مياه الشرب بالعمار غير صالحة للإستخدام الآدمى !!

اكيد التصعيد له فوائده وهيجيب نتيجة بس ما اعتقدش انى دلوقتى ينفع هياخد وقت وتتطنيش وكده يعنى
فى حل ناس بتعمله وبيقولوا انه تمام
بيغلوا الميه لدرجة عاليه جدا ويحطوها فى التلاجة ويشربوا ويطبخوا منها
ممكن يكون حل للى ما بيشربش غير من الحنفيه
انا الحمد لله ما بشربشى غير من مية الحنفيه لا بنشترى ولا بنملى
لنا الله

على رائك هنلائيها منين ولا منين
ربنا يتولانا

حنين كتب:

سلام عليكم

بدون مقدمات الجواب باين من عنوانه

ودى صورة بتوضح القضية دى نتيجة تحليل عينة مياة شرب من العمار وختم وزارة الصحة عليها وتفصيل

التحليل بتاع عينة المية وكل حاجة فى صورة نتيجة تحليل العينة

[ندعوك للتسجيل في المنتدى أو التعريف بنفسك لمعاينة هذه الصورة]

وأعتقد يعنى هى مش مفاجأة ولا حاجة وكلنا كنا عارفين إن المية اللى عندنا غير صالحة للشرب

والناس اللى مركبة فلاتر أكتر ناس ممكن يشرحوا ده بحرقة ووضوح تام

بس يمكن أنا مصدومة لأنى أول مرة أشوف بعينى حاجة رسمية موثقة بتقول

إن المية اللى بنشربها وعايشين عليها وأطفالنا بيشربوا منها

وبنعمل منها أكل ووووو غير صالحة للإستخدام الآدمى !!

طيب المفروض إننا نعمل إيه ؟؟؟؟؟

نتجه للبدائل اللى هى متمثلة فى :

1- مياة الطرمبة اللى برضه الله أعلم بها

2- مياة المحطات المجانية اللى معمولة جديد فى البلد

ومش معقول هنقعد نحول مية للشرب وللأكل ولكل حاجة واستهلاك كل يووووووووم

3- نشترى مية من محطة المية وبرضه صعبة علي ناس كتير يا إما من ناحية الفلوس أو من ناحية المشقة

4- كل واحد يركب فلتر فى بيتهم ( برضه غالى وهيحتاج تغيير وتجديد ومش هنلاحق ) !!

طيب هنعمل إيه هل مش من حقنا نشرب مية نظيفة ؟!

طيب أنا لو أشتريت مية فى البيت او جبت ميه من محطة التنقية

مفيش أطفال مثلا بتخرج من بيوتها تروح المدرسة وتشرب

هناك وعاااااااااااادى ولا فى المدرسة برضه هيحولوا ليهم مية منقاه ؟

الحل إيه يا أهل العمار ؟

هو غاز ولا كهربا ولا مية ولا عيش ولا ولا ولا ولا ؟!!!!!!!!

الكيل طفـــــــــــــــــــــــــــــح

ضيفى كمان المواصلات !!!!!!!!!!!!!!!!

إسلام كتب:

مواصلات

مية

غاز

كهربا

طرق

نت

عيش

زبالة

الله عليك
احنا عايزين بلد تانيه اصلا