الليلة.. الفراعنة (بنيولوك أمريكي) في مواجهة السحرة

تتجه أنظار العالم أجمع نحو المواجهة الودية المرتقبة بين منتخبي مصر والبرازيل اليوم الاثنين علي ملعب الريان في العاصمة القطرية الدوحة في تمام الساعة السابعة مساء بتوقيت مصر ، ويعتبر هذا اللقاء ليس مجرد مواجهة بين فريقين ، فالجماهير المصرية والعربية تنظر إلي العديد من الجوانب ،حيث أنه أول اختبار للفراعنة تحت قيادة المدرب الأمريكي الجديد بوب برادلي، بالإضافة إلي أنها تريد أن تتعرف علي المستوي الحقيقي للمنتخب الأول في أول ظهور له بعد استقالة حسن شاحتة المدير الفني السابق.

واختار برادلي قائمته وفقا لما رآه الأنسب لتلك المرحلة ،بعد متابعته لمباريات الدوري ،وضم كل من عصام الحضرى ومحمد صبحى وأحمد الشناوي فى حراسة المرمى.. ووائل جمعة ومحمود فتح الله وأحمد فتحى وأحمد المحمدى وأحمد حجازي لاعب المنتخبين (الأوليمبي والشباب) ومحمد ناصف وأحمد سعيد أوكا فى خط الدفاع ، وضم لخط الوسط كلا من أحمد حسن وإبراهيم صلاح وحسام غالى وحسنى عبد ربه ووليد سليمان وعبد الله السعيد وشيكابالا.. وفى الهجوم دودي الجباس لاعب ليرس البلجيكى وعماد متعب ومحمد زيدان لاعب بوروسيا دورتموند الألماني.

وقد استبعد عمرو زكي و محمد عبدالشافي لاعبي الزمالك في اللحظة الأخيرة للإصابة.

وضمت قائمة البرازيل كل من دييجو ألفيس "فالنسيا" ، نيتو "فيورينتينا" لحراسة المرمي ولخط الدفاع : دافيد لويز "تشيلسي" ، لويزاو "بنفيكا" ، تياجو سيلفا "الميلان" ، داني ألفيس " برشلونة" ، مارسيلو " ريال مدريد" ، فابيو " مانشستر يونايتد" ، اليكس ساندرو "بورتو" ، أدريانو "برشلونة" ولخط الوسط : ساندرو "توتنهام" ، لوكاس ليفا "ليفربول" ، لويس جوستافو "بايرن ميونخ" ، فيرناندينيو "شاختار" ، الياس "اتليتكو مدريد" ، برونو سيزار "بنفيكا" ، هيرنانيز "لاتسيو" ، ويليان "شاختار" ، دودو "دينامو كييف".

وخط الهجوم : هالك "بورتو" ، جوناس "فالنسيا" ، كليبار "بورتو"

انا زعلت انه مش ضم ابوتريكه ...ان شاء الله يكون ماتش كويس [ندعوك للتسجيل في المنتدى أو التعريف بنفسك لمعاينة هذه الصورة]

ماتش زفت ولاعيبة زى الزفت
ومدرب اكتع معندهوش فكر خالص
وتشكيلة مش بينلها ملامح
والله المنتخب ده ماهينضف لو جابولوه
مورينيهو حتى ..

من غير الانصاف اننا نحكم عليه من ماتش زى ماتش البرازيل
بس انا متفق انه لازم يغير اختياراتهشيكابالا لاعب غرقان فى المحليه
والمجاملة بلعب احمد حسن لازم تتوقف
ويحاول ايجاد بديل لابوتريكه لنقل الكرة من الدفاع الى الهجوم ما حدش فى مصر بيعملها غيره ممكن حسام غال يعملها بس مش زى تريكه
كسبنا الشناوى حارس واعد وبالتاكيد حجازى ييجى منه بس ما ينفعشى غير جنب جمعة
المحمدى لازم يقعد احتياطى لفتحى مكانه انهارده مش لايق عليه خالص
ان شاء الله الاداء يتحسن فى القادم

لعيبه بتشرب بانحوووووو

خطأ كبير إننا نحكم على برادلى ومنتخب أول تجمع وأول مباراة أمام أعظم منتخباات العالم

بحكم متسرع وردود فعل سيئة وإن حكمنا لا بد أن نكون أكثر إحترافية

برادلى أثبت أنه مدرب فاهم كورة جدا ودماغه متطورة بشكل ممتاز

وشوية وشوية هيثبت فكره هنا وهنحصد دا بمجموعة لاعبين شبان

ممكن يتشكلوا بسهولة

اللى فات فترة وإنتهت واللى جاى فترة تانية خالص

مش هنخلينا دايما نعتمد على لاعبين كبار السن وتخطوا الـ 33 من عمرهم

عشان فكرة نفوز دون تحضير بدايل

برادلى طبق نفس نظام المنتخبات الاوروبية فى الاعتماد العكسى على قدم اللاعبين

شيكا يمين وهو لاعب أيسر والمحمدى شمال وهو لاعب أيمن

المباراة توقيتها للاسف فقط خطأ لان اللاعبين متجمعوش فى معسكر غير مدته فقط اربع ايام

..

تعقيبا فقط على رد مهندس عبده

كفانا يابشمهندس محلية فى فكرنا الرياضى .. وكفانا إنتماءا أعمى لنادى سواء كان أهلى أو زمالك

،،

khairy el khashab كتب:: لعيبه بتشرب بانحوووووو

هعععع

اقتباس :

ومنتخب أول تجمع وأول مباراة أمام أعظم منتخباات العالم

اعظم منتخبات العالم ايه بس ياهندسة
دول كانوا بيلعبونا بالاحتياطى وشوية من الشباب
احنا ماجلناش ولا فرصة حقيقية طول الماتش
اللعيبة كلها كانت مغيببة
عماد متعب طول الماتش ملمس كورة
زى مايكون كان مربى فى المنطقة
وقاعد يدفى قدام المنقد وخايف يقوم من قدامه ليسقع
هو فى مهاجم منتخب يلعب شوط ونصف مايلمس فيهم الكورة ..
والمحمدى ولا كانه استفاد حاجة من اللعب فى الدورى الانجليزى
ومش قادر ينسى طريقة لعب انبى ...
ومحمد ناصف زى مايكون واقع منه عشرة جنيه فى الملعب
وساب الماتش وقعد يدور عليها ..

بصاحة ما حسيتش ان انا بتفرج على منتخب ...

إنت يا عم إسلام بتقابل منتخب إسمه البرازيل بغض النظر عن من يمثله

البرازيل من أكبر الدول بتخرج لاعبين بيكونوا أفضل لاعبى العالم

المدرب الجديد لمنتخب البرازيل بيطبق نظام الاعتماد على الشباب والجيل الجديد

ومستبعد أسماء كبيرة يعنى اللى قابلونا دول مش بدلاء دا منتخب البرازيل

اللى هتشوفه بعد كدة مدعم ببعض اللاعبين اللى غابوا عنه بسبب الاصابة

زى باتو وكاكا

عموما أنا متفائل جدا ببرادلى وحاسه راجل بتاع شغل وصاحب فكر تدريبى محترم

بس محتاج شوية وقت وصبر ومش لازم نبدأ فى النقد من أول 90 دقيقة

،،

ما اختلفناش يا هندسة من انى المستقبل جاى
ولكمن انا والله تحليلى ما لوش دعوة بالانتماءات واكيد انت ما دخلتش جوايا وعرفت اقصد ايه
وهو الاعتماد العكسى على قدم اللاعبين هو ده الخطة
اللى بيعتمد على ده اللى يكون على الطوف ويدخل جوه يشوط او يجيب ضربة جزاء
وبرادلى فقدصانعى اللعب اللى بينقل الدفاع للهجوم اللاعب اللى بيقف على الكوره عشان زمايلوا تاخد اماكنها
وانا متاكد من ضمه لابو تريكه لاحقا اذا داوم على المشاركة الاساسيه
وانا بتكلم من غير انتماء دى كورة يا هندسة
وكنت احب عمرو زكى يكون موجود مكان متعب طالما هنلعب بمهاجم وحيد وغياب ابو تريكه
وكنت احب عبدالواحد يكون موجود بدل الحضرى وما كنتش احب ياخد شريف
ومش معنى خلافنا حتى فى الكوره انك تقولى انتماء اعمى
انا يقول لحضرتك انى انتمائى مبصر والحمد لله

أبدا وإختلافنا فقط فى لعبة والحمد لله

فكرة تنقل الكرة وربط الوسط بالمهاجم فى 4 4 2

اللى بيقوك بالدور دا لاعبى خط الوسط اللى هما كانوا إمبارح حسام غالى وحسنى عبد الربه

واللى كانوا السبب الرئيسى فى انقطاع الوسط عن الهجوم ودا اللى أكده معظم المحللين

صانع اللعب فى خطة برادلى هما "الوينجين اليمين والشمال" اللى بيضموا بأقدامهم العكسية

فكرة تعصبك واللى صدقنى واضح جدا فى ردك الاول وحضرتك حبيت تأكد عكسه

فى ردك التانى ومش هستفيض فيه ::

اقتباس :: بس انا متفق انه لازم يغير اختياراتهشيكابالا لاعب غرقان فى المحليه
والمجاملة بلعب احمد حسن لازم تتوقف
ويحاول ايجاد بديل لابوتريكه لنقل الكرة من الدفاع الى الهجوم ما حدش فى مصر بيعملها غيره ممكن حسام غال يعملها بس مش زى تريكه
كسبنا الشناوى حارس واعد وبالتاكيد حجازى ييجى منه بس ما ينفعشى غير جنب جمعة
المحمدى لازم يقعد احتياطى لفتحى مكانه انهارده مش لايق عليه خالص

تحياتى يا هندسة ،،

وحضرتك يا هندسة اثبتلى تعصبك
بانك مش عايز حد ينقد شيكابالا واحمد حسن
وصدقنى شيكابالا لاعب محلى وده راى ناس كتير
واحمد حسن جاب اخره وخد اللى محتاجه
وكفانا تعصب

أنا أبدا مدافعتش على شيكابالا أو أحمد حسن

ولا شكرت أو نقدت فى أى لاعب

وكل مناقشاتى مع حضرتك كانت على خطة اللعب وفكر برادلى واختياراته

أين التعصب يا هندسة بس .. ؟ ..

أم أنك فسرت تعصبى بسبب مناقشتى لخطة لعب وفكر مدرب !!

تعقيبا فقط على رد مهندس عبده

كفانا يابشمهندس محلية فى فكرنا الرياضى .. وكفانا إنتماءا أعمى لنادى سواء كان أهلى أو زمالك
انت اللى قولت انى متعصب مع انى كان ردى عبارة عن رؤيتى للماتش
وبعدين لا شيكابالا ولا تريكه دول يقربولى انا بحلل من وجهة نظرى اللى شايفه
مش عشان انا اهلاوى انتقد كل ما هو زملكاوى
خلاص يا هندسة كبرنا على النظام ده

وأنا لم أتراجع قط فى رؤيتى لتعصبـك ومازلت أؤكد ذلك

وعليك مراجعة أخر ردى السابق وأنت ستتأكد جيدا

إذا تركت لنفسك روح الحياد

،،

كل واحد حر فى رايه

أكيد طبعا يا هندسة .. وإلا كانت مناقشتنا لن تتم

تحياتى مرة تانية

::

» فيلم أمريكي يحذر >> ......
» دور المدرسة في مواجهة المخدرات
» نــظــريــة المـــوزة !! مواجهة واعتراف
» الحرس يفتقد جهود عبدالغني في مواجهة موتيما في الكونفدرالية
» هل الفراعنة هم بناة الاهرام