اعلانات تحرق الدم

[ندعوك للتسجيل في المنتدى أو التعريف بنفسك لمعاينة هذه الصورة]


لو حد من هواة التليفزيون زييى كدا او من هواة اللى بيحبو يقلبو والسلام ..لازم هتستوقفك احدى الاعلانات الفكسانه والخنيقه ..اعلانات شركه السنبله لتجارة

الادوات الكهربائيه او المتحده لاوانى الطهو ..او شركة داوسن شركة صناعة الاجهزة الرياضيه على أرض مصريه

اعلانات تحرق الدم وكلها ضحك ع الدقون والاشنبه وتحس ان هما بيبالغو ف السلعه لدرجة ان هما بيصدقو نفســــهم

المهم لو انتا حاولت تتابع الاعلانات دى هتلاقى فى شوية حاجات متشابهة كدا بين كل الاعلانات

هتلاقى فى رجال او اتنين بدقون (قالك الدقون دى بقى ياسيدى من اهم اسباب نجاح الاعلان متعرفش بتشد المتفرج وبتعمل روح من الطمأنينه لدى المتفرج للبائع

يعنى راجل بدقن وهيسرق ياشيخ اتقو الله [ندعوك للتسجيل في المنتدى أو التعريف بنفسك لمعاينة هذه الصورة]

وتلاقى الاعلان بيبدأ بحاجه مستفزه يقولك ايه

تنويه هااااااااااااام تعلن شركه اللهو الخفى عن بيعها لاحدث وارقى واجدد الاجهزه المهببه بهباب الرجاء التأكد من علامة الجوده وليس للشركه فروع اخرى

يحسسوك ان هما واخدين توكيل باناسونيك مثلن او اكوا تك [ندعوك للتسجيل في المنتدى أو التعريف بنفسك لمعاينة هذه الصورة]
وبيبتدى الاعلان

اشترى كومبيوتر
مزود

بماوس!
...لا يا راجل قول كلام غير ده

وكمان كيبورد!
لا لا اكيد بتهزر كتير و الله

والمفاجأة

مشغل اسطوانات
هات بوسه بقى كدا كتير وربنا ياعم ده انتو بتخسرو كدا [ندعوك للتسجيل في المنتدى أو التعريف بنفسك لمعاينة هذه الصورة]

و كمان رامات64
ماشاء الله ...... ده على أساس ان وانا بلعب نيد فور اسبيد انزل ازق عربيتى احسن فى اللعبة ده ان اللعبه اشتغلت اصلن

وتلاقى اعلان تانى :
وتلاقى اعلان تانى عن الموبايل يقلك
اشترى الجهاز الاسطورى سى ستمية خمسه وتسعين واتنين من عشره
الجهاز له مميزات كتير
عن طريق جهازنا
ممكن تتصل ب
أصحابك اللى ف الشارع اللى وراك واللى ف الشارع اللى ورا اللى وراك
كلم ابن عمك
كلم ابن عمتك
والمفاجأه الكبرى
ممكن تكلم خالك ف الكويت
ده غير اعلانات الادوات المنزليه
طقم بايركس حرارى 2120 قطعه لست البنات
ولا طقم الصينى البرجوازى اتناشر الف قطعه المزود بغلايه ولبانه وملاحتين


اما والله العظيم.... مابقاش اعلان بقى تضليل وتشويش لصورة السلعه الاساسيه والكل اكيد مش عارف وفى ضحايا كتير