملوا كدا بيبقوا حاطين حاجه واحده بس ف دماغهم الى هى

دا حلالى وهيبقى جوزى او هتبقى مراتى عادى بقى مش حرام ،،

اغلبية البنات بتاخدها كدا يا طير مش بقول الكل بس حاليا كتير جدااااااا صدقينى

هتقوليلى كلمتك الشهيره ليا :

أسماء يا محيى انتى مش اتربيتى هنا وتربية المدن غير تربية الريف والعادات والتقاليد ..

تمام جدا احب اقولك بنات المدن والريف ف النقطه دى بالذات زى بعض بالظبط

لانهم بيحطوا ف دماغهم زى ما قولتلك قبل كدا ( حلال ماهو هنتجوز بعد كام شهر )

ـــــــــــــــــــــــــــــــــــــــــــــــــــــــــــــــــــ

حكاية انهم يبقوا متربين وعارفين ربنا ،، كلنا عارفين ايه الصح والغلط كويس يا طير بس بردو بنغلط

احنا مش ملايكه ولا معصومين من الخطأ ،، يبقى زى ما قالك بشمهندس باهر

منسمحش للشراره او بالبلدى منحطش البنزين جنب النار ،، بمعنى

نعمل ستوب من الاول بدل ما نسيب نفسنا والنفس اماره بالسوء ،، يارب تكونى فهمتينى يا طير

اقتباس :

أول مره اتناقش معاكى ع المنتدى يا طير :)

طيب تمام بصى يا ستى ف عباره كدا انت قولتيها

اقتباس:

مش كل الناس كدا يااسماء اللى شوفتيهم قله قليله

طيب بداية انا مقولتش كلمة كل دى نهائى ،، انا قولت كتير جدا دى حاجه حاجه تانيه

البنت او الولد لما بيعملوا كدا بيبقوا حاطين حاجه واحده بس ف دماغهم الى هى

دا حلالى وهيبقى جوزى او هتبقى مراتى عادى بقى مش حرام ،،

اغلبية البنات بتاخدها كدا يا طير مش بقول الكل بس حاليا كتير جدااااااا صدقينى

هتقوليلى كلمتك الشهيره ليا :

أسماء يا محيى انتى مش اتربيتى هنا وتربية المدن غير تربية الريف والعادات والتقاليد ..

تمام جدا احب اقولك بنات المدن والريف ف النقطه دى بالذات زى بعض بالظبط

لانهم بيحطوا ف دماغهم زى ما قولتلك قبل كدا ( حلال ماهو هنتجوز بعد كام شهر )

ـــــــــــــــــــــــــــــــــــــــــــــــــــــــــــــــــــ

حكاية انهم يبقوا متربين وعارفين ربنا ،، كلنا عارفين ايه الصح والغلط كويس يا طير بس بردو بنغلط

احنا مش ملايكه ولا معصومين من الخطأ ،، يبقى زى ما قالك بشمهندس باهر

منسمحش للشراره او بالبلدى منحطش البنزين جنب النار ،، بمعنى

نعمل ستوب من الاول بدل ما نسيب نفسنا والنفس اماره بالسوء ،، يارب تكونى فهمتينى يا طير [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

ماشاء الله
لغة الحوار اتطورت [ندعوك للتسجيل في المنتدى أو التعريف بنفسك لمعاينة هذه الصورة]

الحلال والحرام نعرفه تماما
ولكن لازم عشان كلمة حرام تأثر فينا
لازم نأهل نفسنا الاول
يعني طالما الايمان ضعيف والدنيا اقرب للانسان من الاخرة فندخله من باب الدنيا
بمعنى ان ضعيف الايمان ده لو قلتله حرام عليك هتروح جهنم فبتلاقيه بيجادل معاك ولا بيأثر فيه الكلام
لكن لو قلتله اللي بتعمله ده عيب وقلة ادب واحرجته (عقاب الدنيا) فهيعيد تفكيره تاني

ومن هنا اكون فوقته من غلطه
استلمه بعد كده ووضحله ان عقاب الاخرة مقارنة بعقاب الدنيا كبير جدا

صح كده تمام جدا

اقتباس :: ومن هنا اكون فوقته من غلطه
استلمه بعد كده ووضحله ان عقاب الاخرة مقارنة بعقاب الدنيا كبير جدا

نقرب من التفكير علشان نقدر نعدل فيه

اقتباس :: ماشاء الله
لغة الحوار اتطورت

طب الحمد لله مبتسم

اقتباس :: الحلال والحرام نعرفه تماما
ولكن لازم عشان كلمة حرام تأثر فينا
لازم نأهل نفسنا الاول
يعني طالما الايمان ضعيف والدنيا اقرب للانسان من الاخرة فندخله من باب الدنيا
بمعنى ان ضعيف الايمان ده لو قلتله حرام عليك هتروح جهنم فبتلاقيه بيجادل معاك ولا بيأثر فيه الكلام
لكن لو قلتله اللي بتعمله ده عيب وقلة ادب واحرجته (عقاب الدنيا) فهيعيد تفكيره تاني

تمام كدا يا بشمهندس ،، المهم بس ان الولد والبنت يعرفوا حاجه واحده

ان الى ف فترة الخطوبه زيهم زى الى بيكلمو بعض ومرتبطين بدون خطوبه

بالنسه للتعاملات ،، اى تجاوزات بتقبى حــــــــــــرام مش حلال ..

اقتباس :: ومن هنا اكون فوقته من غلطه
استلمه بعد كده ووضحله ان عقاب الاخرة مقارنة بعقاب الدنيا كبير جدا

يسلم فمك يا بشمهندس ..

كالعاده موضوعات البشمهندس باهر المبهره فعلا و المهمه جدا

شايف ان الموضوع ده يخص البنت اكتر من الولد

البنت هي اللى بتدي الفرصه للولد انه يعمل كده هي اللى بتتساهل في حجات كتير توصلهم للمكان ده

و بصراحه عن نفسي لو الموضوع ده حصل و البنت دي سمحتلى اني اعمل كده يبقى متصلحش انها تكون زوجتي لانها سمحت بحاجه مش فوقتها

الله اعلم هنتجوز او لا ممكن لاقدر الله الخطوبه تتفسخ و تتجوز واحد تاني يبقى هي سمحت لحد غير جوزها يلمسها و ده غير مقبول اطلاقا

اللى تعمل حاجه من ورا اهلها او حاجه اهلها لو عرفوا هيرفضوها يبقى اكيد هتعمل حجات من ورايا و انا زوج ليها

من استعجل الشئ قبل اوانه عوقب بحرمانه..

وما عند الله لا يأتى الا بطاعته..

» الان: فكر معانا "صح ولا غلط"(1) ........للكبار فقط
» الان: فكر معانا "صح ولا غلط"(4) ........للكبار فقط
» الان: فكر معانا "صح ولا غلط"(5) ........للكبار فقط
» الان: فكر معانا "صح ولا غلط"(6) ........للكبار فقط
» فكر معانا "صح ولا غلط" ........للكبار فقط