إسلام
نائب المدير العام
عدد الرسائل : 2667
الحالة : متزوج
تاريخ التسجيل : 09/03/2007
التـقــييــم : 12
 |  موضوع: ساهم في حل أزمة أنابيب الغاز في العمار  الجمعة 24 فبراير 2012, 6:11 am | |
|
مش عايز يكون ليك دور في حل مشكلة أساسية من مشاكل بلدك؟
مش عايز تساهم في وضع حد للبهدلة اللي أهل بلدنا بيعيشوها يوميا و المرمطة بعد نص الليل علشان أنبوبة غاز؟
ما نفسكش أنبوبة الغاز يبقى ليها سعر ثابت و تتباع بنظام و انتظام و بالنهار مش بالليل؟
الحل سهل جدا و بإيدك و أيادي شباب بلدنا هنقدر بإذن الله نحل المشكلة دي و نخطيها لحل مشكلة تانية و تالتة و رابعة و التغيير هيكون بإيدينا احنا
كل اللي مطلوب منك تكتب بس يوم واحد في الأسبوع ممكن تساهم فيه بوقتك
الموضوع باختصار ان فيه مجموعة محترمة راحت لرئيس الوحدة المحلية و بحضور مفتش التموين و توجيه دعوة لأصحاب المستودعين اللي في بلدنا الأستاذ سمير إمام و الأستاذ عبد الفتاح خليل و حضور الأستاذ عبد الفتاح واستجابته للدعوة و تغيب الأستاذ سمير اللي تكفل رئيس الوحدة بإبلاغه شخصيا كل اللي تم الإتفاق عليه و هو كالتالي: 1- ممنوع منعا باتا توزيع الأنابيب ليلا و يقتصر التوزيع نهارا من الساعة السابعة صباحا إلى الثامنة مساءا.
2- لا يتم التوزيع إلا بحضور ممثلي الوحدة المحلية و مجموعة شبابية للمراقبة و ضمان التوزيع في الأوقات و بالأسعار المحددة و استلام الحصة اليومية كاملة 200 أنبوبة من كل مستودع.
3- تم الإتفاق على تحديد سعر ثابت للأنبوبة و هو أربع (4) جنيهات فقط لا غير لكل من يذهب إلى المستودع و الأولوية للأهالي ثم يبدأ التجار بالحصول على الأعداد المحددة لهم في النهاية على أن يتم البيع للأهالي في البيوت بـ ستة (6) جنيهات فقط لا غير.
حاليا بيتعمل جدول للحضور اليومي لضمان التوزيع بنفس الشكل علشان تنتهي الأزمة و ان حصة البلد نستلمها يوميا بالعدد و لا يبقى فيه بيع في سوق سودة للمفارخ و التجار و لا يبقى فيه بهدلة و مرمطة للناس و كل اللي مطلوب منك إسمك و رقم موبايلك و يوم واحد في الأسبوع ممكن تقف فيه ساعة أو ساعتين أو تلاتة بس الصبح بعد الساعة 7
و البداية السبت 25/2/2012 بإذن الله
شارك في حل الأزمة علشان نتخطاها و نحل غيرها واكتب هنا اليوم اللي هتتواجد فيه و رقمك أو ابعتهم على رسالة خاصة لو تحب و جزاك الله عنا كل خير | |
|
