قد العهد والا لأ...؟؟!!

كل عام وأنتم بخير وسعادة ..

انتهى الشهر الجميل .. شهر الطاعات والعبادة ..

شهر القرآن .. فينا اللى جاهد نفسه وغلب شيطانها ..

وخرج كسبان ...

وفى اللى خرج من الشهر زى ما كان ..

قدرنا فى رمضان نمنع نفسنا عن الحلال قبل الحرام ..

ختمنا القرآن أكتر من مرة ..

وحافظنا على النوافل ..

وأقمنا الليل ..

وساعدنا المحتاج ..

ولا تبرج ولا معاكسات ولا نميمة ..

وخرجنا بإذن الله ورحمته مغفور لنا ..

ربنا يتقبل مننا ..

وخلص رمضان ..

ياترى نرجع تانى للذنوب اللى تركناها ..

ياترى صعب علينا نحافظ على اللى عملناه فى رمضان ..

أختى الغالية ..

قدرتى فى رمضان تتخلى عن أدوات التجميل .. ووشك رجع لبراءته وطبيعته ..

والناس التعودت تشوفك من غير مساحيق التجميل ..

وبشرتك رجعت لنضارتها ..

واللبس الواسع اللى لبستيه فى الصيام كان مخليكى أجمل وأجمل ..

ياترى صعب عليكى تفضلى كده ؟!

أكيد مش صعب ..

أخى المحترم ..

قدرت طول رمضان تغض بصرك ..

وكنت بتصلى كل فروضك فى الجامع ..

غيرت نغمة موبايلك وخلتها أدعية ..

والمصحف كان صديقك ..

ومنعت نفسك عن الحلال قبل الحرام ..

ياترى صعب عليك تفضل كده ؟ّ!

أكيد مش صعب ..

طب هترجعوا تانى للذنوب وتستنوا رمضان الجاى عشان نكفر عن ذنوبنا فيه ..

ياترى حد فينا ضامن يعيش لبكرة مض لرمضان الجاى ؟!!

دى فرصة .. مش لازم نضيعها أبدًا ..

تعالوا نعاهد ربنا اللى يقدر يلتزم بالعهد يعيد كتابته ..

أعاهدك يارب زى ما جاهدت نفسى وبعدتها فى نهار رمضان عن الحلال ( الأكل والشرب )

ح أجاهدها وأمنعها عن الحرام ..

مش ح أهجر المصحف تانى وكل يوم ح أقرأ ولو آيتين ..

مش هيضيع الليل تانى منى من غير قيام .. ولو حتى بركعتين ..

أعاهدك يارب اكون بعد رمضان زى ما كنت فى رمضان ..

مثال للمسلم الحق .

أكيد بعد ما تعاهد ربنا لو الشيطان حاول معاك مجرد ما تفتكرعهدك

لربنا ح ترجع عن الذنب .. عشان ما تكونش من المنافقين

أظن كلنا محتاجين نعاهد ربنا .

» هذا هوالشعر والا فلالالا شعر رومانتيكى
» نسينا العهد
» سيدنا محمد في العهد القديم
» اعترف والا...........
» هى دى الصداقه والا بلاااا