رسالة إلى الشيخ على ونيس

اقتباس :

طيب ما توضحوا وجهات نظركم يا جماعة علشان الى محضرش المؤتمر ؟؟

أنا كمان عاوزه أفهم

ياترى الشيخ على ونيس سب شباب 25 يناير الحقيقيين
ولا المخربين بتوع اليومين دول
عاوزين توضيح لو سمحتم
أصل مش كل اللى وقف فى التحرير يبقى من شباب 25

حضرتك اولا الشيخ على ونيس لم يلفظ
كلمة سب نهائى مثلما قال الاستاذ مسعد


اما بالنسبة للثوريين ففعلا احمد عنده حق لان الثورى
الحقيقى ميشوفش اللى بيحصل فى البلد وعلى فكرة ده مش راى الشيخ لوحده ده
راى اكثر من

عالم فيما ضمنهم العالم احمد زويل والكثير وحضرتك
المجال مفتوح لانى نقد وده اقتباس للدكتور ايهاب رفعت فيه ملخص لما جاء فى
الموتمر

وايضا اقتباس للاستاذ محمد عبد الرحمن ( الرجل
لم يتكلم في حق الشهداء ولا نريد أن نبني على كلامه بوجهة نظرنا

الرجل قال بالنص في مسألة الشهداء:
من يريد تقويض هذه العملية بالوقوف في ميدان
التحرير بالأمس واليوم ومنذ أيام ويقتل من العدد ما يقارب الأربعين قال
المحققون من مسافات قريبة ليست هذه ثورة
أنا أفتيت بالأمس على قناة الحافظ بالحرمة قلت
هذا لا يجوز وأجمعت كلمة الإسلاميين على ذلك أيضاً أن النزول إلى هذه
المظاهرات لا يجوز. أتدري ما يعني القتل من قريب يعني القتل من ذات
المتظاهرين وممن قتل في هذا العلامة عماد عفت رحمه الله نسأل الله أن يغفر
له هو علامة وأنا أعرفه خسر الإسلام كثيراً بوفاة هذا الرجل نسأل الله عز
وجل أن يبدلنا عنه خيرا وأن منه خيرا رحمة الله عليه

الرجل يتكلم وبوضوح أنه بنى
فتواه على وجود دلائل على قتل المتظاهرين من قريب (القلة المندسة كما
يقولون)) والكلام واضح جداً وقد خص الشيخ عماد من عامة 40 شهيداً (نحتسبهم
عند الله كذلك والله حسيبهم) )

وده اقتباس للدكتور رفعت وفيه المفيد

(
بالنسبة للمؤتمر : الحمد لله أن مجموعة الرابطة نزلت
لأرض الواقع الحقيقى ونظمت مؤتمر كان يسع أكثر من 1000 شخص بدءاً من المنصة
الى آخر كرسى فى المؤتمر .. وكان المنظمون على أعلى مستوى من التركيز
والتألق فى هذا اليوم .. شكراً لكم

___________________________________________________

ثانياً : الشيخ على ونيس مازال أعلى... بكثير
من أقرب منافسيه .. ويكفى أن كل من بعده لا ناقة لهم ولاجمل ولا أى شىء ..
هو أفضل الموجودين فى هذا المقعد
...
___________________________________________

ثالثاً : الفرق بيننا كرابطة وبين أتباع
المرشحين الآخرين : أننا ندفع من جيوبنا ونتحمل تكاليف أى شىء على
مسئوليتنا لدعم من نراه الأصلح ، ليس مثل الآخرين يأخذون المال من الشخص
الذى يرى هو فقط نفسه الأفضل

_____________________________________________

رابعاً : أشكر المهندس شريف علام على الوقوف
معى حتى آخر المؤتمر وللمهندس كريم .. واشكر إخواننا الذين تركوا المؤتمر
فى بدايته لمجرد سماع كلام يختلف معهم عن الميدان من الشيخ .. أقول لهم
شكراً لمسعاكم ، والمكان الحمد لله اتملى بعدما تركتموه مباشرةً

________________________________________________

خامساً : أول الغيث قطرة ، وبإذن الله كل ليلة
ستمر عربة دعاية للشيخ بالبلدة الطيبة لإستغلال فعاليات المؤتمر بالأمس ..
مرة أخرى شكراً لكل إخواننا

________________________________________________

سادساً : فرق بسيط آخر بين
الرابطة وغيرهم .. العلم الثقافة الأخلاق .. وأظن والحمد لله هذا
المثلث لاينازعنا فيه أحد إذا أضفت عليه الإرادة.)

وده اقتباس ليا ( يقول
غاندى اذا اخذت الدنيا العين بالعين لاصبح العالم اعمى لهذا السبب لن نرد
على اى شخص هو عارف قيمته والحمد لله الموتمر لم يفشل بل كانت علانة ناجحجة
وبالنسبة للاخوة اللى سابوا الموتمر احسن برودة لان بعد مهما مشيوا الناس
اجتاحت المكان وشكرا للجميع )

والموتمر كان ناجح مليون فى المائة بدليل كمية العدد
الغفير الذين حصلوا وجاءوا من بلاد اخرى من اجل حبهم للشيخ على ونيس وطلب
منى شخصيا التوجه للشيخ لسواله علتنظيم اكثر من موتمر فى الرجالات وقريتين
اخرين

ده اخر الكلام واظن الموضوع خلص بكدة

لا إله إلا الله

اقتباس :

سب مين بس يا استاذ مسعد ؟؟

هو انت فاكر انه فيه واحد فى التحرير الان من الثوريين الاصليين

وكلمة سب دى كلمه كبيره ياريت توضح الكلمه بالظبط بلا تصريف

يا ابوحميد بلاش تقول ان مفيش حد من الثوار موجود او مش موجود

حق التظاهر بيكفله اى مجتمع فى العالم كله سواء ده كان فى الثوره او مكنش ...وكلامك مغلوط لان فى ناس كتير جدا

من اللى كانوا موجودين فى التحرير فى يناير ...

اقتباس :

يا زيكو خليك واقعى كلنا عارفين ان فيه فى التحرير ناس محترمه وليها حقوق وبدافع عنها

وفيه ناس تانيه مأجوره ..وفيه ناس منتفعه

مش من العقل انى الاقى ناس بتحرق ودمر واقف اتفرج عليهم حاجه من اتنين

يا احمى المبانى والادرات من الحرائق والتخريب

يا اخرج انا من النص اسيب الجيش يتعامل ( لان الجيش واخد المتظاهرين حجه )

وللاسف كلنا بنعمم وخلاص كل واحد راح التحرير بقى متظاهر وثورجى

ولو مش عاجبك كلامى تيجى معايه بكره ننزل التحرير واوريك بعينك

وخايف كلامى دا يتاخد ويتقال عليه انى بشتم اللى فى التحرير

وهما اللى خلونى ابقى ملتحى وخلو الشيخ على ينزل الانتخابات

الكلام اللى قاله على ونيس هو اللى قاله احمد زويل

بس الفرق انه فيه واحد على هوانا ونسمعه للاخر

وواحد بنصطاد من كلامه من قبل ما يكمل

حاجه تخنق .......

يا عم احمد لو انت ملاحظ الامور ماشيه ازاى بدقه هتلاقى ان اللى ماتوا كلهم اطباء او مهندسين او شيوخ

يبقى معنى كده ان الجيش فعلا كان بيتعامل لكن مش مع البلطجيه كان بيتعامل مع الثوار

ليه الجيش مش بيتدخل على قولك ويقبض على بلطجيه اتصورو والناس كلهم شافتهم ولا هو احنا مبقناش لاقيين حاجه نقولها

ولو على الناس اللى فى التحرير انا نزلت اكتر من مره زي ناس كتير وشفت البلطجيه وشفت الثوار

لكن انا واحد من الناس رايح اتظاهر واجيب حقوقى ...دور الجيش انه يلم البلطجيه دول

ولا لما اجى اقول انا عاوز حقى يقلى ياعم روح علشاان نلم البلطجيه ....فضلنا على كده قد ايه

سنه كامله مش عارفين يلموا البلطجيه ...ياراجل خليك منصف لوجه الله

وبخصوص ذكرك للدكتور احمد زويل ...هو نوه لان الناس تمشى علشان نلم البلطجيه بعكس ما قاله الشيخ تماما

ومع ذلك بسجل اعتراضى على حل احمد زويل لانه غير عملي

يعنى لما اقول محدش ينزل علشان نلم البلطجيه ...انت متخيل ان فى حد هايقف بلطجى ولا حتى جن ازرق ؟؟؟!!

كله هايشوف ليه حته يترمى فيها ...متقليش بقه هايتمسكوا لانها حيله اتقالت طيلت الـسنه الكامله اللى عدت

وعلى ونيس اللى قاله ...انه بيستنكر اعتصام الشباب او سماهم هو كمان بالبلطجيه

وذكر نقطه عن جهل بإن الشيخ عماد قتل من مسافه قريبه وده عكس اللى ظهر فى التحقيقات نهائيا

نفسي اعرف الناس اللى بتدافع عن الشيخ على ... فين المنطق ؟؟

انا كشخص عادي هانتخب على ونيس ليه ؟؟؟ عاوز واحد يرد عليا

****

الشيخ على خسر كتير بنزوله العمار لكن احنا استفدنا انه خارج تفكيرنا فى مقعد العمال كغيره

اقتباس :

ياريت ياجماعه اللى محضرش المؤتمر مايتكلمش على لسان حد احنا حضرنا المؤتمر وسمعنا وبنقول رأينا بكل حيادية وحرية

ايه مبرركم ف الدفاع عن الشيخ ؟؟

إحنا أيوه محضرناش
لكن الشيخ على ونيس مش محتاج إنك تحضرله مجرد مؤتمر علشان تدافع عنه
ومش انا اللى هتكلم عنه
وعلى فكره أنا مش هنتخبه
بس الحق أحق أن يتبع
وهو مش شخصيه غبيه علشان يغلط فى شباب الثوره الحقيقيين

هو ده مبرر الدفاع عنه

مينفعش طبعا الكلام ده الشيخ على مش معصوم من الخطأ ممكن يخطأ زى اى حد مننا

اللى قاله فى ناس بتعتبره غلط فى معتصمي التحرير وفى ناس لأ

علشان كده اللى حضر يقدر يحدد اذا كان هايعتبر كلام الشيخ خطأ او مش خطأ

انما الدفاع الاعمى ده بلاش منه .....وتعليق من التعليقات اللى قالها على البنت اللى اتعرت

قال ايه يعنى بنت اتعرت مهو التيلفزيون مليان بنات بتتعرى محدش اتكلم ليه !!

انا حضرت المؤتمر كامل يا باشا

ومنتظرين احمد صلاح يرفع الفيديو ...طالما مش عاوز تتكلم وتنورنا باللى قاله الشيخ

ده ايجاز بالردود اللى عمله لينا استاذ محمد عبد الرحمن

احب اشاركم بيه


هذه الوثيقة محاولة لتجميع كل ما قيل بهذه المجموعة في المؤتمر وعنه حتى لا تضيع الذكرى وقسمت ل3 أقسام

1. مما قيل من خارج الرابطة
   
2. مما قيل من أعضاء الرابطة
   
3. مما قيل للرد على ...
   

وسيتم تغذية الوثيقة بكل جديد








أولاً: مما قيل من خارج الرابطة





ابو اسلام الجامد


واللة ان فى اشد حالات سعادتى وفخرى بشباب بلدى المثقف والمحترم واتمنا
ان يكون اولادى مثلهم اللة على حسن الادارة واللة على الادب فى التنظيم
لااجد غير دعائى الى اللة بنصرة دينة


--------------------


Abdo Farag كتب:


مازال مرشحى العمار يعيشون فى وهم ان اهل البلد ينتخبوهم احسن من
الغريب-واقول لهم خاب مسعاكم-فسوف يحصل الاخرين على الاغلبيةلانهم يتحركون
فى بلدتنا اكثر من اهلها-فلقد انبهرت بمؤتمر الشيخ ونيس من كثرة الحاضرين
وروعة المنظمين بالرغم من تحفذ الكثيرين لاحراج الضيف او افساد العرس ولكن
وجوة المقاتلين اخرصت الالسنة مااعظمكم ياشباب العمار وتحيا يامصر..


اقولها باعلى صوتى لاتشكرونا على دعمكم لانة نقطة فى محيط اعمالكم فمن
كان يفعل شىء ابتغاء مرضات الله لايريد جزاءا ولاشكورا واعلموا انة كلما
اشتد النقد كلما زاد الحب والشعبية وتجلدى للشامتين اريهم انى لريب الدهر
لااتضعضع


--------------------


Ayman Elshimy


الله عليكوا يااخواتى تسلموا ويسلم كلامكوا كده الواحد نفسه تتفتح تانى
بعد الاحباط وحسبنا الله ونعم الوكيل فى اخونا البعده اللى ضد التيار
الاسلامى


ربنا معانا


--------------------


مهندس محمد عثمان معروف

• تحياتي الي كل الشرفاء من اهل العمار من عرفتهم شخصيا وتشرفت بهم
  لم يجمعنا نسب ولا مال ولا مصلحة دنيا ولكنه الحب في الله جمعنا خدمة هذا
  الدين اقول لهم نصيحة اخ اصغر ها انتم قد بداتم الطريق فاعلموا ان الطريق
  صعب ومليئ بالشوك في انفسكم فقد بداه رسول الله صلي الله عليه وسلم اسوة
  لكم ها قد بداتم لتواجهوا التعصب والجهل والبدع والعادات السيئة فاصبروا
  واثبتوا واستعينوا بالله ولا تيئسوا واشهد الله اني احبكم في الله واسال
  الله العلي العظيم ان يظلنا تحت عرشه يوم لا ظل الا ظله
  

• لقد كنتم متالقين بالأمس فالي مزيد من التقدم باذن الله
  وليعينكم الله علي ما انتم قادمين عليه وتمني ان تكونوا يد واحة كما كنتم
  بامس
  

--------------------


Eng Darsh


كنتم أجمل ما فى المؤتمر .. ربنا يزيد ترابطكم وجمعكم


--------------------


Karem Elbob


شباب العمار المؤيدون للتيار الاسلامى كل الشكر والتقدير على هذا
المؤتمر .وان كان يشوبه بعض المعوقات المحزنه والمخجلة ولكن ندين لكم
بالشكر لاتاحة الفرصة لسماع المرشح المحترم الشيخ/ على ونيس وان كنت اختلف
معه كثــــيرا ولكن.. كنتم اطيب ما ف المؤتمر .اتمنى لكم الاستمرار
الناجح والمنظم ..


--------------------


Ahmed El-toukhy


الحمدلله الموتمر تم بنجاح ونشكر جميع اهالى العمار وجميع من حضر من
البلاد المجاوره وشكر خاص للشيخ العلامه محمد عبد المقصود لقبول دعوة شباب
العمار المؤيدين للتيار الاسلامى لمناصرة الشيخ على ونيس


--------------------





ثانياً: مما قيل من أعضاء الرابطة





Mohammad Abdel Rahman


أشكر كل الشباب المحترمين شباب التيار الإسلامي وشباب الرابطة ولن أخص أحد فالكل سواء


والله وبملئ الفم أن ما فعله حب الإسلام كدافع لا تفعله كنوز الأرض


حينما يقف شاب طبيب ليؤمن المؤتمر ويقف في الشارع خارج المؤتمر لمدة ساعتين ليحرس


حينما يقف مهندس سعيداً حتى لو قام بأقل دور وسط شباب الرابطة


حيمنا نطلب واحد فنجد عشرة وحينما نطلب يد فنجد أيادي


أقسم بالله لو كنوز الأرض تجمعت ما فعلت ما رأيت وما جمعت من تجمع اليوم


فليهنأ كلا ببضاعته ولنهنأ ببضاعتنا


أفخر أني منكم يا شباب المؤيدون أفخر أني معكم ورب الكعبة أنتم الأمل وأنتم المستقبل


وكلمة صغيرة في أذن الجميع: مبروك نجاح أول مؤتمر لكم وليس آخر مؤتمر


التفاني والإخلاص أخلاقنا نحن المسلمون


أما عن ختام المؤتمر فهو صنيعة وليس طبيعة وكلنا نعلم جيداً ولسنا في حاجة للشرح


ولكن كما قال حكيم:


( الأحمق . . . لا ينفك عن نقص وخسران ).


--------------------


Islam Nour Allam

• الف مبروك يااخوة الاسلام؛؛اصبحتم اليوم واقع على الارض ونجحتم
  نجاح يفوق الوصف والخيال اشكركم جميعا من اعماق قلبى والى مزيد من
  الانجازات والنجاح فى اطار من الحب والود والتأخى وقبل ذلك كله الاخلاص
  لله رب العالمين؛؛بجد بجد الف مبروك وبارك الله فيكم
  
• اتكلم عن التنظيم والتامين ووقوف الشباب يد واحده من اجل انجاح
  المؤتمر تنظيميا وامنيا اما راى الناس فى الشيخ على وفكره فلكل شخص الحريه
  فى ابداء رايه وله كل الحريه فى اختياره او عدم اختياره اما من حاولو
  افساد المؤتمر او التشويش عليه فهم معروفين وندعوا الله ان يعينهم على
  انفسهم وكفى
  

--------------------


Ahmed Salah


يوم الجمعه 23 / 12 / 2011


كان من اسعد ايام حياتى ولن انساه


تيحه طيبه مباركه لكل اخوانى المنظمين للمؤتمر


بدايه للاخ احمد صفا المسؤل عن الفراشه والكهرباء


والاخ عادل واسماعيل محمود البسيونى على تعاونهم معانا


وكل اخوانى فى التنظيم واهمهم الذين قامو على حماية الصوان من الخلف


( الجنود المجهوله)


وباقى اعضاء التنظيم


والقائمين على التنظيم من اخواننا المسافرين فى الخارج


جزاكم الله عنا كل خير


احبكم فى الله


--------------------


إيهاب رفعت نورالدين


بالنسبة للمؤتمر : الحمد لله أن مجموعة الرابطة نزلت لأرض الواقع
الحقيقى ونظمت مؤتمر كان يسع أكثر من 1000 شخص بدءاً من المنصة الى آخر
كرسى فى المؤتمر .. وكان المنظمون على أعلى مستوى من التركيز والتألق فى
هذا اليوم .. شكراً لكم


--------------------


Zezo Allam


شكرا لكل الشباب الجميل اللي شارك في مليونية الشيخ على ونيس بالعمار
الناس كلها منبهرة بالحضور الغفير ونجاح المؤتمر اللي غيره من المرشحين
الذين أمامه لن يجرؤا على عمل مؤتمر جماهيري مثله واحترمه على توضيح رأيه
بصراحه وبدون نفاق وأدعاءات مثل كثير من المرشحين وربنا يوفقه ان شاء الله


--------------------





Abdallah Ahmed Eldeeb كتب:


و الله ازددت حبا و احتراما واجلالا و تقديرا للشيخ على ونيس فظهر جليا
ان الشيخ اشد تمسكا بثوابته واخلاقه مما كنا نعتقد فالشيخ لم يكن ليتخلى
عن اخلاقه مهما كانت الثمن فالشيخ لم يرد على السؤال الفقهى بتاع الحج
جمال رغم الحاحه (لان شيخه الشيخ محمدعبد المقصود معه فى نفس المجلس وهذا
من الادب العالى الا يجيب الشيخ فى حضرة استاذه ) ومع العلم ان السؤال كان
تافها جدا ويرد عليه بكل سهولة ويسر وسمعنا اجابته الف مرة و الشيخ يعلم
هذا بكل تاكيد ويعلم ان عدم اجابته قد تعرضه لخسارة بعض الاصوات
......(لكن الشيخ كان على استعداد ان يفقد اصوات العمار باثرها ولا يفقد
احترامه لشيخه)........لهذا ازددت احتراما له وقناعتا به و بانه لو وضعت
امامه الدنيا باثرها فهو لن يقبلها على حساب دينه باذن
الله.............فمخطئ كل الخطئ من يظن ان الشيخ اسهمه نزلت عند محبيه
فالذى يتامل هذا الكلام المسطر فى الاعلى يجد اشيائا لا يقدر عليها اى من
اقرانه ومنافسيه انها يا اخوتى اداب الاسلام فى اروع صورة


--------------------


Ibrahim Mohamed


والله الواحد كان سعيد جدا اليوم بتجمع الشباب . وحبنا لبعض .


وترابطبا مع بعض لااحد يتعالى على الاخر ولا احد يسخر من اخر


فكلنا اخوه فى الله . احببنا الله فى بعضنا وجعل لنا من كل ضيق مخرجا





ثالثاً: مما قيل للرد على ...





Abdo Farag


عايزين نعرف اية اللى حصل فنحن فى عصر الشفافية وان لم تنشروا كل شىء ضاع كل شىء


--------------------


إيهاب رفعت نورالدين


نص ما قاله الشيخ علي ونيس قبل إنسحاب فريق الدولة المدنية :


أن الوصول إلى شعب مصر لابد أن يكون عن طريق العقول شعب مصر أثبت أنه
شعب يفهم شعب مصر أثبت أنه شعب يعي شعب مصر أثبت أنه شعب يختار ويستطيع أن
يختار. علينا فقط ان نفسح له المجال أن نعطيه البحبوحة لكي يعبر عن رأيه
إذا اعطيناه ذلك فسيخرج لنا الذي يريده الناس وقد قال النس لا نريد إلا
اصحاب الأيادي النظيفة قال الناس لانريد إلا من يخاف الله قال الناس لا
نريد إلا من يتقي الله هذا الذي رأيناه فلماذا غضبتم وإستكبرتم


من يريد تقويض هذه العملية بالوقوف في ميدان التحرير بالأمس واليوم
ومنذ أيام ويقتل من العدد ما يقارب الأربعين قال المحققون من مسافات قريبة
ليست هذه ثورة


أنا أفتيت بالأمس على قناة الحافظ بالحرمة قلت هذا لا يجوز وأجمعت كلمة
الإسلاميين على ذلك أيضاً أن النزول إلى هذه المظاهرات لا يجوز. أتدري ما
يعني القتل من قريب يعني القتل من ذات المتظاهرين وممن قتل في هذا
العلامة عماد عفت رحمه الله نسأل الله أن يغفر له هو علامة وأنا أعرفه خسر
الإسلام كثيراً بوفاة هذا الرجل نسأل الله عز وجل أن يبدلنا عنه خيرا وأن
منه خيرا رحمة الله عليه


--------------------


إن الثورة لما قامت كانت كانت فيها شيئاً من القتل لكن من أين من أيادي
السلطة أما الآن فالقتل من ذات المتظاهرين ويحكون أن الذين يقفون هناك
يتكلمون بأبذأ الألفاظ وبأقبح الألفاظ وبأسوأ الإشارات من النساء الاذي
ينبغي أن يكن حرائر وأن يشملهن الحياء يشيروا إلى الظباط يشيروا إلى
العساكر إشارات يستحي منها الرجال هؤلاء لا يعرفون شيئاً عن الأخلاق فما
بالك فكيف بالإسلام إن الذين يخرجون هذه الأيام يريدون تقويض ما تم من
عملية إنتخابية في المرحلة الأولى والثانية ويريدون تعطيل المرحلة الثالثة
أو تشويه المرحلة الثالثة


Ahmed Salahمبدأ مرفووض عندى نهائى ...يا اما معاكم يا اما بقيت ضدكم ؟؟؟


يا الله على بتوع التحرير وابقى مناضل وثورجى وسياسى


يا لاء وابقى خاين وعميل !!


ارحمونا بقى ارحمونا


امال عقولكم راحت فين ؟؟


--------------------


Mohammad Abdel Rahman


ما زالت منابر اللطم والنياحة في مآتم الفكر الإستعلائي تقدم الجديد في نقد كل ما هو إسلامي مقارنة بكل المعايير القياسية


كبضاعة وحيدة لعرض أنفسهم


سؤال لو سمحتم


أين أنتم من هذه المعايير


همسة في أذنكم أتقوا الله فالإمور لا تقاس بهذه الطريقة إنما تقاس بالوزن النسبي


حد فهم حاجة


--------------------


إيهاب رفعت نورالدين

• رأى الشيخ على ونيس فى المتظاهرين هو وجهة نظر انا شخصياً أختلف معه فيها ولكن هو رأى الكثيرين ، وعلى قمتهم د/أحمد زويل
  

• الشيخ على ونيس مازال أعلى بكثير من أقرب منافسيه .. ويكفى أن
  كل من بعده لا ناقة لهم ولاجمل ولا أى شىء .. هو أفضل الموجودين فى هذا
  المقعد
  

• الفرق بيننا كرابطة وبين أتباع المرشحين الآخرين : أننا ندفع من
  جيوبنا ونتحمل تكاليف أى شىء على مسئوليتنا لدعم من نراه الأصلح ، ليس
  مثل الآخرين يأخذون المال من الشخص الذى يرى هو فقط نفسه الأفضل
  

• أشكر المهندس شريف علام على الوقوف معى حتى آخر المؤتمر
  وللمهندس كريم .. واشكر إخواننا الذين تركوا المؤتمر فى بدايته لمجرد
  سماع كلام يختلف معهم عن الميدان من الشيخ .. أقول لهم شكراً لمسعاكم ،
  والمكان الحمد لله اتملى بعدما تركتموه مباشرةً
  

• أول الغيث قطرة ، وبإذن الله كل ليلة ستمر عربة دعاية للشيخ
  بالبلدة الطيبة لإستغلال فعاليات المؤتمر بالأمس .. مرة أخرى شكراً لكل
  إخواننا
  

• فرق بسيط آخر بين الرابطة وغيرهم .. العلم + الثقافة +
  الأخلاق .. وأظن والحمد لله هذا المثلث لاينازعنا فيه أحد إذا أضفت
  عليه الإرادة
  

• الدكتور على ونيس الوحيد عضو بحزبى الأصالة وحزب النور .. ينتمى
  الى ( ثانى ) أكبر قوة فى البرلمان المصرى .. وأراهن عليه بإذن الله أنه
  عضو مجلس الشعب القادم عن دائرتنا عن مقعد العمال
  

فالدكتور على بإنتمائه الحزبى لحزب من أقوى أحزاب مصر يجعله مرشح مؤسسى يلتزم بكل ماالتزم به الحزب المنتمى اليه


--------------------


Zezo Allam


رسالة الى محمد صلاح عجاج الذي قال ان المؤتمر فاشل أنا لن أعقب على
كلامه أنا هقولكم جملة واحده بس أقسم بالله قالهالي وده نصها ((والله انا
مش مقتنع برامي بربش خالص انا بس بقعد عنده علشان بيعملي مصالح وبستفاد
منه وكل اللي هناك قاعدين علشان كده ولولا كده ان مكنتش هقعد عنده))وبعد
ماخرج من المؤتمر طبعا انتوا عارفين راح فين علشان يحكي موقفه البطولي.


--------------------


Mohammad Abdel Rahman المؤتمر اللي نظموا أطباء ومهندسين ومحاسبين
وناس مديرين في شركات محترمة وطلبة طب وهندسة وتجارة و.. - وحضروا العالم
الجليل فقيه مصر ورئيس حزب الأصالة والمرشح العالم الفقيه - وشرفوا جمع
غفير من مشايخ قرية العمار ممن يرتقون المنبر وخيرة أهل البلد والناس
الكبيرة


قام يتكلم فيه ويزعق للأسف مين حد يعرف يوصف من ذكرت يا قبطان ولا الناس التانية اللي قامت هيصت ويوزنها جنب من ذكرتهم بميزان واحد


ولكن هذه هي العادة في أن يطفوا الزبد ولكنه وإن كثر لا يعدوا أن يكون زبد ويذهب جفاءاً


--------------------


Abdo Farag يافتى لو لم يحدث ذلك منهم لما تاكدت ان المؤتمر نجح
بامتياز فلم يستطيعوا الصبر علية من شدة الروعة وحرقتهم نار المحبة بين
الاخوان فهاجوا وذهب عقلهم وكان مافعلوة دعاية جميلة للشيخ لان المؤتمر
اصبح حديث المدينة-يظنون انة خير لهم ولكنة مقلوب عليهم فهم عبدة الدينار
والدرهم

استاذ محمد الشوربجى

ياريت حضرتك تلتزم بردك او كلامك مش كلام اخرين مع احترامى لهم جميعا

المنتدى مفتوح للجميع من يريد المشاركه فأهلا به ومن لا يريد فأهلا به ايضا

المنتدى قائم بذاته له أعضاء لهم كامل الحريه فى ابداء ارائهم مع حفظ الاحترام بيننا جميعا

ومن يريد مشاركتنا فأهلا به فى اى وقت